Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jun / 202414Friday

തെലുങ്ക് നടൻ ചന്ദു ആത്മഹത്യ ചെയ്ത നിലയിൽ; മൃതദേഹം കണ്ടെത്തിയത് വസതിയിൽ; ആത്മസുഹൃത്ത് നടി പവിത്രയുടെ മരണം സംഭവിച്ചതിന് പിന്നാലെ നടന്റെയും വിയോഗം; ചന്ദു വിഷാദ രോഗത്തിലായിരുന്നു എന്ന് സുഹൃത്തുക്കൾ

തെലുങ്ക് നടൻ ചന്ദു ആത്മഹത്യ ചെയ്ത നിലയിൽ; മൃതദേഹം കണ്ടെത്തിയത് വസതിയിൽ; ആത്മസുഹൃത്ത് നടി പവിത്രയുടെ മരണം സംഭവിച്ചതിന് പിന്നാലെ നടന്റെയും വിയോഗം; ചന്ദു വിഷാദ രോഗത്തിലായിരുന്നു എന്ന് സുഹൃത്തുക്കൾ

മറുനാടൻ ഡെസ്‌ക്‌

ഹൈദരാബാദ്: തെലുങ്ക് ടെലിവിഷൻ താരം ചന്ദു എന്ന ചന്ദ്രകാന്ത് ആത്മഹത്യ ചെയ്ത നിലയിൽ. വെള്ളിയാഴ്ച അൽകാപൂരിലെ വസതിയിലാണ് ചന്ദ്രകാന്തിനെ ആത്മഹത്യ ചെയ്ത നിലയിൽ കണ്ടെത്തിയത്. സംഭവത്തിൽ പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്.

അഞ്ച് ദിവസങ്ങൾക്ക് മുമ്പായിരുന്നു നടി പവിത്ര ജയറാം വാഹനാപകടത്തിൽ മരിച്ചത്. പവിത്രയുമായി വളരെ അടുത്ത ബന്ധമായിരുന്നു ചന്ദുവിന്. ആത്മസുഹൃത്തിന്റെ വിയോഗം ചന്ദുവിനെ തകർത്തിരുന്നെന്നും നടൻ വിഷാദത്തിലായിരുന്നെന്നും സുഹൃത്തുക്കൾ പറയുന്നു. ഇതിൽ മനം നൊന്താണ് ആത്മഹത്യയെന്നാണ് സൂചനകൾ.

അടുത്തിടെ ഒരു അഭിമുഖത്തിൽ, താനും പവിത്ര ജയറാമും അധികം വൈകാതെ തങ്ങളുടെ ബന്ധം ഔപചാരികമാക്കാൻ പദ്ധതിയിട്ടിരുന്നതായി ചന്ദ്രകാന്ത് വെളിപ്പെടുത്തിയിരുന്നു. പിന്നാലെ ആയിരുന്നു നടിയുടെ മരണം. പവിത്രയുടെ ജീവനെടുത്ത അപകടം നടക്കുമ്പോൾ വാഹനത്തിൽ ചന്ദ്രകാന്ത് ഉണ്ടായിരുന്നു.

ആന്ധ്രാപ്രദേശിലെ മെഹബൂബ നഗറിന് സമീപത്തുവച്ചായിരുന്നു പവിത്രയുടെ ജീവൻ കവർന്ന അപകടം നടന്നത്. പവിത്ര സഞ്ചരിച്ചിരുന്ന കാർ നിയന്ത്രണം വിട്ട് ഡിവൈഡറിൽ ഇടിച്ചാണ് അപകടം, സംഭവ സ്ഥലത്തുവച്ചു തന്നെ പവിത്ര മരണപെട്ടിരുന്നു. 'ത്രിനയനി' എന്ന തെലുങ്ക് സീരിയലിലൂടെയാണ് പവിത്രയും ചന്ദുവും ശ്രദ്ധേയരാവുന്നത്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP