Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jan / 202122Friday

കണ്ടെയ്ന്മെന്റ് സോണിലെ മാർക്കറ്റ് അടച്ചിടും; കോവിഡ് വ്യാപനം തടയാൻ മാർഗ നിർദേശങ്ങളുമായി കേന്ദ്ര സർക്കാർ

കണ്ടെയ്ന്മെന്റ് സോണിലെ മാർക്കറ്റ് അടച്ചിടും; കോവിഡ് വ്യാപനം തടയാൻ മാർഗ നിർദേശങ്ങളുമായി കേന്ദ്ര സർക്കാർ

മറുനാടൻ ഡെസ്‌ക്‌

ന്യൂഡൽഹി: കോവിഡ് വ്യാപനം തടയാൻ മാർക്കറ്റുകൾക്ക് പുതിയ മാർഗനിർദ്ദേശവുമായി കേന്ദ്രസർക്കാർ. കണ്ടെയ്ന്മെന്റ് സോണിലെ മാർക്കറ്റുകൾ അടച്ചിടാനാണ് കേന്ദ്ര ആരോഗ്യ കുടുംബക്ഷേമ മന്ത്രാലയം നിർദ്ദേശം നൽകിയിരിക്കുന്നത്. ഇതിനു പുറത്തുള്ളവയ്ക്ക് മാത്രമായിരിക്കും പ്രവർത്തിക്കാൻ അനുവാദം നൽകുക.

നിർദ്ദേശങ്ങൾ നടപ്പാക്കുന്നതിന് മാർക്കറ്റ് ഓണേഴ്സ് അസോസിയേഷനുമായി കേന്ദ്രം ബന്ധപ്പെടും.കോവിഡ് വ്യാപനത്തിന്റെ പശ്ചാത്തലത്തിൽ അനുയോജ്യമായ പെരുമാറ്റ രീതികളും നിരീക്ഷണത്തിനുള്ള സംവിധാനവും മാർക്കറ്റ് അസോസിയേഷൻ രൂപീകരിക്കണം. ധാരാളം കേസുകൾ റിപ്പോർട്ട് ചെയ്യുന്ന അവസ്ഥ ഉണ്ടായാൽ ഒന്നിടവിട്ട ദിവസങ്ങളിലായിരിക്കണം മാർക്കറ്റുകൾ തുറക്കേണ്ടത്. അതല്ലെങ്കിൽ പൂർണ്ണമായി അടച്ചിടാനുള്ള നടപടികൾ എൻഫോഴ്സ്മെന്റ് ഏജൻസികൾക്ക് സ്വീകരിക്കാം.

65 വയസിന് മുകളിലുള്ളവരും ഗർഭിണികളും മറ്റ് അസുഖമുള്ളവരും 10 വയസിൽ താഴെയുള്ളവരും വീടുകളിൽ കഴിയണം. അത്യാവശ്യപ്പെട്ട കാര്യങ്ങൾക്കു വേണ്ടി മാത്രമേ പുറത്തിറങ്ങാവൂ. പൊതുജനങ്ങളുമായി നേരിട്ട് സമ്പർക്കം പുലർത്തുന്ന സാഹചര്യങ്ങളിൽ നിന്നും വിട്ടുനിൽക്കണം. സാമൂഹിക അകലം, മാസ്‌ക്, ശുചിത്വം എന്നിവ പാലിക്കണം.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP