Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Aug / 202219Friday

ഒമാനിലെ മരുഭൂമിയിൽ കുടുങ്ങിയ തമിഴ്‌നാട് സ്വദേശികളായ രണ്ട് യുവാക്കൾ മരിച്ചു; അപകടം ഇരുവരും സഞ്ചരിച്ചിരുന്ന വാഹനത്തിന്റെ ടയർ മണലിൽ താഴ്ന്ന്

ഒമാനിലെ മരുഭൂമിയിൽ കുടുങ്ങിയ തമിഴ്‌നാട് സ്വദേശികളായ രണ്ട് യുവാക്കൾ മരിച്ചു; അപകടം ഇരുവരും സഞ്ചരിച്ചിരുന്ന വാഹനത്തിന്റെ ടയർ മണലിൽ താഴ്ന്ന്

സ്വന്തം ലേഖകൻ

സലാല: ഒമാനിൽ അപകടത്തിൽപ്പെട്ട് മരുഭൂമിയിൽ കുടുങ്ങിയ തമിഴ്‌നാട് സ്വദേശികളായ രണ്ട് യുവാക്കൾ മരിച്ചു. മരുഭൂമിയിൽ സർവേ ജോലിക്കായി പോയ തമിഴ്‌നാട് തിരുനെൽവേലി സ്വദേശി സയ്യിദ്മുഹമ്മദ് അമീസ് (30), തിരുച്ചിറപ്പള്ളി രാധനെല്ലൂർ സ്വദേശി ഗണേശ് വർധാൻ (33) എന്നിവരാണ് മരിച്ചത്. ഇരുവരും സഞ്ചരിച്ചിരുന്ന വാഹനത്തിന്റെ ടയർ മണലിൽ താഴ്ന്നാണ് അപകടം സംഭവിച്ചത്.

ദോഫാർ തുംറൈത്തിന് അടുത്ത് ഒമാന്റെ അതിർത്തിപ്രദേശമായ ഒബാറിലാണ് ചൊവ്വാഴ്ച സർവേ ജോലിക്കായി ഇരുവരും പോയത്. പൊരിവെയിലത്ത് മണലിൽ കുടുങ്ങിയ ഇരുവർക്കുമായി തിരച്ചിൽ നടത്തിയെങ്കിലും കണ്ടെത്താൻ സാധിച്ചില്ല. വെഹിക്കിൾ മോണിറ്ററിങ് സിസ്റ്റം (ഐവി എംഎസ്) സിഗ്‌നൽ കാണിക്കാതിരുന്നത്‌കൊണ്ട് ഇവരുടെ ലൊക്കേഷൻ കണ്ടെത്താൻ കമ്പനി അധികൃതർക്കും കഴിഞ്ഞിരുന്നില്ല.

പൊലീസിൽ പരാതി നൽകി അടുത്ത ദിവസങ്ങളിൽ തന്നെ തിരച്ചിൽ ആരംഭിച്ചിരുന്നു. മരുഭൂമിയിൽ ഇവർ മരിച്ച് കിടക്കുന്നത് സ്വദേശികളാണ് ആദ്യം കണ്ടത്. മൃതദേഹങ്ങൾ എയർ ലിഫ്റ്റ് ചെയ്ത് സലാല സുൽത്താൻ ഖാബൂസ് ആശുപത്രിയിലേക്കു മാറ്റി .

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP