Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jun / 202116Wednesday

വിലങ്ങുവച്ചതിന് പൊലീസിനു നേരെ കതിരൂർ മനോജ് വധക്കേസ് പ്രതി വിക്രമന്റെ കൊലവിളി; ബസിൽ കയറ്റിയ ഉടനെ വിലങ്ങഴിക്കാൻ 'ഉന്നത നിർദ്ദേശം'; കൊലക്കേസ് പ്രതിയുടെ ധാർഷ്ട്യവും വെല്ലുവിളിയും കോടതിയിൽനിന്നു ജയിലിലേക്കു കൊണ്ടുപോകുമ്പോൾ

വിലങ്ങുവച്ചതിന് പൊലീസിനു നേരെ കതിരൂർ മനോജ് വധക്കേസ് പ്രതി വിക്രമന്റെ കൊലവിളി; ബസിൽ കയറ്റിയ ഉടനെ വിലങ്ങഴിക്കാൻ 'ഉന്നത നിർദ്ദേശം'; കൊലക്കേസ് പ്രതിയുടെ ധാർഷ്ട്യവും വെല്ലുവിളിയും കോടതിയിൽനിന്നു ജയിലിലേക്കു കൊണ്ടുപോകുമ്പോൾ

അർജുൻ സി വനജ്

കൊച്ചി: ആർഎസ്എസ് നേതാവ് കതിരൂർ മനോജ് വധകേസിലെ പ്രതികളെ കോടതിയിലെത്തിച്ച് തിരിച്ചുകൊണ്ടുപോകുന്നതിനിടെ വിക്രമനെ വിലങ്ങ് വെച്ച പൊലീസുകാർക്ക് നേരെ അസഭ്യവർഷവും ഭീഷണിയും. കേരളം ഭരിക്കുന്നത് കണ്ണൂരിന്റെ നേതാവാണെന്നും, കൈയിൽ വിലങ്ങ് വച്ചാൽ നിന്റെയെല്ലാം പണിതെറിപ്പിക്കുമെന്ന് പറഞ്ഞാണ് ഭീഷണി. കൈയിൽ വിലങ്ങ് വെച്ച് കോടതിയിലേക്കും ജയിലേക്കും കൊണ്ടുപോകാൻ കട്ടിട്ടും മോഷ്ട്ടിച്ചിട്ടുമില്ലല്ലോ ഞാൻ എന്ന് വിക്രമൻ പൊലീസുകാരോട് ചോദിച്ചു. ഭീഷണി വകവെയ്ക്കാതെ കൈ വിലങ്ങ് വച്ചാണ് വിക്രമനെ പൊലീസ് ബസിൽ കയറ്റിയത്.

അതേസമയം, വിക്രമനെ ബസിൽ കയറ്റിയ ഉടനെ വിലങ്ങ് അഴിച്ചുമാറ്റാൻ ക്യാമ്പിൽ നിന്നുള്ള പൊലീസുകാർക്ക് നിർദ്ദേശം വന്നു. തടർന്ന വിലങ്ങ് അഴിച്ചുമാറ്റുന്നതിനിടെ, വിലങ്ങ് വെച്ച പൊലീസുകാരെ വിക്രമൻ പരിഹസിച്ചു. രവിപുരം അഡീഷ്ണൽ സ്പെഷ്യൽ സിബിഐ കോടതിയിലേക്ക് വിക്രമനടക്കം 15 ടിപി കേസ് പ്രതികളെ കൊണ്ടുപോയി തിരിച്ച് എറണാകുളം സബ് ജയിലിലേക്ക് കൊണ്ടുവരുന്നതിനിടെയാണ് സംഭവം. കണ്ണൂരിൽ നിന്നുള്ള സി.പി.എം നേതാക്കൾ കോടതിയിലുണ്ടായിരുന്നു. ഇവർ ജില്ലാ സെക്രട്ടറി പി ജയരാജനെ ഫോണിൽ ബന്ധപ്പെട്ടതിന് ശേഷമാണ്, വിലങ്ങ് അഴിച്ചുമാറ്റാൻ നിർദ്ദേശം ഡിജിപിയുടെ ഓഫീസിൽ നിന്ന് ലഭിച്ചതെന്നാണ് പൊലീസുകാരിൽ നിന്ന് ലഭിക്കുന്ന സൂചന.

നേരത്തേയും ടിപി കേസ് പ്രതികൾ പൊലീസിനെ ഭീഷണിപ്പെടുത്തിയതായി ആരോപണം ഉണ്ടായിരുന്നു. മുമ്പ് ടിപി കേസിലെ പ്രതികൾക്ക് ഭക്ഷണം കഴിക്കാനും മാഹിയിൽ നിന്ന് മദ്യം വാങ്ങാനും പൊലീസ് സൗകര്യം ചെയ്തുനൽകിയത് വലിയ വിവാദങ്ങൾക്ക് വഴിവെച്ചിരുന്നു. വിക്രമൻ ഒളിവിൽ താമസിച്ചത് അടക്കം സി.പി.എം നേതാക്കളുടെ അറിവോടെയാണെന്ന ആരോപണം നേരത്തെ ഉയർന്നിരുന്നു. കതിരൂരിലെ ആളൊഴിഞ്ഞ കെട്ടിടമായിരുന്നു ഒളിത്താവളമെന്നാണു വിക്രമൻ പറഞ്ഞത്. മനോജിനെ കൊലപ്പെടുത്തും മുമ്പ് വിക്രമൻ ജയരാജനുമായി ഫോണിൽ ബന്ധപ്പെട്ടുവെന്ന ആരോപണഴും ശക്തമായിരുന്നു.

കൊലപാതകത്തിനുശേഷം വിക്രമനെ രക്ഷപ്പെടുത്താൻ ജയരാജൻ നടത്തിയ നീക്കങ്ങളുണ്ടായെന്നും ആരോപണവുണ്ട്. പാർട്ടി മുഖപത്രത്തിലെ ജീവനക്കാരൻ കൃഷ്ണനാണു രക്ഷാദൗത്യം ഏറ്റെടുത്തത്. കൊലപാതകത്തിനുശേഷം വിക്രമൻ കണ്ണൂർ പള്ളിക്കുന്നിലെ ദേശാഭിമാനി ഓഫീസിനടുത്തെത്താൻ ഉപയോഗിച്ചതു പി. ജയരാജന്റെ പേരിലുള്ള വാഹനമാണെന്നും കണ്ടെത്തി. വിക്രമൻ പള്ളിക്കുന്നിലെത്തിയശേഷവും ജയരാജനെ വിളിച്ചു. സി.പി.എം. ജില്ലാ കമ്മറ്റി ഓഫീസിലായിരുന്നു അപ്പോൾ പി. ജയരാജന്റെ മൊബൈൽ ടവർ ലൊക്കേഷൻ.

കതിരൂർ മനോജ് വധ ഗൂഢാലോചനക്കേസിൽ അന്വേഷണ സംഘം കോടതിയിൽ സമർപ്പിച്ച കുറ്റപത്രത്തിൽ ജയരാജൻ അറിയാതെ കൊലപാതകം നടക്കില്ലെന്ന സൂചന നേരത്തെ തന്നെ സിബിഐ നൽകിയിരുന്നു. ആർ.എസ്. എസ്. നേതാവായിരുന്ന കതിരൂർ മനോജ് 2014 സെപ്റ്റംബർ ഒന്നിനു രാവിലെയാണ് കൊല്ലപ്പെട്ടത്. വാനിൽ സഞ്ചരിക്കുകയായിരുന്ന മനോജിനെ ബോംബെറിഞ്ഞും വെട്ടിയും ഒരു സംഘം പേർ കൊലപ്പെടുത്തുകയായിരുന്നു. കേസിൽ 19 സിപിഐ.(എം). പ്രവർത്തകരെ പ്രതികളാക്കി സിബിഐ. ഭാഗിക കുറ്റപത്രം നേരത്തേ തന്നെ നൽകിയിരുന്നു. ഇതിലെ വിവരങ്ങളിലാണ് ജയരാജനുമായി ബന്ധപ്പെട്ട പരമാർശം ഉള്ളത്. സിബിഐ, മനോജ് വധക്കേസിലെ ഗൂഢാലോചനയാണ് ഇപ്പോൾ അന്വേഷിച്ചു വരുന്നത്. നേരത്തെ പി.ജയരാജനെ വധിക്കാൻ ശ്രമിച്ച കേസിലെ പ്രതിയായിരുന്നു മനോജ്. ഇതിലുള്ള പ്രതികാരമാണ് കൊലപാതകത്തിനു കാരണമായതെന്ന് മുഖ്യപ്രതി വിക്രമൻ സിബിഐ. ക്ക് മൊഴി നൽകിയിട്ടുണ്ട്.

വിക്രമനുമായി മനോജ് വധത്തിൽ അജ്ഞാതനായ ഒരാൾ ഗൂഢാലോചന നടത്തിയിരുന്നുവെന്ന് കോടതിയിൽ സിബിഐ.യും വ്യക്തമാക്കിയിരുന്നു. ഇത് ജയരാജനാണെന്നാണ് സിബിഐയുടെ നിഗമനം. കിഴക്കെ കതിരൂരിലെ ജയരാജന്റെ തറവാട് ക്ഷേത്രമായ പാറേകാവിനു സമീപത്തു വച്ചാണ് മനോജ് വധത്തിന്റെ ഗൂഢാലോചന നടന്നതെന്ന് അറസ്റ്റിലായവർ നേരത്തെ മൊഴി നൽകിയിരുന്നു. ഇതിൽ ജയരാജനും, മറ്റ് രണ്ടുനേതാക്കളും സംബന്ധിച്ചതായും അന്വേഷണസംഘം തിരിച്ചറിഞ്ഞിട്ടുണ്ട്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP