Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

പ്രതിഷേധിക്കാനുള്ള അവകാശവും ഭീകരപ്രവർത്തനവും വ്യത്യസ്തം; ഭിന്നതകളെ അടിച്ചമർത്താനുള്ള ആകുലതയിൽ അതിർവരമ്പ് മാഞ്ഞു പോകുന്നു; കേന്ദ്രത്തോട് ഹൈക്കോടതി

പ്രതിഷേധിക്കാനുള്ള അവകാശവും ഭീകരപ്രവർത്തനവും വ്യത്യസ്തം; ഭിന്നതകളെ അടിച്ചമർത്താനുള്ള ആകുലതയിൽ അതിർവരമ്പ് മാഞ്ഞു പോകുന്നു; കേന്ദ്രത്തോട് ഹൈക്കോടതി

ന്യൂസ് ഡെസ്‌ക്‌

ന്യൂഡൽഹി: പ്രതിഷേധിക്കാനുള്ള ഭരണഘടനാപരമായ അവകാശവും ഭീകരപ്രവർത്തനവും തമ്മിൽ വ്യത്യാസമുണ്ടെന്ന് ഡൽഹി ഹൈക്കോടതി. പൗരത്വനിയമത്തിനെതിരെ ഡൽഹിയിൽ നടന്ന പ്രതിഷേധവുമായി ബന്ധപ്പെട്ട് ഒരു വർഷം മുമ്പ് അറസ്റ്റിലായ മൂന്നു പേർക്ക് ജാമ്യം അനുവദിച്ചുകൊണ്ടാണ് ഹൈക്കോടതി ഇക്കാര്യം വിശദമാക്കിയത്.

ഭിന്നതകളെ അടിച്ചമർത്താനുള്ള ആകുലതയിൽ ഭരണകൂടത്തിന്റെ മനസിൽ പ്രതിഷേധിക്കാനുള്ള ഭരണഘടനാപരമായ അവകാശവും ഭീകരപ്രവർത്തനവും തമ്മിലുള്ള അതിർവരമ്പ് മാഞ്ഞു പോകുന്നുവെന്ന് ജസ്റ്റിസുമാരായ സിദ്ധാർഥ് മൃദുലും അരുപ് ജയ്റാം ഭംഭാനിയും പറഞ്ഞു. ഈ മനോനില തുടർന്നാൽ അത് ജനാധിപത്യത്തിന് ദോഷകരമായിരിക്കുമെന്നും കോടതി വ്യക്തമാക്കി.

2020 മേയിൽ അറസ്റ്റിലായ വനിതാ സാമൂഹിക പ്രവർത്തകരായ നടാഷ നർവാൾ, ദേവാംഗന കലിത, ജാമിയ മിലിയ വിദ്യാർത്ഥി ആസിഫ് ഇക്‌ബാൽ തൻഹ എന്നിവർക്ക് കോടതി ജാമ്യം അനുവദിച്ചു.
കഴിഞ്ഞ മാസം കോവിഡ് ബാധിച്ച് അന്തരിച്ച പിതാവിന് അന്ത്യകർമങ്ങൾ ചെയ്യാനായി നടാഷയ്ക്ക് മൂന്നാഴ്ച ഇടക്കാല ജാമ്യം അനുവദിച്ചിരുന്നു. ദേവാംഗനയ്ക്ക് ജനുവരിയിൽ ഡൽഹി സെഷൻസ് കോടതി ജാമ്യം നിഷേധിച്ചിരുന്നു. ഈ വിധിയാണ് ഹൈക്കോടതി റദ്ദാക്കിയത്. ജാമിയ വിദ്യാർത്ഥിയായ ആസിഫ് ഇക്‌ബാൽ തൻഹയ്ക്ക് പരീക്ഷയെഴുതാൻ ഈ മാസം ആദ്യം ഹൈക്കോടതി ഇടക്കാല ജാമ്യം അനുവദിച്ചിരുന്നു.

ജഫ്രാബാദിൽ നടന്ന കലാപവുമായി ബന്ധപ്പെട്ടാണ് നടാഷയെയും ദേവാംഗനയെയും അറസ്റ്റ് ചെയ്തത്. പൊലീസ് ഹാജരാക്കിയ വിഡിയോകളിൽ തെളിവില്ലാതിരുന്നതിനാലാണ് ഇവർക്ക് ജാമ്യം അനുവദിച്ചത്. എന്നാൽ തൊട്ടടുത്ത ദിവസം ഇവരെ വീണ്ടും അറസ്റ്റ് ചെയ്തു. ഡൽഹിയിൽ നടന്ന കലാപത്തിൽ 50 പേർ മരിക്കുകയും 200 പേർക്ക് പരുക്കേൽക്കുകയും ചെയ്തിരുന്നു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP