Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jun / 202119Saturday

കോവിഡ് രോഗിയായ വീട്ടമ്മ പുരുഷ നഴ്സിന്റെ പീഡനത്തെ തുടർന്ന് മരിച്ചു; സംഭവത്തിന്റെ ചുരുളഴിഞ്ഞത് ഡോക്ടറുടെ മൊഴിയിലൂടെ

കോവിഡ് രോഗിയായ വീട്ടമ്മ പുരുഷ നഴ്സിന്റെ പീഡനത്തെ തുടർന്ന് മരിച്ചു; സംഭവത്തിന്റെ ചുരുളഴിഞ്ഞത് ഡോക്ടറുടെ മൊഴിയിലൂടെ

മറുനാടൻ ഡെസ്‌ക്‌

ഭോപാൽ: സർക്കാർ ആശുപത്രിയിൽ പ്രവേശിപ്പിച്ചിരുന്ന കോവിഡ് രോഗിയായ വീട്ടമ്മയെ പുരുഷ നഴ്‌സ് ബലാത്സംഗം ചെയ്തു. സംഭവത്തിന് പിന്നാലെ വെന്റിലേറ്ററിലായ യുവതി മരണപ്പെടുകയും ചെയ്തു. മദ്ധ്യപ്രദേശിലെ ഭോപാലിലാണ് ഞെട്ടിക്കുന്ന സംഭവം. 43 വയസുകാരിയായ കോവിഡ് രോഗിയെയാണ് പുരുഷ നഴ്സ് പീഡനത്തിനിരയാക്കിയത്. സംഭവത്തെ തുടർന്ന് 24 മണിക്കൂറിനകം തന്നെ രോഗി മരിച്ചു.

ഭോപാൽ മെമോറിയൽ ആശുപത്രിയിൽ ഏപ്രിൽ ആറിന് നടന്ന ഞെട്ടിക്കുന്ന ഈ സംഭവം എന്നാൽ പൊലീസ് പുറത്തുവിട്ടത് ഇന്നാണ്. ഇവിടെയുള്ള ഒരു ഡോക്ടറുടെ മൊഴിയിൽ നിന്ന് പ്രതിയെ തിരിച്ചറിഞ്ഞതായി പൊലീസ് അറിയിച്ചു.40 വയസുകാരനായ പുരുഷ നഴ്സ് സന്തോഷ് അഹിർവാർ ആണ് പീഡിപ്പിച്ചത്. സംഭവത്തെ തുടർന്ന് ഗുരുതരാവസ്ഥയിലായ 43കാരിയായ വീട്ടമ്മയെ വെന്റിലേറ്ററിൽ പ്രവേശിപ്പിക്കുകയും വൈകാതെ മരണമടയുകയുമായിരുന്നു.

സംഭവത്തിൽ നിഷാത്പുര പൊലീസ് സ്റ്റേഷനിൽ കേസ് രജിസ്റ്റർ ചെയ്തിട്ടുണ്ട്. പ്രതിയെ ഭോപാൽ സെൻട്രൽ ജയിലിലടച്ചു.പ്രതി മുൻപ് 24കാരിയായ ഒരു നഴ്സിനെ ബലാൽസംഗം ചെയ്തതായും മദ്യപിച്ച് കുഴപ്പമുണ്ടാക്കിയതിന് ഇയാളെ മുൻപ് സസ്പെൻഡ് ചെയ്തിട്ടുണ്ടെന്നുമാണ് ആശുപത്രിയിൽ നിന്ന് ലഭിക്കുന്ന വിവരം.

1984ൽ ഭോപാലിനെ ഞെട്ടിച്ച ദുരന്തത്തിന്റെ ഇരയുമാണ് മരിച്ച വീട്ടമ്മ. ദുരന്തത്തിനിരയായവർ കോവിഡ് മൂലം മരണമടയാൻ ഏഴ് മടങ്ങ് സാദ്ധ്യത കൂടുതലുള്ളപ്പോഴാണ് ക്രൂരമായ പീഡനവും വീട്ടമ്മയ്ക്ക് ഏൽക്കേണ്ടിവന്നത്.സംഭവത്തെ തുടർന്ന് ആശുപത്രിയിലെ കോവിഡ് വാർഡിലുൾപ്പടെ സിസിടിവി ക്യാമറകൾ സ്ഥാപിക്കാനും മേലിൽ ഇത്തരം സംഭവങ്ങൾ ആവർത്തിക്കാതിരിക്കാനും ആശുപത്രി മാനേജ്മെന്റ് തീരുമാനിച്ചു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP