Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Dec / 202202Friday

ഭാര്യക്ക് എയ്ഡ്‌സെന്ന് യുവാവ്; താൻ എച്ച്.ഐ.വി നെഗറ്റീവെന്ന് ഭാര്യയും; വിവാഹമോചനം ആവശ്യപ്പെട്ട യുവാവിന്റെ അപേക്ഷ തള്ളി ഹൈക്കോടതി

ഭാര്യക്ക് എയ്ഡ്‌സെന്ന് യുവാവ്; താൻ എച്ച്.ഐ.വി നെഗറ്റീവെന്ന് ഭാര്യയും; വിവാഹമോചനം ആവശ്യപ്പെട്ട യുവാവിന്റെ അപേക്ഷ തള്ളി ഹൈക്കോടതി

മറുനാടൻ മലയാളി ബ്യൂറോ

മുംബൈ: മതിയായ തെളിവുകളില്ലാതെ ഭാര്യ എച്ച്.ഐ.വി പോസിറ്റീവാണെന്ന അവകാശവാദമുന്നയിച്ച യുവാവിന്റെ വിവാഹമോചന അപേക്ഷ കോടതി തള്ളി.പുണെയിൽ നിന്നുള്ള 40കാരന്റെ അപേക്ഷ ബോംബെ ഹൈക്കോടതിയാണ് തള്ളിയത്.2011ൽ വിവാഹമോചനത്തിനുള്ള അപേക്ഷ നിരസിച്ചുകൊണ്ട് പുണെയിലെ ഒരു കുടുംബ കോടതി പുറപ്പെടുവിച്ച ഉത്തരവിനെ ചോദ്യം ചെയ്ത് യുവാവ് സമർപ്പിച്ച ഹർജിയിലാണ് ബോംബെ ഹൈക്കോടതിയുടെ വിധി.

ഭാര്യ വിചിത്ര സ്വഭാവക്കാരി ആയിരുന്നെന്നും തന്നോടോ കുടുംബാംഗങ്ങളോടോ ശരിയായവിധം പെരുമാറാറില്ലെന്നും യുവാവ് കോടതിയിൽ പറഞ്ഞു.തന്റെ അപേക്ഷ പ്രകാരം നടത്തിയ പരിശോധനയിൽ 2005ൽ ഭാര്യ എച്ച്.ഐ.വി പോസിറ്റീവാണെന്ന് കണ്ടെത്തിയതായി യുവാവ് അവകാശപ്പെട്ടു.എന്നാൽ യുവാവിന്റെ വാദങ്ങൾ ഭാര്യ നിരസിക്കുകയും എച്ച്.ഐ.വി പരിശോധന നെഗറ്റീവ് ആണെന്ന് പറയുകയും ചെയ്തു.2003 മാർച്ചിലാണ് ഇവർ വിവാഹിതരായത്.

നിതിൻ ജംദാർ,ഷർമിള ദേശ്മുഖ് എന്നിവരടങ്ങിയ ഡിവിഷൻ ബെഞ്ചാണ് ഹർജി തള്ളിയത്.ഭാര്യ എച്ച്.ഐ.വി പോസിറ്റീവാണെന്നതിന് യുവാവ് തെളിവുകളൊന്നും ഹാജരാക്കിയിരുന്നില്ലെന്നും അതിനാൽ തന്നെ വിവാഹ മോചനം അനുവദിക്കാനാകില്ലെന്നും കോടതി വ്യക്തമാക്കി.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP