Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

മദീനയിലുണ്ടായ വാഹനാപകടത്തിൽ കോഴിക്കോട് സ്വദേശി മരണപ്പെട്ടു; മുക്കം സ്വദേശി നുദീറിന്റെ മരണം ആശുപത്രിയിൽ ചികിത്സയിൽ കഴിയവേ

മദീനയിലുണ്ടായ വാഹനാപകടത്തിൽ കോഴിക്കോട് സ്വദേശി മരണപ്പെട്ടു; മുക്കം സ്വദേശി നുദീറിന്റെ മരണം ആശുപത്രിയിൽ ചികിത്സയിൽ കഴിയവേ

മറുനാടൻ മലയാളി ബ്യൂറോ

കോഴിക്കോട് : മദീനയിലുണ്ടായ വാഹനാപകടത്തിൽ കോഴിക്കോട് സ്വദേശി മരിച്ചു. മുക്കം കാരമൂല കൊയിലത്തും കണ്ടി പരേതനായ കുഞ്ഞോക്കുവിന്റെ മകൻ നുദീർ(41)ആണ് മദീനയിൽ മരണപ്പെട്ടത്. അഞ്ചു ദിവസം മുമ്പ് നടന്ന അപകടത്തിൽ ഗുരുതര പരിക്കേറ്റ് ചികിത്സയിലായിരുന്നു.

ഇന്ന് വൈകീട്ടോടെ മരണം സ്ഥിരീകരിക്കുകയായിരുന്നു.മദീനയിൽ പ്ലാസ്റ്റിക് വിതരണ വാനിലെ ഡ്രൈവറായി ജോലി ചെയ്തു വരികയായിരുന്ന ഇദ്ദേഹത്തെ ഏതാനും ദിവസങ്ങൾക്ക് മുമ്പ് ജോലിക്കിടെ വഴിയിൽ വെച്ച് വാഹനം കേടു വന്നതിനെ തുടർന്ന് പുറത്തിറങ്ങി പരിശോധിക്കുന്നതിടെ മറ്റൊരു വാഹനം ഇടിച്ചു തെറിപ്പിക്കുകയായിരുന്നു. ഉടൻ തന്നെ ഇടിച്ച വാഹനത്തിലെ ഡ്രൈവർ അടുത്തുള്ള ആശുപത്രിയിൽ എത്തിച്ചെങ്കിലും ഇവിടെ നിന്ന് കിങ് ഫഹദ് ആശുപത്രിയിലേക്ക് മാറ്റി അടിയന്തിര ശസ്ത്രക്രിയയ്ക്കും വിധേയമാക്കിയിരുന്നു.

നേരത്തെ മക്കയിൽ പ്ലാസ്റ്റിക് വിതരണ രംഗത്തുണ്ടായിരുന്ന ഇദ്ദേഹം ഇതേ കമ്പനിയുടെ കീഴിൽ തന്നെയാണ് മദീനയിലും ജോലി ചെയ്തു വന്നിരുന്നത്. മരണ വിവരമറിഞ്ഞു ബഹ്റൈനിലുള്ള സഹോദരൻ മദീനയിൽ എത്തിയിട്ടുണ്ട്. മാതാവ് : ഇയ്യാത്തുമ്മ ഭാര്യ: ഷാഹിന.മക്കൾ : നഹന,മുഹമ്മദ് ഷഹാദ് സഹോദരങ്ങൾ:മുബാറക്ക്, നസീർ , മുനീർ,ഹംസ , സാജിദ, ഹസീന

 

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP