Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
May / 202117Monday

ശ്രദ്ധേയനായത് ജലാശയത്തിൽ മലർന്നുകിടന്നും ശീർഷാസനം നടത്തിയും ചിത്രം വരച്ച്; 'ആശാജി' എന്ന പേര് സ്വീകരിച്ചത് ചിത്രരചനയിലൂടെ ആശയങ്ങൾ പ്രചരിപ്പിക്കണമെന്ന മോഹത്തോടെ; ചിത്രകാരൻ ജി വിശ്വനാഥൻ വിടവാങ്ങുമ്പോൾ

ശ്രദ്ധേയനായത് ജലാശയത്തിൽ മലർന്നുകിടന്നും ശീർഷാസനം നടത്തിയും ചിത്രം വരച്ച്; 'ആശാജി'  എന്ന പേര് സ്വീകരിച്ചത് ചിത്രരചനയിലൂടെ ആശയങ്ങൾ പ്രചരിപ്പിക്കണമെന്ന മോഹത്തോടെ; ചിത്രകാരൻ ജി വിശ്വനാഥൻ വിടവാങ്ങുമ്പോൾ

മറുനാടൻ മലയാളി ബ്യൂറോ

ചാത്തന്നൂർ: ചിത്രരചനയ്ക്ക് വേറിട്ടവഴി സ്വീകരിച്ച കലാകാരനെയാണ് ആശാജിയുടെ വിയോഗത്തിലുടെ കലാലോകത്തിന് നഷ്ടമായത്.ജലാശയത്തിൽ മലർന്നുകിടന്നും ശീർഷാസനം ചെയ്തുമൊക്കെ ചിത്രരചന നടത്തിയാണ് ശ്രദ്ധേയനായത്.എന്നും വേറിട്ട വഴികൾ തന്നെയായിരുന്നു തന്റെ ചിത്രകലാമണ്ഡലത്തിൽ ആശാജി സ്വീകരിച്ചത്.അതിന്റെ ഏറ്റവും വലിയ ഉദാഹരണമാണ് ശീർഷാസനത്തിൽ നിന്നും ഉയരത്തിൽ നിന്നു വെള്ളത്തിലേക്ക് ചാടുന്നതിനിടെ വായുവിൽ നിന്നും ആഴമുള്ള ജലാശയത്തിൽ മലർന്നുകിടന്നും മുങ്ങിക്കിടന്നും ചിത്രരചന നടത്തിയത്.

ചാത്തന്നൂർ കോയിപ്പാട് പാണാഞ്ചേരി വീട്ടിൽ ജി.വിശ്വനാഥൻ ' ആശാജി ' എന്ന പേര് സ്വീകരിച്ചതിലും ഉണ്ട് ഒട്ടേറെ ഇത്തരത്തിലൊരു കൗതുകം.ചിത്രരചനയിലൂടെ തന്റെ ആശയങ്ങൾ പ്രചരിപ്പിക്കണമെന്ന മോഹത്തോടെയാണ് വിശ്വനാഥൻ 'ആശാജി' എന്ന പേരു സ്വീകരിച്ചത്. ഏതാനും സിനിമകളുടെ കലാസംവിധായകനായി. നാടകങ്ങൾക്കു വേണ്ടി രംഗപടവും ഒരുക്കിയിട്ടുണ്ട്.ശിൽപ നിർമ്മാണത്തിലും വ്യക്തിമുദ്ര പതിപ്പിച്ചു. നൂറുകണക്കിനു ശിഷ്യരുണ്ട്. രാജ്യത്തിനകത്തും വിദേശത്തും ഒട്ടേറെ ചിത്രപ്രദർശനങ്ങളും നടത്തി.

ചണ്ഡാലഭിക്ഷുകി ദലിത് ഭാഷ്യം (കാവ്യദർശനം), സൂത്രം (നോവൽ), ആത്മീയം (തത്വചിന്ത), കുടുലാംഗി (ചെറുകഥകൾ), ചൊൽവിളി (നാടൻപാട്ട്), ആർട്ട് (ഡിവിഡി പെയിന്റിങ്), ആശാജിയുടെ ആശന്തിയുടെ നേർവര തുടങ്ങിയവയാണ് പ്രധാന കൃതികൾ.കഴിഞ്ഞദിവസം വീടിനു സമീപത്തെ പഞ്ചായത്ത് ശ്മശാനത്തിലെ കെട്ടിടത്തിനുള്ളിലാണ് തൂങ്ങി മരിച്ച നിലയിൽ കണ്ടെത്തിയത്.ഭാര്യ: സുധർമ. മക്കൾ: നിഖിൽ, നിമ്മി, നിമ്‌ന. മരുമക്കൾ: രശ്മി, സതീഷ്, ജലാൽ.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP