Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Oct / 202031Saturday

മകളുടെ വിവാഹത്തിനായി ഒരുക്കങ്ങൾ നടത്താൻ പരോൾ അനുവദിക്കണം; രാജീവ് ഗാന്ധി വധക്കേസ് പ്രതി നളിനിയുടെ ഹർജി മദ്രാസ് ഹൈക്കോടതിയിൽ; നളിനിയുടെ അപേക്ഷ ആറു മാസത്തെ പരോളിന്; ഹർജി തിങ്കളാഴ്ച പരിഗണിക്കും

മകളുടെ വിവാഹത്തിനായി ഒരുക്കങ്ങൾ നടത്താൻ പരോൾ അനുവദിക്കണം; രാജീവ് ഗാന്ധി വധക്കേസ് പ്രതി നളിനിയുടെ ഹർജി മദ്രാസ് ഹൈക്കോടതിയിൽ; നളിനിയുടെ അപേക്ഷ ആറു മാസത്തെ പരോളിന്; ഹർജി തിങ്കളാഴ്ച പരിഗണിക്കും

ചെന്നൈ: രാജീവ്ഗാന്ധി വധക്കേസിലെ പ്രതി നളിനി പരോൾ അനുവദിക്കണമെന്ന് ആവശ്യപ്പെട്ട് മദ്രാസ് ഹൈക്കോടതിയിൽ ഹർജി നൽകി. ലണ്ടനിൽ താമസിക്കുന്ന മകളുടെ വിവാഹത്തിന്റെ മുന്നൊരുക്കങ്ങൾക്കായി പരോൾ അനുവദിക്കണമെന്നാണ് ആവശ്യം. മുത്തച്ഛനും മുത്തശ്ശിക്കുമൊപ്പമാണ് നളിനിയുടെ മകൾ ലണ്ടനിൽ കഴിയുന്നത്.

വെല്ലൂർ സെൻട്രൽ ജെയിലിൽ ജീവപര്യന്തം തടവുശിക്ഷ അനുഭവിക്കുകയാണ് നളിനി. രണ്ട് വർഷത്തിലൊരിക്കൽ പരോൾ അനുവദിച്ചിട്ടുള്ള നളിനി കഴിഞ്ഞ 26 വർഷത്തിനിടയിൽ ഒരിക്കൽ പോലും ജയിലിനു പുറത്തിറങ്ങിയിട്ടില്ല. അതിനാൽ തനിക്ക് ആറുമാസം പരോൾ അനുവദിക്കണമെന്നാവശ്യപ്പെട്ടാണ് അപേക്ഷ നൽകിയിരിക്കുന്നത്. നളിനിയുടെ ഹർജി തിങ്കളാഴ്ച പരിഗണിച്ചേക്കും. ജെയിൽ ഐജി, തമിഴ്‌നാട് മുഖ്യമന്ത്രി എന്നിവർക്ക് അപേക്ഷ നൽകിയിട്ടും മാസങ്ങളായി തീരുമാനമൊന്നും ആകാത്തതിനെ തുടർന്നാണ് ഹൈക്കോടതിയെ സമീപിക്കാൻ നളിനി തീരുമാനിച്ചത്.

1991 ലാണ് നളിനി ഉൾപ്പെടുന്ന എൽടിടിഇ സംഘം ചാവേറാക്രമണത്തിലൂടെ അന്നത്തെ പ്രധാനമന്ത്രി രാജീവ് ഗാന്ധിയെ വധിച്ചത്. തുടർന്ന് നളിനി ഉൾപ്പെടെ അഞ്ചുപേർക്ക് വധശിക്ഷ വിധിച്ചു. എന്നാൽ നളിനിയുടെ വധശിക്ഷ പിന്നീട് ജീവപര്യന്തമാക്കി.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP