അഞ്ചു വർഷം കൊണ്ട് കേരളത്തിന്റെ വികസനം അതിവേഗമാകുമോ? ഐസക് സ്വപ്നം കാണുന്നത് അര ലക്ഷം കോടിയുടെ വികസനം; കണിശക്കാരനായ വിനോദ് റായി പ്രധാന ഉപദേശകനായത് നേട്ടമാകും; സഹകരിക്കാൻ റിസർവ് ബാങ്കിലേയും നബാർഡിലേയും മുൻ മേധാവികളും; എസ്ബിഐ ടീമിനെ വിട്ട് മാണി പഠനം നടത്തിയശേഷം ഉറക്കിക്കിടത്തിയ കിഫ്ബി ഐസക് നടപ്പാക്കുമ്പോൾ
മറുനാടൻ ഡെസ്ക്
കേരളത്തിന്റെ വികസനത്തിന് വൻകിട പദ്ധതികൾക്കായി ബജറ്റിലൂടെ പണം കണ്ടെത്തി ബജറ്റിലൂടെ തന്നെ ചെലവിട്ടുള്ള കീഴ്വഴക്കം അട്ടിമറിച്ചുള്ള ധനമന്ത്രി തോമസ് ഐസകിന്റെ രണ്ടും കൽപിച്ചുള്ള പരീക്ഷണം ആരംഭിച്ചിരിക്കുന്നു. ഇനിയുള്ള അഞ്ചുവർഷം കേരളത്തിന്റെ വികസനം എങ്ങനെയായിരിക്കണമെന്ന് തീരുമാനിക്കുന്നത് കിഫ്ബിയായിരിക്കും.
കണിശക്കാരിൽ കണിശക്കാരനെന്ന് പേരുകേട്ട മുൻ സിഎജി വിനോദ് റായിയെ ഉപദേശക സമിതി ചെയർമാനാക്കി കേരളാ ഇൻഫ്രാസ്ട്രക്ചർ ഇൻവെസ്റ്റ്മെന്റ് ഫണ്ട് ബോർഡ് (കിഫ്ബി) പ്രവർത്തനം തുടങ്ങുമ്പോൾത്തന്നെ ആദ്യ ഡയറക്ടർ ബോർഡ് യോഗം ഇന്നലെ 4004 കോടി രൂപ ചെലവിട്ടുള്ള 48 പദ്ധതികൾക്കാണ് അംഗീകാരം നൽകിയിരിക്കുന്നത്. ഇതിൽ വനംവകുപ്പിന് നൂറുകോടി, ആരോഗ്യത്തിന് 149 കോടിയുടെ രണ്ട് പദ്ധതികൾ, വ്യവസായ വികസനത്തിന് 1264 കോടി, ഐടിക്കായി 351 കോടി, 1257 കോടിയുടെ 23 ജലവിതരണ പദ്ധതികൾ, മരാമത്തു പണികൾക്കായി 611 കോടി എന്നിങ്ങനെയാണ് വിവിധ വകുപ്പുകളിൽ ചെലവിടുക.
272 കോടി ചെലവിട്ട് മൂന്ന് മേൽപാലങ്ങൾകൂടി നിർമ്മിക്കുമ്പോൾ അടിസ്ഥാന സൗകര്യ വികസന മേഖലയിലെ വൻകിട പദ്ധതികൾക്കായുള്ള കേരളത്തിന്റെ അഥവാ തോമസ് ഐസക്കിന്റെ പുതു പരീക്ഷണത്തിന് ആരംഭമാകുന്നു. പദ്ധതികൾക്ക് ആദ്യഗഡുവായി വേണ്ട 1750 കോടിയോളം ബോണ്ടുകളിലൂടെ കണ്ടെത്താൻ എസ്ബിഐയെ ചുമതലപ്പെടുത്തി. രണ്ടാംഘട്ടത്തിൽ നബാർഡിൽ നിന്ന് 4000 കോടി കണ്ടെത്തുന്നതോടെ കിഫ്ബിക്ക് ഊർജമാകും.
റിസർവ് ബാങ്ക് മുൻ ഡെപ്യൂട്ടി ഗവർണർ ഉഷാ തൊറാട്ട്, നബാർഡ് മുൻ ചെയർമാൻ പ്രകാശ് ബക്ഷി എന്നിവരെ ട്രസ്റ്റ് അംഗങ്ങളാക്കുകയും ചെയ്തതോടെ നവകേരളസൃഷ്ടിക്ക് പുതിയ ബോർഡ് പൂർണമായും പ്രവർത്തനസജ്ജമായി പിച്ചവച്ചുതുടങ്ങുന്നു. ഈ സർക്കാരിന്റെ അഞ്ചുവർഷക്കാലത്തിനിടെ അമ്പതിനായിരം മുതൽ ഒരുലക്ഷം കോടി രൂപവരെ സമാഹരിച്ച് കേരളത്തിന്റെ സ്വപ്നപദ്ധതികൾ നടപ്പാക്കാനുള്ള ശ്രമത്തെ നൂൽപ്പാലത്തിൽ കൂടിയുള്ള നടത്തമാണെന്ന് ധനമന്ത്രി തോമസ് ഐസക് തന്നെ പ്രഖ്യാപിച്ചിട്ടുണ്ട്.
പക്ഷേ, ഇതല്ലാതെ കേരളം വികസിക്കാൻ മാർഗമില്ലെന്ന് ചൂണ്ടിക്കാട്ടിയാണ് വിവിധ മേഖലകളിൽ നിന്നുള്ള നിക്ഷേപക ബോണ്ടുകളിലൂടെ പണം കണ്ടെത്തി കേരളം മുന്നോട്ടുള്ള കുതിപ്പിന് ഊർജം കണ്ടെത്താൻ ശ്രമിക്കുന്നത്. പ്രത്യേക പദ്ധതികൾക്കായി റിസർവ് ബാങ്കിന്റെയും സെബിയുടെയും അംഗീകാരത്തോടെ എങ്ങനെ പണം നേടാമെന്ന് കണ്ടെത്താൻ കിഫ്ബിയുടെ ഉപസമിതിയായി ഇൻഫ്രാസ്ട്രക്ചർ ഫണ്ട് മാനേജ്മെന്റ് കോർപ്പറേഷനും രൂപീകരിക്കും.
സാധ്യതകൾ പഠിച്ച മാണി നടപ്പാക്കാത്ത കിഫ്ബി
മുൻ ഇടതു സർക്കാരിന്റെ അവസാന കാലത്ത് 2011ലെ ബജറ്റിൽ തോമസ് ഐസക് ഒരു നിർദ്ദേശം വച്ചിരുന്നു സംസ്ഥാന വികസനത്തിന് 40,000 കോടിരൂപ സ്വരൂപിക്കണമെന്നായിരുന്നു അത്. അന്ന് അതിനെ എല്ലാവരും പരിഹസിച്ചു. താഴെയിറങ്ങാൻപോകുന്ന സർക്കാരിന്റെ പകൽക്കിനാവായി അത് വിലയിരുത്തപ്പെട്ടു. പിന്നീട് ഉമ്മൻ ചാണ്ടി സർക്കാർ വരികയും ഓരോ ബജറ്റുകഴിയുമ്പോഴും ധനപ്രതിസന്ധി മൂർച്ഛിച്ഛ് ഒരു പദ്ധതിക്കും പണം കണ്ടെത്താനാകാതെ വരികയും ചെയ്തു. ഇതോടെ 2014ൽ അധിക ധനസമാഹരണത്തിന് മാർഗംതേടി മാണി ഇറങ്ങി. ബജറ്റിന് പുറത്ത് പണം കണ്ടെത്താൻ എന്തുചെയ്യാമെന്ന് പഠിക്കാൻ എസ്ബിഐ മാർക്കറ്റിങ് ലിമിറ്റഡിനെ ചുമതലപ്പെടുത്തി.
അവരുടെ നിർദ്ദേശമായിരുന്നു കിഫ്ബി. മാണി 2015ലെ ബജറ്റിൽ കിഫ്ബിയെപ്പറ്റി പരാമർശിച്ചെങ്കിലും പിന്നീടതിനെ പറ്റി മിണ്ടാട്ടമുണ്ടായില്ല. ഈ റിപ്പോർട്ട് പൊടിതട്ടിയെടുത്താണ് തോമസ് ഐസക് പുതിയ സർക്കാർ അധികാരത്തിലെത്തിയതോടെ അടിസ്ഥാന സൗകര്യത്തിനായി ഈ വഴി തിരഞ്ഞെടുക്കുകയായിരുന്നു. ഒരർത്ഥത്തിൽ അഞ്ചുവർഷം മുമ്പ് താൻതന്നെ പറഞ്ഞുവച്ച, എതിരാളികൾ പരിഹസിച്ച ആശയത്തിന് ബാങ്കിങ് രംഗത്തെ പഠനത്തിലൂടെ ഒരു വ്യക്തമായ രൂപരേഖ തയ്യാറായിക്കിട്ടിയതിന്റെ സന്തോഷത്തിലായിരുന്നു ഐസക്കെന്നു പറയാം. തന്റെ നിർദ്ദേശത്തേക്കാൾ സമഗ്രമായിരുന്നു കിഫ്ബിയെന്ന് മനസ്സിലാക്കിയ അദ്ദേഹം ഇത് നടപ്പാക്കാൻ സധൈര്യം മുന്നിട്ടിറങ്ങുകയായിരുന്നു.
യഥാർത്ഥത്തിൽ എന്താണ് കിഫ്ബിയെന്നും എങ്ങനെയാണ് സംസ്ഥാന വികസനത്തിന് അതിലൂടെ പണം കണ്ടെത്തുന്നതെന്നും പരിശോധിക്കുമ്പോഴേ അതിലെ ആശകളും ആശങ്കകളും പുറത്തുവരൂ. ഓരോ പദ്ധതിയും സർക്കാർ ആസൂത്രണം ചെയ്യുമ്പോൾ അതിന് ഇതുവരെയുള്ള രീതിവച്ച് പണം കണ്ടെത്തുന്നത് വായ്പകളിലൂടെയാണ്. ഇതിൽ 70-80 ശതനവും ബോണ്ടുകൾ വഴിയാണെത്തുന്നത്. എല്ലാ ബാങ്കുകളും അവരുടെ ഡെപ്പോസിറ്റുകളുടെ നിശ്ചിത ശതമാനം സർക്കാർ ബോണ്ടുകളിൽ നിക്ഷേപിക്കണമെന്നാണ് നിയമം. ഇതുപ്രകാരം സർക്കാർ ഇറക്കുന്ന ബോണ്ടുകൾ ബാങ്കുകൾ വാങ്ങുന്നു.
പക്ഷേ ഇത്തരത്തിൽ വായ്പയെടുക്കുന്നതിന് കർശന പരിധിയുണ്ട് സംസ്ഥാനങ്ങൾക്ക്. സംസ്ഥാന ആഭ്യന്തര വരുമാനത്തിന്റെ മൂന്നു ശതമാനത്തിലേറെ വായ്പയെടുത്തുകൂടാ. ഇത് വൻകിട പദ്ധതികൾക്ക് പണം കണ്ടെത്താൻ തടസ്സമാകുമ്പോഴാണ് ഇത് മറികടക്കാൻ പ്രത്യേക കമ്പനികൾ രൂപീകരിച്ച് സംസ്ഥാന സർക്കാരുകൾ വായ്പയെടുക്കുന്നത്. ഇങ്ങനെ അധിക വായ്പയെടുക്കുന്ന പണം സർക്കാർ ഖജനാവിലേക്ക് വരുന്നില്ല എന്നതിനാൽ കേന്ദ്ര സർക്കാരിന്റെ അനുവാദം ആവശ്യമില്ല. കൊച്ചി മെട്രോ, വിഴിഞ്ഞം തുടങ്ങിയ വൻകിട പദ്ധതികളെല്ലാം ഇത്തരത്തിൽ കമ്പനികൾ രൂപീകരിച്ചാണ് നടപ്പിലാക്കുന്നത്.
നൂലാമാലകളില്ലാതെ ആർക്കും പണമിറക്കാവുന്ന ബോണ്ടുകൾ
പക്ഷേ ഇങ്ങനെ ഓരോ പദ്ധതിക്കും കമ്പനികൾ രൂപീകരിക്കുകയും പ്രത്യേകം വായ്പയെടുക്കുകയും അതിനായി പ്രത്യേകം ഡയറക്ടർബോർഡും മറ്റും രൂപീകരിക്കുകയും ചെയ്യുകയെന്ന വലിയൊരു നുലാമാലയുണ്ട്. വൻ ലാഭമുണ്ടാകാത്തിടത്ത് വായ്പലഭിക്കാനും പ്രയാസമാകും. ഈ സാഹചര്യത്തിലാണ് കിഫ്ബി സംസ്ഥാന വികസനത്തിൽ ഹീറോ ആകാൻ പോകുന്നത്. കാരണം കിഫ്ബി പണം സമാഹരിക്കുന്നത് വായ്പയിലൂടെയല്ല, മറിച്ച് ബോണ്ടുകളിലൂടെയാണ്. ബാങ്കുകൾക്കുമാത്രമല്ല, ആർക്കും ബോണ്ടുകളിൽ നിക്ഷേപം നടത്താം എന്നിരിക്കെ കിഫ്ബിയിലേക്ക് വൻതോതിൽ നിക്ഷേപം സ്വീകരിക്കാനാകുമെന്ന പ്രതീക്ഷയിലാണ് കേരളത്തിന്റെ വികസന സ്വപ്നങ്ങൾ ഐസക് നെയ്തെടുക്കുന്നത്. ഇപ്പോഴത്തെ മുതലാളിത്ത വ്യവസ്ഥിതിയിൽ വായ്പയായി എടുക്കാവലുന്ന പണത്തിന്റെ വലിയൊരു ഭാഗം എത്തുന്നത് ബോണ്ട് മാർക്കറ്റിലാണ്.
കോടീശ്വരന്മാർ മുതൽ ചെറുകിട ബാങ്കുകൾ വരെ പണം നിക്ഷേപിക്കാൻ ബോണ്ടുകളെ ആശ്രയിക്കുമ്പോൾ ഏതുസമയത്തും നിക്ഷേപിക്കാമെന്നും എപ്പോൾ വേണമെങ്കിലും തിരിച്ചെടുക്കാമെന്നുമുള്ള വ്യവസ്ഥകളുമായി എത്തുന്ന കിഫ്ബിയുടെ ബോണ്ടുകളിൽ പണം നിക്ഷേപിക്കാൻ പലരും തയ്യാറാകുമെന്നാണ് പ്രതീക്ഷിക്കപ്പെടുന്നത്. ഏതെങ്കിലും പദ്ധതിയിൽ സ്ഥിരമായി നിക്ഷേപിക്കുന്നതിന് പകരം കൃത്യമായി പലിശ ലഭിക്കുന്ന, എപ്പോൾ വേണമെങ്കിലും വിറ്റ് പണമാക്കി മാറ്റാവുന്ന ബോണ്ടുകളിലേക്ക് ഏറെപ്പേർ ആകൃഷ്ടരാകുമെന്ന പ്രതീക്ഷയാണ് കിഫ്ബിയുടെ ആസൂത്രകർക്കുള്ളത്. ഊഹക്കച്ചവട മേഖലയിൽ നിക്ഷേപമിറക്കിയും പിൻവലിച്ചും 'മണി ബിസിനസ്' ലാഭകരമായി നടത്തുന്ന കുറേപ്പേരെങ്കിലും കിഫ്ബിയിലേക്ക് ആകർഷിക്കപ്പെട്ടാൽ ആ പണം കേരളത്തിന്റെ പശ്ചാത്തല സൗകര്യങ്ങൾ മെച്ചപ്പെടുത്തുന്ന പദ്ധതിക്ക് പ്രയോജനകരമാകും.
കിഫ്ബിയുടെ പ്രവർത്തനം ഇങ്ങനെ
കിഫ്ബിയിലേക്ക് എങ്ങനെ നിക്ഷേപം സ്വീകരിക്കുമെന്നും പണം ചെലവഴിക്കുമെന്നും തോമസ് ഐസക് തന്നെ മുമ്പ് വ്യക്തമാക്കിയിരുന്നു. കേരളത്തിൽ എല്ലാവർക്കും വീടു നൽകാൻ 10,000 കോടി വേണമെങ്കിൽ സഹകരണ ബാങ്കുകളിൽ നിന്ന് വായ്പയെടുക്കണം. ഇതാണ് കഴിഞ്ഞ ഇടതുപക്ഷ സർക്കാരിന്റെ 2500 കോടി രൂപ ഇപ്രകാരം സമാഹരിച്ചു. പക്ഷേ ഉറപ്പു പ്രകാരം യു.ഡി.എഫ് സർക്കാർ പലിശ വർഷംതോറും ബാങ്കുകൾക്ക് നൽകിയില്ല. മുതലിന്റെ ഗഡുക്കൾ തദ്ദേശഭരണ സ്ഥാപനങ്ങൾക്കു പിടിച്ചു നൽകുന്നതിനും വീഴ്ചയുണ്ടായി. അതുകൊണ്ട് പിന്നീട് സഹകരണ സ്ഥാപനങ്ങളിൽ നിന്ന് പാർപ്പിട പദ്ധതിക്ക് വായ്പയെടുക്കാൻ അനുവാദം നൽകിയപ്പോൾ മിക്ക ബാങ്കുകളും വായ്പ നൽകിയില്ല.
പക്ഷേ, കിഫ്ബിയുടെ കാര്യത്തിൽ ഇങ്ങനയൊരു പ്രശ്നം ഉണ്ടാകുന്നില്ല. കിഫ്ബി പ്രത്യേക പാർപ്പിട ബോണ്ടുകൾ ഇറക്കും. അവ സഹകരണ ബാങ്കുകൾക്കു വാങ്ങാം. എപ്പോൾ പണം തിരികെ വേണമോ അവർക്ക് ബോണ്ടുകൾ വിൽക്കാം. ഡിസ്കൗണ്ട് ചെയ്തു വാങ്ങുവാൻ ബാങ്കുകളുമായി കിഫ്ബി ധാരണയുണ്ടാക്കും. കിഫ്ബിയിൽ നിന്നു തദ്ദേശഭരണ സ്ഥാപനങ്ങൾക്ക് പാർപ്പിട പദ്ധതിക്ക് വായ്പ ലഭ്യമാക്കും. ഈ മാതൃകയിൽ ബോണ്ടിറക്കി ഇ.എം.എസ് പാർപ്പിട പദ്ധതി നടപ്പിലാക്കുന്നതിന് യാതൊരു പ്രയാസവുമുണ്ടാവില്ല.
ഇതുപോലെ മറ്റു നിക്ഷേപ പദ്ധതികൾക്കും ബോണ്ടുകൾ ഇറക്കി പണം സമാഹരിക്കാനാവും. ഇങ്ങനെ 5 വർഷം കൊണ്ട് ഒരു ലക്ഷം കോടി രൂപയുടെ വരെ നിക്ഷേപം കേരളത്തിൽ സൃഷ്ടിക്കാനാകുമെന്ന് ഐസക് പറയുന്നു. ഇത്രയും തുക എങ്ങനെ തിരിച്ചടയ്ക്കുമെന്നത് ന്യായമായ സംശയം. ഓരോ തരം ബോണ്ടിനും തനതായ തിരിച്ചടവ് മാർഗ്ഗം ഉറപ്പുവരുത്തും. ഉദാഹരണത്തിന് പാർപ്പിട പദ്ധതിയിൽ 20 വർഷംകൊണ്ട് തദ്ദേശഭരണ സ്ഥാപനങ്ങളുടെ പ്ലാൻ ഫണ്ടിൽ നിന്നും മുതൽ തിരിച്ചുപിടിക്കും. പലിശ സർക്കാരും നൽകും. ജനങ്ങൾ 20 വർഷം വരെ കാത്തിരിക്കേണ്ടി വരുന്ന വീടുകൾ ഒറ്റയടിക്ക് ഇപ്പോൾ തന്നെ നിർമ്മിക്കാനാകും.
പക്ഷേ, വാണിജ്യ സമുച്ചയങ്ങളും മറ്റും പണിയുന്നതിനുള്ള ബോണ്ടുകളിലൂടെ നൽകുന്ന വായ്പയുടെ മുതലും പലിശയും പദ്ധതിയിൽ നിന്നുതന്നെ തിരിച്ചടയ്ക്കണം. ഭൂമി ഏറ്റെടുക്കുന്നതിനുള്ള ലാന്റ് ബോണ്ടു വഴി സമാഹരിക്കുന്ന വായ്പയാകട്ടെ സോഫ്ട് ലോണായിട്ടായിരിക്കും വ്യവസായ പാർക്കുകളുടെയും മറ്റും ഏജൻസികൾക്ക് നൽകുക. ഭൂമി വികസിപ്പിച്ച് വ്യവസായ സംരംഭകർക്ക് വിൽക്കുമ്പോൾ മുതലും പലിശയും കിഫ്ബിക്ക് തിരിച്ചടയ്ക്കണം. ഇങ്ങനെ ഓരോതരം ബോണ്ടിനും കൃത്യമായ റവന്യൂ മോഡൽ ഉണ്ടാക്കിയാകും കിഫ്ബി പ്രവർത്തിക്കുക.
പാതകളും പാലങ്ങളും പോലുള്ളവ നിർമ്മിക്കുന്നതിനു കിഫ്ബി മുടക്കുന്ന തുകയുടെ തിരിച്ചടവ് പെട്രോൾ സെസിൽ നിന്നുള്ള വരുമാനവും മോട്ടോർ വാഹനനികുതിയുടെ പകുതി വരുമാനവും വഴി ലഭ്യമാക്കും. അതായത് ഇതുവരെ വാഹനരജിസ്ട്രേഷനും നികുതിയും ഇന്ധനസെസ്സുമായി പിരിച്ചുകൊണ്ടിരുന്ന പണം മറ്റു പദ്ധതികളിലേക്ക് ഓരോ കാലത്തും സർക്കാരുകൾ വകമാറ്റി ചെലവഴിച്ചിരുന്നെങ്കിൽ ഇനിയങ്ങോട്ട് റോഡിലൂടെ വണ്ടിയോടിക്കുന്നവർക്ക് അവരുടെ പണം നല്ല റോഡിലൂടെയും പാലത്തിലൂടെയും തിരിച്ചുകിട്ടുമെന്ന് ചുരുക്കം.
ഒരു പദ്ധതിയുടെ പേരിൽ വായ്പയെടുത്ത് മറ്റൊന്നിന് വിനിയോഗിച്ച്, പിന്നെ ബജറ്റ് കമ്മി നികത്താൻ ഉപയോഗിച്ച്, ഒടുവിൽ പദ്ധതി പാതിവഴിയിൽ കിടന്ന് ഇഴയുന്ന സ്ഥിതി ഇനിയുണ്ടാവില്ലെന്നതു തന്നെയാണ് കിഫ്ബി വരുന്നതുകൊണ്ടുള്ള പ്രധാന നേട്ടമെന്ന് പറയാം. ഇപ്പോൾ വായ്പയെടുക്കുന്ന പണത്തിന്റെ ഭൂരിഭാഗവും ദൈനംദിന ചെലവുകളുടെ കമ്മി നികത്താനാണ് ഉപയോഗിക്കുന്നത്. എന്നാൽ അടുത്ത 5 വർഷം നികുതി വരുമാനം 20-25 ശതമാനം പ്രതിവർഷം വർദ്ധിപ്പിക്കുന്നതിനാണ് ലക്ഷ്യമിട്ടിരിക്കുന്നത്. ഈ ശ്രമം വിജയിച്ചാൽ അഞ്ചാം വർഷം ആകുമ്പോഴേയ്ക്കും റവന്യൂ കമ്മി ഇല്ലാതാക്കാനാവുമെന്നാണ് ഐസക്കിന്റെ പ്രതീക്ഷ. അപ്പോൾ വായ്പയെടുക്കുന്ന തുക മുഴുവൻ മൂലധന ചെലവിനായി മാറ്റിവയ്ക്കാനാവും.
ഇതിലൊരു ഭാഗവും ബോണ്ടുകളുടെ ബാധ്യത തീർക്കാനായി ഉപയോഗപ്പെടുത്താമെന്ന പ്രതീക്ഷയിലാണ് കിഫ്ബിയുടെ നിലനിൽപ്. ഈ സാഹചര്യത്തിലാണ് റവന്യൂകമ്മി നിയന്ത്രിക്കാനായില്ലെങ്കിൽ എല്ലാം തകിടം മറിയുമെന്നും ഇത് മുൻകൂട്ടിക്കണ്ടുകൊണ്ടുതന്നെയാണ് ഇച്ഛാശക്തിയോടെ സർക്കാർ കിഫ്ബി രൂപീകരിച്ച് കേരളത്തിന്റെ സമഗ്രവികസനം സ്വപ്നംകാണുന്നതെന്നും ഐസക് വ്യക്തമാക്കുന്നതും. ഗൾഫ് പ്രതിസന്ധി മൂർച്ഛിച്ചാൽ ഇന്നത്തെ സാമ്പത്തികമുരടിപ്പ് ഒരു സാമ്പത്തിക തകർച്ചയായി മാറുമെന്നും അത് കേരളത്തെ തകിടംമറിക്കുന്ന് വലിയൊരു സാമൂഹ്യ ദുരന്തമായിരിക്കുമെന്നും കണക്കാക്കിയാണ് പുതിയ ബജറ്റിൽ 'ഒരു നൂൽപ്പാല നടത്തത്തിന്' തോമസ് ഐസക് തയ്യാറായിരിക്കുന്നത്.
ഇന്ത്യയിൽ ലഭിക്കാവുന്ന ഏറ്റവും നല്ല സാമ്പത്തിക സാങ്കേതിക വിദഗ്ധരെ അനൗദ്യോഗിക അംഗങ്ങളായി കിഫ്ബിക്ക് ലഭിച്ചതിലെ സന്തോഷം വ്യക്തമാക്കി ധനമന്ത്രി തോമസ് ഐസക് ഇന്ന് നൽകിയ എഫ് ബി പോസ്റ്റ്:
- TODAY
- LAST WEEK
- LAST MONTH
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- ഞങ്ങളുടെ സ്ഥാനാർത്ഥിക്ക് വോട്ടു ചെയ്യല്ലേ! രാജസ്ഥാനിലെ ബൻസ്വാഡ-ദുംഗർപൂർ ലോക്സഭാ മണ്ഡലത്തിൽ വിചിത്ര അഭ്യർത്ഥനയുമായി കോൺഗ്രസ്; അപ്രതീക്ഷിതമായി ത്രികോണ മത്സരം വന്നതോടെ പാർട്ടിക്ക് നാണക്കേട്: പിന്നാമ്പുറ കഥ
- മരണത്തിനുത്തരവാദികളായവരുടെ പേരുകൾ എഴുതിവെച്ച ശേഷം ആത്മഹത്യ; തൃശ്ശൂരിൽ വീട്ടമ്മയുടെ മരണത്തിൽ അങ്കണവാടി വർക്കർ അറസ്റ്റിൽ
- സൗബിൻ സാഹിറിനെതിരെ മരട് പൊലീസ് ചുമത്തിയത് ഗൗരവതരമുള്ള വകുപ്പുകൾ; മരട് ഇൻസ്പെക്ടർ തയ്യാറാക്കിയ എഫ് ഐ ആറിലേത് അക്കൗണ്ട് വഴി പണം കൈമാറിയിട്ടും വഞ്ചിച്ചെന്ന ആരോപണം; ചുമത്തുന്നത് വഞ്ചനയും ക്രിമിനൽ ഗൂഢാലോചനയും; 'മഞ്ഞുമ്മൽ ബോയ്സ്' അറസ്റ്റിലാകാൻ സാധ്യത ഏറെ; ആ 47 കോടി തിരിച്ചു കൊടുക്കേണ്ടി വരും
- അമ്മയും മകളും തമ്മിൽ കണ്ടപ്പോൾ വികാരനിർഭര നിമിഷങ്ങൾ; അൽപനേരം ഒരുമിച്ച് ചെലവഴിക്കാൻ അനുമതി നൽകി സനയിലെ ജയിൽ അധികൃതർ; നിമിഷപ്രിയയെ കണ്ടതിന്റെ ആശ്വാസത്തിലും സന്തോഷത്തിലും പ്രേമകുമാരി; തൊടുപുഴയിലെ വീട്ടിൽ പ്രാർത്ഥനയോടെ നിമിഷയുടെ മകൾ
- കന്നിവോട്ട് ചെയ്യാൻ കാത്തിരുന്ന് ഒരു കുടുംബത്തിലെ അഞ്ചു പേർ; വിദേശവാസം അവസാനിപ്പിച്ച് നാട്ടിലെത്തിയ പ്രവാസി കുടുംബം ഒന്നടങ്കം നാളെ ബൂത്തിലേക്ക്
- എട്ടു വർഷം മുമ്പ് വോട്ട് ചെയ്തപ്പോൾ വിരലിൽ പുരട്ടിയ മഷിയടയാളം മായുന്നില്ല; സോപ്പും ലായനികളുമെല്ലാം ഉപയോഗിച്ചെങ്കിലും വര തെളിഞ്ഞുതന്നെ; തദ്ദേശതിരഞ്ഞെടുപ്പിൽ തിരഞ്ഞെടുപ്പ് ഉദ്യോഗസ്ഥർ എതിർത്തതോടെ ഭയന്ന് വോട്ട് ചെയ്യുന്നത് നിർത്തി ഉഷ
- ജില്ലാ പരിഷത്ത് അംഗമായ ഭാര്യയുടെ പിന്തുണയിലേക്കും അന്വേഷണം; ഗുൽഷൻ പർവീണിനെ ചോദ്യം ചെയ്യാൻ കേരള പൊലീസ് സീതാമഡിയിലേക്ക്; 'ബിഹാർ റോബിൻഹുഡ്' ഇനി കുറച്ചു ബുദ്ധിമുട്ടും; ഭീമയുടെ വീട്ടിലെ മോഷണത്തിലെ ജാമ്യ വ്യവസ്ഥ ലംഘനവും കള്ളന് വിനയാകും
- വെറ്റിലയും അടക്കയും ചുണ്ണാമ്പും പുകയിലയും കിറ്റുകളിൽ; 'മുറുക്കുന്നതിനോട്' താൽപ്പര്യമുള്ള നേതാവിന് വോട്ടുറപ്പിക്കാനോ ഈ കിറ്റുകൾ; ബത്തേരിയിലും മാനന്തവാടിയിലും കിറ്റ്; ബിജെപിക്കെതിരെ ആരോപണവുമായി കോൺഗ്രസും സിപിഎമ്മും; ഒന്നും അറിയില്ലെന്ന് ലോറി ഡ്രൈവറും; വയനാട്ടിൽ വിവാദം
- ഹിന്ദുക്കളുടെ സ്വത്ത് എടുത്ത് മുസ്ലീങ്ങൾക്ക് കൊടുക്കുമെന്ന് കോൺഗ്രസ് പ്രകടന പത്രികയിൽ ഉണ്ടോ? ജനങ്ങളുടെ സ്വത്തുക്കൾ കണ്ടുകെട്ടാനും സമ്പാദ്യം അപഹരിക്കാനും കോൺഗ്രസിന് പദ്ധതിയുണ്ടോ? പ്രധാനമന്ത്രി മോദിയും ബിജെപിയും നടത്തുന്ന പ്രചാരണത്തിന്റെ വസ്തുതയെന്ത്?
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- ഇന്ത്യയിൽ നിന്നും യുകെയിലേക്ക് കെയറർ വിസയിൽ തൊഴിലാളികൾ എത്തുന്നതിൽ ആശങ്കയുമായി ലോകാരോഗ്യ സംഘടന; കെയർ ഹോമുകളിൽ ഗുണനിലവാരമില്ലാത്ത സേവനത്തിനു സാധ്യതയെന്ന് ഓക്സ്ഫോർഡ് യൂണിവേഴ്സിറ്റി മുന്നറിയിപ്പും; ഇന്ത്യക്കാർക്ക് വിസ നിഷേധിക്കാൻ മറ്റൊരു കാരണം കൂടി
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- ഇറാൻ പ്രകോപനത്തിന് തിരിച്ചടിയുമായി ഇസ്രയേൽ; ഇറാന്റെ വടക്കൻ നഗരമായ ഇസ്ഫഹാനിലെ വിമാനത്താവളത്തിന് മിസൈൽ ആക്രമണം നടത്തി ഇസ്രയേൽ; ആക്രമണത്തിന പിന്നാലെ ഇറാനിൽ വിമാന സർവീസുകൾ പൂർണായും നിർത്തിവെച്ചു; ഇസ്രയേൽ ആക്രമണം അമേരിക്കയെ അറിയിച്ച ശേഷം
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്