Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Aug / 202208Monday

ഓട്ടോയിൽ കയറാൻ നടക്കുമ്പോൾ പൊടുന്നനെ ഒമ്‌നിയിൽ ബലം പ്രയോഗിച്ച് കയറ്റി സംഘം; പാഞ്ഞുപോകുന്നതിനിടെ എതിരെ ട്രക്ക് വന്നത് ഭാഗ്യം; സാഹസികമായി എടുത്തുചാടി പെൺകുട്ടി; മഞ്ചേശ്വരത്ത് ആറാം ക്ലാസ് വിദ്യാർത്ഥിനിയെ തട്ടിക്കൊണ്ടുപോകാൻ ശ്രമം; രക്ഷിതാക്കൾ ഭയപ്പാടിൽ

ഓട്ടോയിൽ കയറാൻ നടക്കുമ്പോൾ പൊടുന്നനെ ഒമ്‌നിയിൽ ബലം പ്രയോഗിച്ച് കയറ്റി സംഘം; പാഞ്ഞുപോകുന്നതിനിടെ എതിരെ ട്രക്ക് വന്നത് ഭാഗ്യം; സാഹസികമായി എടുത്തുചാടി പെൺകുട്ടി; മഞ്ചേശ്വരത്ത് ആറാം ക്ലാസ് വിദ്യാർത്ഥിനിയെ തട്ടിക്കൊണ്ടുപോകാൻ ശ്രമം; രക്ഷിതാക്കൾ ഭയപ്പാടിൽ

ബുർഹാൻ തളങ്കര

കാസർകോട് : മഞ്ചേശ്വരം പൊലീസ് സ്റ്റേഷൻ പരിധിയിൽ പഠിക്കുന്ന ആറാം ക്ലാസ് വിദ്യാർത്ഥിനിയെ അഞ്ചംഗ സംഘം തട്ടിക്കൊണ്ടുപോകാൻ ശ്രമിച്ചു. സ്ഥിരമായി വീട്ടിലേക്ക് കൊണ്ടുപോകുന്ന ഓട്ടോറിക്ഷയ്ക്ക് അരികിലേക്ക് റോഡിലൂടെ നടക്കുകയായിരുന്നു വിദ്യാർത്ഥിനി. എന്നാൽ, ഒമ്നിയിൽ കാത്തുനിന്ന ഒരു സംഘം വിദ്യാർത്ഥിനിയെ ബലം പ്രയോഗിച്ച് വാനിനുള്ളിൽ കയറ്റി അങ്ങാടി പടവ് റോഡിലൂടെ പാഞ്ഞുകയറുകയായിരുന്നു.

ഭാഗ്യവശാൽ, എതിർദിശയിൽ നിന്ന് ഒരു ട്രക്ക് വരുന്നതിനാൽ വാനിന്റെ വേഗത കുറയ്‌ക്കേണ്ടി വന്നു. ജാഗരൂകയായ പെൺകുട്ടി വാനിൽ നിന്ന് ഡോർ തുറന്ന് പുറത്തേക്ക് ചാടി. വാനിൽ നിന്ന് ചാടി രക്ഷപ്പെട്ട വിദ്യാർത്ഥിനി ഹൊസങ്കടിയിലുള്ള ബന്ധുക്കൾ മുഖേന സംഭവം പിതാവിനെ അറിയിക്കുകയും മഞ്ചേശ്വരം പൊലീസിന് വിവരം കൈമാറുകയും ചെയ്തു. ഇതുമായി ബന്ധപ്പെട്ട് പൊലീസ് കൂടുതൽ അന്വേഷണം നടത്തിവരികയാണ്.

അടുത്തിടെ മംഗൽപാടി ബേക്കൂരിൽ വിദ്യാർത്ഥിനിയെ തട്ടിക്കൊണ്ടുപോകാൻ സമാനമായ ശ്രമം നടന്നിരുന്നു. അവിടെയും പെൺകുട്ടി തട്ടിക്കൊണ്ടുപോയവരിൽ നിന്ന് രക്ഷപ്പെട്ടിരുന്നു. സംഭവത്തിൽ പൊലീസ് വിവിധ കോണുകളിൽ അന്വേഷണം നടത്തിവരികയാണ്. സ്ഥിരമായി ഇത്തരം സംഭവങ്ങൾ ആവർത്തിക്കുന്നതോടെ വലിയ ഭയപ്പാടിലാണ് വിദ്യാർത്ഥികളും രക്ഷിതാക്കളും.

അതിർത്തി പ്രദേശമായതിനാൽ ഇത്തരം ക്രിമിനലുകൾ അഴിഞ്ഞാടുകയാണ് ഇവിടെ. കുറ്റകൃത്യം കഴിഞ്ഞ് പെട്ടന്ന് തന്നെ അതിർത്തി കടക്കാൻ കഴിയുന്നതാണ് ഇവിടെ ക്രിമിനലുകൾ തഴച്ചു വളരാൻ കാരണമായത്. എന്നാൽ സാധാരണകർക്ക് സംരക്ഷണം കൊടുക്കേണ്ട പൊലീസിന് ആധുനികമായ ഒരു വണ്ടി പോലും ഇവിടെ ഇല്ല. പൊലീസ് വാഹനത്തിന്റെ ഡാഷ്‌ബോർഡിൽ രണ്ടു വട്ടം രണ്ടു ലക്ഷം കിലോമീറ്റർ കടന്നുപോയ വണ്ടികളാണ് ഇവിടുത്തെ പട്രോളിങ്ങിനായി ഉപയോഗിക്കുന്നത്.

തിരിച്ചാൽ തിരിയാത്ത സ്റ്റിയറിംഗും അടിഭാഗം തകർന്നു പോയതുമായ വണ്ടികളിൽ ഒന്നാഞ്ഞു ചവിട്ടിയാൽ കാലു രണ്ടും താഴേക്ക് പോകും. ഇത്തരം വാഹനങ്ങളിൽ വേണം അതിർത്തി പ്രദേശത്തെ പൊലീസിന് ആധുനിക വാഹനങ്ങൾ ഉപയോഗിക്കുന്ന ക്രിമിനലുകളെ പിടികൂടാൻ . സംസ്ഥാന പൊലീസ് മേധാവിയോടും മുഖ്യമന്ത്രിയോടും പൊതുപ്രവർത്തകർ ഇതുമായി ബന്ധപ്പെട്ട് പരാതി നൽകിയിട്ടും ഒന്ന് തിരിഞ്ഞു നോക്കുക പോലും ചെയ്തിട്ടില്ല. പേരിന് ഒരു ഗരുഡ വണ്ടി മാത്രമാണ് പൊലീസിന് ജില്ലയിലേക്ക് ലഭിച്ചത്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP