Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202105Friday

രണ്ടു മണിക്കൂർ കൂടുതൽ ജോലി; സർക്കാർ അവധികൾ ബാധകമല്ല; ശമ്പളം ബാങ്കിലൂടെ നൽകില്ല; ലീവ് വേണമെങ്കിൽ അഞ്ച് പേരുടെ ഒപ്പും വേണം; കമ്പനിയോടു ചോദിക്കാതെ കല്യാണം പോലും നിശ്ചയിക്കാൻ പാടില്ല; ചോദ്യം ചെയ്യുന്നവർക്ക് പ്രൊമോഷൻ ഇല്ല: ബഹ്‌റൈനിലെ ലുലുവിൽ പണിയെടുക്കുന്നവരുടെ വേദനകൾ യൂസഫലി അറിയുന്നുണ്ടോ?

രണ്ടു മണിക്കൂർ കൂടുതൽ ജോലി; സർക്കാർ അവധികൾ ബാധകമല്ല; ശമ്പളം ബാങ്കിലൂടെ നൽകില്ല; ലീവ് വേണമെങ്കിൽ അഞ്ച് പേരുടെ ഒപ്പും വേണം; കമ്പനിയോടു ചോദിക്കാതെ കല്യാണം പോലും നിശ്ചയിക്കാൻ പാടില്ല;  ചോദ്യം ചെയ്യുന്നവർക്ക് പ്രൊമോഷൻ ഇല്ല: ബഹ്‌റൈനിലെ ലുലുവിൽ പണിയെടുക്കുന്നവരുടെ വേദനകൾ യൂസഫലി അറിയുന്നുണ്ടോ?

പ്രത്യേക ലേഖകൻ

എം എ യൂസഫലി കേരളം കണ്ട ഏറ്റവും പ്രഗത്ഭനായ ബിസിനസുകാരിൽ ഒരാളായിരുന്നു. മഹാനായ മനുഷ്യസ്‌നേഹിയും അനേകം പേർക്കു തൊഴിൽ നൽകിയ തൊഴിൽ ഉടമയുമാണ്. ഗൾഫ് രാജ്യങ്ങളിലെ ഭരണാധികാരികളുടെ കണ്ണിലുണ്ണി. പ്രധാനമന്ത്രി മോദിക്കു പോലും ഗൾഫിൽ എന്തെങ്കിലും ഇടപെടൽ നടത്താൻ യുസഫലിയുടെ സഹായം വേണം. അതുകൊണ്ടു തന്നെ യൂസഫലിക്കെതിരായ ചെറിയ പരാമർശം പോലും ആരാധകർ സഹിക്കില്ല.

എന്നാൽ യൂസഫലിയുടെ എല്ലാ സ്ഥാപനങ്ങളിലെയും സ്ഥിതി ഇതല്ല. ചിലയിടങ്ങളിലെ മാനേജർമാരുടെ ഇഷ്ടങ്ങളും അനിഷ്ടങ്ങളും തൊഴിലാളികൾക്ക് തീരാവേദനയാവുകയാണ്. ബഹ്‌റൈനിലെ ഒരു ഹൈപ്പർമാർക്കറ്റിൽ നിന്നും ഒരു തൊഴിലാളി രാജി വച്ചു പോകാൻ നേരം യൂട്യൂബിൽ അപ്‌ലോഡ് ചെയ്ത വീഡിയോ ഈ വിഷയത്തിലേയ്ക്കുള്ള കവാടം തുറക്കൽ ആയിരുന്നു.

ഈ തൊഴിലാളിയുടെ വാർത്ത മറുനാടൻ മലയാളി പ്രസിദ്ധീകരിച്ചപ്പോൾ അനേകം പേരാണ് പ്രതികരണവുമായി രംഗത്തു വന്നത്. മറ്റു ലുലു സ്ഥാപനങ്ങളിലെ ജീവനക്കാർക്ക് പരാതികൾ ഇല്ലാതിരിക്കവെ ബഹ്‌റൈനിൽ നിന്നും നിരവധി പരാതികളാണ് ഉയർന്നത്. ഇവയൊക്കെ യൂസഫലി ഒരു പക്ഷേ അറിയുന്നുപോലും ഉണ്ടാവില്ല എന്നറിയാം.

മറുനാടൻ വാർത്ത ശരിവച്ചുകൊണ്ട് ബഹ്‌റൈനിൽ നിന്നും അനേകം തൊഴിലാളികൾ ഞങ്ങളെ ബന്ധപ്പെട്ടിരുന്നു. ഇങ്ങനെ തൊഴിലാളികളിൽ പേര് വെളിപ്പെടുത്തരുത് എന്ന കർക്കശ നിർദ്ദേശത്തോടെ അയച്ചുതന്ന പരാതികളിലെ പ്രധാനപ്പെട്ട ആരോപണങ്ങൾ ആണ് ഇവിടെ പ്രസിദ്ധീകരിക്കുന്നത്. യൂസഫലി ഇതൊക്കെ അറിഞ്ഞുകൊണ്ടാണ് നടക്കുന്നതെങ്കിൽ യൂസഫലിയെയും ലുലുവിനെയും നമ്മൾ പ്രതിസ്ഥാനത്തു നിർത്തേണ്ട സമയം ആയിരിക്കുന്നു. യൂസഫലിക്കു ഇതൊന്നും അറിയില്ല എങ്കിൽ അടിയന്തിരമായി യൂസഫലി ഇടപെടേണ്ട സമയം ആയിരിക്കുന്നു എന്നു പറയാതെ വയ്യ.

തൊഴിലാളികൾ പരാതികളുടെ കെട്ട് അഴിക്കുന്നതിങ്ങനെ:

  • ലുലുവിൽ ജോലി സമയം മറ്റു സ്ഥാപനങ്ങളെ അപേക്ഷിച്ചു 2 മണിക്കൂർ കൂടുതൽ ആണ്, 10 മണിക്കൂർ.
  • ഒരു ഷോപ്പിന്റെ ഓപ്പണിങ് ജോലി ആണെങ്കിൽ അത് 16 മണിക്കൂർ വരെ നീണ്ടു പോകും, ഇതിനൊന്നും ഒരു ആനുകൂല്യവും ഓവർ ടൈമും തരില്ല. എല്ലാം നമ്മുടെ ഷോപ്പിനു വേണ്ടിയല്ലേ എന്ന് വിചാരിച്ചു ജോലി ചെയ്യും.
  • അവധി എന്നുള്ളത് ആഴ്ചയിൽ ഒരു ദിവസം. എന്നാൽ ഗവണ്മെന്റ് ഹോളിഡേ ഒന്നും കിട്ടുകയില്ല. തൊഴിലാളി ദിനം പോലും അവധി തരില്ല. ആകെ ഒരു കൊല്ലത്തിൽ അവധി തരുന്നത് 1 ദിവസം വീതം രണ്ടു ഈദ്‌നും. നിയമപ്രകാരം 3 ദിവസം ഒരു ഈദിനു കൊടുക്കണം എന്നിരിക്കെ. മാത്രമല്ല 10ൽ കൂടുതൽ ഹോളിഡേസ് എല്ലാവര്ക്കും കിട്ടും ഇതൊന്നും ലുലുവിന് ബാധകം അല്ല.
  • ബഹ്റൈൻ നിയമം അനുസരിച്ചു സാലറി ബാങ്കിലൂടെയാണ് കൊടുക്കേണ്ടത്, ഗവണ്മെന്റിന് സാലറിയുടെ നിശ്ചിത ശതമാനം ടാക്‌സ് കൊടുക്കണം. അതുകൊടുക്കാതിരിക്കുകയാണ് ഇതിലൂടെ ലക്ഷ്യം വയ്ക്കുന്നത്. ഇന്റർനാഷണൽ കമ്പനിയുടെ തൊഴിലാളികൾ ഇപ്പോഴും പഴയകാല ഓർമയിൽ ക്യു നിന്നാണ് സാലറി വാങ്ങുന്നത്.
  • സെയിൽസ് സ്റ്റാഫിന് 143 ദിനാർ ആണ് സാലറി റൂം ആൻഡ് അക്കോമഡേഷൻ ഫ്രീയാണ്. ഫുഡ് കയ്യിൽ നിന്നും എടുക്കണം. ഇത് മാർക്കറ്റിൽ ഉള്ളതിൽ വച്ച് വളരെ കുറവാണ്.
  • നിയമപ്രകാരം 11 മാസം ജോലി 1 മാസം ശംബളത്തോട് കൂടി ലീവ് പിന്നെ 2 വേ ടിക്കറ്റും. പക്ഷെ ലുലുവിൽ 2 വർഷം എത്തുമ്പോൾ ലീവ് 2 മാസം തരും. ഒരു മാസത്തെ ലീവ് സാലറിയും 2 വേ ടിക്കറ്റും. ഒരു മാസത്തെ ലീവ് സാലറി മുക്കും, കോടികൾ അങ്ങനെ തന്നെ തൊഴിലാളികളെ പറ്റിച്ച് ഉണ്ടാക്കിയിട്ടുണ്ട്.
  • ഇനി ലീവിന് പോകണമെഎങ്കിൽ 5 പേരുടെ ഒപ്പ് വേണം, എച്ച്എആർ ഒരു നോക്കുകുത്തിയാണ് ലുലുവിൽ. ഇവിടുത്തെ റീജിയണൽ മാനേജർ ആണ് എല്ലാവരുടെയും ലീവ് അനുവദിക്കുന്നത്. എല്ലാ ബുധനാഴ്ചയും അമ്പലത്തിൽ ദർശനം ഇരിക്കുന്നപോലെ അദ്ദേഹം ഇരിക്കും. നൂറുകണക്കിന് സ്റ്റാഫ് കാണുവാൻ ക്യു നിൽക്കും. ലീവ് ആയിട്ട് നാട്ടിൽ പോകാനുള്ള അനുമതിക്കായി.
  • ലീവും ആനുകൂല്യവും എല്ലാം അദ്ദേഹത്തിന്റെ ഇഷ്‌കാർക്കു മാത്രം, ക്രിക്കറ്റ് കളിക്കാരൻ ആണെങ്കിൽ പിന്നെ പറയണ്ട ലീവും, ലോൺഉം ആവശ്യത്തിന് തരും. ഇന്ത്യ കളിയിൽ ജയിച്ചാൽ അന്ന് പോകുന്നവർക്ക് മിക്കവാറും എല്ലാം സാധിച്ചു കിട്ടും, തോറ്റാൽ പിന്നെ ഒന്നും സൈൻ ചെയ്യില്ല അടുത്ത ആഴ്ച ഇതുപോലെ തന്നെ പോയി നിൽക്കണം.
  • പാസ്‌പോർട്ട് നിയമപ്രകാരം ഇവിടെ അവരവരുടെ കയ്യിൽ വയ്ക്കാനാണ് നിയമം, എന്നാൽ ഇവിടെ അത് വാങ്ങി വയ്ക്കും.
  • ഒരു എമർജൻസി ലീവ് വേണമെന്നുണ്ടെങ്കിൽ കാലു പിടിച്ച് പുറകെ നടക്കണം, എന്തിന് സ്വന്തം കല്യാണം തന്നെ തീരുമാനിച്ചാൽ കമ്പനിയോട് ചോദിക്കാതെയാണോ തീരുമാനിച്ചത് എന്നാണ് ചോദിക്കുക. ഈ ലീവിന് പോകുമ്പോൾ ശബളം ഇല്ല ടിക്കറ്റും ഇല്ല അതാണ് ഇതിലെ തമാശ, എന്നാലും കൊടുക്കൂല.
  • റീജിയൻ ലെവലിൽ ഉള്ള എല്ലാർക്കും ഇതൊന്നും ബാധകം അല്ല. വേണ്ടപ്പോൾ നാട്ടിൽ പോകും, വർഷത്തിൽ ഫാമിലി ടിക്കറ്റും ഒരു മാസം ലീവും നിയമം ടോപ് മാനേജ്‌മെന്റിന് മാത്രം. കാറും ബഗ്ലാവും ഫാമിലിയും പിന്നെ ടിക്കറ്റും. തൊഴിലാളികൾക്ക് ഇതൊന്നും ഇല്ല. തൊഴിലാളികൾ അടിമകൾ ആണെന്നാണു ഭാവം.
  • ആരെങ്കിലും അന്യായത്തിന് എതിരെ ഒരു ചെറു വിരൽ അനക്കിയാൽ പിന്നെ അങ്ങോട്ടും ഇങ്ങോട്ടും പ്രൊമോഷൻ കൊടുക്കാതെ തട്ടിക്കളിക്കും.
  • ഫിലിപ്പീൻകാർക്കും നേപ്പാളികൾക്കും സ്ഥിതി ഇത് തന്നെ. ഒരേ കമ്പനിയിൽ ഒരേ തൊഴിൽ ചെയ്യുന്നവർക്ക് രാജ്യം വേർതിരിച്ചു സാലറി, തികച്ചും മോശം.
  • എല്ലാ മുറുമുറുപ്പും ലീവ് കൊടുക്കാൻ ബുദ്ധിമുട്ടും മലയാളികളോട് മാത്രം.
  • എന്തെങ്കിലും കാര്യത്തിനായി ആർഡിയുടെ അടുത്ത് ചെന്നാൽ പരസ്യമായി കളിയാക്കും, തിരിച്ചൊന്നും പറയാൻ കഴിയില്ലല്ലോ ജോലി പോകില്ലെ. നാട്ടിലായിരുന്നെകിൽ ഇവന്റെ ചെവിക്കല്ലു അടിച്ച് പൊട്ടിച്ചേനെ എന്ന് പലരും പറയുന്നു. എന്തിന് സാലറി സർട്ടിഫിക്കറ്റ് ചോദിച്ചാൽ തന്നെ എന്തിന് വേണം, അതുവച്ചു നിനക്കാരാ ലോൺ തരിക എന്നൊക്കെ ചോദിച്ചുള്ള ആക്ഷേപങ്ങളും കേൾക്കണം.
  • കസ്റ്റമേഴ്‌സിനെ കാണുമ്പോൾ ഒളിച്ചോടുന്ന മാനേജർമാർ വരെ ഉണ്ട് ലുലുവിൽ, മാനേജർ ആവാൻ വേണ്ട ഒരു മിനിമം യോഗ്യത പോലും ഇല്ലാത്ത പമ്പര വിഡ്ഢികൾ വരെ ഉണ്ട്, മണിയടിയും താങ്ങി കൊടുക്കലും അറിയാവുന്നവർ വളരെ പെട്ടന്ന് ഉന്നത സ്ഥാനങ്ങളിൽ എത്തും.
  • ഇവിടുത്തെ പീഡനങ്ങൾ സഹിച്ചു പുറത്തു വേറെ ജോലി ചെയ്യാം എന്ന് വിചാരിച്ചാൽ എങ്ങനെയെങ്കിലും അത് അന്വേഷിച്ചു കണ്ടുപിടിച്ചു മുടക്കും. അതുകൊണ്ടു തന്നെ ലുലുവിൽ സപ്ലൈ ചെയ്യുന്ന ഒരു കമ്പനിയും ലുലു സ്റ്റാഫിനെ എടുക്കുകയില്ല. അങ്ങനെ ഇഷ്ടപെട്ട ജോലിക്കു കയറാൻ കഴിയാത്തവർ നിരവധി.
  • റംലി മാളിലെ ജിഎം അർഷാൽ ഒരു കുട്ടിയെ മാനസിക രോഗിആക്കി നാട്ടിൽ വിട്ടിട്ടുണ്ട്, മാനസികമായി തകർന്ന ആ പയ്യനെ നാട്ടിൽ വിടാൻ റൂമിൽ ഉള്ളവരും കൂടെ ജോലി ചെയ്യുന്നവരും ജിഎമ്മിനെ അറിയിച്ചിരുന്നു, എന്നിട്ടും കൂട്ടാക്കിയില്ല. അവസാനം കാര്യങ്ങൾ കൈ വിട്ടുപോകുമെന്നായപ്പോൾ നാട്ടിൽ വിട്ടു. ആ പയ്യന്റെ കൂടെ ഒരു സ്‌റാഫിനെയും കൂട്ടിനു വിട്ടിരുന്നു അപ്പോൾ മനസിലാക്കണം അത്രയ്ക്കും കൈവിട്ടു പോയിരുന്നു സ്ഥിതി. ഒരു ആക്ഷനും ഇതിനെതിരെ യൂസഫ് അലി എടുത്തില്ല.
  • മനുഷ്യസ്‌നേഹി സ്വന്തം തൊഴിലാകൾക്ക് വേണ്ട പരിഗണന കൊടുക്കുകയാണെങ്കിൽ തൊഴിലാകൾ എല്ലാം ആത്മാർത്ഥമായി ജോലി ചെയ്യും. കഷ്ടപ്പാട് കാരണം ആണ് ആരും ഈ പ്രശ്‌നങ്ങൾ ഉന്നയിക്കാതിരിക്കുന്നത്.
  • ലോകോത്തര ബ്രാൻഡായി വളരുന്ന ലുലു സ്വന്തം തൊഴിലാളികളെ അടിമകൾ ആയി കാണാതെ അവരുടെ ജീവിത നിലവാരം കൂടി ലോകോത്തരമായി ഉയർത്തുകയാണ് വേണ്ടത്. അല്ലാതെ വല്ല നക്കാപ്പിച്ച കൊടുത്താൽ മതി എന്ന് വിചാരിച്ചു പ്രവർത്തിപ്പിക്കുന്നത് അവസാനിപ്പിക്കണം. ഇപ്പോൾ എല്ലാവരും പ്രാകി കൊണ്ടും, ഇഷ്ടം ഇല്ലാതെയും ആണ് ജോലി ചെയ്യുന്നത്. എന്നാണാവോ ഇതെല്ലം യൂസഫ് അലി മനസിലാക്കുന്നത്. നാട്ടിൽ ക്യു നിൽക്കുന്ന പിള്ളേർ ഇത് വല്ലതും അറിയുന്നുണ്ടോ. ഇവിടെ വരുമ്പോൾ അറിയും. എല്ലാവർക്കും ഗൾഫിലേക്ക് എളുപ്പത്തിൽ ഉള്ള ഒരു എൻട്രിയായാണ് ലുലുവിനെ കാണുന്നത്.
  • ലുലു കമ്പനി നല്ല ലാഭത്തിലാണു പ്രവർത്തിക്കുന്നത്. എന്നിട്ടാണ് ഈ കൊള്ള.

യൂസഫ് അലി ഇത് വരെ ഇങ്ങോട്ടു വന്നിട്ടില്ലെന്നും തൊഴിലാളികൾ പരാതിപ്പെടുന്നുണ്ട്. അറിഞ്ഞിട്ടു ബുദ്ധിപൂർവം ഒഴിഞ്ഞു മാറുകയാണെന്നു തോന്നുന്നുവെന്ന പരാതിയും ഉയരുന്നുണ്ട്. എന്തായാലും തൊഴിലാളികളുടെ പരാതിയിൽ പറയുന്ന കാര്യങ്ങൾ ബഹ്‌റൈനിലെ ലുലു സ്ഥാപനങ്ങളുടെ പേരിലാണ്. മറ്റിടങ്ങളെക്കുറിച്ച് പരാതികൾ ഉയർന്നിട്ടില്ല. റീജണൽ മാനേജർമാരുടെ തന്നിഷ്ടപ്രകാരമുള്ള കാര്യങ്ങൾ അറിഞ്ഞിട്ടും അറിയാതിരിക്കുകയാണോ യൂസഫലി എന്ന ചോദ്യം ഉയരുമ്പോഴും ഇതിനെതിരെ ശക്തമായ നടപടി സ്വീകരിക്കുമെന്ന വിശ്വാസത്തിലാണ് കുറെ തൊഴിലാളികൾ.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP