Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Nov / 202024Tuesday

അർദ്ധരാത്രിയിൽ കാണാതായ പെൺകുട്ടി കാമുകന്റെ വീട്ടിൽ; പിതാവ് നാട്ടുകാരുടെ മുന്നിലിട്ട് 18 കാരിയെ മഴുവിന് വെട്ടി കൊലപ്പെടുത്തി; ഉത്തർപ്രദേശിനെ നടുക്കി ദുരഭിമാന കൊലപാതകം

അർദ്ധരാത്രിയിൽ കാണാതായ പെൺകുട്ടി കാമുകന്റെ വീട്ടിൽ; പിതാവ് നാട്ടുകാരുടെ മുന്നിലിട്ട് 18 കാരിയെ മഴുവിന് വെട്ടി കൊലപ്പെടുത്തി; ഉത്തർപ്രദേശിനെ നടുക്കി ദുരഭിമാന കൊലപാതകം

സ്വന്തം ലേഖകൻ

കാൺപൂർ: ഉത്തർപ്രദേശിനെ നടക്കി ദുരഭിമാന കൊലപാതകം. കാൺപൂരിൽ 18കാരിയെ പിതാവ് മഴുവിന് വെട്ടിക്കൊലപ്പെടുത്തി. അർദ്ധരാത്രിയിൽ വീട്ടിൽ നിന്നും കാണാതാകുകയും പിറ്റേന്ന് കാമുകന്റെ വീട്ടിൽ കണ്ടെത്തുകയും ചെയ്ത പെൺകുട്ടിയെയാണ് പിതാവ് നാട്ടുകാർ നോക്കി നിൽക്കേ കോടാലിക്ക് വെട്ടി കൊലപ്പെടുത്തിയത്. യുപിയിൽ നടന്ന സംഭവം ദുരഭിമാന കൊലപാതകമെന്നാണ് പൊലീസ് പറയുന്നത്. കാൺപൂരിലെ ഗജ്നീർ പൊലീസ് സ്റ്റേഷൻ പരിധിയിൽ ഖാൻപന്ന ഗ്രാമത്തിലായരുന്നു സംഭവം. പിതാവിനെ പൊലീസ് അറസ്റ്റ് ചെയ്തു.

ഗ്രാമത്തിൽ ഒരു ചെറിയ കട നടത്തുന്നയാളാണ് കൗമാരക്കാരൻ. ചൊവ്വാഴ്ച രാത്രിയിൽ വീട് വിട്ട് ഇറങ്ങിപ്പോയ പെൺകുട്ടിയെ കണ്ടെത്തിയിരുന്നില്ല. എന്നാൽ പിറ്റേന്ന് രാവിലെ പെൺകുട്ടുയുടെ പിതാവിനോട് കാമുകന്റെ വീട്ടിലുണ്ടെന്ന് കാമുകനും അയാളുടെ പിതാവും ചെന്ന് അറിയിക്കുകയായിരുന്നു. പെൺകുട്ടിയെ പറഞ്ഞു വിടാൻ ശ്രമിച്ചിട്ടും പോയില്ലെന്നും അവർക്കൊപ്പം മാത്രമേ ജീവിക്കൂ എന്ന് വാശിപിടിക്കുകയും ചെയ്തതായി ഇരുവരും അറിയിച്ചു.

ഇതേ തുടർന്ന് ഒരു മഴുവുമെടുത്ത് മറ്റ് ബന്ധുക്കൾക്കൊപ്പം യുവാവിന്റെ വീട്ടിലെത്തിയ പെൺകുട്ടിയുടെ പിതാവ് മകളെ അവിടെ കണ്ട്. മകളെ വിളിച്ച് വീട്ടിലേക്ക് മടങ്ങി വരണമെന്ന് ആവശ്യപ്പെട്ടു. തുടർന്ന് പിതാവുമായി മകൾ വാക്കു തർക്കത്തിൽ ഏർപ്പെട്ടു. കുപിതനായ പിതാവ് കയ്യിലിരുന്ന മഴു കൊണ്ട് മകളെ ആക്രമിച്ചു. താഴെ വീണ മകളുടെ ചലനം നിൽക്കുന്നത് വരെ തുരുതുടരെ വെട്ടി. ഇടയ്ക്കുകയറി പെൺകുട്ടിയെ രക്ഷിക്കാൻ ശ്രമിച്ച കാമുകനെയും വെട്ടി പരിക്കേൽപ്പിച്ചു. പ്രദേശവാസികളായ അനേകം പേർ നോക്കി നിൽക്കുമ്പോഴായിരുന്നു ക്രൂരത നടന്നത്.

പ്രദേശവാസികൾ പറഞ്ഞതിനെ തുടർന്ന് പൊലീസ് പെട്ടെന്ന് തന്നെ സ്ഥലത്തെത്തുകയും പെൺകുട്ടിയുടെ പിതാവിനെ അറസ്റ്റ് ചെയ്യുകയും കൃത്യം നടത്തിയ കോടാലി സഹിതം പിടിച്ചെടുക്കുകയും ചെയ്തു. സംഭവത്തിന് ദൃക്സാക്ഷികളായ ഗ്രാമീണരുടെ മൊഴിയും പൊലീസ് രേഖപ്പെടുത്തിയിട്ടുണ്ട്. പെൺകുട്ടിയുടെ കാമുകനെ ആശുപത്രിയിലും പ്രവേശിപ്പിച്ചു. ദുരഭിമാന കൊലയായിട്ടാണ് പൊലീസ് സംഭവം രജിസ്റ്റർ ചെയ്തിരിക്കുന്നത്.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP