Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202328Tuesday
ഹോം വാർത്ത പ്രവാസി

ബ്രിട്ടനെ ഞെട്ടിച്ച് നഴ്‌സിങ് സമരം! നഴ്സുമാരും ആംബുലൻസ് ഡ്രൈവർമാരുമായി ഇന്ന് പണിമുടക്കുന്നത് 40,000 എൻ എച്ച് എസ് ജീവനക്കാർ; പത്ത് ശതമാനം വർദ്ധന പ്രഖ്യാപിച്ചാലും മതിയെന്ന് സമ്മതിച്ച് നേതാക്കൾ; വ്യാഴാഴ്‌ച്ചയും വെള്ളിയാഴ്‌ച്ചയും തുടർ സമരം

February 06, 202310:17 AM IST Permalink
ബ്രിട്ടനെ ഞെട്ടിച്ച് നഴ്‌സിങ് സമരം! നഴ്സുമാരും ആംബുലൻസ് ഡ്രൈവർമാരുമായി ഇന്ന് പണിമുടക്കുന്നത് 40,000 എൻ എച്ച് എസ് ജീവനക്കാർ; പത്ത് ശതമാനം വർദ്ധന പ്രഖ്യാപിച്ചാലും മതിയെന്ന് സമ്മതിച്ച് നേതാക്കൾ; വ്യാഴാഴ്‌ച്ചയും വെള്ളിയാഴ്‌ച്ചയും തുടർ സമരം

മറുനാടൻ ഡെസ്‌ക്‌

ലണ്ടൻ: ബ്രിട്ടനിലെ നഴ്‌സുമാരുടെ സമരം കൂടുതൽ ശക്തമാകുന്നു. ആംബുലൻസ് ജീവനക്കാരുമടക്കം എൻ എച്ച് എസിലെ 40,000 ൽ അധികം ജീവനക്കാർ ഇന്ന് പണിമുടക്കുകയാണ്. അതേസമയം നേരത്തേ ആവശ്യപ്പെട്ടതിന്റെ പകുതി വർദ്ധനവ് നടപ്പാക്കിയാലും സമ്മതിക്കുമെന്ന് യൂണിയൻ നേതാക്കൾ അറിയിച്ചു. ആംബുലൻസ് ജീവനക്കാരും നഴ്സുമാരും എകോപിച്ചുകൊണ്ട് സമരം നടത്തുന്നത് അനേകം ജീവനുകൾക്ക് ഭീഷണിയാകുമെന്ന് കഴിഞ്ഞ ദിവസം മന്ത്രിമാർ ചൂണ്ടിക്കാട്ടിയിരുന്നു.

നാളെ വീണ്ടും നഴ്സുമാർ സമരത്തിനിറങ്ങും വ്യാഴാഴ്‌ച്ചത്തെ സമരത്തിൽ ഫിസിയോതെറാപ്പിസ്റ്റുകളും കൂടുതൽ ആംബുലൻസ് ജീവനക്കാരും നഴ്സുമാർക്കൊപ്പം ചേരും. എത്രയും വേഗം ആവശ്യമായ നടപടികൾ കൈക്കൊള്ളണമെന്ന് റോയൽ കോളേജ് ഓഫ് നഴ്സിങ് പ്രധാനമന്ത്രി ഋഷി സുനകിനോട് കത്ത് വഴി അഭ്യർത്ഥിച്ചിട്ടുണ്ട്.

വെയിൽസിലെ അംഗങ്ങൾ പരിഗണിക്കുന രീതിയിൽ ഫലവത്തായ ഒരു പേ ഓഫർ ലഭിച്ചാൽ സമരം ഉടനടി നിർത്താമെന്ന് യൂണിയൻ നേതാക്കൾ സമ്മതിച്ചിട്ടുണ്ട്. നേരത്തെ 19.2 ശതമാനം ശമ്പള വർദ്ധനവ് ആവശ്യപ്പെട്ടിരുന്ന യൂണിയനുകൾ 10 ശതമാനം വർദ്ധിപ്പിച്ചാലും സമരം നിർത്താൻ തയ്യാറായേക്കും എന്ന സൂചനകളാണ് ഇപ്പോൾ പുറത്തു വരുന്നത്.

ജീവനക്കാരുടെ സമരങ്ങൾ മൂലം ഈയാഴ്‌ച്ചയും എൻ എച്ച് എസിന്റെ പ്രവർത്തനം അവതാളത്തിലാകും. ഇതുവരെയുള്ള സമരങ്ങൾ മൂലം 88,000 ശസ്ത്രക്രിയകളും മറ്റു ചികിത്സകളുമാണ് റദ്ദാക്കപ്പെടുകയോ നീട്ടിവയ്ക്കപ്പെടുകയോ ചെയ്തിരിക്കുന്നത്. ഡിസംബറിൽ നടന്ന സമരത്തിൽ 44 ട്രസ്റ്റുകളിലെ നഴ്സുമാർ പണിമുടക്കിയപ്പോൾ ജനുവരിയിൽ ഇത് 55 ട്രസ്റ്റുകളിലേതായി മാറി. ഇന്ന് നടക്കുന്ന സമരത്തിൽ 73 ട്രസ്റ്റുകളിലെ നഴ്സുമാർ പണിമുടക്കും എന്നാണ് കരുതപ്പെടുന്നത്.

അതേസമയം എമർജൻസി വിഭാഗത്തിലെ കുറവ് നികത്താൻ എൻ എച്ച് എസ് ഒരു ദിവസം സ്വകാര്യ ആംബുലൻസ് സേവനത്തിനും ടാക്സികൾക്കുമായി 4 ലക്ഷം പൗണ്ട് ചെലവഴിക്കുന്നതായ കണക്കുകൾ പുറത്തു വന്നു. കഴിഞ്ഞ മൂന്നു വർഷക്കാലത്തിനിടയിൽ സ്വകാര്യ ആംബുലൻസുകളേയും ടാക്സികളേയും ആശ്രയിക്കുന്നത് 62 ശതമാനത്തോളം വർദ്ധിച്ചു എന്നാണ് കണക്കുകൾ പറൗന്നത്. 2022-ൽ ഇതിനായി ചെലവഴിച്ചത് 145 മില്യൺ പൗണ്ടായിരുന്നു.

വിവിധ ആംബുലൻസ് ട്രസ്റ്റുകൾ സ്വകാര്യ ആംബുലസുകൾക്കും ടാക്സികൾക്കുമായി ചെലവാക്കുന്ന തുകയുടെ കണക്ക് വിവരാവകാശ നിയമപ്രകാരം ലഭ്യമാക്കിയ ഡെയ്ലി മെയിൽ രിപ്പോർട്ട് ചെയ്യുന്നത് ഏഴ് ട്രസ്റ്റുകൾ കഴിഞ്ഞവർഷം 10 മില്യണിലധികം ഇതിനായി ചെലവഴിച്ചു എന്നാണ്. പകുതി എണ്ണം ട്രസ്റ്റുകളിൽ സ്വകാര്യ ആംബുലൻസിനായി ചെലവഴിക്കുന്ന തുക കഴിഞ്ഞ രണ്ടു വർഷത്തിനുള്ളിൽ ഇരട്ടിച്ചതായും അതിൽ പറയുന്നു.. കഴിഞ്ഞ വർഷം സ്വകാര്യ ആംബുലൻസുകൾക്കായി ചെലവാക്കിയ 145 മില്യൺ പൗണ്ട് കൊണ്ട് 3,100 ആംബുലൻസ് ജീവനക്കാർക്ക് ശമ്പളം നൽകാൻ കഴിയുമെന്നും ഡെയ്ലി മെയിലിന്റെ റിപ്പോർട്ടിൽ ചൂണ്ടിക്കാണിക്കുന്നു.

 

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2023. All rights reserved.

Go to TOP