Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Oct / 202026Monday

ഹൃദയാഘാതത്തെത്തുടർന്നു കുഴഞ്ഞു വീണ് മരിച്ച ഫാ. ജെയിൻ കാളാംപറമ്പിലിന്റെ സംസ്‌ക്കാരം നടത്തി; ബിജ്‌നോർ രൂപതാംഗവും നേപ്പാളിൽ വൈദികനുമായിരുന്ന ജെയിൻ അച്ഛന്റെ സംസ്‌ക്കാരത്തിന് ബിജ്‌നോർ ബിഷപ് മാർ വിൻസന്റ് നെല്ലിയാംപറമ്പിൽ മുഖ്യ കാർമികനായി

ഹൃദയാഘാതത്തെത്തുടർന്നു കുഴഞ്ഞു വീണ് മരിച്ച ഫാ. ജെയിൻ കാളാംപറമ്പിലിന്റെ സംസ്‌ക്കാരം നടത്തി; ബിജ്‌നോർ രൂപതാംഗവും നേപ്പാളിൽ വൈദികനുമായിരുന്ന ജെയിൻ അച്ഛന്റെ സംസ്‌ക്കാരത്തിന് ബിജ്‌നോർ ബിഷപ് മാർ വിൻസന്റ് നെല്ലിയാംപറമ്പിൽ മുഖ്യ കാർമികനായി

സ്വന്തം ലേഖകൻ

കാലടി: ഹൃദയാഘാതത്തെത്തുടർന്നു കുഴഞ്ഞു വീണ് മരിച്ച ഫാ. ജെയിൻ കാളാംപറമ്പിലിന്റെ സംസ്‌ക്കാരം നടത്തി. ബിജ്‌നോർ രൂപതാംഗവും നേപ്പാളിൽ വൈദികനുമായിരുന്ന ഫാ. ജെയിൻ കാളാംപറമ്പിൽ (36) ഉത്തർപ്രദേശിലെ ബിജ്‌നോറിലെ ആശ്രമത്തിൽ ശനിയാഴ്ച രാത്രി 8.30നാണ് കുഴഞ്ഞ് വീണ് മരിച്ചത്. ഭക്ഷണത്തെ തുടർന്നു വിശ്രമിക്കവേ ഹൃദയാഘാതത്തെത്തുടർന്നു കുഴഞ്ഞു വീഴുകയായിരുന്നു. ബിജ്‌നോർ സിഎംഐ പ്രൊവിൻഷ്യൽ ഹൗസിൽ സംസ്‌കാരം നടത്തി. ബിജ്‌നോർ ബിഷപ് മാർ വിൻസന്റ് നെല്ലിയാംപറമ്പിൽ മുഖ്യ കാർമികത്വം വഹിച്ചു.

ബിഷപ് മാർ ഗ്രേഷ്യൻ മുണ്ടാടൻ, ബിഷപ് മാർ ജോൺ വടക്കേൽ, പ്രൊവിൻഷ്യൽ ഫാ.ബെന്നി തെറ്റയിൽ, നേപ്പാൾ മിഷൻ കോ ഓർഡിനേറ്റർ ഫാ.ജോജി വേലിക്കകത്ത് എന്നിവർ പങ്കെടുത്തു. മലയാറ്റൂർ നീലീശ്വരം കാളാംപറമ്പിൽ ലാസറിന്റെയും മറിയത്തിന്റെയും മകനായ ഫാ.ജെയിൻ കാളാംപറമ്പിൽ 3 വർഷം മുൻപാണു സിഎംഐ സഭയിൽ ശുശ്രൂഷ ആരംഭിച്ചത്. സഹോദരങ്ങൾ: പോൾസൻ കാളാംപറമ്പിൽ (കോൺഗ്രസ് മലയാറ്റൂർ-നീലീശ്വരം മണ്ഡലം പ്രസിഡന്റ്), സേവ്യർ, സെബാസ്റ്റ്യൻ (ആർമി), സബീന, റീന.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP