Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202425Thursday
ഹോം വാർത്ത ഇന്ത്യ

18 മാസം പ്രായമുള്ള കുരുന്നിനെ ക്രൂരമായി ബലാത്സംഗം ചെയ്ത അമ്മാവൻ അറസ്റ്റിൽ; ആഗ്രയിലെ വിവാഹ വീട്ടിൽ വച്ച് തട്ടിയെടുത്ത കുട്ടിയെ ആളൊഴിഞ്ഞ സ്ഥലത്ത് വച്ച് പീഡിപ്പിച്ചു; വീട്ടുകാരുടെ തിരച്ചിലിനൊടുവിൽ കുരുന്നിനെ കണ്ടെത്തിയത് കുറ്റിക്കാട്ടിൽ രക്തം വാർന്നൊഴുകി ബോധമില്ലാത്ത അവസ്ഥയിൽ

May 11, 201907:57 AM IST Permalink
18 മാസം പ്രായമുള്ള കുരുന്നിനെ ക്രൂരമായി ബലാത്സംഗം ചെയ്ത അമ്മാവൻ അറസ്റ്റിൽ; ആഗ്രയിലെ വിവാഹ വീട്ടിൽ വച്ച് തട്ടിയെടുത്ത കുട്ടിയെ ആളൊഴിഞ്ഞ സ്ഥലത്ത് വച്ച് പീഡിപ്പിച്ചു; വീട്ടുകാരുടെ തിരച്ചിലിനൊടുവിൽ കുരുന്നിനെ കണ്ടെത്തിയത് കുറ്റിക്കാട്ടിൽ രക്തം വാർന്നൊഴുകി ബോധമില്ലാത്ത അവസ്ഥയിൽ

മറുനാടൻ ഡെസ്‌ക്‌

ആഗ്ര(യു.പി): കൈക്കുഞ്ഞിനെ ബലാത്സംഗം ചെയ്ത കേസിൽ അകന്ന ബന്ധുവിനെ പൊലീസ് അറസ്റ്റ് ചെയ്തു. യുപിയിലെ ആഗ്രയിലാണ് നടുക്കുന്ന സംഭവം അരങ്ങേറിയത്. വിവാഹ സത്കാരം നടക്കുന്നതിനിടെ 18 മാസം മാത്രം പ്രായമുള്ള കുരുന്നിനെ അകന്ന ബന്ധുവായ അമ്മാവൻ ബലാത്സംഗം ചെയ്യുകയായിരുന്നുവെന്നാണ് പരാതി ഉയരുന്നത്. അമ്മയോടൊപ്പം വിവാഹസത്കാരത്തിൽ പങ്കെടുക്കാനെത്തിയതായിരുന്നു കുരുന്ന്.

ഇവരുടെ ശ്രദ്ധ തെറ്റിച്ച് കുട്ടിയുമായി കടന്ന പ്രതി ആളൊഴിഞ്ഞ സ്ഥലത്ത് വച്ച് പീഡിപ്പിക്കുകയായിരുന്നു. രണ്ടു മണിക്കൂറിന് മുകളിൽ കുഞ്ഞിനെ കാണാതായതിന് പിന്നാലെ ബന്ധുക്കൾ തിരഞ്ഞിറങ്ങിയിരുന്നു. ഇതോടെയാണ് കുറ്റിക്കാറ്റിൽ അബോധാവസ്ഥയിൽ കുട്ടിയെ കണ്ടെടുത്തത്.

കുട്ടിയുടെ ശരീരത്തിൽ നിന്നും രക്തം വാർന്നൊഴുകുന്ന അവസ്ഥയിലായിരുന്നെന്നും സൂചനയുണ്ട്. ഉടൻ തന്നെ കുഞ്ഞിനെ ആശുപത്രിയിലേക്ക് മാറ്റി. പ്രദേശവാസികൾ വിവരം അറിയിച്ചതിനെ തുടർന്ന് സംഭവ സ്ഥലത്തെത്തിയ പൊലീസ് അമ്മാവനെ പോക്‌സോ ഉൾപ്പെടെയുള്ള വകുപ്പുകൾ ചുമത്തി അറസ്റ്റ് ചെയ്തു.

രാജ്യത്ത് പോക്‌സോ കേസുകൾ വർധിക്കുന്നു

രാജ്യത്ത് പോക്‌സോ കേസുകൾ വർധിക്കുന്നതായി സൂചന. മിക്ക സംസ്ഥാനങ്ങളിലേയും പൊലീസ് സ്‌റ്റേഷനുകളിൽ ഓരോ മാസവും കേസുകളുടെ എണ്ണം പെരുകുന്തോറും ഇതു പരിഹരിക്കുന്നതിനാവശ്യമായ നടപടികൾ കാര്യക്ഷമമല്ലെന്ന് പരാതിയും ഉയരുകയാണ്. പോക്സോ ആക്ട് നിലവിൽ വന്നശേഷം ഇത്തരം സംഭവങ്ങളിൽ നടപടി എടുക്കാൻ വൈകുന്നതായാണ് പരാതി ഉയരുന്നത്.

കഴിഞ്ഞ വർഷത്തെ കണക്ക് പ്രകാരം രാജ്യത്ത് 1,12,628 പോക്സോ കേസുകളാണ് കെട്ടിക്കിടക്കുന്നത്. ഏറ്റവും കൂടുതൽ പോക്സോ കേസുകൾ ഉള്ളത് ഉത്തർപ്രദേശിലാണ്. ഇവിടെ 30,883 പോക്സോ കേസുകളാണ് തീർപ്പാക്കാനായിട്ടുള്ളത്. മാനക്കേട് മൂലമാണ് ഇത്തരം സംഭവങ്ങൾ ആരും പുറത്ത് പറയാത്തതെന്നും 8 മുതൽ 16 വയസ്സുവരെയുള്ള കുട്ടികളാണ് അതിക്രമങ്ങൾക്ക് കൂടുതലായും ഇരയാകുന്നതെന്ന് ബാലാവകാശ കമ്മിഷന്റെ കണക്കുകൾ വ്യക്തമാക്കുന്നു.

ബാലാവകാശ കമ്മിഷൻ നടത്തിയ സർവ്വേയിൽ ബന്ധുക്കളിൽ നിന്നുമാണ് കൂടുതൽ കുട്ടികളും പീഡനത്തിനിരയായിരിക്കുന്നത്. കേസുകൾ ഒതുക്കിത്തീർക്കുവാൻ വീട്ടുകാരും ബന്ധുക്കളും പലപ്പോഴും ശ്രമിക്കാറുണ്ട്.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP