Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

ആർഎസ്എസ് വെറുക്കപ്പെടേണ്ടവരുടെ പ്രസ്ഥാനമല്ല; രാജ്യസ്നേഹികളും ത്യാഗികളും നല്ല മനുഷ്യരുമാണ് ആർഎസ്എസുകാർ; ലീഗും മാണിയും ബിഡിജെഎസ്സും വർഗ്ഗീയ പാർട്ടികൾ അല്ലെ? സർക്കാരുമായുള്ള എന്റെ എംപ്ലോയ്മെന്റ് കോൺട്രാക്റ്റ് റദ്ദായിരിക്കുന്നു; ജനാഭിലാഷം അനുസരിച്ച് ഇനിയും ഇവിടെ തന്നെ ഞാൻ ഉണ്ടാവും; ഹിന്ദുത്വവും ദേശീയതയും ഹിന്ദു വർഗ്ഗീയതയും ബിജെപി ബാന്ധവവും; നയം വ്യക്തമാക്കി ജേക്കബ് തോമസ് ഷൂട്ട് അറ്റ് സൈറ്റിൽ

ആർഎസ്എസ് വെറുക്കപ്പെടേണ്ടവരുടെ പ്രസ്ഥാനമല്ല; രാജ്യസ്നേഹികളും ത്യാഗികളും നല്ല മനുഷ്യരുമാണ് ആർഎസ്എസുകാർ; ലീഗും മാണിയും ബിഡിജെഎസ്സും വർഗ്ഗീയ പാർട്ടികൾ അല്ലെ? സർക്കാരുമായുള്ള എന്റെ എംപ്ലോയ്മെന്റ് കോൺട്രാക്റ്റ് റദ്ദായിരിക്കുന്നു; ജനാഭിലാഷം അനുസരിച്ച് ഇനിയും ഇവിടെ തന്നെ ഞാൻ ഉണ്ടാവും; ഹിന്ദുത്വവും ദേശീയതയും ഹിന്ദു വർഗ്ഗീയതയും ബിജെപി ബാന്ധവവും; നയം വ്യക്തമാക്കി ജേക്കബ് തോമസ് ഷൂട്ട് അറ്റ് സൈറ്റിൽ

മറുനാടൻ ഡെസ്‌ക്‌

ഷൂട്ട് അറ്റ് സൈറ്റിൽ ഇന്നത്തെ അതിഥി ഡോ.ജേക്കബ് തോമസ് ഐപിഎസ്. കേരള കേഡറിലെ ഏറ്റവും മുതിർന്ന ഐപിഎസ് ഓഫീസർ രാജി നൽകിയിരിക്കുന്നു. പക്ഷേ ഇതുവരെ രാജിയുടെ കാര്യത്തിൽ അന്തിമ തീരുമാനം ആയിട്ടില്ല. സസ്‌പെൻഷനിൽ കഴിയുന്നു. ജേക്കബ് തോമസുമായി അനൗപചാരികമായ ഒരു സംഭാഷണം..

 

ചോദ്യം: സാർ രാജി കൊടുത്തിരിക്കുന്നു. എന്താണ് രാജിയുടെ ഇപ്പോഴത്തെ പൊസിഷൻ?

ഡോ. ജേക്കബ് തോമസ് ഐപിഎസ്: ഈ വർഷം മാർച്ച് ഇരുപതാം തീയതിയാണ് വിആർഎസ് വാങ്ങിയത്. അതിന് ഇതുവരെ തീർപ്പായിട്ടില്ല. അകത്തോ പുറത്തോ ആണെന്നറിയാത്ത അവസ്ഥയിലാണെന്ന് വേണമെങ്കിലും ചിന്തിക്കാം. സാധാരണ ഗതിയിൽ എംപ്ലോയിമെന്റ് എന്ന പറയുന്നത് ഒരു കരാറാണ്. ജോലി ചെയ്യുക ശമ്പളം പറ്റുക എന്നത്. അപ്പോ, ശമ്പളം തരുന്നില്ല, ജോലി ചെയ്യിക്കുന്നില്ല എങ്കിൽ ജോലി കോൺട്രാക്ട് ഉണ്ടാകുമോ?

ചോദ്യം: സസ്‌പെൻഷൻ പീരീഡിൽ ശമ്പളമില്ലേ?

ഉത്തരം: ഇല്ല.

ചോദ്യം: അപ്പോൾ സാറിന്റെ മൗലിക അവകാശമാണ് വിആർഎസ് എടുക്കുക എന്നത്.

ഉത്തരം: എനിക്കറിയാവുന്ന നിയമം അനുസരിച്ച് എംപ്ലോയ്‌മെന്റ് കോൺട്രാക്ട് ഇപ്പോൾ നിലവില്ല.

ചോദ്യം: ഇപ്പോൾ പ്രവർത്തിക്കുന്നത് സർക്കാർ ഉദ്യോഗസ്ഥനല്ല എന്ന ബോധ്യത്തിലാണ്.

ഉത്തരം: സർക്കാർ ഉദ്യോഗസ്ഥനായിരുന്നപ്പോഴും അതിന് ശേഷവും ഒരു ഉത്തരവാദിത്തപ്പെട്ട പൗരൻ എന്ന നിലയിലാണ് ഞാൻ പെരുമാറിയിരുന്നത്. ഇനിയും ഒരു ഉത്തരവാദിത്തപ്പെട്ട പൗരനായിട്ട് തന്നെ പെരുമാറും.

ചോദ്യം: സർക്കാർ ഉദ്യോഗസ്ഥർക്ക് ചില പ്രത്യേക നിയന്ത്രണങ്ങളുണ്ടല്ലോ?

ഉത്തരം: ജനാധിപത്യത്തിൽ സർക്കാർ എന്ന് പറയുന്നത് ആര് എന്ന ചോദ്യത്തിന്റെ ഉത്തരം അനുസരിച്ചിരിക്കും. ജനാധിപത്യത്തിൽ സർക്കാർ എന്ന് പറയുന്നത് നമ്മൾ കൂടി ഉൾപ്പെട്ട ഒരു സംവിധാനമാണ്. നമ്മുടെ കോൺസ്റ്റിറ്റിയൂഷന്റെ ഒന്നാമത്തെ ആർട്ടിക്കിളിൽ പറയുന്നത് ഭാരത് എന്ന് പറയുന്ന ഇന്ത്യ, വീ ദ പീപ്പിൾ മെയ്ഡ് ദിസ് കൺട്രി. അപ്പോ അതിന് മുകളിൽ ഒന്നുമില്ലല്ലോ. ഉത്തരവാദിത്തപ്പെട്ട ഒരു പൗരൻ നമ്മുടെ പ്രതിനിധികൾ എടുക്കുന്ന ചില നയങ്ങൾ നമുക്ക് ഗുണകരമാകുന്നെങ്കിൽ നമ്മൾ അതിനെ സപ്പോർട്ട് ചെയ്യും. അതേസമയം, ദോഷകരമാകുന്നെങ്കിൽ ചൂണ്ടിക്കാണിക്കേണ്ടത് ഏതൊരു പൗരന്റെയും കടമയാണ്.

ചോദ്യം: വിആർഎസ് പൂർത്തിയാകുന്നതിന് മുമ്പ് ആർഎസ്എസിന്റെ വേദിയിൽ സാറ് പ്രസംഗിച്ചിരിക്കുന്നു. ഇതിന് മുമ്പ് അച്ചടക്ക നടപടി എടുത്തത് ഒരു സത്യം തുറന്ന് പറഞ്ഞതിന്റെ പുറത്താണ്. ഓഖി ദുരന്തവുമായി ബന്ധപ്പെട്ട്. ഇപ്പോൾ ആർഎസ്എസ് പോലെ രാഷ്ട്രീയമുള്ള ഒരു സാമൂഹിക സംഘടനയുടെ ഭാഗമായി നിൽക്കുമ്പോൾ വിആർഎസ് കൊടുക്കാതെ ടെർമിനേറ്റ് ചെയ്യാനുള്ള സാധ്യതയില്ലേ?

ഉത്തരം: ഞാൻ ബി.എസ്.സിക്ക് പഠിക്കുമ്പോൾ വൈകുന്നേരം കുളിം കഴിഞ്ഞിട്ട് ഭസ്മമിട്ട് ആണ് മെസ്സിൽ പോകുന്നത്. അത് ഹിന്ദു ട്രെഡിഷന്റെ ഭാഗമാണല്ലോ. അതിന് ശേഷം അമ്പലത്തിൽ പോയി പ്രസാദം വാങ്ങും ചന്ദനം ഇടും. എം.എസ്.സിക്ക് പഠിക്കുമ്പോൾ ഡോ. രാധാകൃഷ്ണന്റെ ഇന്ത്യൻ ഫിലോസഫി എന്ന് പറയുന്ന അഞ്ച് വോള്യങ്ങളുള്ള പുസ്തകം വാങ്ങി വായിച്ചു. 1983ൽ. ഇന്ത്യൻ ഫിലോസഫി പഠിക്കുകയും അതിന് ശേഷം യോഗ ചെയ്യുകയും ചെയ്യുന്നുണ്ട്. യോഗയുടെ മുമ്പും പിൻപും ചില പ്രാർത്ഥനകളൊക്കെ ചെയ്യാറുണ്ട്. ഇന്ത്യൻ സംസ്‌കാരം ഉൾക്കൊള്ളുന്ന ഏത് സംവിധാനത്തോടും എനിക്ക് താല്പര്യമുണ്ടാകും. ഞാൻ ഇതുവരെ കണ്ടിട്ടുള്ള ആർ എസ് എസുകാർ ലളിത ജീവിതം നയിക്കുന്നവരാണ്, സമൂഹത്തിന് വേണ്ടി ജീവിതം സാക്രിഫൈസ് ചെയ്തവരാണ്. അവർ രാജ്യസ്‌നേഹം ഉള്ളവരാണ്. അപ്പോൾ അവരോട് അൺടച്ചബിലിറ്റി ഉണ്ടാകേണ്ട കാര്യം എന്താണ് എന്ന് എനിക്ക് മനസ്സിലാകുന്നില്ല. പോകാൻ പാടില്ല എന്ന പറയുന്നവരുടെ കൂറ് ഇന്ത്യൻ സംസ്‌കാരത്തോടല്ല എങ്കിൽ പിന്നെ ഏത് സംസ്‌കാരത്തോടാണ് ്‌വരുടെ കൂറ്. അവർ ലളിത ജീവിതം നയിക്കുന്നവരാണോ അല്ലയോ എന്ന് നമ്മൾ ഇപ്പോൾ കാണുന്നുണ്ട്. എന്താണ് സാക്രിഫൈസ് ചെയ്യുന്നത് എന്ന് നമ്മൾ കാണുന്നുണ്ട്. ലോകത്തെ ഏറ്റവും വലിയ ഒരു എൻജിഒ, അതിനോട് തൊട്ടുകൂടാ തീണ്ടിക്കൂടാ എന്ന പറയുന്നവർ ആരാണ്? അവർക്ക് പറയാൻ എന്ത് അവകാശമുണ്ട്? അവരുടെ കൂറ് എവിടെയാണ്?

ചോദ്യം: ആർ എസ് എസിന്റെ മേൽ ഒരുപാട് ആരോപണങ്ങളുണ്ട്. മഹാത്മാഗാന്ധിയുടെ കൊലപാതകം അടക്കം. കേരളത്തിൽ പോലും രാഷ്ട്രീയ കൊലപാതകങ്ങളുടെ ഒരു വശത്ത് ആർഎസ്എസാണ്. ഇങ്ങനെ മനുഷ്യ ജീവൻ എടുക്കുന്ന മുഖം കൂടിയുണ്ട്, നന്മയൊക്കെ ഉള്ളപ്പോൾ പോലും തീവ്രദേശീയതയും ഹിന്ദു വർഗീയതയും ആർഎസ്എസിന്റെ ഭാഗമാണ്. അതിനെ എങ്ങനെ ന്യായീകരിക്കാൻ പറ്റും?

ഉത്തരം: മഹാത്മഗാന്ധിയെ വെടിവെച്ചു എന്നത് വലിയ വലിയ തെറ്റ്. അത് ഒരിക്കലും സംഭവിക്കാൻ പാടില്ലാത്ത ഒരു കാര്യമായിരുന്നു. 70 വർഷം മുമ്പ് നടന്ന ഒരു കാര്യം. പക്ഷേ 90 വർഷം മുമ്പ് നടന്ന വേറൊരു കാര്യമുണ്ട്. ജാലിയൻ വാലാബാഗിൽ ബ്രിട്ടീഷുകാർ ഇന്ത്യക്കാർ കുറേപ്പേരെ വെടിവെച്ച് കൊന്നു. പക്ഷേ അതേ ബ്രിട്ടീഷുകാരുടെ സംസ്‌കാരത്തിന്റെ ഭാഗമായി നമ്മൾ മലയാളികൾ ഇരുന്നില്ലേ. അത് 90 വർഷം മുമ്പ് നടന്ന കാര്യം, ഇത് 70 വർഷം മുമ്പ് നടന്ന കാര്യം. അതിന് ശേഷം എത്രയോ വെള്ളം ഗംഗയിൽ കൂടിയും യമുനയിൽ കൂടിയുമൊക്കെ ഒഴുകി.

ചോദ്യം: ഇപ്പോഴും ആർഎസ്എസ് രാഷ്ട്രീയ കൊലപാതകങ്ങളുടെ ഒരു ഭാഗത്തുണ്ട്.

ഉത്തരം: കഴിഞ്ഞ ഒരു ആറോ എട്ടോ മാസത്തെ കണക്ക് നോക്കിക്കഴിഞ്ഞാൽ, കാസർകോട് കണ്ണൂർ മേഖലയിലൊക്കെ കൊലപാതകം നടത്തിയതും മരിച്ചവരുമൊക്കെ ആരാണ്. ആ റിയാലിറ്റി നമ്മൾ ചെക്ക് ചെയ്യേണ്ടേ. വെറുതെ ആരോപണം ഉന്നയിച്ചിട്ട് കാര്യമുണ്ടോ. പിന്നെ വർഗീയമാണ് എന്ന് പറയുന്നു. കേരളത്തിൽ എസ്ഡിപിഐ എന്ന് പറയുന്ന ഒരു പൊളിറ്റിക്കൽ പാർട്ടി ഇവിടെയെല്ലായിടത്തും നിന്നിരുന്നല്ലോ. അത്‌പോലെ ബിഡിജെഎസ് എന്ന പറയുന്ന പാർട്ടിയുണ്ട്. കേരള കോൺഗ്രസ് മാണിഗ്രൂപ്പ് എന്ന് പറയുന്ന പാർട്ടിയുണ്ട്. മുസ്ലിം ലീഗ് എന്ന് പറയുന്ന പാർട്ടിയുണ്ട്. എൻഎസ്എസ് എന്ന് പറയുന്ന സംഘടനയുണ്ട്. ഇതിനൊക്കെ വർഗീയതയുമായിട്ട് എന്തെങ്കിലും ബന്ധമുണ്ടോ.

ചോദ്യം: ആ അർത്ഥത്തിൽ ഞാൻ അംഗീകരിക്കുന്നു. അവശേഷിക്കുന്ന ഏകപ്രശ്‌നം, ആർഎസ്എസും ബിജെപിയും ഉയർത്തിപ്പിടിക്കുന്നത് ഒരു ഹിന്ദു ദേശീയതയാണ്. അതിൽ ന്യൂനപക്ഷങ്ങൾ എത്രമാത്രം സുരക്ഷിതരാണ് എന്നൊരു ചോദ്യമുണ്ട്. ഭാരത സങ്കൽപ്പം നാനാത്വത്തിൽ അധിഷ്ടിതമാണ്. അപ്പോൾ ഈ മുസ്ലീങ്ങൾക്ക് പ്രത്യേകിച്ച് എത്രമാത്രം സുരക്ഷിതത്വം. പശുവിനെ കൊണ്ടുപോയി എന്നതിന്റെ പേരിൽ തല്ലിക്കൊല്ലുന്ന കാലമാണ്.

ഉത്തരം: നമ്മുടെ കേന്ദ്ര ഗവൺമെന്റ് ഒരു നയം വളരെ പരസ്യമായിട്ട് പറഞ്ഞു. സബ്‌കേ സാഥ്, സബ്‌കേ വികാസ്, സബ്‌കേ വിശ്വാസ്. എന്ന് പറഞ്ഞാൽ അതിന്റെ അർത്ഥം എന്താണ്. ഇന്ത്യയുടെ പ്രധാനമന്ത്രി നമുക്ക് നൽകിയ ഒരു വാഗ്ദാനമാണ്. വളരെ അടുത്തകാലത്ത്. ആരെയെങ്കിലും ഒഴിവാക്കിയിട്ടുണ്ടോ.

ചോദ്യം: ഇപ്പോൾ പൗരത്വ രജിസ്റ്റർ കൊണ്ടുവരുന്നു. അല്ലെങ്കിൽ പാക്കിസ്ഥാനിൽ നിന്ന് ആളികൾ ഇങ്ങോട്ട് വരുന്നതിനൊക്കെ ഹിന്ദുവിന് ഒരു ആനുകൂല്യമുണ്ട്.

ഉത്തരം: അതിന്റെ വിശദാംശം എനിക്കറിയാത്ത ഒരു കാര്യമാണ്. ഞാൻ ഇപ്പോ ഇന്ത്യ 2100- ന്യൂ ഡിസൈൻ ഓഫ് ഇന്ത്യ എന്ന് പറഞ്ഞ ഒരു ബുക്ക് എഴുതുന്നതിന് വേണ്ടി കുറേ ഗവേഷണങ്ങൾ ഞാൻ നടത്തുന്നുണ്ട്. നമ്മൾ മോഡലായിട്ട് എടുക്കേണ്ട രാജ്യം ഏതാണ്. അല്ലെങ്കിൽ നമ്മുടെ അലൈസ് ആരായിരിക്കണം, ഫ്യൂച്ചറിലേക്ക്. സെൽഫ് ഇന്ററസ്റ്റാണല്ലോ ഏറ്റവും വലുത്. ഇന്ത്യയുടെ സെൽഫ് ഇന്ററസ്റ്റിൽ ഇന്ത്യ വികസിക്കാൻ വേണ്ടി നമ്മൾ ആരോടൊക്കെ കൂട്ടുകൂടണം. അപ്പോൾ വരുന്നതാണ് ഇസ്രയേൽ, ജപ്പാൻ, സൗത്തുകൊറിയ. ഇവ മൂന്നും ജനാധിപത്യ രാജ്യങ്ങലാണ്. പ്രൊഡക്റ്റിവിറ്റിയിൽ ഇസ്രയേലിനെ കവച്ച് വെക്കാൻ വേറാരുമില്ല.

ചോദ്യം: ഹിന്ദുത്വത്തിന്റെ നിർവചനം എന്താണ്?

ഉത്തരം: എന്റെ നിർവചനം മാത്രമല്ല, ഹിന്ദുത്വത്തിന്റെ നിർവചനം എന്ന് പറഞ്ഞാൽ, ഇറ്റ് ഈസ് എ വേ ഓഫ് ലൈഫ്. നമ്മൾ ജനിച്ച ഈ നാട്ടിൽ ഒമ്പതിനായിരം വർഷം ഒക്കെയുള്ള ഒരു സംസ്‌കാരമുണ്ട്. ആ സംസ്‌കാരം അനുസരിച്ച് ജീവിക്കുന്ന രീതിക്കാണ് ഹിന്ദുത്വം എന്ന് പറയുന്നത്. ബംഗാളിലുള്ള ഹിന്ദുത്വവും ഗുജറാത്തിലുള്ള ഹിന്ദുത്വവും പഞ്ചാബിലുള്ള ഹിന്ദുത്വവും തമിഴ്‌നാട്ടിലുള്ള ഹിന്ദുത്വവും ഒന്നാണോ. ഇത് ഇന്നോ ഇന്നലെയോ ഉണ്ടായ സംസ്‌കാരമല്ല. ഈജിപ്റ്റിൽ ഒരു സംസ്‌കാരമുണ്ടായി, മായൻ- സൗത്ത് അമേരിക്കയിൽ ഒരു സംസ്‌കാരമുണ്ടായി, ചൈനക്ക് ഒരു സംസ്‌കാരമുണ്ട്. ഇന്ത്യക്കൊരു സംസ്‌കാരമുണ്ട്. അത് പലവിധത്തിലാണ് നമ്മൾ ഫോളോ ചെയ്യുന്നത്.

ചോദ്യം: മതവും വിശ്വാസവും എന്ന അർത്ഥത്തിൽ ഹിന്ദുത്വത്തെ എങ്ങനെ കാണുന്നു?

ഉത്തരം: അത് വേറെ. ഹിന്ദു മതം എന്ന് പറഞ്ഞാൽ തന്നെ എത്രയോ വെറൈറ്റിയാണ്. ബംഗാളിലുള്ള ഹിന്ദുമതം ആണോ തമിഴ്‌നാട്ടിലുള്ള ഹിന്ദുമതം.

ചോദ്യം: ചെറുപ്പം മുതലേ ക്ഷേത്രത്തിൽ പോകുമായിരുന്നോ?

ഉത്തരം: ഞാൻ എല്ലാ മതത്തിന്റെയും കാര്യങ്ങളിൽ പോകാറുണ്ട്. ക്ഷേത്രങ്ങളിൽ പോകാറുണ്ട്. ബി.എസ്.സിക്ക് പഠിക്കുമ്പോൾ അമ്പല വയലിൽ ാെരു അമ്പലത്തിൽ പോയി. ഇപ്പോഴും എന്റെ മനസ്സിലുണ്ട്. മധുരമീനാക്ഷി ടെംപിൾ എനിക്കിഷ്ടമാണ്.

ചോദ്യം: ക്രൈസ്തവ വിശ്വാസം ഉണ്ടോ?

ഉത്തരം: ഈശ്വര വിശ്വാസമുണ്ട്. ഞാൻ യോഗ ചെയ്യുന്നുണ്ട്. പൂർണ്ണതയിൽ എത്താൻ ആർക്കുമാകില്ല. ബട്ട്, ഐ ആം ട്രൈയിംങ്. പ്രകൃതി പുരുഷ എന്ന സാംഖ്യ ഫിലോസഫിയാണ് യോഗയുടെ ദാർശനിക വശം. അതിന്റെ പ്രാക്ടിക്കൽ സൈഡാണ് നമ്മൾ പറയുന്ന യമ, നിയമ, പ്രാണയാമ, ആസനാസ്. അതിൽ പ്രകൃതിയുമായി കണക്ട് ചെയ്യുന്ന ഒരു പ്രോസസ് ഉണ്ട്. എന്റെ ഫിസിക്കൽ ബോഡിയെ എനർജി ബോഡിയാക്കി മാറ്റാൻ ഒരു ഗുരു പഠിപ്പിച്ച് തന്നിട്ടുണ്ട്. ശശികുമാർ എന്ന് പറയുന്ന ഒരു ഗുരു യോഗ പഠിപ്പിക്കുന്നതിന്റെ മുക്കാൽ മണിക്കൂർ ഉപനിഷത്താണ് പഠിപ്പിച്ചത്. ഈശ്വര സങ്കൽപ്പം എന്ന പറയുന്നത്, വെർട്ടിക്കൽ സ്പിരിച്ച്വാലിറ്റിയും ഹോരിസോണ്ടൽ സ്പിരിച്ച്വാലിറ്റിയുമുണ്ട്. മതം എന്ന് പറയുന്നത്, അതിൽ തന്നെ പ്രകൃതിയുമായിട്ട് ഏറ്റവും കണക്ടഡായിട്ടുള്ള ഒരു സംസ്‌കാരമാണ്. എക്കോ സെൻ്ട്രിക് വ്യൂ എന്നാണതിന് പറയുന്നത്. നമുക്ക് ഇന്ന് ഏറ്റവുമധികം ആവശ്യമുള്ള വ്യൂ എക്കോ സെൻട്രിക് വ്യൂ തന്നെയാണ്. അത് ഫോളോ ചെയ്യുന്നത് ഇന്ത്യൻ സംസ്‌കാരമാണ്. ബാക്കിയുള്ള മതങ്ങളോ സംസ്‌കാരങ്ങളോ ഒക്കെ ആന്ത്രോപ്പോസെൻട്രിക്കാണ്. മനുഷ്യൻ എല്ലാറ്റിനും മുകളിലാണ്. ബാക്കിയുള്ളവ നമ്മളെക്കാൾ താഴെയാണ് എന്നുള്ളത്. ഞാൻ തീർച്ചായയും എക്കോ സെൻ്ട്രിക് വ്യൂവിൽ വിശ്വസിക്കുന്ന ഒരാളാണ്.

ചോദ്യം: നമ്മുടെ ഈ സംസ്‌കാരം വേണ്ടവിധത്തിൽ ജനങ്ങളിലേക്ക് എത്തപ്പെട്ടിട്ടില്ല എന്ന തോന്നുന്നു.

ഉത്തരം: നമ്മുടെ സ്‌കൂളിൽ പഠിപ്പിക്കുന്നത് ഔറംഗസീബ് എന്നാണ് ജനിച്ചതെന്നും, അക്‌ബർ എത്ര മരം വെച്ചു, മൗണ്ട് ബാറ്റൺ എന്നാ ഇവിടെ വന്നത്, ലോർഡ് വെല്ലസ്ലി എന്താ ഇവിടെ ചെയ്‌തെ, രണ്ടാം പാനിപ്പത്ത് യുദ്ധം ഏത് വർഷമായിരുന്നു. ഇത് പഠിക്കേണ്ട എന്ന് ഞാൻ പറയുന്നില്ല. പക്ഷേ ജനിച്ച മണ്ണിന്റെ സംസ്‌കാരം നമ്മുടെ സ്‌കൂളിൽ എത്ര പഠിപ്പിക്കുന്നുണ്ട്.

ചോദ്യം: ക്ഷേത്രങ്ങളോടനുബന്ധിച്ച് പോലും ഇത്തരം വിദ്യാമണ്ഡലങ്ങളില്ല. പള്ളികളിൽ സൺഡേ സ്‌കൂളുകളുണ്ട്.

ഉത്തരം: ക്ഷേത്രങ്ങളാകണം എന്നില്ല. 1948ലാണ് ഇസ്രയേൽ ഉണ്ടാകുന്നത്. ലോകത്തിന്റെ പല ഭാഗത്ത് നിന്നുള്ളവരെ ഒരു സ്ഥലത്തെത്തിച്ച്. ആദ്യം അവർ ചെയ്തതെന്താണ്? ഭാഷ പഠിക്കുക. പിന്നെ അവരുടെ സംസ്‌കാരത്തിന്റെ ബാക്കി കാര്യങ്ങൾ. സംസ്‌കാരം സാമ്പ്രദായിക സിസ്റ്റത്തിലാണ് പഠിക്കേണ്ടത്.

ചോദ്യം: പൊതുസമൂഹത്തിന് മുന്നിൽ ബിജെപിയോടും സംഘപരിവാറിനോടും ചേർന്ന് നിൽക്കുന്നു. സാറിന്റെ ഭാവി ബിജെപി പ്ലാറ്റ് ഫോമിന്റെ ഭാഗമായി തന്നെ ആയിരിക്കുമോ?

ഉത്തരം: കഴിഞ്ഞ ഒന്നേമുക്കാൽ വർഷമായിട്ട് ജനാഭിലാഷം അനുസരിച്ച് ഞാൻ ജോലിയുടെ പുറത്ത് നിൽക്കുകയാണ്. നാളത്തെ ജനാഭിലാഷം എന്താണെന്ന് എനിക്കിപ്പോ അറിഞ്ഞുകൂടാ. ജനങ്ങലോടൊത്ത് തീർച്ചയായും ഉണ്ടാകും.

ചോദ്യം: ബിജെപി എന്ന് പറയാൻ പറ്റില്ലെന്നാണോ?

ഉത്തരം: ഓഖി ദുരന്തം ഉണ്ടായപ്പോഴേക്കും കടൽത്തതീരത്തുള്ള പാവപ്പെട്ടവരുടെ പക്ഷത്ത് നിന്നതുകൊണ്ടാണ് എനിക്ക് സസ്‌പെൻഷൻ കിട്ടിയത്. അപ്പോ ഞാൻ ഇനിയും അവരുടെ പക്ഷത്ത് തന്നെയായിരിക്കും. അത്‌പോലെ പാവപ്പെട്ട കൃഷിക്കാരുടെ പക്ഷത്തായിരിക്കും.

ചോദ്യം: പക്ഷേ ബിജെപി കോർപ്പറേറ്റുകളെ വളരെ ഇഷ്ടമുള്ളവരാണ്.

ഉത്തരം: പാർട്ടിയെ പറ്റിയൊന്നും ഞാൻ ഇപ്പോ ചിന്തിച്ചിട്ടില്ല. നാളെ എന്താ സംഭവിക്കുക എന്നതിനെ പറ്റി എനിക്കിപ്പോ അറിഞ്ഞൂടാ.

ചോദ്യം: ഇപ്പോ ഒരു സംഘപരിവാർ മാനസികാവസ്ഥയിലേക്ക് മാറിയത്, ഒരുപക്ഷേ പിണറായി വിജയൻ അങ്ങനെ ആക്കിത്തീർത്തതാണ് എന്ന് ഞാൻ പറഞ്ഞാലോ?

ഉത്തരം: അല്ല. യോഗ വേ ഓഫ് ലൈഫ്, അത്‌പോലെ ആർഎസ്എസിൽ ഞാൻ കണ്ടിട്ടുള്ള ഗുണങ്ങൾ. ഞാൻ കണ്ടിട്ടുള്ളതിൽ ഇവർ ലളിതജീവിതം ഉള്ളവരാണ്, സാക്രിഫൈസ് ചെയ്യുന്നവരാണ്. അവരുടെ കൂറ് ഇന്ത്യൻ സംസ്‌കാരത്തോടും ഇന്ത്യയോടുമാണ്. അതേസമയം, എന്നെ ഇപ്പോൾ പരിഹസിക്കുന്നവരുടെ കൂറ് ഇന്ത്യൻ സംസ്‌കാരത്തോടാണോ എന്നെനിക്ക് സംശയമുണ്ട്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP