Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
May / 202117Monday

സ്‌കൂളിലേക്ക് കാറിൽപ്പോകുന്നതിനിടെ പ്രധാനാധ്യാപികയ്ക്ക് ഹൃദയാഘാതം; തൊട്ടടുത്ത മതിലിൽ ഇടിച്ചു നിർത്തിയ കാറിൽ നിന്ന് പുറത്തെടുത്തത് ചില്ലു തകർത്ത്; അകാലത്തിൽ പൊലിഞ്ഞത് പെരുനാട് ഹൈസ്‌കൂളിലെ പ്രധാനാധ്യാപിക ലേഖ

സ്‌കൂളിലേക്ക് കാറിൽപ്പോകുന്നതിനിടെ പ്രധാനാധ്യാപികയ്ക്ക് ഹൃദയാഘാതം; തൊട്ടടുത്ത മതിലിൽ ഇടിച്ചു നിർത്തിയ കാറിൽ നിന്ന് പുറത്തെടുത്തത് ചില്ലു തകർത്ത്; അകാലത്തിൽ പൊലിഞ്ഞത് പെരുനാട് ഹൈസ്‌കൂളിലെ പ്രധാനാധ്യാപിക ലേഖ

ശ്രീലാൽ വാസുദേവൻ

പത്തനംതിട്ട: സ്‌കൂളിലേക്ക് കാറോടിച്ചു പോകുന്നതിനിടെ പ്രധാനാധ്യാപിക ഹൃദയാഘാതം മൂലം മരിച്ചു. റാന്നി പെരുനാട് ഗവ. ഹൈസ്‌കൂളിലെ പ്രധാനാധ്യാപിക എസ്. ലേഖ(50)യാണ് മരിച്ചത്. ഇന്ന് രാവിലെ പത്തുമണിയോടെ പെരുനാട് കൊച്ചുപാലം ജങ്ഷനിലാണ് സംഭവം. വീട്ടിൽ നിന്ന് ഇറങ്ങി കഷ്ടിച്ച് 200 മീറ്റർ പിന്നിടുമ്പോൾ ലേഖ സഞ്ചരിച്ചിരുന്ന കാർ സമീപത്തെ മതിലിൽ തട്ടി നിൽക്കുകയായിരുന്നു.

നാട്ടുകാർ ഓടിക്കൂടിയപ്പോഴേക്കും കാർ ഓഫായിരുന്നു. കാറിന് സെൻട്രൽ ലോക്ക് ഉള്ളതു കാരണം പുറത്തു നിന്ന് തുറക്കാൻ കഴിയുമായിരുന്നില്ല. ചില്ലു തകർത്ത് ലേഖയെ നാട്ടുകാർ പുറത്തെടുത്തപ്പോഴേക്കും മരിച്ചു. മൃതദേഹം പെരുനാട് ഗവ. ആശുപത്രിയിലേക്കും അവിടെ നിന്ന് പത്തനംതിട്ട ജനറൽ ആശുപത്രിയിലേക്കും കൊണ്ടുപോയി. വീട്ടിൽ നിന്നും സ്വയം കാർ ഡ്രൈവ് ചെയ്താണ് ലേഖ പതിവായി സ്‌കൂളിലേക്ക് പോയിരുന്നത്.

ഇന്ന് രാവിലെ കൊച്ചുപാലം ജങ്ഷനിലെത്തിയപ്പോഴാകാം അസ്വസ്ഥത തോന്നിയതെന്ന് കരുതുന്നു. അപ്പോൾ കാർ നിയന്ത്രണം വിടാതിരിക്കാൻ മതിലിൽ ഇടിച്ചു നിർത്തുകയായിരുന്നു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP