Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jan / 202330Monday

'ബീഫ് സ്റ്റാളുണ്ടെങ്കിൽ തറക്കല്ലിടാൻ വരില്ല'; മംഗളൂരുവിൽ മാർക്കറ്റിൽ ബീഫ് സ്റ്റാളുകൾ സ്ഥാപിക്കാൻ അനുവദിക്കില്ലെന്ന് എംഎ‍ൽഎ; ബീഫ് സ്റ്റാളുള്ള മാർക്കറ്റ് തുറക്കാനുള്ള പദ്ധതി ഉപേക്ഷിക്കണമെന്ന് വി.എച്ച്.പി യും

'ബീഫ് സ്റ്റാളുണ്ടെങ്കിൽ തറക്കല്ലിടാൻ വരില്ല'; മംഗളൂരുവിൽ മാർക്കറ്റിൽ ബീഫ് സ്റ്റാളുകൾ സ്ഥാപിക്കാൻ അനുവദിക്കില്ലെന്ന് എംഎ‍ൽഎ; ബീഫ് സ്റ്റാളുള്ള മാർക്കറ്റ് തുറക്കാനുള്ള പദ്ധതി ഉപേക്ഷിക്കണമെന്ന് വി.എച്ച്.പി യും

മറുനാടൻ മലയാളി ബ്യൂറോ

മംഗളൂരു:മംഗളൂരു നഗരത്തിലെ ബീഫ് സ്റ്റാൾ തുറക്കാനുള്ള പദ്ധതിക്കെതിരെ എംഎ‍ൽഎ യും വിശ്വ ഹിന്ദു പരിഷത്തും രംഗത്ത്.നിർദിഷ്ട സെൻട്രൽ മാർക്കറ്റ് കെട്ടിടത്തിൽ ബീഫ് സ്റ്റാളുകൾ സ്ഥാപിക്കാനുള്ള നിർദ്ദേശം ഉപേക്ഷിക്കണമെന്ന് വിഎച്ച്പി ജില്ലാ ഘടകം ആവശ്യപ്പെട്ടു. സിറ്റി സൗത്ത് എംഎൽഎ വേദവ്യാസ കാമത്ത്,എംസിസി കമ്മീഷണർ,മംഗളൂരു സ്മാർട്ട് സിറ്റി ലിമിറ്റഡ് എംഡി എന്നിവരോടാണ് വിഎച്ച്പി ആവശ്യമുന്നയിച്ചത്.ഇതിന് മറുപടിയായയി മാർക്കറ്റിൽ ബീഫ് സ്റ്റാൾ തുറക്കാനുള്ള പദ്ധതിയാണെങ്കിൽ അതിന്റെ തറക്കല്ലിടൽ ചടങ്ങിൽ താൻ പങ്കെടുക്കില്ലെന്നും എംഎൽഎ വേദവ്യാസ കാമത്തും അറിയിച്ചു.

പുതിയ സെൻട്രൽ മാർക്കറ്റ് കെട്ടിടത്തിൽ ബീഫ് സ്റ്റാളുകൾ അനുവദിക്കില്ല.സംസ്ഥാനത്തെ ഗോവധ നിരോധന നിയമപ്രകാരം ബീഫ് സ്റ്റാളുകൾ അനുവദിക്കില്ല.പദ്ധതി തയ്യാറാക്കിയപ്പോൾ സംസ്ഥാനത്ത് കശാപ്പ് നിരോധന നിയമമുണ്ടായിരുന്നില്ലെന്നും എംഎൽഎ പറഞ്ഞു.പഴയ സെൻട്രൽ മാർക്കറ്റിന് പകരം 114 കോടി രൂപ ചെലവിൽ പുതിയ മാർക്കറ്റ് നിർമ്മിക്കുന്നതിനുള്ള പദ്ധതിയുണ്ടെന്നും എംഎൽഎ തന്റെ ഫേസ്‌ബുക്ക് പോസ്റ്റിൽ വ്യക്തമാക്കി.

അനധികൃത അറവുശാല, ഗോവധം എന്നിവ ജില്ലയിൽ വർഷങ്ങളായി തുടരുകയാണ്.അനധികൃത അറവുശാലകൾ വഴിയാണ് ജില്ലയിൽ ബീഫ് വിൽപന നടക്കുന്നത്.ബീഫ് സ്റ്റാളുകൾ സ്ഥാപിച്ചാൽ അനധികൃത കശാപ്പുശാലകളിൽ കൂടുതൽ കാലികളെ കശാപ്പ് ചെയ്യാൻ സാധ്യതയുണ്ട്. ഇത് കൂടുതൽ പ്രശ്‌നങ്ങൾക്ക് കാരണമാകും.ബീഫ് സ്റ്റാളുകൾ സ്ഥാപിക്കാനുള്ള നിർദ്ദേശം ഉടൻ പിൻവലിക്കണമെന്നുമാണ് നിവേദനത്തിൽ വിഎച്ച്പി ജില്ലാ പ്രസിഡന്റ് ഗോപാൽ കുത്താർ, സെക്രട്ടറി ശിവാനന്ദ് മെൻഡൻ എന്നിവർ ആവശ്യപ്പെട്ടത്.

അതേസമയം, പുതിയ മാർക്കറ്റിന് തറക്കല്ലിട്ടിട്ടില്ലെന്ന് മംഗളൂരു മേയർ ജയാനന്ദ് അഞ്ചൻ പറഞ്ഞു.പഴയ കെട്ടിടത്തിൽ പ്രവർത്തിച്ചിരുന്ന ഇറച്ചിക്കടകളുടെ അടിസ്ഥാനത്തിലാണ് സ്റ്റാളുകൾക്കായി പ്ലാൻ തയ്യാറാക്കിയതെന്നും അദ്ദേഹം പറഞ്ഞു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP