Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202109Tuesday

ഇനി മുതൽ നീ ഡ്രാഗൺ ഫ്രൂട്ടല്ല; കമലമാണ്, കമലം; പഴത്തിന് പുതിയ പേര് പ്രഖ്യാപിച്ച് ഗുജറാത്ത് സർക്കാർ; കൗതുകകരമായ വിശദീകരണവുമായി മുഖ്യമന്ത്രി

ഇനി മുതൽ നീ ഡ്രാഗൺ ഫ്രൂട്ടല്ല; കമലമാണ്, കമലം; പഴത്തിന് പുതിയ പേര് പ്രഖ്യാപിച്ച് ഗുജറാത്ത് സർക്കാർ; കൗതുകകരമായ വിശദീകരണവുമായി മുഖ്യമന്ത്രി

സ്വന്തം ലേഖകൻ

അഹമ്മദാബാദ്: സവിശേഷമായ രൂപവും രുചിയുമുള്ള ഡ്രാഗൺ ഫ്രൂട്ടിന്റെ പേര് മാറ്റാനുള്ള തീരുമാനത്തിൽ ഗുജറാത്ത് സർക്കാർ.സംസ്ഥാനത്ത് ഡ്രാഗൺ ഫ്രൂട്ട് ഇനി മുതൽ അറിയപ്പെടുക കമലം എന്ന പേരിലെന്ന് മുഖ്യമന്ത്രി വിജയ് രൂപാണി.ഹോർട്ടികൾച്ചർ ഡവലപ്മെന്റ് മിഷന്റെ ഉദ്ഘാടന വേളയിലായിരുന്നു മുഖ്യമന്ത്രി ഇത്തരമൊരു പ്രഖ്യാപനം നടത്തിയത്.

ഈ ഉഷ്ണമേഖല ഫലത്തിന്റെ പേര് മാറ്റാനുള്ള തീരുമാനത്തിന് മുഖ്യമന്ത്രി നൽകിയ വിശദീകരണമാണ് കൗതുകമുണർത്തുന്നത്.ഡ്രാഗൺ ഫ്രൂട്ടിന്റെ രൂപം താമര പൂവ് പോലെ ഇരിക്കുന്നതിനാലാണ് പേര് കമലം എന്നാക്കി മാറ്റിയത്. താമരയുടെ സംസ്‌കൃതം വാക്കാണ് കമലം. പേര് മാറ്റുന്നതിനുള്ള പേറ്റന്റ് ഇതിനകം സമർപ്പിച്ചിട്ടുണ്ടെന്നും വിജയ് രൂപാണി മാധ്യമങ്ങളോട് പറഞ്ഞു. മാത്രമല്ല ഡ്രാഗൺ എന്ന പദം ചൈനയുമായി ബന്ധപ്പെട്ട് കിടക്കുന്നതാണെന്നും അതിനാലാണ് മാറ്റാൻ തീരുമാനിച്ചതെന്നും അദ്ദേഹം വ്യക്തമാക്കി. എന്നാൽ ഇത്തരമൊരു തീരുമാനത്തിന് പിന്നിൽ രാഷ്ട്രീയമില്ലെന്നും വിജയ് രൂപാണി പറഞ്ഞു.

സമീപ വർഷങ്ങളിൽ കൂടുതൽ പ്രചാരം നേടിയ ഫലവർഗമാണ് ഡ്രാഗൺ ഫ്രൂട്ട്. ബിജെപി ഗാന്ധി നഗർ ഹെഡ്ക്വാട്ടേഴ്സിന്റെ പേര് ശ്രീ കമലം എന്ന് മാറ്റിയതും
ഈയിടെയാണ്

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP