Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Feb / 202126Friday

ശശികലയ്ക്കായി ചരടു വലിച്ച് ബിജെപി; തമിഴ്‌നാട്ടിൽ ചെലവാകില്ലെന്ന് അണ്ണാ ഡിഎംകെ

ശശികലയ്ക്കായി ചരടു വലിച്ച് ബിജെപി; തമിഴ്‌നാട്ടിൽ ചെലവാകില്ലെന്ന് അണ്ണാ ഡിഎംകെ

സ്വന്തം ലേഖകൻ

ചെന്നൈ: 27ന് ജയിൽ മോചിതയാകുന്ന ശശികലയ്ക്കായി ചരടു വലിച്ച് അണ്ണാ ഡിഎംകെ. ആർഎസ്എസ് ബൗദ്ധികാചാര്യൻ എസ്.ഗുരുമൂർത്തിയാണ് ശശികലയ്ക്കായി കരുനീക്കിയത്. 

ഡിഎംകെയെ തോൽപ്പിക്കാൻ വി.കെ.ശശികലയുമായി അണ്ണാ ഡിഎംകെ കൈകോർക്കണമെന്നാണ് ഗുരുമൂർത്തി തന്റെ പ്രസംഗത്തിൽ പറഞ്ഞത്. എന്നാൽ ഈ ബുദ്ധി തമിഴ്‌നാട്ടിൽ ചെലവാകില്ലെന്ന് അണ്ണാ ഡിഎംകെ തിരിച്ചടിച്ചു.

ബിജെപി ദേശീയ അധ്യക്ഷൻ ജെ.പി.നഡ്ഡയുടെ സാന്നിധ്യത്തിൽ, തുഗ്ലക്ക് മാസികയുടെ വാർഷികാഘോഷത്തിനായിരുന്നു പരാമർശം. ഗുരുമൂർത്തി സ്വയം ചാണക്യനായും കിങ് മേക്കറായും നടിക്കുകയാണെന്നും അതു തമിഴ്‌നാട്ടിൽ ചെലവാകില്ലെന്നും അണ്ണാ ഡിഎംകെ പ്രതികരിച്ചു. ശശികലയെ പ്രകീർത്തിക്കുന്നതിൽ നിന്നു നേതാക്കൾ വിട്ടു നിൽക്കണമെന്നും പാർട്ടി വക്താവും മന്ത്രിയുമായ ഡി. ജയകുമാർ ആവശ്യപ്പെട്ടു.

മുൻ മുഖ്യമന്ത്രി ജയലളിതയുടെ തോഴിയും അണ്ണാഡിഎംകെ മുൻ ജനറൽ സെക്രട്ടറിയുമായ ശശികല 27നു ജയിൽ മോചിതയാകാനിരിക്കെയാണ്, അവർക്കായി ബിജെപി ചരടുവലിക്കുന്നത്. അതേസമയം, ജയയുടെ മരണ ശേഷം ശശികല മുഖ്യമന്ത്രി സ്ഥാനത്തിനായി ശ്രമിച്ചപ്പോൾ, കലാപമുയർത്തി അണ്ണാഡിഎംകെ വിടാൻ ഒ.പനീർസെൽവത്തെ ഉപദേശിച്ചതു മൂർത്തിയായിരുന്നു. ശശികല ജയിലിലായ ശേഷമാകട്ടെ, പനീർസെൽവം വിഭാഗവും മുഖ്യമന്ത്രി എടപ്പാടി പളനിസാമിയുടെ നേതൃത്വത്തിലുള്ള പക്ഷവും ഒരുമിക്കാനും മുന്നിൽ നിന്നു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP