Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202109Tuesday

പ്രസവത്തിന് പോയ ഭാര്യ തിരികെ വന്നില്ല; ഭാര്യവീടിന് തീയിട്ട് യുവാവ്; പ്രതിയെ അറസ്റ്റ് ചെയ്ത് പൊലീസും

പ്രസവത്തിന് പോയ ഭാര്യ തിരികെ വന്നില്ല; ഭാര്യവീടിന് തീയിട്ട് യുവാവ്; പ്രതിയെ അറസ്റ്റ് ചെയ്ത് പൊലീസും

മറുനാടൻ ഡെസ്‌ക്‌

കാൻപുർ: ഭാര്യവീടിന് തീയിട്ട യുവാവിനെ പൊലീസ് പിടികൂടി. ഉത്തർപ്രദേശിലെ കാൻപുരിലാണ് സംഭവം. ഹാർദോയി സ്വദേശിയും ഡ്രൈവറുമായ മുകേഷ് കുമാറാണ് അറസ്റ്റിലായത്. പ്രസവത്തിന് ശേഷം ഭാര്യ തിരികെവരാത്തതാണ് യുവാവിനെ പ്രകോപിപ്പിച്ചത്. അ​ഗ്നിബാധയെ തുടർന്ന് ഏഴുപേർക്ക് പൊള്ളലേറ്റിരുന്നു.

വെള്ളിയാഴ്ച രാവിലെയാണ് മുകേഷ് കുമാർ ഭാര്യ മനീഷയുടെ വീടിന് തീയിട്ടത്. പ്രസവത്തിന് ശേഷം ഭാര്യ തിരികെവരാതിരുന്നതാണ് മുകേഷ് കുമാറിനെ ആക്രമണത്തിന് പ്രേരിപ്പിച്ചതെന്നാണ് പൊലീസ് പറയുന്നത്. വെള്ളിയാഴ്ച ഭാര്യവീട്ടിലെത്തിയ ഇയാൾ ഭാര്യയോട് കൂടെവരാൻ ആവശ്യപ്പെട്ടു. എന്നാൽ ഭർത്താവിനൊപ്പം പോകാൻ മനീഷ തയ്യാറായില്ല. ഇതോടെ പ്രകോപിതനായ മുകേഷ് കുമാർ പെട്രോൾ ഒഴിച്ച് വീടിന് തീവെയ്ക്കുകയായിരുന്നു.

ജൂഹി പൊലീസ് സ്‌റ്റേഷൻ പരിധിയിലായിരുന്നു സംഭവം. തീപ്പിടിത്തത്തിൽ മനീഷയും മാതാപിതാക്കളും ഉൾപ്പെടെ ഏഴ് പേർക്ക് പൊള്ളലേറ്റിരുന്നു. ഇവരുടെ കുഞ്ഞ് അത്ഭുതകരമായി രക്ഷപ്പെട്ടു. പൊള്ളലേറ്റ ഏഴ് പേരെയും ഊർസാല ഹോഴ്‌സ്മാൻ ആശുപത്രിയിലാണ് പ്രവേശിപ്പിച്ചിരിക്കുന്നത്. ഇതിൽ ചിലരുടെ ആരോഗ്യനില ഗുരുതരമായി തുടരുകയാണ്. സംഭവത്തിന് ശേഷം രക്ഷപ്പെടാൻ ശ്രമിച്ച ഇയാളെ ബസ് സ്റ്റാൻഡിൽനിന്നാണ് പിടികൂടിയതെന്ന് പൊലീസ് പറഞ്ഞു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP