Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jun / 202413Thursday

പാസ്പോർട്ടിൽ സ്റ്റിക്കർ പതിക്കുന്നതിനു പകരം ക്യു ആർ കോഡുള്ള പേപ്പർ വിസ സംവിധാനം; ഇന്ത്യയടക്കം ഏഴ് രാജ്യങ്ങളിൽ സൗദി വിദേശകാര്യ മന്ത്രാലയം ഇ - വിസ നടപ്പാക്കി

പാസ്പോർട്ടിൽ സ്റ്റിക്കർ പതിക്കുന്നതിനു പകരം ക്യു ആർ കോഡുള്ള പേപ്പർ വിസ സംവിധാനം; ഇന്ത്യയടക്കം ഏഴ് രാജ്യങ്ങളിൽ സൗദി വിദേശകാര്യ മന്ത്രാലയം ഇ - വിസ നടപ്പാക്കി

സ്വന്തം ലേഖകൻ

മനാമ: ഇന്ത്യയടക്കം ഏഴ് രാജ്യങ്ങളിൽ സൗദി വിദേശകാര്യ മന്ത്രാലയം ഇ - വിസ നടപ്പാക്കി. പാസ്പോർട്ടിൽ സ്റ്റിക്കർ പതിക്കുന്നതിനു പകരമാണ് ക്യു ആർ കോഡുള്ള പേപ്പർ വിസ സംവിധാനമെന്ന് സൗദി വാർത്താ ഏജൻസിയായ എസ്‌പിഎ വ്യാഴാഴ്ച അറിയിച്ചു.

ഇ - വിസയിൽ ക്യുആർ കോഡ് വഴി വിവരങ്ങൾ വായിക്കാൻ കഴിയും. ഇന്ത്യക്കു പുറമേ, യുഎഇ, ജോർദാൻ, ഈജിപ്ത്, ബംഗ്ലാദേശ്, ഇന്തോനേഷ്യ, ഫിലിപ്പൈൻസ് എന്നീ രാജ്യങ്ങളിലെ എംബസികളിലാണ് ഇ - വിസ നടപ്പാക്കിയത്. ജോലി, താമസ, സന്ദർശന വിസ തുടങ്ങിയ വിസ നടപകികൾ പരിഷ്‌കരിച്ച് കോൺസുലേറ്റ് സേവനങ്ങളുടെ നിലവാരം ഉയർത്തുകയാണ് പദ്ധതിവഴി ലക്ഷ്യമിടുന്നത്.

ഇന്ത്യയിൽ പേപ്പർ വിസ സൗദി കോൺസുലേറ്റ് നൽകി തുടങ്ങി. വിസ സ്റ്റാമ്പ് ചെയ്യാനായി സമർപ്പിച്ചവർക്ക് പേപ്പർ വിസയാണ് നൽകിയത്. ആരുടെ പാസ്പോർട്ടിലും വിസ സ്റ്റാമ്പ് ചെയ്തിട്ടില്ല. തൊഴിൽ വിസകൾ കോൺസുലേറ്റും സന്ദർശക വിസകൾ വിഎഫ്എസ് കേന്ദ്രങ്ങൾ വഴിയുമാണ് നടപടിക്രമങ്ങൾ പൂർത്തിയാക്കേണ്ടത്. കൊച്ചിയിലും പുതിയ വിഎഫ്എസ് കേന്ദ്രം തുറന്നിട്ടുണ്ട്.

പുതിയ നടപടികൾ രാജ്യത്തേക്കുള്ള സന്ദർശകരുടെ എണ്ണം വർധിപ്പിക്കുമെന്നാണ് അധികാരികൾ കണക്കുക്കൂട്ടുന്നത്. സന്ദർശകരുടെ എണ്ണം ജനുവരിയിൽ 24 ലക്ഷവും ഫെബ്രുവരിയിൽ 25 ലക്ഷവുമായി ഉയർന്നു. ഈ വർഷം 2.5 കോടി വിനോദ സഞ്ചാരികളെ സ്വീകരിക്കാനാണ് രാജ്യം ലക്ഷ്യമിടുന്നത്. 

 

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP