Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jan / 202217Monday

മണിപ്പുരിൽ ഭീകരാക്രമണത്തിൽ വീരമൃത്യു വരിച്ചത് കമാൻഡിങ് ഓഫീസർ ഉൾപ്പടെ നാല് സെനികർ; അസം റൈഫിൾസ് കമാൻഡിങ് ഓഫീസറുടെ ഭാര്യയും മകനും തൽക്ഷണം കൊല്ലപ്പെട്ടു; സൈനിക വാഹന വ്യൂഹത്തിന് നേരെ ഉണ്ടായത് പതിയിരുന്നുള്ള ആക്രമണം

മണിപ്പുരിൽ ഭീകരാക്രമണത്തിൽ വീരമൃത്യു വരിച്ചത് കമാൻഡിങ് ഓഫീസർ ഉൾപ്പടെ നാല് സെനികർ; അസം റൈഫിൾസ് കമാൻഡിങ് ഓഫീസറുടെ ഭാര്യയും മകനും തൽക്ഷണം കൊല്ലപ്പെട്ടു; സൈനിക വാഹന വ്യൂഹത്തിന് നേരെ ഉണ്ടായത് പതിയിരുന്നുള്ള ആക്രമണം

മറുനാടൻ ഡെസ്‌ക്‌

ഗുവാഹത്തി: മണിപ്പൂരിലെ ചുർചൻപുർ ജില്ലയിൽ സൈന്യത്തിന് നേരെ ഭീകരാക്രമണം. അസം റൈഫിൾസ് വാഹനവ്യൂഹത്തിന് നേരെയുണ്ടായ ആക്രമണത്തിൽ ആറ് പേർ കൊല്ലപ്പെട്ടു. നാല് സൈനികരാണ് വീരമൃത്യു വരിച്ചത്. 46 അസം റൈഫിൾസ് കമാൻഡിങ് ഓഫീസർ കേണൽ വിപ്ലൗ ത്രിപാഠിയുടെ ഭാര്യയും മകനും കൊല്ലപ്പെട്ടു.

ത്രിപാഠിയും കുടുംബവും വാഹനവ്യൂഹവുമാണ് സംഘത്തിലുണ്ടായിരുന്നത്. ത്രിപാഠിയും ഭാര്യയും മകനും തൽക്ഷണം മരിച്ചു. ആക്രമണത്തിൽ കൂടുതൽ സൈനികർക്ക് പരിക്കേറ്റിട്ടുണ്ടെന്നാണ് റിപ്പോർട്ട്. ഇന്ന് രാവിലെ പത്ത് മണിയോടെയാണ് ഭീകരാക്രമണമുണ്ടായത്. കുഴി ബോംബ് ആക്രമണവും ഉണ്ടായതായാണ് സൂചനൾ.

ആക്രമണമാണ് ഉണ്ടായത്. അടുത്തകാലത്തിയി അസമിൽ തീവ്രവാദികൾ നടത്തുന്ന ശക്തമായ ആക്രമണമാണ് ഇന്നുണ്ടായത്. പരിക്കേറ്റവരെ ഉടനെ സമീപത്തെ ആശുപത്രിയിൽ പ്രവേശിപ്പിച്ചു. സ്ഥലത്ത് സുരക്ഷാസേന പരിശോധന ആരംഭിച്ചു. ഭീകരർക്കായി തിരച്ചിൽ ഊർജ്ജിതമാക്കിയിരിക്കയാണ്.

മണിപ്പുർ മുഖ്യമന്ത്രി ബൈറൺ സിങ് ഭീകരാക്രമണത്തെ അപലപിച്ചു. ശക്തമായ പ്രതിഷേധം രേഖപ്പെടുത്തുന്നുവെന്നും ഇത്തരം ചതിപ്രയോഗങ്ങളിലൂടെയുള്ള ആക്രമണങ്ങൾ നടത്തുന്നവരെ വെറുതേ വിടില്ലെന്നും നിയമത്തിന് മുന്നിൽ കൊണ്ടു വരുമെന്നും അദ്ദേഹം കൂട്ടിച്ചേർത്തു. ഇത്തരം ആക്രമണങ്ങൾ കണ്ട് ഇനിയും മിണ്ടാതിരിക്കാൻ കഴിയില്ലെന്നും മണിപ്പുർ മുഖ്യമന്ത്രി പറഞ്ഞു.

ആക്രമണത്തെ ശക്തമായി അപലപിക്കുന്നതായും കുറ്റവാളികൾക്കെതിരെ കർശനനടപടി സ്വീകരിക്കുമെന്നും അസം മുഖ്യമന്ത്രി ഹിമന്ത ബിശ്വാസ് ശർമ്മയും വ്യക്തമാക്കി.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP