Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202422Monday

മഹാരാഷ്ട്ര മുൻ മുഖ്യമന്ത്രിയും മുൻ ലോക്‌സഭാ സ്പീക്കറുമായിരുന്ന മനോഹർ ജോഷി അന്തരിച്ചു; ആദ്യ ശിവസേന മുഖ്യമന്ത്രി; വിടവാങ്ങുന്നത് മറാത്താ രാഷ്ട്രീയത്തിലെ സൗമ്യ മുഖം

മഹാരാഷ്ട്ര മുൻ മുഖ്യമന്ത്രിയും മുൻ ലോക്‌സഭാ സ്പീക്കറുമായിരുന്ന മനോഹർ ജോഷി അന്തരിച്ചു; ആദ്യ ശിവസേന മുഖ്യമന്ത്രി; വിടവാങ്ങുന്നത് മറാത്താ രാഷ്ട്രീയത്തിലെ സൗമ്യ മുഖം

സ്വന്തം ലേഖകൻ

ന്യൂഡൽഹി: മഹാരാഷ്ട്ര മുൻ മുഖ്യമന്ത്രിയും മുൻ ലോക്‌സഭാ സ്പീക്കറുമായിരുന്ന മനോഹർ ജോഷി അന്തരിച്ചു. മുംബൈയിലെ ആശുപത്രിയിലാണ് അന്ത്യം സംഭവിച്ചത്. 86 വയസ്സായിരുന്നു. സംസ്‌കാരം ഇന്ന് വൈകിട്ട് മുംബൈയിലെ ശിവാജി പാർക്ക് ശ്മശാനത്തിൽ നടക്കും.

1995 മുതൽ 1999 വരെ മഹാരാഷ്ട്ര മുഖ്യമന്ത്രിയായി സേവനമനുഷ്ഠിച്ച അദ്ദേഹം അവിഭക്ത ശിവസേനയിൽ നിന്ന് സംസ്ഥാനത്തെ ഉന്നത പദവിയിലെത്തുന്ന ആദ്യ നേതാവായിരുന്നു. 1990 - 91 കാലത്ത് മഹാരാഷ്ട്ര നിയമസഭയിലെ പ്രതിപക്ഷ നേതാവായും അദ്ദേഹം സേവനമനുഷ്ഠിച്ചിട്ടുണ്ട്.പാർലമെന്റ് അംഗമായും തിരഞ്ഞെടുക്കപ്പെട്ട ജോഷി 2002 മുതൽ 2004 വരെ ലോക്‌സഭാ സ്പീക്കറായിരുന്നു. നാലു ദശകം ശിവസേനയുടെ പ്രവർത്തകനായിരുന്ന അദ്ദേഹം അദ്ധ്യാപക ജോലിയിലിരിക്കെ 1967-ൽ രാഷ്ട്രീയത്തിൽ പ്രവേശിച്ചു.

1968-70 കാലത്ത് മുംബൈയിൽ മുനിസിപ്പൽ കൗൺസിലറും 1970 ൽ സ്റ്റാൻഡിങ് കമ്മിറ്റി (മുനിസിപ്പൽ കോർപ്പറേഷൻ) ചെയർമാനുമായിരുന്നു. 1976 മുതൽ 1977 വരെ ഒരു വർഷം മുംബൈ മേയറായും പ്രവർത്തിച്ചു. 1972-ൽ മഹാരാഷ്ട്ര ലെജിസ്ലേറ്റീവ് കൗൺസിലിലേക്ക് തിരഞ്ഞെടുക്കപ്പെട്ടു. മൂന്ന് തവണ ലെജിസ്ലേറ്റീവ് കൗൺസിലിൽ സേവനമനുഷ്ഠിച്ച ശേഷം ജോഷി 1990-ൽ മഹാരാഷ്ട്ര നിയമസഭയിലേക്ക് തിരഞ്ഞെടുക്കപ്പെട്ടു.

1937 ഡിസംബർ 2 ന് മഹാരാഷ്ട്രയിലെ റായ്ഗഡ് ജില്ലയിലെ നന്ദ്വിയിൽ ജനിച്ച ജോഷി മുംബൈയിലാണ് വിദ്യാഭ്യാസം നേടിയത്. 2020-ൽ 75-ആം വയസ്സിൽ അന്തരിച്ച അനഘ മനോഹർ ജോഷിയെ വിവാഹം കഴിച്ചു. അദ്ദേഹത്തിന് ഒരു മകനും രണ്ട് പെൺമക്കളുമുണ്ട്. 1972ൽ മഹാരാഷ്ട്ര ലെജിസ്ലേറ്റിവ് കൗൺസിലിലേക്കും 1990ൽ മഹാരാഷ്ട്ര നിയമസഭയിലേക്കും തിരഞ്ഞെടുക്കപ്പെട്ടു. 1990-91 കാലഘട്ടത്തിൽ പ്രതിപക്ഷ നേതാവായിരുന്നു. 1999 ലോക്സഭാ തിരഞ്ഞെടുപ്പിൽ മുംബൈ സെൻട്രൽ മണ്ഡലത്തിൽ നിന്ന് മത്സരിച്ചാണ് വിജയിച്ചത്. 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP