Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Feb / 202423Friday

സ്‌കൂൾ അത്‌ലറ്റിക്‌സിലൂടെ അതിവേഗതയുടെ പര്യായമായി; എംഎ കോളേജിന് വേണ്ടി യൂണിവേഴ്‌സിറ്റി തലത്തിലും വേഗ രാജാവ്; വാളക്കോട് പള്ളിക്ക് സമീപം ബൈക്ക് മരത്തിൽ ഇടിച്ച് മരിച്ചത് കേരളം ഭാവിയായി കണ്ട പൊലീസുകാരൻ അത്‌ലറ്റ്; പുനലൂരുകാരൻ ഓംകാർ നാഥ് ഇനി ട്രാക്കിലെത്തില്ല

സ്‌കൂൾ അത്‌ലറ്റിക്‌സിലൂടെ അതിവേഗതയുടെ പര്യായമായി; എംഎ കോളേജിന് വേണ്ടി യൂണിവേഴ്‌സിറ്റി തലത്തിലും വേഗ രാജാവ്; വാളക്കോട് പള്ളിക്ക് സമീപം ബൈക്ക് മരത്തിൽ ഇടിച്ച് മരിച്ചത് കേരളം ഭാവിയായി കണ്ട പൊലീസുകാരൻ അത്‌ലറ്റ്; പുനലൂരുകാരൻ ഓംകാർ നാഥ് ഇനി ട്രാക്കിലെത്തില്ല

മറുനാടൻ മലയാളി ബ്യൂറോ

കൊല്ലം: കൊല്ലം പുനലൂരിൽ ദേശീയപാതയിൽ വാഹനാപകടത്തിൽ മുൻ കായികതാരം അന്തരിച്ചു. ദേശീയ തലത്തിൽ മെഡൽ ജേതാവായ തൊളിക്കോട് സ്വദേശി ഓംകാർ നാഥ് (25)ആണ് മരിച്ചത്. കൊല്ലം -തിരുമംഗലം ദേശീയപാതയിൽ പുനലൂർ വാളക്കോട് പള്ളിക്ക് സമീപം രാത്രി 12നായിരുന്നു അപകടമുണ്ടായത്. അത്‌ലറ്റിക്‌സിൽ നൂറു മീറ്ററായിരുന്നു ഓംകാർ നാഥിന്റെ ഇഷ്ട ഇനം. അതിവേഗതയിൽ ഓടി സ്‌റ്റേഡിയങ്ങളെ ത്രസിപ്പിച്ച ഓംകാർ നാഥ് സർവ്വകലാശാല മത്സരങ്ങളിലും മികവ് കാട്ടിയിരുന്നു.

നിയന്ത്രണം വിട്ട ബൈക്ക് മരത്തിലേക്ക് ഇടിച്ചു കയറുകയായിരുന്നു. ദേശീയ മെഡൽ ജേതാവും എംഎ കോളേജ് മുൻ കായികതാരവുമാണ് ഓംകാർ നാഥ്. തിരുവനന്തപുരം എസ്എപി ക്യാമ്പിലെ ഹവിൽദാറാണ് ഓംകാർനാഥ്. അമിതവേഗത്തിലെത്തിയ ബൈക്ക് മരത്തിലേക്ക് ഇടിച്ചു കയറുകയായിരുന്നു. ഇതിന്റെ ദൃശ്യങ്ങൾ പുറത്തുവന്നിട്ടുണ്ട്. അതേസമയം, അപകടം നടക്കുന്ന സമയത്ത് കൂടെയുണ്ടായിരുന്ന മറ്റൊരു യുവാവിനെ ഗുരുതര പരിക്കുകളോടെ മെഡിക്കൽ കോളേജിലേക്ക് മാറ്റി. ഇയാൾ അപകടനില തരണം ചെയ്തിട്ടുണ്ട്.

2021ലെ അന്തർ സർവ്വകലാശാ മീറ്റിൽ വേഗമേറിയ താരമായിരുന്നു പുനലൂർ ഓംകാരത്തിൽ രവീന്ദ്ര നാഥിന്റെയും മിനി ആർ.നാഥിന്റെയും മകനായ ഓംകാർ നാഥ് എംഎ കോളജിൽ മൂന്നാം വർഷ ബികോം വിദ്യാർത്ഥിയായിരുന്നപ്പോഴാണ് വേഗമേറിയ താരമായത്. അതിന് മുമ്പ് രണ്ട് വർഷവും 200 മീറ്ററിലും ചാംപ്യനായിരുന്നു. സ്‌കൂൾ ഗെയിംസിലൂടെയാണ് ഓംകാർനാഥ് അത്‌ലറ്റിക്‌സിൽ എത്തുന്നത്. 58ാംമത് സംസ്ഥാനസ്‌കൂൾ കായികമേളയിലും 100 മീറ്ററിൽ ഓംകാർനാഥിനായിരുന്നു സ്വർണം.

ഓംകാർനാഥ് തിരുവനന്തപുരം എസ് പി ക്യാമ്പിലെ ഹവിൽ ദാറാണ്. അപകടം നടക്കുമ്പോൾ ബൈക്ക് അമിത വേഗത്തിലായിരുന്നുവെന്നാണ് സിസിടിവി ദൃശ്യങ്ങൾ സൂചിപ്പിക്കുന്നത്. 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP