Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
May / 202117Monday

രാഷ്ട്രീയത്തിൽ ആകൃഷ്ടനായി വൈദ്യശാസ്ത്രം ഉപേക്ഷിച്ചു; മുഖ്യമന്ത്രിയായിരുന്നത് 23 ദിവസം മാത്രം; പ്രാഗത്ഭ്യം തെളിയിച്ചത് ആരോഗ്യം, വിദ്യാഭ്യാസം, റവന്യു വകുപ്പുകളിലും; അസം മുന്മുഖ്യമന്ത്രി ഭൂമിധർ ബർമന്റെ നിര്യാണത്തിൽ അനുശോചിച്ച് പ്രധാനമന്ത്രി

രാഷ്ട്രീയത്തിൽ ആകൃഷ്ടനായി വൈദ്യശാസ്ത്രം ഉപേക്ഷിച്ചു; മുഖ്യമന്ത്രിയായിരുന്നത് 23 ദിവസം മാത്രം; പ്രാഗത്ഭ്യം തെളിയിച്ചത് ആരോഗ്യം, വിദ്യാഭ്യാസം, റവന്യു വകുപ്പുകളിലും; അസം മുന്മുഖ്യമന്ത്രി ഭൂമിധർ ബർമന്റെ നിര്യാണത്തിൽ അനുശോചിച്ച് പ്രധാനമന്ത്രി

സ്വന്തം ലേഖകൻ

ഗുവാഹത്തി: രാഷ്ട്രീയത്തിൽ ആകൃഷ്ടനായി വൈദ്യശാസ്ത്ര രംഗം ഉപേക്ഷിച്ചായിരുന്നു അസമിലെ മുതിർന്ന കോൺഗ്രസ്സ് നേതാവും മുന്മുഖ്യമന്ത്രിയുമായ ഭൂമിധർ ബർമൻ ഈ രംഗത്ത് സജീവമായത്.അസമിന്റെ മുഖ്യമന്ത്രി പദത്തിൽ വരെ ഇ യാത്ര എത്തിയെങ്കിലും കേവലം 23 ദിവസം മാത്രമായിരുന്നു അദ്ദേഹം അധികാരത്തിലിരുന്നത്.1996 ൽ ഹിതേശ്വർ സൈക്കിയ അന്തരിച്ചതിനെത്തുടർന്നാണ് ബർമൻ ആദ്യം മുഖ്യമന്ത്രിയായത്. പിന്നീട് 2010 ൽ അന്നത്തെ മുഖ്യമന്ത്രി തരുൺ ഗൊഗോയ് ഹൃദയ ശസ്ത്രക്രിയയ്ക്കായി മാറി നിന്നപ്പോഴും ബർമൻ മുഖ്യമന്ത്രിയുടെ ചുമതല വഹിച്ചു.

മുഖ്യമന്ത്രി സ്ഥാനത്ത് അധികം നാൾ തുടരാനായില്ലെങ്കിലും ആരോഗ്യം, വിദ്യാഭ്യാസം, റവന്യു വകുപ്പുകളിൽ ഇദ്ദേഹം തന്റെ ഭരണപാടവം തെളിയിച്ചു.1967 ൽ അസം നിയമസഭയിലേക്ക് ആദ്യമായി തിരഞ്ഞെടുക്കപ്പെട്ടു. 7 തവണ എംഎൽഎയായ ബർമൻ 4 തവണയും അസമിലെ ബോർഖെത്രി മണ്ഡലത്തിൽ നിന്നാണ് വിജയിച്ചത്.

ഡോക്ടറായിരുന്ന ബർമൻ അസം മെഡിക്കൽ കോളജിൽ നിന്ന് 1958ലാണു മെഡിക്കൽ ബിരുദം നേടിയത്.അന്തരിച്ച മാലതി ബർമനാണു ഭാര്യ. 4 മക്കളുണ്ട്.91 മത്തെ വയസ്സിലാണ് കഴിഞ്ഞ ദിവസം ഭൂമിധർ ബർമൻ വിടവാങ്ങിയത്. ഭൂമിധർ ബർമന്റെ നിര്യണത്തിൽ പ്രധാനമന്ത്രി നരേന്ദ്ര മോദി അനുശോചിച്ചു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP