ഡിഫ്തീരിയ ബാധിച്ചു മലപ്പുറത്ത് ഒരു മരണം കൂടി; പുളിക്കൽ സ്വദേശിയായ പതിനാലുകാരൻ മരിച്ചത...

ഡിഫ്തീരിയ ബാധിച്ചു മലപ്പുറത്ത് ഒരു മരണം കൂടി; പുളിക്കൽ സ്വദേശിയായ പതിനാലുകാരൻ മരിച്ചതു കോഴിക്കോടു മെഡിക്കൽ കോളേജിൽ

June 23, 201606:27 PM IST Permalink

മലപ്പുറം: ഡിഫ്തീരിയ ബാധിച്ചു മലപ്പുറത്ത് ഒരു മരണം കൂടി. മലപ്പുറം പുളിക്കൽ സ്വദേശി മുഹമ്മദ് അഫ്സാഖാണ് (14) മരിച്ചത്.

ഇതോടെ സംസ്ഥാനത്ത് ഒരാഴ്ചക്കിടെ ഡിഫ്തീരിയ ബാധിച്ച് രണ്ടുപേരാണ് മരണമടഞ്ഞത്. ഇന്നലെയാണ് രോഗത്തെ തുടർന്ന് അവശനിലയിൽ അഫ്സാഖിനെ കോഴിക്കോട് മെഡിക്കൽ കോളേജിൽ പ്രവേശിപ്പിച്ചത്.

അതേസമയം ഡിഫ്തീരിയ ബാധിച്ച് ചികിത്സയിലായിരുന്ന രണ്ട് കുട്ടികളുടെ നില മെച്ചപ്പെട്ടിട്ടുണ്ട്. നേരത്തെ താനൂർ സ്വദേശിയായ മുഹമ്മദ് അമീനാണ് ഡിഫ്തീരിയ ബാധിച്ച് മരിച്ചിത്. കഴിഞ്ഞ വർഷവും രണ്ട് കുട്ടികൾ മലപ്പുറത്ത് ഡിഫ്തീരിയ ബാധിച്ച് മരിച്ചിരുന്നു. തുടർന്ന് ആരോഗ്യവകുപ്പ് മലപ്പുറത്ത് പ്രതിരോധ പ്രവർത്തനങ്ങൾ നിരന്തരം സംഘടിപ്പിച്ച് വരികയായിരുന്നു.

എന്നാൽ പ്രതിരോധ പ്രവർത്തനങ്ങൾക്കെതിരെയുള്ള പ്രചാരണങ്ങളും വ്യാപകമായത് വാക്സിനേഷന് തടസമായിരുന്നു. ഡിഫ്തീരിയ ബാധയെ തുടർന്ന് രണ്ടാമതൊരു മരണം കൂടീ ഉണ്ടായ സാഹചര്യത്തിൽ താനൂർ മുനിസിപ്പാലിറ്റിയിൽ പ്രതിരോധ കുത്തിവെപ്പ് ഊർജ്ജിതമാക്കാൻ ആരോഗ്യ വകുപ്പ് ശ്രമം തുടങ്ങി. പത്തു ദിവസത്തിനകം താനൂർ മുനിസിപ്പാലിറ്റിയിലെ മുഴുവൻ സ്‌കൂളുകളിലും എത്തി പ്രതിരോധ കുത്തിവെപ്പ് സ്വീകരിക്കാത്തവരെ കണ്ടെത്തി മരുന്ന് നൽകാനാണ് ആദ്യ നീക്കം. ജില്ലയിലെ മുഴുവൻ ആരോഗ്യ പ്രവർത്തകരും ഇതിനായി താനൂരിലെത്തും. തുടർന്ന് മറ്റിടങ്ങളിലേക്കും പ്രതിരോധ പ്രവർത്തനങ്ങൾ നീട്ടുമെന്ന് അധികൃതർ അറിയിച്ചു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

Stories you may Like

Readers Comments+

More News in this category+

MNM Recommends +

ലോക്സഭ തിരഞ്ഞെടുപ്പ്: വോട്ടെടുപ്പ് യന്ത്രങ്ങളുടെ കമ്മീഷനിങ് തുടങ്ങി; ഏപ്രിൽ 20ന് പൂർത്തിയാകും