ജമ്മു കശ്മീർ വിഷയങ്ങൾ ചർച്ച ചെയ്യാൻ സർവ്വകക്ഷി യോഗം വ്യാഴാഴ്ച; പങ്കെടുക്കുമെന്ന് ഗുപ്കാർ സഖ്യവും കോൺഗ്രസും

June 22, 202111:13 PM IST Permalink

ന്യൂസ് ഡെസ്‌ക്‌

ന്യൂഡൽഹി: ജമ്മു കശ്മീർ വിഷയങ്ങൾ ചർച്ച ചെയ്യാൻ പ്രധാനമന്ത്രി നരേന്ദ്ര മോദി വിളിച്ചു ചേർക്കുന്ന സർവ്വകക്ഷി യോഗത്തിൽ പങ്കെടുക്കുമെന്ന് ഗുപ്കാർ സഖ്യവും കോൺഗ്രസും. കശ്മീരിലെ പതിനാല് രാഷ്ട്രീയ പാർട്ടി നേതാക്കൾക്ക് വ്യാഴാഴ്ചത്തെ യോഗത്തിലേക്ക് ക്ഷണമുണ്ട്.

സോണിയ ഗാന്ധി അധ്യക്ഷയായ യോഗത്തിൽ, പങ്കെടുക്കാൻ തീരുമാനമായതായി കോൺഗ്രസ് ജമ്മു കശ്മീർ വക്താവ് രവീന്ദർ ശർമ പറഞ്ഞു. ജമ്മു കശ്മീരിന്റെ പ്രത്യേക പദവി പുനഃസ്ഥാപിക്കണമെന്ന ആവശ്യവുമായി രൂപീകരിച്ച ഗുപ്കാർ സഖ്യവും യോഗത്തിൽ പങ്കെടുക്കുമെന്ന് അറിയിച്ചിട്ടുണ്ട്.

തങ്ങൾക്ക് പ്രധാനമന്ത്രിയുടെ ഭാഗത്തുനിന്ന് ക്ഷണം ലഭിച്ചിട്ടുണ്ടെന്നും യോഗത്തിൽ പങ്കെടുക്കുമെന്നും ഗുപ്കാർ സഖ്യത്തിന്റെ അധ്യക്ഷൻ ഫറൂഖ് അബ്ദുള്ള അറിയിച്ചു. പ്രധാനമന്ത്രി നരേന്ദ്ര മോദിയോടും ആഭ്യന്തര മന്ത്രി അമിത് ഷായോടും വിഷയത്തിൽ തങ്ങളുടെ നിലപാട് വ്യക്തമാക്കുമെന്നും അദ്ദേഹം കൂട്ടിച്ചേർത്തു.

ആർട്ടിക്കിൽ 370 റദ്ദാക്കിയതിന് ശേഷം, കേന്ദ്രസർക്കാർ വിളിച്ചു ചേർക്കുന്ന ആദ്യത്തെ സർവകക്ഷി യോഗമാണിത്. കശ്മീരിന് സംസ്ഥാന പദവി നൽകുന്ന പ്രഖ്യാപനം പ്രധാനമന്ത്രി നടത്തുമെന്നാണ് സൂചന.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: