Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

തന്റെ മാനസികനില പരിശോധിക്കാൻ ഉത്തരവിട്ട ജീഫ് ജസ്റ്റീസ് കേഹാർ അടക്കം ഏഴു ജഡ്ജിമാരെ അറസ്റ്റ് ചെയ്ത് അഞ്ചു വർഷം തടവിനിടാൻ ജസ്റ്റീസ് കർണന്റെ പുതിയ ഉത്തരവ്; സുപ്രീംകോടതിയിലെ ഏഴു ജഡ്ജിമാരും ഇനി ഒരു കേസും പരിഗണിക്കരുത്; വിദേശയാത്ര തടയണമെന്നും പാസ്‌പോർട്ട് കണ്ടുകെട്ടണമെന്നും വിവാദ ജഡ്ജി

തന്റെ മാനസികനില പരിശോധിക്കാൻ ഉത്തരവിട്ട ജീഫ് ജസ്റ്റീസ് കേഹാർ അടക്കം ഏഴു ജഡ്ജിമാരെ അറസ്റ്റ് ചെയ്ത് അഞ്ചു വർഷം തടവിനിടാൻ ജസ്റ്റീസ് കർണന്റെ പുതിയ ഉത്തരവ്; സുപ്രീംകോടതിയിലെ ഏഴു ജഡ്ജിമാരും ഇനി ഒരു കേസും പരിഗണിക്കരുത്; വിദേശയാത്ര തടയണമെന്നും പാസ്‌പോർട്ട് കണ്ടുകെട്ടണമെന്നും വിവാദ ജഡ്ജി

കോൽക്കത്ത: സുപ്രീംകോടതി ചീഫ് ജസ്റ്റിസ് ഉൾപ്പെടെ ഏഴു ജഡ്ജിമാരെ അറസ്റ്റ് ചെയ്യാൻ കോടതിയലക്ഷ്യ കേസിൽ വിചാരണ നേരിടുന്ന ജസ്റ്റിസ് കർണന്റെ പുതിയ ഉത്തരവ്. തന്റെ മാനസികനില പരിശോധിക്കാൻ ഉത്തരവിട്ട സുപ്രീംകോടതി ചീഫ് ജസ്റ്റിസ് ജെ.എസ് കേഹാർ ഉൾപ്പെടെ ഏഴു പേരെ അറസ്റ്റ് ചെയ്യാനും അഞ്ച് വർഷം തടവിനും 10,000 രൂപ പിഴയടയ്്ക്കാനുമാണ് കർണൻ ഉത്തരവിട്ടിരിക്കുന്നത്.

ചീഫ് ജസ്റ്റിസിനെ കൂടാതെ ജസ്റ്റിസ് ദീപക് മിശ്ര, ജസ്റ്റിസ് ജെ ചെലമേശ്വറ, ജസ്റ്റിസ് രഞ്ജൻ ഗൊഗോയി, ജസ്റ്റിസ് മദൻ ബി ലോകുർ, ജസ്റ്റിസ് പിനാക്കി ചന്ദ്ര, ജസ്റ്റിസ് കുര്യൻ ജോസഫ്, ജസ്റ്റിസ് ആർ ഭാനുമതി എന്നിവർക്കുമെതിരെയാണ് കർണന്റെ ഉത്തരവ്.തന്റെ ന്യായാധിപൻ എന്ന പദവിയെ പരിഗണിച്ചില്ല, താനൊരു ദളിതനാണെന്ന കാര്യം അവഗണിച്ചു എന്നുള്ള കാര്യങ്ങൾ ചൂണ്ടിക്കാട്ടിയാണ് ഇവർക്കെതിരെ കേസെടുക്കാൻ കർണൻ ഉത്തരവിട്ടിരിക്കുന്നത്.

ഡൽഹി പൊലീസ് കമ്മീഷണർക്കാണ് സുപ്രീംകോടതി ജഡ്ജിമാരെ അറസ്റ്റ്് ചെയ്യാൻ കർണൻ നിർദ്ദേശം നൽകിയിരിക്കുന്നത്. അറസ്റ്റ് വരിക്കാൻ തയാറാകാത്ത പക്ഷം ജഡ്ജിമാർ പാർലമെന്റിനെ സമീപിക്കണമെന്നും ഉത്തരവിലുണ്ട്. അതുവരെ സുപ്രീംകോടതിയിലെ ഒരു കേസു പോലും ഇവർ പരിഗണിക്കരുത്. വിഷയത്തിൽ പാർലമെന്റ ഒരു തീരുമാനം എടുക്കുന്നത് വരെ ഇവരെ വിദേശയാത്ര ചെയ്യാൻ അനുവദിക്കരുതെന്ന് വിദേശകാര്യമന്ത്രാലയത്തിനും എയർപോർട്ട് അഥോറിറ്റിയോടും ഉത്തരവിലൂടെ ആവശ്യപ്പെട്ടിട്ടുണ്ട്. ഉടൻ തന്നെ പാസ്പോർട്ടുകൾ പൊലീസിനു കൈമാറണമെന്നും ഉത്തരവിൽ കർണൻ വ്യക്തമാക്കുന്നു.

തന്നെ അപമാനിക്കാൻ ശ്രമിച്ച ഇവർ നഷ്ടപരിഹാരമായി രണ്ടു കോടി രൂപ തരണമെന്നും അല്ലാത്തപക്ഷം അവരുടെ ശമ്പളത്തിൽ നിന്നും ഈടാക്കണമെന്നും ഉത്തരവിലുണ്ട്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP