Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Feb / 202128Sunday

രാജ്യത്ത് മൂന്ന് ലക്ഷം പേർ ഇന്ന് വാക്‌സിൻ സ്വീകരിക്കും; മാസാവസാനത്തോടെ 25 ലക്ഷം പേരിലേക്ക് വാക്‌സിൻ എത്തിക്കാൻ സർക്കാർ: വാക്‌സിൻ 18 വയസ്സിന് മുകളിലുള്ളവർക്ക് മാത്രം

രാജ്യത്ത് മൂന്ന് ലക്ഷം പേർ ഇന്ന് വാക്‌സിൻ സ്വീകരിക്കും; മാസാവസാനത്തോടെ 25 ലക്ഷം പേരിലേക്ക് വാക്‌സിൻ എത്തിക്കാൻ സർക്കാർ: വാക്‌സിൻ 18 വയസ്സിന് മുകളിലുള്ളവർക്ക് മാത്രം

സ്വന്തം ലേഖകൻ

ന്യൂഡൽഹി: രാജ്യത്ത് മൂന്ന് ലക്ഷം പേർ ഇന്ന് വാക്‌സിൻ സ്വീകരിക്കും. ആരോഗ്യ പ്രവർത്തകർക്കാണ് ഇന്ന് വാക്‌സിനേഷൻ നൽകുന്നത്. ഈ മാസം അവസാനത്തോടെ 25 ലക്ഷം പേരിലേക്ക് വാക്‌സീൻ എത്തിക്കാൻ കഴിയുമെന്നാണ് സർക്കാർ കണക്ക് കൂട്ടുന്നത്.അതേസമയം ഏതെങ്കിലും രോഗബാധയുള്ളവർ തൽക്കാലത്തേക്ക് വാക്‌സിനെടുക്കാൻ പാടില്ല. രോഗമുക്തി നേടി നാലു മുതൽ എട്ട് ആഴ്ചയ്ക്കു ശേഷമേ വാക്‌സീൻ സ്വീകരിക്കാവൂ.

തീവ്രപരിചരണ വിഭാഗത്തിലാണെങ്കിലും അല്ലെങ്കിലും ഗുരുതര രോഗം ബാധിച്ച് ആശുപത്രിയിൽ കഴിയുന്നവർ തൽക്കാലത്തേക്കു വാക്‌സീനെടുക്കരുതെന്ന് ആരോഗ്യമന്ത്രാലയം അറിയിച്ചു. കോവിഡ് ലക്ഷണങ്ങളുള്ളവർ, കോവിഡ് ബാധിച്ചതിനു പിന്നാലെ, പ്ലാസ്മ തെറപ്പി, മോണോക്ലോണൽ ആന്റിബോഡി ചികിത്സ എന്നിവ തേടിയവർ തുടങ്ങിയവരും ഈ രീതി തുടരണം. അതേസമയം വാക്‌സീൻ സ്വീകരിക്കുന്നവർ സ്വീകരിക്കേണ്ട ജാഗ്രതാ നടപടികൾ ആരോഗ്യ മന്ത്രാലയം വ്യക്തമാക്കി.

18 വയസ്സിനു മുകളിലുള്ളവർക്കു മാത്രമാണ് വാക്‌സീൻ. ഗർഭിണികളും മുലയൂട്ടുന്നവരും വാക്‌സീൻ സ്വീകരിക്കരുത്. ഗുരുതര അലർജിയുള്ളവർക്കും ആദ്യ ഡോസ് സ്വീകരിച്ചപ്പോൾ അലർജിയുണ്ടായവർക്കും രണ്ടാം ഡോസെടുക്കുമ്പോഴും പ്രശ്‌നമുണ്ടാകാം. വാക്‌സീൻ സ്വീകരിക്കുന്നവർ മറ്റെന്തെങ്കിലും രോഗങ്ങൾക്കുള്ള വാക്‌സീൻ എടുക്കുന്നുണ്ടെങ്കിൽ 14 ദിവസത്തെ വ്യത്യാസം ഉറപ്പാക്കണം.

രക്തസ്രാവം, രക്തത്തിൽ പ്ലേറ്റ്‌ലെറ്റ്‌സ് കുറയുന്ന അവസ്ഥ എന്നിവയുള്ളവർ പ്രത്യേക ശ്രദ്ധയോടെ വേണം വാക്‌സീൻ നൽകാൻ. ഏതു വാക്‌സീൻ സ്വീകരിക്കണമെന്നതു ഗുണഭോക്താവിനു നിശ്ചയിക്കാനാകില്ല. ആദ്യഡോസ് സ്വീകരിച്ച കമ്പനിയുടേതുതന്നെയായിരിക്കണം രണ്ടാമത്തേതും. നേരത്തെ കോവിഡ് ബാധിച്ചവർ, ഹൃദ്രോഗം, നാഡീസംബന്ധമായ പ്രശ്‌നങ്ങൾ, ശ്വാസകോശ രോഗങ്ങൾ, വൃക്ക തകരാർ തുടങ്ങിയവ ഉള്ളവർക്കും വാക്‌സീൻ പ്രശ്‌നമാകില്ല. എന്നാൽ, പ്രതിരോധശേഷി കാര്യമായി കുറവുള്ളവർ, എയ്ഡ്‌സ് ബാധിതർ തുടങ്ങിയവരിൽ വാക്‌സീന്റെ പ്രതികരണം കുറയാം.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP