Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202019Saturday

കൗണ്ടർ പോയിന്റ് എന്നാണ് ആ ഷോയുടെ പേര്; അതിൽ ചോദ്യങ്ങൾ ചോദിക്കലാണ് എന്റെ പണി; സർക്കാറിനെ പുകഴ്‌ത്താൻ മാത്രമായി ഇരിക്കാൻ ഞാൻ ജോലി ചെയ്യുന്നത് സർക്കാർ സ്ഥാപനത്തിൽ അല്ലല്ലോ? സ്ത്രീത്വത്തെ അപമാനിക്കും വിധത്തിൽ അധിക്ഷേപിച്ചത് ഭരിക്കുന്ന പാർട്ടിയുടെ മുഖപത്രത്തിലെ ജീവനക്കാരനാണ്; അതുകൊണ്ട് ദേശാഭിമാനി മാനേജ്‌മെന്റിനെയും പരാതി അറിയിച്ചിട്ടുണ്ട്: മാധ്യമപ്രവർത്തക നിഷ പുരുഷോത്തമൻ മറുനാടനോട്

കൗണ്ടർ പോയിന്റ് എന്നാണ് ആ ഷോയുടെ പേര്; അതിൽ ചോദ്യങ്ങൾ ചോദിക്കലാണ് എന്റെ പണി; സർക്കാറിനെ പുകഴ്‌ത്താൻ മാത്രമായി ഇരിക്കാൻ ഞാൻ ജോലി ചെയ്യുന്നത് സർക്കാർ സ്ഥാപനത്തിൽ അല്ലല്ലോ? സ്ത്രീത്വത്തെ അപമാനിക്കും വിധത്തിൽ അധിക്ഷേപിച്ചത് ഭരിക്കുന്ന പാർട്ടിയുടെ മുഖപത്രത്തിലെ ജീവനക്കാരനാണ്; അതുകൊണ്ട് ദേശാഭിമാനി മാനേജ്‌മെന്റിനെയും പരാതി അറിയിച്ചിട്ടുണ്ട്: മാധ്യമപ്രവർത്തക നിഷ പുരുഷോത്തമൻ മറുനാടനോട്

മറുനാടൻ മലയാളി ബ്യൂറോ

തിരുവനന്തപുരം: മുഖ്യമന്ത്രി പിണറായി വിജയൻ മാധ്യമങ്ങളോട് അസഹിഷ്ണുത കാണിക്കുന്നു എന്ന ആക്ഷേപം മാധ്യമപ്രവർത്തകർക്കിടയിൽ ശക്തമാണ്. ഇതിനിടെയാണ് മനോരമ ന്യൂസിനെ മാധ്യമപ്രവർത്തക നിഷ പുരുഷോത്തമനെതിരെ കടുത്ത സൈബർ ആക്രമണവും നടക്കുന്നത്. സിപിഎം സ്‌പോൺസർ ചെയ്യുന്ന ഈ സൈബർ ആക്രമണങ്ങളോട് പ്രതികരിച്ചു കൊണ്ടാണ് മാധ്യമപ്രവർത്തക നിഷ പുരുഷോത്തമൻ രംഗത്തെത്തിയത്. താൻ ചെയ്യുന്നത് തന്റെ ജോലി മാത്രമാണെന്നും അതിന്റെ പേരിൽ ഹീനമായ ആക്രമണമാണ് നടക്കുന്നതെന്നുമാണ് നിഷ മറുനാടനോട് പ്രതികരിച്ചത്.

നിഷയുടെ വാക്കുകൾ ഇങ്ങനെ: രാജാമല ദുരന്തം ഉണ്ടായ ദിവസം വാർത്ത വായിക്കുന്നതിനിടെ ഉണ്ടായ ഒരു ചെറിയ നാവുപിഴയുടെ പേരിലാണ് തനിക്കെതിരെ സൈബർ സഖാക്കൾ ആക്രമണം നടത്തുന്നത്. അന്നുണ്ടായ നാവുപിഴ ഞാൻ എന്റെ കൂടെ ഉണ്ടായിരുന്നവരോ പോലും അപ്പോൾ അറിഞ്ഞരുന്നില്ലെന്നതാണ് വസ്തുത. രാജമലയിൽ ഉണ്ടായത് വലിയ ദുരന്തമായിരുന്നു. ഞാനൊരു ഇടുക്കിക്കാരി ആയതിനാൽ, ആ പ്രദേശവുമായി ബന്ധമുള്ളതിനാൽ വലിയ ദുരന്തമായിരിക്കും ഉണ്ടായതെന്ന് അറിയമായിരുന്നു. എന്നെ സംബന്ധിച്ചിടത്തോളം നാടിന്റെ വൈകാരികത ബാധിക്കുന്ന ആളാണ്. എത്രത്തോളം വലിയ അപകടമാണ് ഉണ്ടായതെന്ന് ആധിയായിരുന്നു. അപ്പോഴാണ് ഡാമുകൾ തുറക്കുന്നു എന്ന വാർത്തയും വന്നത്. വാർത്തയുടെ ഹെഡ്‌ലൈൻ വായിക്കുന്നതിനെടാണ് ഈയൊരു നാവുപിഴ ഉണ്ടായത്. ഓർക്കണം പ്രധാനമന്ത്രിക്ക് പോലും നാവു പിഴ ഉണ്ടാകാറുണ്ട്. യോഗി ആദിത്യ നാഥിനെ കുറിച്ച് സംസാരിച്ചപ്പോൾ മോദിക്കും നാവു പിഴച്ചിരുന്നു. ഇതൊരു സ്വാഭാവിക സംഭവം മാത്രമാണ്. ഇതിന്റെ പേരിൽ എന്തിനാണ് ഇങ്ങനെ ആക്രമിക്കുന്നത്.

Stories you may Like

മനോരമ ന്യൂസിൽ ഞാൻ അവതരിപ്പിക്കുന്ന ഷോയുടെ പേ് കൗണ്ടർ പോയിന്റ് എന്നാണ്. ഇതിൽ മറുചോദ്യങ്ങൾ ഉന്നയിക്കുക എന്നതാണ് ഞാൻ ച്യെുന്നത്. അതാണ് എന്റെ പണി. മറിച്ച് ഞാൻ ഒരു സർക്കാറിന്റെ സ്ഥാപനത്തിൽ നിന്നാണ് ഈ ചോദ്യങ്ങൾ ഉന്നയിക്കുന്നത് എങ്കിൽ അത് തെറ്റാണ്. അങ്ങനെ അല്ലല്ലോ..? ഇവിടെ സർക്കാറിനെ പുകഴ്‌ത്തൽ അല്ല എന്റെ പണി. മനോരമ ഏറെ പാരമ്പര്യമുള്ള ഒരു സ്ഥാപനമാണ്. അവിടെ ഇരിക്കുമ്പോൾ ഞങ്ങൾക്ക് ഏത് സർക്കാർ അധികാരത്തിൽ വന്നാലും പ്രതിപക്ഷത്തിന്റെ ഭാഗത്തു നിന്നേ പ്രതികരിക്കാൻ സാധിക്കുകയൂള്ളൂ. ഇങ്ങനെ പരിപാടിയിൽ വ്യക്തതകൾ വരുത്താൻ വേണ്ടിയാണ് വീണ്ടും വീണ്ടും ചോദ്യങ്ങൾ ചോദിക്കേണ്ടി വരുന്നത്.

പിന്നെ സൈബർ ലോകത്തു നടക്കുന്ന വ്യക്തിഹത്യകളെ കുറിച്ച്. ഭർത്താവിൽ നിന്നും ഡിവേഴ്‌സ് നേടി എന്നൊക്കെയാണ് പറയുന്നത്. എന്റെ വ്യക്തിജീവിതം നാട്ടുകാർക്ക് അറിയേണ്ട കാര്യമില്ലല്ലോ? ജോലി എങ്ങനെയുണ്ട് എന്നല്ലേ ബാധിക്കുകയുള്ളൂ. എന്തായാലും സൈബർ ലോകത്ത് ഇത്രയും ആക്രമണങ്ങൾ നടക്കുന്ന സാഹചര്യത്തിൽ പരാതി കൊടുക്കാന്നാണ് ഉദ്ദേശിക്കുന്നത്. നേരത്തെ ഡിജിപിക്ക് പരാതി കൊടുത്തിട്ടു പോലും കാര്യമായ ഫലം ഉണ്ടായിട്ടില്ല. ഇതിപ്പോൾ മറ്റൊരു സ്ഥാപനത്തിലെ ജീവനക്കാരൻ ആണല്ലോ സ്ത്രീത്വത്തെ അപമാനിക്കും വിധം അധിക്ഷേപിച്ചു കൊണ്ടു പോസ്റ്റിട്ടത്. അതിൽ ആ സ്ഥാപനത്തിന്റെ മേധാവിമാരെ എന്റെ സ്ഥാപനത്തിന്റെ മാനേജ്‌മെന്റ് പരാതി അറിയിച്ചിട്ടുണ്ട്. സൈബർ അധിക്ഷേപങ്ങളുടെ പേരിൽ ചോദ്യങ്ങൾ ഉന്നയിക്കുന്നതിൽ നിന്നും പിന്നോട്ടു പോകേണ്ട ഒരു കാര്യവുമില്ല.

മനോരമയിലെ മുതിർന്ന മാധ്യമ പ്രവർത്തകയാണ് നിഷാ പുരുഷോത്തമൻ. കോൺഗ്രസ് പക്ഷപാതിയാണ് നിഷയെന്ന് ഇടതുപക്ഷം ആരോപിക്കുന്നുണ്ട്. നിഷയുടെ വാർത്താവായനയിലെ പിഴവുകൾ ഉയർത്തി വിമർശിക്കുന്നവരുണ്ട്. സീറ്റ് മോഹിച്ച് മുഖ്യമന്ത്രി പിണറായി വിജയനെ കടന്നാക്രമിക്കുന്ന കോൺഗ്രസുകാരിയെന്നും പറഞ്ഞു വയ്ക്കാറുണ്ട്. ഇത്തരം വിമർശനങ്ങൾക്കെല്ലാം അപ്പുറമായിരുന്നു ദേശാഭിമാനിയിലെ സർക്കുലേഷൻ സ്റ്റാഫ് എന്ന് രേഖപ്പെടുത്തിയിരിക്കുന്ന ഫെയ്സ് ബുക്ക് പ്രൊഫൈലിൽ നിന്നാണ് കടന്നാക്രണം. ഭൂതക്കുളത്തെ വിനീത് വിയു എല്ലാ അർത്ഥത്തിലും സഖാവാണ്. ഈ സഖാവാണ് നിഷാ പുരുഷോത്തമനെതിരെ അധിക്ഷേപവുമായി എത്തിയത്. കണ്ടിട്ടും അറിഞ്ഞിട്ടും ആരും മിണ്ടിയില്ല. എന്നാൽ മനോരമ ഇതിനെ ഗൗരവത്തോടെ എടുത്തു. ഇത് മനസ്സിലായതോടെ വിനീത് പോസ്റ്റ് മുക്കി. എങ്കിലും സ്‌ക്രീൻ ഷോട്ട് പാറിപറന്നു നടക്കുകയാണ്.

ഭർത്താവിനോട് പോലും നീതി പുലർത്താത്ത, കള്ളം പറയുന്ന ഉത്തമനായ പുരുഷന്റെ മകൾ വിവാഹ മോചനം നേടാൻ പോകുന്നു......; കാരണം.... തെറ്റ് ചെയ്യാത്തവർ ആരും ഇല്ല എന്ന് ഭർത്താവിനോട് പറഞ്ഞതിനാൽ- മനോരമ വാർത്താ അവതാരകയ്ക്കെതിരെ സ്ത്രീ വിരുദ്ധ നിറച്ച് ദേശാഭിമാനിക്കാരന്റെ ഫെയ്സ് ബുക്ക് പോസ്റ്റ്. കടുത്ത സ്ത്രീ വിരുദ്ധതയാണ് ഇതിൽ നിറയുന്നത്. എന്നാൽ ദേശാഭിമാനിക്കാരനായതു കൊണ്ട് തന്നെ ആരും ഒന്നും പ്രതികരിക്കുന്നില്ല. ഏഷ്യാനെറ്റ് ന്യൂസിലെ വിനു വി ജോണിനോട് തരത്തിന് കളിക്കാൻ പറഞ്ഞ മുഖ്യമന്ത്രിയുടെ പ്രസ് സെക്രട്ടറിയായ പിഎം മനോജിന്റെ പരിഹാസം സോഷ്യൽ മീഡിയ ചർച്ച ചെയ്യുന്നതിനിടെയാണ് നിഷയേയും ദേശാഭിമാനിക്കാരൻ കടന്നാക്രമിക്കുന്നത്.

തീർത്തും അടിസ്ഥാന രഹിതമായ കാര്യങ്ങളാണ് പ്രചരിപ്പിക്കുന്നതെന്ന് നിഷയുമായി ഏറെ അടുപ്പമുള്ളവർ മറുനാടനോട് പറഞ്ഞു. സ്ത്രീത്വത്തെ അപമാനിക്കുകയെന്നതാണ് വാക്കുകളിൽ ഒളിപ്പിച്ചു വച്ചിരിക്കുന്ന സൂചന. ഇതിനെതിരെ ശക്തമായ വികാരം ഉയരണമെന്നാണ് ആവശ്യം. ഇതിനെ ഗൗരവത്തോടെയാണ് മനോരമയും കാണുന്നത്. സ്ത്രീ അവതാരകരുടെ ആത്മവിശ്വാസത്തെ തകർക്കാനുള്ള ബോധപൂർവ്വമായ ശ്രമമായി ഇതിനെ കാണുന്നു. സർക്കാരിനെതിരെ അഴിമതി ആരോപണങ്ങൾ ഉയരുമ്പോൾ അതിനെ മാധ്യമ പ്രവർത്തകർ ചോദ്യം ചെയ്യും. ഇതിനെ വ്യക്തിപരമായി ഇല്ലാകഥ പറഞ്ഞ് അധിക്ഷേപിക്കുന്നത് ശരിയല്ലെന്നാണ് പൊതുവിൽ ഉയരുന്ന നിലപാട്.

മുമ്പും നിഷാ പുരുഷോത്തമനെതിരെ കടന്നാക്രമണങ്ങൾ സൈബർ സഖാക്കൾ നടത്തിയിട്ടുണ്ട്. എന്നാൽ ഇതൊന്നും വ്യക്തിപരമായ അധിക്ഷേപത്തിലേക്ക് കടന്നിരുന്നില്ല. സ്ത്രീ സമത്വവും പുരോഗമനവും പറയുന്ന സൈബർ സഖാക്കൾ നിഷ പുരുഷോത്തമനെ വിളിക്കുന്നത് കേട്ടാലറയ്ക്കുന്ന തെറിയാണ്. കൃത്യമായ നിലപാടും അത് തുറന്ന് പറയാനുള്ള ധൈര്യവുമുള്ള മാധ്യമ പ്രവർത്തകക്ക് നേരെയുള്ള സൈബർ ആക്രമണം അവസാനിക്കുന്നില്ലെന്നതിന്റെ സൂചനയാണ് ഇപ്പോഴത്തെ പരിഹാസവും കളിയാക്കലും. രാഹുൽ ഗാന്ധിയുടെ ടീമിൽ ഇടംപിടിക്കാനും നിയമസഭാ സീറ്റ് തരപ്പെടുത്താനുമുള്ള ശ്രമമാണ് നിഷയുടേതെന്ന് നേരത്തേയും സൈബർ സഖാക്കൾ ആരോപിച്ചിട്ടുണ്ട്.

ചാനൽ ചർച്ചകളിൽ കൃത്യമായ ഇടപെടലുകളിലൂടെ ഇടത് നേതാക്കളുടെ രാഷട്രീയ പൊള്ളത്തരം തുറന്ന് കാട്ടിയ മനോരമ ചാനലിലെ മാധ്യമ പ്രവർത്തക നിഷ പുരുഷോത്തമന് എതിരെയുള്ള ആക്രമണം ചർച്ചയായി. അന്നും ആരും മിണ്ടിയില്ല. സ്ത്രീ സമത്വത്തെയും വ്യക്തി സ്വാതന്ത്ര്യത്തെയും എല്ലാം കുറിച്ച് വാതോരാതെ സംസാരിക്കുന്ന സിപിഎം അനുഭാവികളാണ് നിഷയെ കേട്ടാലറയ്ക്കുന്ന തെറി വിളിച്ചത്. ചാനൽ ചർച്ചകളിൽ തങ്ങളുടെ നേതാക്കന്മാർ പടുത്തുയർത്താൻ ശ്രമിച്ച ഇമേജുകളെല്ലാം നിഷ ചീട്ടുകൊട്ടാരം കണക്കെ തകർത്തെറിഞ്ഞതോടെ സൈബർ ?ഗുണ്ടകൾ നിഷക്കെതിരെ ആക്രമണം ആരംഭിക്കുകയായിരുന്നു. ചർച്ച നയിക്കുന്നത് നിഷയാണെങ്കിൽ തങ്ങൾ ഇല്ല എന്ന് പലരും പരസ്യനിലപാട് സ്വീകരിച്ചതായും ഇടത് സൈബർ ഇടങ്ങളിൽ പ്രചാരണം ശക്തമായിരുന്നു. ഇതിന് ശേഷമാണ് വ്യക്തിപരമായ കടന്നാക്രമണം.

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Loading...
Go to TOP