എന്ന് നിന്റെ മൊയ്തീനും ടേക്ക് ഓഫും ഇസ്ലാമോഫോബിയ പ്രചരിപ്പിക്കുന്ന ചിത്രങ്ങൾ ആണോ? കറുത്ത കഥാപാത്രത്തെ വെളുത്ത പാർവതിക്ക് മേക്കപ്പിട്ട് ചെയ്യാമോ? കറുത്തമ്മയെ വെളുത്തമ്മയാക്കുന്ന മലയാള സിനിമ കരിങ്കൽപ്രതിമ പോലുള്ള ശരീരമുള്ള രാച്ചിയമ്മയെ വെളുപ്പിക്കുകയാണെന്ന് ദീപാ നിശാന്ത്; മലയാള സിനിമ നായർ സൗന്ദര്യബോധത്തിൽ നിന്ന് മാറിയിട്ടില്ലെന്ന് സണ്ണി കപിക്കാട്; ദലിത് സ്വത്വവാദവും ഇസ്ലാമോഫോബിയയും മറ്റുമായി മലയാള സിനിമയിലും ജാതിയും മതവും കയറിവരുന്നു!
എം മാധവദാസ്
തിരുവനന്തപുരം: ഒറ്റപ്പെട്ട അപവാദങ്ങൾ ഉണ്ടെങ്കിലും പൊതുവേ മതേതരമാണ് മലയാള സിനിമയെന്നാണ് പറയുക. ജാതി മത ബോധങ്ങൾ അത്രയൊന്നുമില്ലാതെയാണ് പ്രേംനസീറിന്റെയും സത്യന്റെയും കാലത്തുതൊട്ടുതന്നെ മലയാള സിനിമ പ്രവർത്തിച്ചത്. താരപദവിയുമായി ബന്ധപ്പെട്ട അധികാരഘടനയല്ലായെ മതവും ജാതിയും സ്വത്വബോധവുമൊന്നും ഈ വ്യവസായത്തിൽ അധികം സ്വാധീനിച്ചിട്ടില്ല.തനിക്കുനേരെ യാതൊരു വിവേചനവും ഉണ്ടായിട്ടിലെന്ന നടൻ വിനായകന്റെ പ്രതികരണം തന്നെ ഉദാഹരണം. എന്നാൽ അടുത്ത കാലത്തായി സ്വത്വവാദവും ഇസ്ലാമോഫോബിയയുമൊക്കെയായി മലയാള സിനിമയിലും ജാതിയും മതവും കയറിവരികയാണെന്നാണ് ആക്ഷേപം. പൗരത്വഭേദഗതി നിയമത്തിന്റെ അടിസ്ഥാനത്തിലുള്ള ചർച്ചകൾ സത്യത്തിൽ മലയാള സിനിമയെയും സാമുദായികമായി ഭിന്നിച്ചിട്ടുണ്ടെന്ന് യുവ സംവിധായകർ പറയുന്നുണ്ട്.
ഇതിനിടയിലാണ് നടി പാർവതിയുടെ ഒരു പ്രസ്താവനക്കെതിരെ സിനിമാ ലോകത്തുനിന്ന് വ്യാപകമായ വിമർശനമാണ് ഉണ്ടായത്. എന്ന് നിന്റെ മൊയ്തീൻ, ടേക്ക് ഓഫ് എന്നീ രണ്ടു സിനിമകൾ ഇസ്ലാമോഫോബിയ വളർത്തുന്നവയാണെന്നാണ് നടി പാർവതി തെരുവോത്ത്, ഇയിടെ പ്രഖ്യാപിച്ചത്. ഈ പ്രസ്താവനയിൽ ശരിക്കും ഞെട്ടിയത് ഈ സിനിമയുടെ സംവിധായകരും എഴുത്തുകാരും ഉൾപ്പെടെയുള്ളവർ ആയിരുന്നു. പക്ഷേ കൂടുതൽ പ്രശ്നങ്ങൾ വേണ്ടെന്ന ധാരണയിൽ അവർ പ്രതികരിക്കാതിരിക്കയായിരുന്നു. അതിനിടെയാണ് വെളുത്ത നടിക്ക് കറുത്ത കഥാപാത്രത്തെ അവതിരപ്പിക്കാമോ എന്ന രീതിയിൽ ദലിത്സ്വത്വ വിവാദവും പുറത്തുവന്നത്. കറുത്ത കഥാപാത്രത്തെ വെളുത്ത പാർവതി തൊലി കറുപ്പിച്ച് ചെയ്യാമോ എന്നാണ് സ്വത്വവാദികൾ ചോദിക്കുന്നത്. കറുത്തമ്മയെ വെളുത്തമ്മയാക്കുന്ന മലയാള സിനിമ കരിങ്കൽപ്രതിമ പോലുള്ള ശരീരമുള്ള രാച്ചിയമ്മയെ വെളുപ്പിക്കയാണെന്ന് ചൂണ്ടിക്കാട്ടി എഴുത്തുകാരി ദീപാ നിശാന്ത് ആണ് ആദ്യം രംഗത്ത് എത്തിയത്. ഇത് ചർച്ചയായതോടെ, മലയാളസിനിമ ഇപ്പോഴും നായർ സൗന്ദര്യബോധത്തിൽ നിന്ന് മാറിയിട്ടില്ലെന്ന് ചൂണ്ടിക്കാട്ടി ദലിത് ചിന്തകൻ സണ്ണി കപിക്കാടും രംഗത്ത് എത്തി. നായർ, ദലിത്, മുസ്ലിം തുടങ്ങിയ ജാതി മതവാക്കുകൾ ഇങ്ങനെ തുടർച്ചയായി ചർച്ചചെയ്യുന്നത് മലയാള സിനിമയിൽ മോശമായ പ്രവണതയാണ് സൃഷ്ടിക്കുന്നതെന്നും, പൊതുവെ മതേതരമായ മലയാള സിനിമയിലേക്ക് മതം കൊണ്ടുവരാൻ മാത്രമേ ഉപകരിക്കുകയുള്ളൂവെന്നും സോഷ്യൽ മീഡിയയിൽ അടക്കം ശക്തമായ വിമർശനം ഉയരുന്നുണ്ട്.
പാലക്കാട് മെഡിക്കൽ കോളജിൽ നടൻ ബിനീഷ് ബാസ്റ്റിനെ സംവിധായകൻ അനിൽ രാധാകൃഷണ്മേനോൻ അപമാനിച്ചുവെന്ന പരാതി ഉയർന്നപ്പോഴും മലയാള സിനിമയിൽ ജാതിയും മതവും കത്തിനിന്നിരുന്നു. ബിനീഷിനെ അനിൽ രാധാകൃഷ്ണമേനോൻ അകറ്റാൻ ശ്രമിച്ചതിന് പിന്നിൽ ജാതിയാണ് പ്രശ്നമെന്ന ആരോപണം വ്യാജമാണെന്ന് പിന്നീട് തെളിഞ്ഞിരുന്നു. ഈ പ്രശ്നത്തിൽ എവിടെയും ജാതി ഒരു ഘടകം ആയിരുന്നില്ല. പക്ഷേ പ്രചാരണം നടന്നത് മറിച്ചാണ്. മെറിറ്റിനല്ല ജാതിക്കും മതത്തിനുമാണ് മലയാള സിനിമ പ്രാധാന്യം നൽകുന്നതെന്ന വ്യാജ ആരോപണം സിനിമയിലേക്ക് ഒളിച്ചുകടത്തുകയാണ് ഇപ്പോൾ ചെയ്യുന്നത്. ന്യൂജൻ സിനിമക്കാർക്കൊന്നും തീരെ താൽപ്പര്യമില്ലാത്ത വിഷയമായിരുന്നു ജാതിയും മതവും. എന്നാൽ ഇത്തരം ചർച്ചകളിലുടെ ഇപ്പോൾ ഈ വിഷയങ്ങൾ സജീവ ചർച്ചയാവുകയാണ്. നേരത്തെ നടൻ തിലകനാണ് തിരുവനന്തപുരം കേന്ദ്രീകരിച്ച നായർലോബി ഉണ്ടെന്ന് ആരോപണം ഉയർത്തിയിരുന്നു. പക്ഷേ അത് വ്യക്തിപരമായ ചില പ്രശ്നങ്ങളുടെ അടിസ്ഥാനത്തിലാണെന്ന് തിലകൻ തന്നെ പറഞ്ഞിരുന്നു. എന്നാൽ അക്കാലത്തൊന്നും ഇല്ലാത്ത രീതിയിൽ ജാതിയും മതവും മലയാള അഭ്രപാളികളിൽ കയറിവരികയാണ്.
ഐഎസിനെ വിമർശിക്കുന്നത് പാർവതിക്ക് ഇസ്ലാം വിമർശനമോ?
എന്ന് നിന്റെ മൊയ്തീൻ, ടേക്ക് ഓഫ് തുടങ്ങിയ സിനിമകൾ ഇസ്ലാമോഫോബിയ വളർത്തുന്നതാണെന്ന നടി പാർവതിയുടെ പ്രസ്താവനയിൽ ഈ സിനിമയുടെ അണിയറ പ്രവർത്തകർക്ക് അതി ശക്തമായ പ്രതിഷേമാണ് ഉള്ളത്. പക്ഷേ അവർ അക്കാര്യത്തിൽ പരസ്യമായി പ്രതികരിച്ചിട്ടില്ല. താൻ അഭിനയിച്ച 'എന്ന് നിന്റെ മൊയ്തീനി'ലും 'ടേക്ക് ഓഫി'ലും ഇസ്ലാമോഫോബിയ അടങ്ങിയിട്ടുണ്ടെന്നും എന്നാൽ പിന്നീടാണ് അത് മനസിലായതെന്നും നടി പാർവതി പറഞ്ഞത്. കോഴിക്കോട് നടന്ന 'വാച്ച് ഔട്ട്' ചലച്ചിത്രമേളയുടെ ഭാഗമായി നടന്ന സംവാദത്തിൽ സംസാരിക്കുകയായിരുന്നു അവർ. 'കസബ' പോലെയുള്ള സിനിമകളിലെ സ്ത്രീവിരുദ്ധത ചോദ്യം ചെയ്യാനുള്ള അവകാശം താൻ ഇപ്പോഴും സൂക്ഷിച്ചിട്ടുണ്ടെന്നും പാർവതി പറഞ്ഞു.കസബ പോലെയുള്ള സിനിമയിലെ പ്രശ്നം മറ്റ് പല സിനിമകളിലും പ്രശ്നമായി ഇപ്പോഴും തുടരുന്നുണ്ട്. തെറ്റ് തിരുത്തി മുന്നോട്ടുപോകുന്നതിനാൽ മറ്റുള്ളവരുടെ സിനിമകളിലെ അനീതികൾ തുറന്നുപറയുന്നത് തുടരും. അതിനെപ്പറ്റി വീണ്ടുമൊരു ചർച്ചയും ചോദ്യവും വരുകയാണെങ്കിൽ അപ്പോൾ കിട്ടുന്ന ഇൻഫർമേഷനെപ്പറ്റി കേൾക്കാനും തിരുത്താനും ഇനിയുള്ള സിനിമകളിൽ അത് വരാതിരിക്കാനുമുള്ള തീരുമാനം ഞാൻ എടുത്തിട്ടുണ്ട്', കൈയടികൾക്കിടെ പാർവതി പറഞ്ഞു.
പക്ഷേ എന്ന് നിന്റെ മൊയ്തീനിൽ എന്താണ് ഇസ്ലാമോഫോബിയ ഉള്ളത് അത് എടുത്തുകാട്ടാമോ എന്ന സോഷ്യൽ മീഡിയുടെ ചോദ്യത്തിന് പാർവതി മറുപടി പറഞ്ഞിട്ടില്ല. മൊയ്തീന്റെയും കാഞ്ചനമാലയുടെ മതാതീതമായ പ്രണയത്തെക്കുറിച്ചുമുള്ള കഥ മതേതരത്വത്തെയല്ലാതെ എങ്ങനെയാണ് ഇസ്ലാമിനെ മോശമാക്കി ചിത്രീകരിക്കുന്നത് എന്നതിന് മറുപടിയില്ല. മൊയ്തീന്റെ പിതാവായി അഭിനയിച്ച സായികുമാർ അവതരിപ്പിച്ച കഥാപാത്രം അക്കാലത്തെ ഫ്യൂഡൽ മുസ്ലിം പ്രമാണിമാരുടെ പ്രതിനിധിയാണ്. അതിനർഥം എല്ലാ മുസ്ലീങ്ങളും അങ്ങനെയണോ എന്നാണോ എന്ന സോഷ്യൽ മീഡിയുടെ ചോദ്യത്തിന് പാർവതി മറുപടി പറഞ്ഞിട്ടില്ല. അതുപോലെ തന്നെ ടേക്ക് ഓഫ് എന്ന സിനിമയിൽ ഇസ്ലാമിനെയല്ല ഐഎസ് ഭീകരരെയാണ് ചിത്രീകരിക്കുന്നത്. ഒരുപറ്റം നഴ്സുമാരെ തട്ടിക്കൊണ്ടുപോയി വിലപേശുന്ന ഐഎസിന്റെ നിലപാടാണ് ഇവിടെ വിമർശിക്കപ്പെട്ടത്. ഇത് എങ്ങനെയാണ് മൊത്തം ഇസ്ലാമിനും ബാധകമാവുന്ന ഫോബിയയായി മാറുന്നത്.
മാത്രമല്ല എന്തിനും ജാതി- മത സ്കാനറിലൂടെ നോക്കുക, വലിയൊരു വിഭാഗം എഴുത്തുകാരും നിരൂപകരും കേരളത്തിലുണ്ട്. അങ്കമാലി ഡയറീസ് എന്ന ചിത്രം ക്രിസ്ത്യൻ വർഗീയത വളർത്തുന്നുവെന്ന വ്യാജ നിരൂപണം വന്ന നാടാണ് ഇത്. പക്ഷേ അപ്പോഴും എന്ന് നിന്റെ മൊയ്തീനിൽ ഇസ്ലാമോഫോഫിയ ഉണ്ടെന്ന് ആരും ആരോപിച്ചിരുന്നില്ല. എന്നാൽ ടേക്ക് ഓഫ് സിനിമ ഇറങ്ങിയപ്പോൾ ജമാഅത്തെ ഇസ്ലാമിയുടെയും, എസ്ഡിപിഐയുടെയും ഗ്രൂപ്പുകളിൽ ഇക്കാര്യം ചൂണ്ടിക്കാട്ടി വ്യാപകമായ വിമർശനമാണ് ഉയർന്നിരുന്നത്. എന്നാൽ മതേതര പക്ഷത്ത് നിൽക്കുന്നുവെന്ന് പറയുന്ന പാർവതിയും ഇതുപോലുള്ള വാദങ്ങൾ ഉയർത്തി മതമൗലിക വാദികളെ പിന്തുണക്കയാണ് ചെയ്യുന്നത്. ഈ ചിത്രങ്ങളുടെ സംവിധായകർ ഒക്കെ ഇസ്ലാം വിരുദ്ധരാണ് എന്ന ആരോപണം ഉയർത്തുന്നത് സത്യത്തിൽ സിനിമയിലെ മതേതര ചേരിയെ ദുർബലമാക്കുകയാണ്. ചീപ്പ് പബ്ലിസിറ്റിക്ക് വേണ്ടി പാർവതി ചെയ്യുന്നതെന്നാണ് യുവ സംവിധായകർ ആരോപിക്കുന്നത്. എന്നാൽ ഈ രീതിയിൽ കുടുംതുറന്നുവിട്ട മതവാദവും സ്വത്വവാദവും പാർവതിക്ക് തിരിച്ചടിയാവുന്നതാണ് രാച്ചിയമ്മ വിവാദം സൂചിപ്പിക്കുന്നത്. വെളുത്ത പാർവതിയെങ്ങനെയാണ് കറുത്ത രാച്ചിയമ്മയെ അവതരിപ്പിക്കയെന്ന രീതിയിലുള്ള സ്വത്വവാദമൊക്കെ മലയാള സിനിമയിൽ നാളിതുവരെ കേട്ടിട്ടില്ലാത്തതാണ്.
രാച്ചിയമ്മ തുറന്നിട്ട വികലവാദം
സിനിമയെ ഒരു വിനോദാപാധിയായി കാണാതെ ജാതിയും മതവും കലർത്തി തള്ളുന്നതിന്റെ ഫലമാണ് ഉറൂബിന്റെ രാച്ചിയമ്മ എന്ന കഥ പ്രശസ്ത ഛായാഗ്രാഹകൻ കൂടിയായ വേണു ചലച്ചിത്രമാക്കുമ്പോൾ ഉണ്ടായ വിവാദം. ഉറൂബിന്റെ കഥയിലെ രാച്ചിയമ്മ കരിങ്കല്ലുപോലെ കറുത്തതാണെന്നും വെളുത്ത പാർവതി മേക്കപ്പിട്ട് അത് ചെയ്യരുതെന്നുമുള്ള തീവ്ര സ്വരങ്ങളാണ് സോഷ്യൽ മീഡിയിൽ ഉയരുന്നത്. ഇതിന് പാർവതി പറഞ്ഞ മറുപടി ഇങ്ങനെയാണ്. രാച്ചിയമ്മ എന്ന കഥാപാത്രം യഥാർത്ഥത്തിൽ ജീവിച്ചിരുന്ന വ്യക്തിയല്ല. അതൊരു ഫിക്ഷൻ കഥാപാത്രം മാത്രമാണ്. രാച്ചിയമ്മ ജീവിച്ചിരുന്ന വ്യക്തിയായിരുന്നെങ്കിൽ ഒരിക്കലും താൻ ആ സിനിമയിൽ അഭിനയിക്കില്ലായിരുന്നെന്ന് പാർവതി പറഞ്ഞു. . കൂടുതൽ ചർച്ചകൾ സിനിമ ഇറങ്ങിയ ശേഷം ആകാമെന്നും പാർവ്വതി പറഞ്ഞു. ഛായാഗ്രാഹകൻ വേണു ആണ് ചിത്രം സംവിധാനം ചെയ്യുന്നത്. 1969 ൽ പ്രസിദ്ധീകരിച്ച ചെറുകഥയാണിത്. ആസിഫ് അലിയാണ് നായകൻ. വേണു തന്നെയാണ് തിരക്കഥയെഴുതിരിക്കുന്നത്. സോന നായരെ നായികയാക്കി ഈ ചെറുകഥ ദൂരദർശൻ നേരത്തെ സംപ്രേഷണം ചെയ്തിട്ടുണ്ട്.
നോവലിലെ രാച്ചിയമ്മയും പാർവതിയുടെ ലുക്കും തമ്മിലുള്ള വ്യത്യാസത്തെക്കുറിച്ച് ആദ്യം വിവാദം ഉണ്ടാക്കിയത് അദ്ധ്യാപികയും എഴുത്തുകാരിയുമായ ദീപ നിഷാന്ത് ആണ്. 'കരിങ്കൽപ്രതിമ പോലുള്ള ശരീരം' എന്ന് കൃത്യമായി ഉറൂബ് എഴുതിവെച്ച കഥാപാത്രമാണ് രാച്ചിയമ്മ. 'ടോർച്ചടിക്കും പോലുള്ള ഇടിമിന്നൽച്ചിരിയുള്ള' പെണ്ണാണ്. 'കറുത്തു നീണ്ട വിരൽത്തുമ്പുകളിൽ അമ്പിളിത്തുണ്ടുകൾ പോലുള്ള ' നഖങ്ങളോടുകൂടിയ പെണ്ണാണ്. ഇരുട്ടത്ത് കൈയും വീശി കുതിച്ചു നടന്നു വരുമ്പോൾ രാച്ചിയമ്മയെ കണ്ടറിയാൻ പറ്റില്ല കേട്ടറിയാനേ പറ്റൂ എന്ന ഉറൂബിന്റെ വരികളിലൊക്കെ അവളുടെ നിറത്തെപ്പറ്റിയുള്ള കൃത്യമായ സൂചനകളുണ്ട്. കറുത്തമ്മയെ വെളുത്തമ്മയാക്കുന്ന മലയാളസിനിമയാണ്! ആ രൂപത്തിലേക്ക് പാർവതിയെ കൊണ്ടുവരാൻ വലിയ പ്രയാസമൊന്നും കാണില്ല. രാച്ചിയമ്മയ്ക്കായി കാത്തിരിക്കുന്നു.- ദീപ നിഷാന്ത് ഇങ്ങനെ എഴുതി.
ചിത്രത്തിനായുള്ള പാർവതിയുടെ കാസ്റ്റിങിനെ വിമർശിച്ച് അഡ്വക്കേറ്റ് കുക്കു ദേവകി എഴുതിയ കുറിപ്പും ശ്രദ്ധേയമായിരിക്കുകയാണ്. കരിങ്കൽ പ്രതിമ പോലെ ഇരിക്കുന്ന രാച്ചിയമ്മ ഇതുപോലെ ആയത് ഏത് ചിന്തയുടെ അടിസ്ഥാനത്തിലാണ്? എന്നാണ് കുക്കു ദേവകിയുടെ ചോദ്യം.
കുക്കുവിന്റെ പോസ്റ്റിന്റെ പൂർന്നരുപം ഇങ്ങനെയാണ്
ഉറൂബിന്റെ രാച്ചിയമ്മ സിനിമയാകുന്നതിന്റെ പടമാണ് താഴെ..രാച്ചിയമ്മയായി പാർവതിയാണ്..നോക്കൂ... എന്തൊരു തെറ്റായ കാസ്റ്റിങ് ആണത്...
ഞാൻ നിറത്തിനെപ്പറ്റി പറയുമ്പോഴാണ് പ്രശ്നം.. എങ്ങനെ പറയാതിരിക്കും? കരിങ്കൽ പ്രതിമ കണക്ക് ഇരിക്കുന്ന രാച്ചിയമ്മ ഇതുപോലെ ആയത് ഏത് ചിന്തയുടെ അടിസ്ഥാനത്തിലാണ്?...
നമ്മൾ വീണ്ടും വീണ്ടും പറയുമ്പോൾ അരോചകപ്പെട്ടിട്ട് കാര്യമില്ല.. ഇതാണ് സത്യം... ഇതാണ് കറുപ്പിനോടുള്ള സമീപനം
നിറത്തിലെന്തിരിക്കുന്നു, കഥാപാത്രത്തെ മികവുറ്റതാക്കാനുള്ള പാർവതിയുടെ കഴിവിനെയാവണം സംവിധായകൻ പരിഗണിച്ചത് എന്നൊക്കെ വിശദീകരണങ്ങൾ വരുന്നത് കണ്ടു. ഏതാണ്ട് രൂപത്തിലും നിറത്തിലുമൊക്കെ ചേരുന്ന ആളുകളിൽ നിന്ന് 'കഴിവ്' പുറത്തെടുപ്പിക്കാൻ സംവിധായകർ പഠിക്കട്ടെ, വെളുത്ത നിറത്തിന്റെയും അതിനുള്ള മാർക്കറ്റിന്റെയും അങ്ങനെ ധാരാളം അവസരം കിട്ടിയതുകൊണ്ട് താരതമ്യേന 'ആദ്യമേ കഴിവ് തെളിയിച്ച' ആളുകളുടെയും മേൽ കുരുങ്ങിക്കിടക്കാതെ. അലീന പറഞ്ഞ പോലെ, 'If you can't cast dark people, don't make movies on them.''-കുക്കു ദേവകി പറയുന്നു.
മലയാളത്തിൽ നായർ ഭാവുകത്വമെന്ന് സണ്ണി കപിക്കാട്
ഇതിനിടെ പാർവതിയെ വിമർശിച്ചുകൊണ്ട് എഴുത്തുകാരനും ദളിത് ആക്റ്റീവിസറ്റുമായ സണ്ണി കപിക്കാട് രംഗത്തെത്തി. കഥാപാത്രം തെരഞ്ഞെടുക്കുമ്പോൾ പാർവതിയെപ്പോലൊരു നടി ആലോചിച്ചു പ്രവർത്തിക്കേണ്ടിയിരുന്നുവെന്ന് രാച്ചിയമ്മ വിവാദത്തിൽ കപിക്കാട് പറഞ്ഞത് പെട്ടെന്ന് വൈറൽ ആയി. മാധ്യമം പത്രം ആയിരുന്നു ഈ വിഷയത്തിൽ കപിക്കാടിന്റെ പ്രതികരണം എടുത്തത്.
'കഥാപാത്രം തെരഞ്ഞെടുക്കുമ്പോൾ പാർവതിയെപ്പോലൊരു നടി ആലോചിച്ചു പ്രവർത്തിക്കേണ്ടിയിരുന്നു. രാച്ചിയമ്മ എന്ന കഥാപാത്രത്തിൽ നിന്ന് നടി പാർവതി ഇനി പിന്മാറണമെന്ന അഭിപ്രായം തനിക്കില്ല. സിനിമ ഒരു സാമ്പത്തിക വ്യവസായം കൂടിയാണെന്നത് പരിഗണിക്കപ്പെടേണ്ടതായതിനാലാണ് പിന്മാറണമെന്ന് അഭിപ്രായപ്പെടാത്തത്. വലിയ വിഭാഗം നിർമ്മാക്കളും തിരക്കഥാകൃത്തുക്കളും ഇപ്പോഴും വരേണ്യചിന്താഗതിയിൽ തന്നെയാണ് എന്നതാണ് വാസ്തവം. അതിന്റെ കുഴപ്പമാണ് ഇത്തരം സംഭവങ്ങൾക്ക് പിന്നിൽ. മലയാളസിനിമ ഇപ്പോഴും നായർ സൗന്ദര്യബോധത്തിൽ നിന്ന് മാറിയിട്ടില്ലാത്തതു കൊണ്ടാണ് ഇതൊക്കെ സംഭവിക്കുന്നതെന്നും അദ്ദേഹം പറഞ്ഞു.
നായർ ബോധമാണ് ഇപ്പോഴും സിനിമ മേഖലയിൽ വ്യവസ്ഥാപിതമായിരിക്കുന്നത്. അതിൽ നിന്ന് മാറ്റം കൊണ്ടുവരാൻ ചിലരൊക്കെ ശ്രമിക്കുന്നത് അവഗണിക്കാനാവില്ല. പുതിയ നിർമ്മാതാക്കളിലും സംവിധായകരിലും മാറി ചിന്തിക്കുന്നവരുണ്ട്. താരപരിവേഷം സിനിമയുടെ വിജയത്തിനു വേണമെന്ന ചിന്ത പൊളിച്ചഴുതാൻ തയാറാവുകയാണ് വേണ്ടത്. തമിഴിൽ പാ രഞ്ജിത് ഇത്തരത്തിൽ സിനിമകൾ ചെയ്ത് വിജയം കൊയ്ത ആളാണ്. മലയാളത്തിലും ഇത്തരം സിനിമകൾ വിജയിച്ച ചരിത്രമുണ്ട്. ഉറൂബിന്റെ രാച്ചിയമ്മ കാരിരുമ്പിൻ കറുപ്പുള്ള സ്ത്രീ ആയാണ് നോവലിൽ വിവരിക്കുന്നത്. അതങ്ങനെതന്നെയാണ് സിനിമയിലും വേണ്ടത്.
സിനിമയിൽ ഇനിയും മാറ്റങ്ങൾ ഉണ്ടാവേണ്ടതുണ്ട്. മറ്റു പല മേഖലകളിലും മാറ്റം ഉണ്ടായപോലെ ദലിത് അല്ലെങ്കിൽ കറുത്ത നിറക്കാർ ചില മുൻധാരണകളുടെ അടിസ്ഥാനത്തിൽ ഓഴിവാക്കപ്പെടുന്ന സാഹചര്യം സിനിമയിലും മാറുമെന്നാണ് പ്രതീക്ഷ. ഇപ്പോഴുണ്ടായ വിമർശനങ്ങൾ അതിലേക്ക് നയിക്കുമെന്നാണ് വിശ്വസിക്കുന്നു'- സണ്ണി എം. കപിക്കാട് വ്യക്തമാക്കി.
പക്ഷേ ഈ വാദവും സോഷ്യൽ മീഡിയയിൽ വൻ വിവാദത്തനാണ് തിരികൊളുത്തിയത്്. എന്തും ജാതി സ്കാനർവെച്ച് നോക്കുന്നവർ ജാതിയെ പ്രോൽസാഹിപ്പിക്കയാണെന്നും അവർ ചൂണ്ടിക്കാട്ടുന്നു. നേരത്തെ വയലാറിനെ സവർണ്ണ കവിയായി വിലയിരുത്തിക്കൊണ്ടുള്ള കപിക്കാടിന്റെ പ്രസംഗവും വ്യാപകമായി വിമർശിക്കപ്പെട്ടിരുന്നു. കവിയെന്ന നിലയിയുള്ള വയലാറിന്റെ സംഭവാനകളെ പരിഗണിക്കാതെ അദ്ദേഹം എഴുതിയ ഏതാനും സിനിമാ പാട്ടകളുടെ അടിസ്ഥാനത്തിലാണ് കപിക്കാട് വയലാറിൻെ സവർണ്ണ കവിയായി ചാപ്പയടിച്ചത്.
മമ്മൂട്ടിക്ക് അംബേദ്ക്കറായി വേഷമിടാൻ കഴിയുമായിരുന്നോ?
ഇങ്ങനെയാക്കെ ചിന്തിക്കുയാണെങ്കിൽ നമ്മുടെ പ്രിയ നടൻ മമ്മൂട്ടിക്ക് അംബ്ദേക്കറായി വേഷമിടാൻ കഴിയുമായിരുന്നോ എന്നാണ് സോഷ്യൽ മീഡിയയിൽ ഉയരുന്ന ചോദ്യം. വെളത്ത് തുടത്ത മമ്മൂട്ടി മേക്കപ്പിട്ടുതന്നെയാണ് അംബേദ്ക്കർ ആയത്. മമ്മൂട്ടി അംബദ്കറായി പകർന്നാട്ടം നടത്തുമ്പോൾ ,തൊലി വെളുത്തവൻ, മുസ്ലിം ,മലയാളി എന്നൊന്നും പറഞ്ഞ് ആരും രംഗത്ത് വന്നില്ല. അംബദ്കറെ ചലച്ചിത്രമാക്കിയതിൽ സന്തോഷിക്കുകയാണ് എല്ലാവരും ചെയ്തത്. ഇതൊല്ലാം വിലകുറഞ്ഞതാണെന്നും ഇല്ലാത്ത ജാതിയെ സിനിമയിലേക്കും കൊണ്ടുവരികയാണെന്നുമാണ് നിഷ്പക്ഷരായ എഴുത്തുകാർ പറയുന്നത്.
ഇതുസംബന്ധിച്ച് എഴുത്തുകാരനും സോഷ്യൽ മീഡിയ ആക്റ്റീവിസ്റ്റുമായ പി കെ സുരേഷ് കുമാറിന്റെ പ്രതികരണം ഇങ്ങനെ
രാച്ചിയമ്മ മേക്കോവർ ... പാർവ്വതി ചെയ്യരുത്... കറുത്ത കഥാ പാത്രത്തെ വെളുത്ത പാർവതി തൊലി കറുപ്പിച്ച് ചെയ്യരുത്, അത് കറുത്ത ; ദലിത് സ്ത്രീ തന്നെ ചെയ്യണം ... ദലിത് സ്വത്വവാദികളുടെ കൽപ്പനയാണ്... മാങ്ങാത്തൊലി ...
മഹാനായ അംബദ്കറെ അഭ്രപാളിയിൽ അവതരിപ്പിച്ചത് മമ്മൂട്ടി ആയിരുന്നു. അതും ബോളിവുഡ് ചിത്രം ... മമ്മൂട്ടി അംബദ്കറായി പകർന്നാട്ടം നടത്തുമ്പോൾ ,തൊലി വെളുത്തവൻ, മുസ്ലിം ,മലയാളി എന്നൊന്നും പറഞ്ഞ് ആരും രംഗത്ത് വന്നില്ല ... അംബദ്കറെ ചലച്ചിത്രമാക്കിയതിൽ സന്തോഷിക്കുകയാണ് എല്ലാവരും ചെയ്തത്..
ഉറൂബിന്റെ ഒരു കഥ സിനിമയാകുമ്പോൾ, അതിലെ കഥാപാത്രമായ രാച്ചിയമ്മയായി നടി പാർവ്വതി വേഷമിടുന്നു... വെളുത്ത പാർവ്വതി കറുത്ത രാച്ചിയമ്മയായി അഭിനയിക്കുന്നതിന് എതിരെ കുറെ ദലിത് സ്വത്വവാദികൾ ഇറങ്ങിയിട്ടുണ്ട് ... ഞങ്ങടെ കറുപ്പിനെ അപഹരിക്കുകയാണത്രേ...
പണം മുടക്കി പടമെടുക്കുന്ന നിർമ്മാതാവ്, പടം ചെയ്യുന്ന സംവിധായകൻ, സിനിമ പിടിക്കാൻ ഉറൂബിന്റെ കഥയുടെ റൈറ്റ്സ് വാങ്ങിച്ചിട്ടുണ്ടെങ്കിൽ അവർക്കിഷ്ടമുള്ളവരെ വെച്ച് രാച്ചിയമ്മയായി അഭിനയിപ്പിക്കും.. അത് അവരുടെ ഇഷ്ടം, സ്വാതന്ത്ര്യം. സിനിമ കല എന്നതിനപ്പുറം ഒരു കച്ചവട സാധനം കൂടിയാണ്.. നിർമ്മാതാവിന് പണം മുടക്കിയാൽ അത് തിരികെ കിട്ടണം.. അതിന് പറ്റുന്ന അഭിനേതാക്കളെ അവർ അഭിനയിപ്പിക്കും...
ആവശ്യത്തിനും അനാവശ്യത്തിനും ദലിത് സ്വത്വം പറഞ്ഞ് കുത്തിത്തിരുപ്പുണ്ടാക്കുന്നതു കൂടാതെ ഇപ്പോൾ ഒരു കഥാപാത്രത്തെ പാർവതി അവതരിപ്പിക്കുന്നതിന്റെ പേരിൽ ആണ് പുതിയ ഹാലിളക്കം ...
ഈ നിലയ്ക്കാണ് കാര്യങ്ങളുടെ പോക്ക് എങ്കിൽ നാളെ മുസ്ലിം കഥാ പാത്രത്തെ അവതരിപ്പിക്കാൻ മുസ്ലിങ്ങളും, ക്രിസ്ത്യൻ കഥാപാത്രത്തെ അവതരിപ്പിക്കാൻ ക്രിസ്ത്യാനികളും ഹിന്ദു കഥാപാത്രത്തെ അവതരിപ്പിക്കാൻ ക്രിസ്ത്യാനികളും മതിയെന്ന വാദം ഉയർന്ന് വരുമല്ലോ....
ടേക്ക് ഓഫ് സിനിമയിൽ പാർവ്വതി അവിസ്മരണീയമാക്കിയ കഥാപാത്രത്തിന്റെ പേരിൽ ഏതെങ്കിലും മുസ്ലിങ്ങൾ ഹാലിളക്കം നടത്തിയോ ?
ഇതൊരു തരം വൃത്തികെട്ട ജാതിഭ്രാന്താണ്.. സവർണ്ണ സംഘികളുടെ മറുപുറം...
രാച്ചിയമ്മയായി പാർവ്വതി വരുമ്പോൾ ആരാണ് നിലവിളിക്കുന്നത് ?
കറുത്തവരുടെ ഇടം കൂടി കവരുന്നുവെന്ന് കരയുന്നതാരാണ്?
കറുപ്പ് കുറ്റമാണോ എന്ന് ചോദിക്കുന്നവർ എന്തുകൊണ്ട് വെളുപ്പ് കുറ്റമാണോ എന്ന് സ്വയം ചോദിക്കുന്നില്ല?
കറുത്ത രാച്ചിയമ്മയായി വെളുത്ത പാർവതി പാടില്ല എന്ന വംശീയന്യായം അംഗീകരിച്ചാൽ വ്യത്യസ്ത വംശീയ സ്വത്വവാദങ്ങൾ ( മുസ്ലിം ,കീഴാള, ബ്രാഹ്മണ ,തെക്കൻ ,വടക്കൻ) ഇതേ ന്യായം മുഴക്കും.
മുസ്ലിം ,സ്ത്രീ തുടങ്ങി അരികുവൽക്കരിക്കപ്പെട്ട ജനവിഭാഗങ്ങളുടെ പ്രശ്നങ്ങളിൽ ഇരയാക്കപ്പെട്ടവർക്കൊപ്പം നിന്നു ശക്തമായ നിലപാടെടുത്ത പാർവതിക്ക് ,കറുപ്പിന്റെ പ്രശ്നങ്ങളെയും ബോധ്യപ്പെടുവാൻ ശേഷിയുണ്ട് എന്ന് വിശ്വസിക്കാം.
വംശീയവാദിയെയും മാനവിക വാദിയെയും വിത്യസ്തരാകുന്നത് ഇവിടെയാണ് .
ലോകത്ത് വിവിധ ഇടങ്ങളിൽ ഇന്നും കുറവല്ലാത്ത വർണ്ണവെറിയോട് അജ്ഞത പുലർത്തുകയോ
മലയാളസിനിമ പുലർത്തുന്ന വർണ്ണ വരേണ്യ വ്യവസ്ഥകളോട് കണ്ണടച്ചോ അല്ല ഇതെഴുതുന്നത്. അംബേദ്കർ ആയി മമ്മൂട്ടി വേഷമിട്ടപ്പോൾ ഉണ്ടാകാത്ത കറുപ്പിന്റെ ഇരവാദം ഇപ്പോൾ മുഴക്കുന്നവർക്ക് കൃത്യമായ അജണ്ടകൾ ഉണ്ട് .
പിൻകുറി :- കഥ കഥാകാരന്റെ ഭാവനയാണ് ; അതിന് അതിരുകളില്ല .... ഒരു സിനിമയുടെ ഫൗണ്ടേഷൻ മാത്രമാണ് കഥ... ബാക്കി ഈടുറ്റ തിരക്കഥയിലും അഭിനയ - ഛായാഗ്രഹണ മികവിലുമാണ് സിനിമ വിജയിക്കുന്നത് .. പ്രതിഭയുള്ള നടൻ / നടി റോൾ നിർവഹിക്കുന്നത് സിനിമയുടെ വിജയത്തിന് അഭികാമ്യം...
ലോഹിതദാസ് - മമ്മൂട്ടി ടീമിന്റെ ഭൂതക്കണ്ണാടി സിനിമയിൽ പുള്ളുവ സ്ത്രീ സരോജിനി ആയി വന്ന ശ്രീലക്ഷ്മി അസാദ്ധ്യ അഭിനയമാണ് കാഴ്ചവെച്ചത് .. ഇനി ശ്രീലക്ഷ്മി പുള്ളുവ സ്ത്രീ അല്ലാത്തതിനാൽ ഭൂതക്കണ്ണാടി സിനിമ മുൻ കാല പ്രാബല്യത്തോടെ റദ്ദ് ചെയ്യേണ്ടി വരുമോ ആവോ ?
രാച്ചിയമ്മയായി പാർവ്വതി വരുന്നതിനെ എതിർത്ത് വന്ന ഒരു പോസ്റ്റ് കൂടി ഉൾപ്പെടുത്തുന്നു ..
Rachiyamma is a Dark skinned Woman... ??
രാച്ചിയമ്മ കരിങ്കൽ മല പെറ്റെറിഞ്ഞവളെ പോലെ കറുത്തിട്ടാണ്.. കറുത്ത ചായം പൂശിയ വെളുത്ത സ്ത്രീയല്ല എണ്ണക്കറുപ്പുള്ള മിടുക്കി പെണ്ണിനെയാണ് തിരശീലയിൽ പ്രതീക്ഷിക്കുന്നത് . കറുത്ത ജീവിതങ്ങളെ കട്ടെടുക്കരുത്. കഷ്ടപ്പെട്ട് ഉണ്ടാക്കിയെടുക്കുന്ന കറുപ്പിന്റെ രാഷ്ട്രീയം കറുപ്പിന്റെ അവസരങ്ങൾ അർഹതപ്പെട്ട കലാകാരിയിലേക്കു എത്തട്ടെ. dont steal our lives...
മാറ്റിനിർത്തപ്പെട്ടിടങ്ങളോട് കലഹിച്ചുണ്ടാക്കുന്ന ഇടങ്ങൾ ഞങ്ങൾക്കായി തന്നെ ഒഴിച്ചിടുക എന്ന സാമാന്യ മര്യാദ പ്രൊഫഷണലിസം പാർവതിയിൽ Parvathy Thiruvothu നിന്ന് പ്രതീക്ഷിക്കുന്നു. ഇനിയും കറുത്ത പെണ്ണുടലുകൾ നിങ്ങളെ അഡ്രസ് ചെയ്യും ??
#Rachiyamma_Makeover
- TODAY
- LAST WEEK
- LAST MONTH
- രജനിയെ തല്ലിയതുകണ്ട് മദ്യപാനം നിർത്തി; അടിക്കടി സിനിമകൾ ഹിറ്റായതോടെ അഹങ്കാരം തലക്ക് പിടിച്ചു; മണിരത്നത്തിന് ഗെറ്റൗട്ട് അടിച്ചത് വിനയായി; റഹ്മാൻ തരംഗത്തിൽ അപ്രസക്തൻ; ഇപ്പോൾ കോപ്പിറൈറ്റ് വിവാദത്തിൽ കോടതിയിൽനിന്നും തിരിച്ചടി; ഇളയരാജ വീണ്ടും വിവാദത്തിൽ
- പ്രകാശ് ജാവദേക്കർ തന്നെയും ഇ പി ജയരാജനെയും കണ്ടിരുന്നു; ഒരേ ഒരു സീറ്റിൽ വിട്ടുവീഴ്ച ചെയ്താൽ ലാവ്ലിൻ കേസും സ്വർണക്കടത്ത് കേസും സെറ്റിൽ ചെയ്യാം എന്ന്ഉറപ്പുകൊടുത്തു; പക്ഷേ ആ ഡീൽ നടക്കാത്തത് ഇക്കാരണം കൊണ്ട്; വെളിപ്പെടുത്തലുമായി ടി ജി നന്ദകുമാർ
- ബിജെപിയിൽ ചേരാൻ ചർച്ച നടത്തിയത് ഇ.പി ജയരാജൻ; മകന്റെ നമ്പറിലൂടെയാണ് ആദ്യം ബന്ധപ്പെട്ടത്; തൊണ്ണൂറ് ശതമാനം ചർച്ചകളും പൂർത്തിയായപ്പോൾ പിന്മാറി; എന്തുകൊണ്ട് പിന്മാറിയെന്നു ജയരാജൻ പറയട്ടെയെന്നും ശോഭ സുരേന്ദ്രൻ; തെളിവുകളും ഹാജരാക്കി ആരോപണം വോട്ടെടുപ്പിന്റെ തലേന്നാൾ
- വോട്ടെടുപ്പിന്റെ തലേന്നാൾ ഇടിത്തീയായി ആരോപണങ്ങൾ; കെ സുധാകരന്റെ തുറന്നടിക്കൽ ശരിവച്ച് ശോഭ സുരേന്ദ്രൻ; ഇപിയെ പിന്തുണയ്ക്കാൻ രംഗത്ത് വരാതെ സിപിഎം ഉന്നത നേതാക്കൾ; കാസർകോഡ്, കണ്ണൂർ, വടകര മണ്ഡലങ്ങളിൽ വിവാദം ബാധിക്കുമോ എന്ന ആശങ്കയും
- ബിജെപിയിലേക്ക് പോകാൻ ചർച്ച നടത്തി സിപിഎം നേതാവ് ഇ പി ജയരാജനാണ്; ശോഭസുരേന്ദ്രൻ മുഖാന്തരം ചർച്ച നടന്നു; പാർട്ടിയിൽ നിന്ന് ഭീഷണി വപ്പോൾ ജയരാജൻ പിന്മാറി; ശോഭയും ഇ പിയും ചർച്ച നടത്തിയത് ഗൾഫിൽ വച്ചും; രാഷ്ട്രീയാരോപണം കടുപ്പിച്ച് കെ സുധാകരൻ; ഇപിയുടെ മറുപടി നിർണ്ണായകം
- അമ്മയും മകളും തമ്മിൽ കണ്ടപ്പോൾ വികാരനിർഭര നിമിഷങ്ങൾ; അൽപനേരം ഒരുമിച്ച് ചെലവഴിക്കാൻ അനുമതി നൽകി സനയിലെ ജയിൽ അധികൃതർ; നിമിഷപ്രിയയെ കണ്ടതിന്റെ ആശ്വാസത്തിലും സന്തോഷത്തിലും പ്രേമകുമാരി; തൊടുപുഴയിലെ വീട്ടിൽ പ്രാർത്ഥനയോടെ നിമിഷയുടെ മകൾ
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- ആലത്തൂരിലെ ഇടത് സ്ഥാനാർത്ഥി കെ. രാധാകൃഷ്ണന്റെ അകമ്പടി വാഹനത്തിൽ നിന്ന് ആയുധം കണ്ടെത്തിയെന്ന് യു.ഡി.എഫ്; സി സി ടി വി ദൃശ്യങ്ങൾ പുറത്തുവിട്ടു; അക്രമം അഴിച്ചുവിടാനുള്ള ആസൂത്രിതമായ നീക്കത്തിന്റെ ഭാഗമെന്ന് രമ്യ ഹരിദാസ്; പ്രചാരണ ബോർഡുകൾ അഴിച്ചുമാറ്റാൻ ഉപയോഗിച്ച ആയുധങ്ങളാണെന്ന് സിപിഎം വിശദീകരണം
- പോളിങ് ഉദ്യോഗസ്ഥരുടെ നിയമന ഉത്തരവ് ചോർന്ന സംഭവം; കോന്നി താലൂക്ക് ഓഫീസിലെ എൽഡി ക്ലാർക്ക് യദുകൃഷ്ണനെ കലക്ടർ സസ്പെൻഡ് ചെയ്തു; പ്രിന്റ് അടിക്കാൻ കൊടുത്ത കോപ്പിയാണ് പുറത്തു പോയതെന്ന് വിശദീകരണം; ആന്റോയുടെ ആരോപണം ശരിയാകുമ്പോൾ
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- ഇന്ത്യയിൽ നിന്നും യുകെയിലേക്ക് കെയറർ വിസയിൽ തൊഴിലാളികൾ എത്തുന്നതിൽ ആശങ്കയുമായി ലോകാരോഗ്യ സംഘടന; കെയർ ഹോമുകളിൽ ഗുണനിലവാരമില്ലാത്ത സേവനത്തിനു സാധ്യതയെന്ന് ഓക്സ്ഫോർഡ് യൂണിവേഴ്സിറ്റി മുന്നറിയിപ്പും; ഇന്ത്യക്കാർക്ക് വിസ നിഷേധിക്കാൻ മറ്റൊരു കാരണം കൂടി
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- സൗബിൻ സാഹിറിനെതിരെ മരട് പൊലീസ് ചുമത്തിയത് ഗൗരവതരമുള്ള വകുപ്പുകൾ; മരട് ഇൻസ്പെക്ടർ തയ്യാറാക്കിയ എഫ് ഐ ആറിലേത് അക്കൗണ്ട് വഴി പണം കൈമാറിയിട്ടും വഞ്ചിച്ചെന്ന ആരോപണം; ചുമത്തുന്നത് വഞ്ചനയും ക്രിമിനൽ ഗൂഢാലോചനയും; 'മഞ്ഞുമ്മൽ ബോയ്സ്' അറസ്റ്റിലാകാൻ സാധ്യത ഏറെ; ആ 47 കോടി തിരിച്ചു കൊടുക്കേണ്ടി വരും
- ഇറാൻ പ്രകോപനത്തിന് തിരിച്ചടിയുമായി ഇസ്രയേൽ; ഇറാന്റെ വടക്കൻ നഗരമായ ഇസ്ഫഹാനിലെ വിമാനത്താവളത്തിന് മിസൈൽ ആക്രമണം നടത്തി ഇസ്രയേൽ; ആക്രമണത്തിന പിന്നാലെ ഇറാനിൽ വിമാന സർവീസുകൾ പൂർണായും നിർത്തിവെച്ചു; ഇസ്രയേൽ ആക്രമണം അമേരിക്കയെ അറിയിച്ച ശേഷം
- സംസ്ഥാന സർക്കാരിന് നാണക്കേടായി കെ എസ് ആർ ടിസി ബസിൽ സഹയാത്രികയുടെ മാറിടത്തിൽ കയറിപ്പിടിച്ച് അപമാനിച്ച് പൊതു മേഖലാ സ്ഥാപനത്തിന്റെ മാനേജിങ് ഡയറക്ടർ; ഡോ ആർ രാജീവിന് ജാമ്യം കിട്ടിത് മാത്രം ആശ്വാസമായി; ഏപ്രിൽ ഫൂൾ ദിനത്തിൽ നടന്ന ആരും അറിയാത്ത പീഡന വാർത്ത
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
- വയനാട്ടിലെ മേപ്പാടിയിൽ വനിതാ ഡോക്ടർ തൂങ്ങി മരിച്ച നിലയിൽ; കണ്ടെത്തിയത് ആശുപത്രി ക്യാംപസിലെ വീട്ടിൽ; ഡോ. ഫെലിസ് നസീർ ആത്മഹത്യ തടയുന്നതിനുള്ള അസോസിയേഷനിലെ കൗൺസിലർ
- ക്ഷേമപെൻഷൻ യഥാസമയം കൊടുക്കാൻ കഴിഞ്ഞില്ലെങ്കിൽ തിരിച്ചടിയെന്ന് വിലയിരുത്തൽ; പണം കണ്ടെത്താൻ സഹകരണ ബാങ്കുകളിൽ നിന്ന് 2000 കോടി കടമെടുക്കാൻ സർക്കാർ; 9.1 ശതമാനം പലിശയിൽ കടമെടുപ്പ്; ഒന്ന വർഷത്തിനുള്ളിൽ സഹകരണ ബാങ്കുകളെ സമീപിക്കുന്നത് ഇത് മൂന്നാം വട്ടം
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്