വീണ്ടും അച്ഛനാകാനൊരുങ്ങി ധോണി; സാക്ഷി ഗർഭിണിയെന്ന് സ്ഥീരികരിച്ച് റെയ്‌നയുടെ ഭാര്യ; ആശ...

വീണ്ടും അച്ഛനാകാനൊരുങ്ങി ധോണി; സാക്ഷി ഗർഭിണിയെന്ന് സ്ഥീരികരിച്ച് റെയ്‌നയുടെ ഭാര്യ; ആശംസകളുമായി ആരാധകർ

October 17, 202105:53 AM IST Permalink

മറുനാടൻ മലയാളി ബ്യൂറോ

ദുബായ്: മുൻ ഇന്ത്യൻ ക്യാപ്റ്റനും ചെന്നൈ സൂപ്പർ കിങ്സ് നായകനുമായ എം.എസ് ധോനി വീണ്ടും അച്ഛനാകാനൊരുങ്ങുന്നു. ധോനിയുടെ ഭാര്യ സാക്ഷി ഗർഭിണിയാണെന്നാണ് പുറത്തുവരുന്ന റിപ്പോർട്ടുകൾ.ഐപിഎൽകിരീട വിജയത്തിനു ശേഷം ചെന്നൈ താരങ്ങളുടെ ഭാര്യമാരും കുട്ടികളുമെല്ലാം മൈതാനത്തിറങ്ങിയിരുന്നു. ധോനിയുടെ ഭാര്യ സാക്ഷിയും അഞ്ചു വയസുകാരി മകൾ സിവയും താരത്തെ കെട്ടിപ്പിടിക്കുന്ന ചിത്രം സോഷ്യൽ മീഡിയയിൽ വൈറലാകുകയും ചെയ്തിരുന്നു.

മൈതാനത്തിറങ്ങിയ സാക്ഷി അയഞ്ഞ മഞ്ഞ നിറത്തിലുള്ള വസ്ത്രമാണ് ധരിച്ചിരുന്നത്. ഇതോടെയാണ് അവർ ഗർഭിണിയാണെന്ന സംശയം ഉയർന്നത്. ഒടുവിൽ സുരേഷ് റെയ്നയുടെ ഭാര്യ പ്രിയങ്ക ഈ വിവരം സ്ഥിരീകരിച്ചതായി ചില മാധ്യമങ്ങളാണ് റിപ്പോർട്ട് ചെയ്തത്. ആറു വയസ്സുകാരിയായ സിവയാണ് ധോണിസാക്ഷി ദമ്പതികളുടെ ആദ്യത്തെ കൺമണി.

ധോണിയും സാക്ഷിയും രണ്ടാമത്തെ കുഞ്ഞിനെ കാത്തിരിക്കുകയാണെന്ന വാർത്ത പുറത്തുവന്നതോടെ സമൂഹമാധ്യമങ്ങളിൽ ആശംസകളുടെ പ്രളയമാണ്. ഒട്ടേറെപ്പേരാണ് ധോണിയെയും സാക്ഷിയേയും അഭിനന്ദിച്ച് രംഗത്തെത്തിയത്.2010 ജൂലായിലായിരുന്നു ധോനിയും സാക്ഷിയും തമ്മിലുള്ള വിവാഹം. 2015 ഫെബ്രുവരിയിലാണ് ഇരുവർക്കും സിവ ജനിക്കുന്നത്. സോഷ്യൽ മീഡിയയിൽ ഏറെ ആരാധകരുള്ള താരമാണ് സിവ.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: