Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

രാഹുലിനെതിരെ വിമർശന 'മിസൈലുമായി' ബിജെപി മന്ത്രിയുടെ 'സർജിക്കൽ സ്‌ട്രൈക്ക്'; സൈനിക നടപടിയുടെ തെളിവ് ചോദിക്കുന്നവർക്കായി രാഹുലിന്റെ ശരീരത്തിൽ ബോംബ് കെട്ടി മറ്റൊരു രാജ്യത്തേക്ക് വിടണം'; പങ്കജ മുണ്ടെയുടെ പരാമർശത്തിന് പിന്നാലെ ബിജെപി നേതൃത്വം വെട്ടിൽ

രാഹുലിനെതിരെ വിമർശന 'മിസൈലുമായി' ബിജെപി മന്ത്രിയുടെ 'സർജിക്കൽ സ്‌ട്രൈക്ക്'; സൈനിക നടപടിയുടെ തെളിവ് ചോദിക്കുന്നവർക്കായി രാഹുലിന്റെ ശരീരത്തിൽ ബോംബ് കെട്ടി മറ്റൊരു രാജ്യത്തേക്ക് വിടണം'; പങ്കജ മുണ്ടെയുടെ പരാമർശത്തിന് പിന്നാലെ ബിജെപി നേതൃത്വം വെട്ടിൽ

മറുനാടൻ ഡെസ്‌ക്‌

മുംബൈ: വോട്ട് രേഖപ്പെടുത്താൻ രാജ്യം പോളിങ് ബൂത്തിലേക്ക് നീങ്ങുന്ന വേളയിലും നേതാക്കന്മാർ തമ്മിലുള്ള വിവാദശരങ്ങൾക്ക് അവസാനമില്ല. കോൺഗ്രസ് അധ്യക്ഷൻ രാഹുൽ ഗാന്ധിയ്‌ക്കെതിരെ മഹാരാഷ്ട്രയിലെ മന്ത്രി വിവാദ പരാമർശം നടത്തിയതാണ് ഇപ്പോൾ ബിജെപി നേതൃത്വത്തെ വെട്ടിലാക്കിയിരിക്കുന്നത്. സർജിക്കൽ സ്ട്രൈക്കിനെ ബിജെപി തെരഞ്ഞെടുപ്പ് പ്രചാരണത്തിന് ഉപയോഗിക്കുന്നുവെന്ന് കോൺഗ്രസ് ആരോപണം ശക്തമായതിന് പിന്നാലെയാണ് വിവാദ പരാമർശവുമായി മന്ത്രി രംഗത്തെത്തിയത്.

'നമ്മുടെ സൈനികർക്ക് നേരെ നടന്ന ആക്രമണത്തിന് ശേഷം നമ്മൾ സർജിക്കൽ സ്ട്രൈക്ക് നടത്തി. എന്തായിരുന്നു സർജിക്കൽ സ്ട്രൈക്ക് എന്നും തെളിവ് എവിടെയെന്നുമാണ് ചിലർ ചോദിക്കുന്നത്. രാഹുൽ ഗാന്ധിയുടെ ശരീരത്തിൽ ബോംബ് കെട്ടിവച്ച് മറ്റൊരു രാജ്യത്തേക്ക് വിടണം. അപ്പോഴേ അവർക്ക് മനസ്സിലാകുകയുള്ളു'- പങ്കജ മുണ്ടെ പറഞ്ഞു.

രാഷ്ട്രീയ താൽപര്യത്തിനായി സർജിക്കൽ സ്‌ട്രൈക്കിനെ ബിജെപി ഉപയോഗിക്കുന്നുവെന്ന് കാട്ടിയാണ് കോൺഗ്രസ് നേരത്തെ രംഗത്തെത്തിയത്. ആക്രമണത്തിൽ കൊല്ലപ്പെട്ട പാക് സൈനികരുടെയും തീവ്രവാദികളുടെയും എണ്ണവും പ്രതിപക്ഷം ആവശ്യപ്പെട്ടതിന് പിന്നാലെ ബിജെപി കോൺഗ്രസിനെതിരെ വൻ വിമർശനമാണ് ഉയർത്തിയത്.

 

 

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP