Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Oct / 202022Thursday

കോവിഡ് ബാധിച്ച് മരിച്ച 71കാരന്റെ മൃതദേഹം ഐസ്‌ക്രീം ഫ്രീസറിൽ സൂക്ഷിച്ച് കുടുംബം; മൃതദേഹം മൂന്ന് ദിവസം വീട്ടിൽ സൂക്ഷിക്കേണ്ടി വന്നത് പൊലീസും ആരോഗ്യ വകുപ്പും കയ്യൊഴിഞ്ഞതോടെ

കോവിഡ് ബാധിച്ച് മരിച്ച 71കാരന്റെ മൃതദേഹം ഐസ്‌ക്രീം ഫ്രീസറിൽ സൂക്ഷിച്ച് കുടുംബം; മൃതദേഹം മൂന്ന് ദിവസം വീട്ടിൽ സൂക്ഷിക്കേണ്ടി വന്നത് പൊലീസും ആരോഗ്യ വകുപ്പും കയ്യൊഴിഞ്ഞതോടെ

സ്വന്തം ലേഖകൻ

കൊൽക്കത്ത: കോവിഡ് ബാധിച്ച് മരിച്ച വയോധികന്റെ മൃതദേഹം വീട്ടിൽ സൂക്ഷിച്ചത് മൂന്ന് ദിവസം. മൃതദേഹം സംസ്‌ക്കരിക്കാൻ അധികൃതരുടെ സഹായം ലഭിക്കാതെ വന്നതോടെ ഐസ്‌ക്രീം ഫ്രീസർ വാങ്ങിയാണ് 71കാരനായ വയോധികന്റെ മൃതദേഹം വീട്ടൂകാർ സൂക്ഷിച്ചത്. ബംഗാൾ തലസ്ഥാനമായ കൊൽക്കത്ത നഗരമധ്യത്തിൽ രാജാ റാംമോഹൻ റോയ് സരണിയിലാണ് സംഭവം. ്വാസ സംബന്ധമായ പ്രശ്‌നങ്ങളെത്തുടർന്നാണ് തിങ്കളാഴ്ച വയോധികൻ മരിച്ചത് പിന്നാലെ ഇയാൾക്ക് കോവിഡ് പോസിറ്റീവാണെന്ന റിപ്പോർട്ടും വന്നു. എന്നാൽവേണ്ട വേണ്ട നടപടിികൾ എഠുക്കാനോ മൃതദേഹം സംസ്‌ക്കരിക്കാനോ അധികൃതർ എത്തിയില്ല. ഇതോടെ എന്ത് ചെയ്യണമെന്ന് അറിയാതെ വലഞ്ഞ വീട്ടുകാർ ഐസ്‌ക്രീം ഫ്രീസർ വാങ്ങി മൃതദേഹം അതിലേക്ക് മാറ്റുക ആിരുന്നു.യ

പ്രദേശത്തെ കൗൺസിലറും പൊലീസും ആരോഗ്യ വകുപ്പും കയ്യൊഴിഞ്ഞതോടെയാണ് വയോധികന്റെ മൃതദേഹം വീട്ടിലെ ഫ്രീസറിൽ സൂക്ഷിക്കേണ്ടി വന്നത്. ബംഗാൾ തലസ്ഥാനമായ കൊൽക്കത്ത നഗരമധ്യത്തിൽ രാജാ റാംമോഹൻ റോയ് സരണിയിലെ വീട്ടിൽവച്ച് ശ്വാസ സംബന്ധമായ പ്രശ്‌നങ്ങളെത്തുടർന്നാണ് തിങ്കളാഴ്ച വയോധികൻ അന്തരിച്ചത്. അന്നു രാവിലെ തീരെ സുഖമില്ലാതായ വയോധികനെ ചികിത്സിക്കാനെത്തിയ ഡോക്ടർ ഇദ്ദേഹത്തോട് കോവിഡ് പരിശോധനയ്ക്കു വിധേയനാകണമെന്ന് ആവശ്യപ്പെട്ടിരുന്നു. ഇദ്ദേഹം പരിശോധനയ്ക്കു വിധേയനാകുകയും ചെയ്തു. എന്നാൽ അന്ന് ഉച്ചകഴിഞ്ഞതോടെ സ്ഥിതി മോശമാകുകയും അദ്ദേഹം വീട്ടിൽവച്ചുതന്നെ മരിക്കുകയുമായിരുന്നു.

വിവരം അറിയിച്ചതിനെത്തുടർന്ന് പിപിഇ കിറ്റ് ധരിച്ച് ഡോക്ടർ വീട്ടിലെത്തിയെങ്കിലും മരണ സർട്ടിഫിക്കറ്റ് നൽകാൻ വിസമ്മതിച്ചു. കോവിഡ് കേസ് ആയതിനാൽ പൊലീസ് സ്റ്റേഷനിൽ അറിയിക്കണമെന്ന് ആവശ്യപ്പെടുകയായിരുന്നു. പൊലീസ് കുടുംബത്തോട് സ്ഥലത്തെ കൗൺസിലറെ ബന്ധപ്പെടാൻ നിർദേശിച്ചു. കൗൺസിലർ ആരോഗ്യവകുപ്പിനെ ബന്ധപ്പെടാനും പറഞ്ഞു. എന്നാൽ കുടുംബത്തിന് ഒരു സഹായം ചെയ്യാൻ പോലും ആരും തയാറായില്ല.

ആരോഗ്യ വകുപ്പിന്റെ ഹെൽപ്ലൈൻ നമ്പറിൽ വിളിച്ചെങ്കിലും ആരും പ്രതികരിച്ചില്ല. തുടർന്ന് മൃതദേഹം സൂക്ഷിക്കാൻ മോർച്ചറികളെ സമീപിച്ചെങ്കിലും കോവിഡ് സംശയമുള്ളതിനാൽ ആരും സ്വീകരിക്കാൻ തയാറായില്ല. ഇതേത്തുടർന്നാണ് ഐസ്‌ക്രീം ഫീസർ വാങ്ങി അതിൽ മൃതദേഹം സൂക്ഷിച്ചത്. ചൊവ്വാഴ്ച രാവിലെയാണ് കുടുംബം ഐസ്‌ക്രീം ഫ്രീസറെത്തിച്ച് മൃതദേഹം അതിലേക്കു മാറ്റിയത്. ഇതിനുപിന്നാലെ രാത്രി ഫലം വന്നപ്പോൾ കോവിഡ് പോസിറ്റീവ് ആണെന്നു തെളിഞ്ഞതോടെ ആരോഗ്യവകുപ്പിനെ അറിയിച്ചു. എന്നാൽ ുധനാഴ്ച രാവിലെയാണ് ആരോഗ്യവകുപ്പിൽനിന്നു വിളി വന്നത്.

ഒരു മണിക്കൂറിനുള്ളിൽ കൊൽക്കത്ത മുനിസിപ്പൽ കോർപ്പറേഷൻ ജീവനക്കാർ വന്ന് മൃതദേഹം കോവിഡ് മാനദണ്ഡപ്രകാരമുള്ള സംസ്‌കാരത്തിനായി കൊണ്ടുപോയി. 48 മണിക്കൂറുകൾക്കു ശേഷം ബുധനാഴ്ച വൈകിട്ട് മൂന്നോടെയാണ് അധികൃതർ മൃതദേഹം മാറ്റുന്നത്. പിന്നീട് രണ്ടു മണിക്കൂറുകൾ കഴിഞ്ഞാൺ 71കാരൻ താമസിച്ച കെട്ടിടം അണുവിമുക്തമാക്കിയത്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP