'കങ്കണ ധീരയായ പെൺകുട്ടി; എന്തുകൊണ്ടാണ് അവൾക്ക് അഭിപ്രായ സ്വാതന്ത്ര്യം നൽകാത്തത്?'; വി...

'കങ്കണ ധീരയായ പെൺകുട്ടി; എന്തുകൊണ്ടാണ് അവൾക്ക് അഭിപ്രായ സ്വാതന്ത്ര്യം നൽകാത്തത്?'; വിമർശനവുമായി അനുപം ഖേർ

February 04, 202304:55 PM IST Permalink

ന്യൂസ് ഡെസ്‌ക്‌

മുംബൈ: ബോളിവുഡ് നടി കങ്കണ റണൗട്ടിനെ അഭിനന്ദിച്ച്, വിമർശനങ്ങൾക്ക് മറുപടിയുമായി നടൻ അനുപം ഖേർ. കങ്കണ ധീരയായ പെൺകുട്ടിയാണെന്നും സ്ത്രീ ശാക്തീകരണത്തെക്കുറിച്ച് പറയുന്നവർ നടിയുടെ വിജയത്തെ അഭിമാനത്തോടെ ആഘോഷിക്കണമെന്നും ഡി.എൻ.എക്ക് നൽകിയ അഭിമുഖത്തിൽ വ്യക്തമാക്കി

''എല്ലാവർക്കും അഭിപ്രായസ്വാതന്ത്ര്യം ഉള്ളതുപോലെ, എന്തുകൊണ്ടാണ് നമ്മൾ അവൾക്ക് അഭിപ്രായ സ്വാതന്ത്ര്യം നൽകാത്തത്? 534 സിനികളിൽ ഞാൻ പ്രവർത്തിച്ചിട്ടുണ്ട്. ഞാൻ ജോലി ചെയ്തിട്ടുള്ളതിൽ വച്ച് ഏറ്റവും മികച്ച സംവിധായകരിൽ ഒരാളാണ് അവർ എന്ന് ഞാൻ കരുതുന്നു.'' ഖേർ പറഞ്ഞു. രാജ്യം ഖാന്മാരെ സ്നേഹിച്ചിട്ടേയുള്ളുവെന്നും മുസ്ലിം അഭിനേതാക്കളോട് പ്രേക്ഷകർക്ക് പ്രത്യേക അഭിനിവേശമുണ്ടെന്നുമുള്ള കങ്കണയുടെ വിവാദ പരാമർശത്തെക്കുറിച്ചും നടൻ പറഞ്ഞു.

'''കലയ്ക്ക് അതിന്റേതായ സ്ഥാനമുണ്ടെന്നും മതത്തിന് അതിന്റേതായ സ്ഥാനമുണ്ടെന്നും ഞാൻ കരുതുന്നു.മതത്തെ അടിസ്ഥാനമാക്കിയല്ല, കലയെ അടിസ്ഥാനമാക്കിയാണ് ആളുകൾ സിനിമ കാണാൻ പോകുന്നത്.സിനിമ കണ്ട് മന്ദിറിലോ മസ്ജിദിലോ ഗുരുദ്വാരയിലോ പോകാറില്ല.നിങ്ങളുടെ മതത്തിൽ വിശ്വാസമുള്ളതുകൊണ്ടാണ് നിങ്ങൾ പോകുന്നത്.' എന്നായിരുന്നു അനുപം ഖേറിന്റെ മറുപടി.

അനുപം ഖേറിന്റെ പ്രശംസക്ക് പിന്നാലെ കങ്കണ നടനെയും അഭിനന്ദിച്ചു. സ്ത്രീകളെ സംരക്ഷിക്കുന്ന ശക്തനും സുരക്ഷിതനുമായ പുരുഷനെന്നാണ് അനുപം ഖേറിനെ വിശേഷിപ്പിച്ചത്. 'ആളുകൾ ശാക്തീകരിക്കപ്പെട്ട ഒരു സ്ത്രീയെ കണ്ടെത്തുന്നതുവരെ സ്ത്രീ ശാക്തീകരണത്തെക്കുറിച്ച് സംസാരിക്കുന്നു. അവരുടെ അഹംഭാവം അവളെ തകർക്കാൻ ആഗ്രഹിക്കുന്നു. എന്നാൽ ശരിക്കും ശക്തനും സുരക്ഷിതനുമായ ഒരു പുരുഷൻ ഒരു സ്ത്രീയെ അവൾ എത്ര ശാക്തീകരിക്കപ്പെട്ടാലും എല്ലായ്‌പ്പോഴും സംരക്ഷിക്കും'' കങ്കണ ട്വിറ്ററിൽ കുറിച്ചു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: