Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

പോൺ വെബ്സൈറ്റുകൾക്ക് നിരോധനം ഏർപ്പെടുത്തുന്നത് ജനങ്ങളെ ഉപദ്രവിക്കുന്നതിന് തുല്യമെന്ന് പോൺഹബ്ബ്; പോൺ നിരോധനത്തിന്റെ അനന്തരഫലം എന്താണെന്ന് പറയാൻ ഇപ്പോൾ സാധിക്കില്ല; ഇത് നിയമവിരുദ്ധ ഉള്ളടക്കങ്ങളുള്ള വെബ്സൈറ്റുകളിലേക്കും ആളുകളെ നയിക്കുമെന്ന് ഹബ്ബ് വൈസ് പ്രസിഡന്റ് കോറേ പ്രൈസ്; രാജ്യം നേരിടുന്ന ഒരു പ്രശ്നത്തിന് പരിഹാരം കാണാൻ സാധിക്കാത്തതിന് വെബ്സൈറ്റുകളെ ബലിയാടാക്കുകയാണെന്നും പ്രൈസ്

പോൺ വെബ്സൈറ്റുകൾക്ക് നിരോധനം ഏർപ്പെടുത്തുന്നത് ജനങ്ങളെ ഉപദ്രവിക്കുന്നതിന് തുല്യമെന്ന് പോൺഹബ്ബ്; പോൺ നിരോധനത്തിന്റെ അനന്തരഫലം എന്താണെന്ന് പറയാൻ ഇപ്പോൾ സാധിക്കില്ല; ഇത് നിയമവിരുദ്ധ ഉള്ളടക്കങ്ങളുള്ള വെബ്സൈറ്റുകളിലേക്കും ആളുകളെ നയിക്കുമെന്ന് ഹബ്ബ് വൈസ് പ്രസിഡന്റ് കോറേ പ്രൈസ്; രാജ്യം നേരിടുന്ന ഒരു പ്രശ്നത്തിന് പരിഹാരം കാണാൻ സാധിക്കാത്തതിന് വെബ്സൈറ്റുകളെ ബലിയാടാക്കുകയാണെന്നും പ്രൈസ്

മറുനാടൻ ഡെസ്‌ക്‌

പോൺ വെബ്സൈറ്റുകൾക്ക് കർശന നിരോധനം ഏർപ്പെടുത്തുന്നത് ജനങ്ങളെ ഉപദ്രവിക്കുന്നതിന് തുല്യമാണെന്ന് അഡൾട്ട് വെബ്സൈറ്റുകളിലൊന്നായ പോൺ ഹബ്ബ് വൈസ് പ്രസിഡന്റ് കോറേ പ്രൈസ്. അത് അപകടകരമായ വെബ്സൈറ്റുകളിലേക്കും നിയമവിരുദ്ധ ഉള്ളടക്കങ്ങളുള്ള വെബ്സൈറ്റുകളിലേക്കും ആളുകളെ നയിക്കും

ഉത്തരാഖണ്ഡ് ഹൈക്കോടതിയുടെ വിധിയനുസരിച്ച് 827 പോൺ വെബ്സൈറ്റുകൾക്ക് ടെലികോം കമ്പനികൾ വിലക്കേർപ്പെടുത്തണമെന്ന ടെലികോം മന്ത്രാലയത്തിന്റെ നിർദ്ദേശത്തോട് പ്രതികരിക്കുകയായിരുന്നു അദ്ദേഹം. പോൺ നിരോധനത്തിന്റെ അനന്തരഫലം എന്താണെന്ന് പറയാൻ ഇപ്പോൾ സാധിക്കില്ല. എന്നാൽ വെബ്സൈറ്റിലേക്കുള്ള ട്രാഫിക് ഇല്ലാതായിട്ടുണ്ട്.

കർശനമായ വ്യവസ്ഥകളും നിയന്ത്രണങ്ങളും അനുസരിച്ച് പ്രവർത്തിക്കുന്ന തങ്ങളെ പോലുള്ള വെബ്സൈറ്റുകൾ നിരോധിക്കുന്നത് ഇന്ത്യയിലെ ജനങ്ങളോടുള്ള അന്യായമാണ്. അത് നിയമവിരുദ്ധ ഉള്ളടക്കങ്ങളുള്ള വെബ്സൈറ്റുകളിലേക്കും അപകടകരമായ വെബ്സൈറ്റുകളിലേക്കും ജനങ്ങളെ നയിക്കും.

പോൺഹബ്ബിന്റെ ലോകത്തെ ഏറ്റവും വലിയ വിപണികളിൽ മൂന്നാം സ്ഥാനമാണ് ഇന്ത്യ. അലക്സ റാങ്ക് പട്ടികയിൽ ലോകത്തെ ജനപ്രിയ വെബ്സൈറ്റുകളിൽ 29ാം സ്ഥാനമാണ് പോൺ ഹബ്ബിനുള്ളത്. പോണോഗ്രഫിക്കെതിരേയും പോണോഗ്രഫി സ്വകാര്യമായിരുന്ന് കാണുന്നതിനും ഇന്ത്യയിൽ നിയമങ്ങളില്ല. രാജ്യം നേരിടുന്ന ഒരു പ്രശ്നത്തിന് പരിഹാരം കാണാൻ സാധിക്കാത്തതിന് പോൺഹബ്ബ് പോലുള്ള അഡൾട്ട് വെബ്സൈറ്റുകളെ ബലിയാടാക്കുകയാണെന്നും പ്രൈസ് പറയുന്നു.

കൃത്യമായി അളക്കാൻ സാധിക്കില്ലെങ്കിലും വിപിഎൻ നെറ്റ്‌വർക്കിലുള്ള ട്രാഫിക്ക് വർധിച്ചിട്ടുണ്ടെന്ന് പ്രൈസ് ചൂണ്ടിക്കാട്ടി. ഐപി അഡ്രസ് മറച്ചുവെച്ച് ഇന്റർനെറ്റ് ബ്രൗസ് ചെയ്യാൻ സഹായിക്കുന്ന സംവിധാനമാണ് വിപിഎൻ അഥവാ വെർച്വൽ പ്രൈവറ്റ് നെറ്റ് വർക്ക്.

വെബ്സൈറ്റുകളെ വിലക്കിക്കൊണ്ടുള്ള സർക്കാർ തീരുമാനത്തോട് എതിർപ്പുണ്ടെങ്കിലും ഇതു സംബന്ധിച്ച് എന്തെങ്കിലും ആശങ്കകൾ കൈകാര്യം ചെയ്യാൻ സർക്കാരുമായി സഹകരിക്കുമെന്ന് അദ്ദേഹം വ്യക്തമാക്കി. ഒക്ടോബറിലാണ് ഐടി മന്ത്രാലയം 827 വെബ്സൈറ്റുകൾക്ക് വിലക്കേർപ്പെടുത്താൻ ടെലികോം മന്ത്രാലയത്തോട് ആവശ്യപ്പട്ടത്. തുടർന്ന് മന്ത്രാലയം ഇന്റർനെറ്റ് സേവനദാതാക്കൾക്ക് നിർദ്ദേശം നൽകുകയായിരുന്നു. റിലയൻസ് ജിയോയാണ് ആദ്യം വെബ്സൈറ്റുകൾക്ക് നിരോധനം ഏർപ്പെടുത്തിയത്. തൊട്ടുപിന്നാലെ മറ്റ് കമ്പനികളും ഉത്തരവ് നടപ്പിലാക്കി.

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP