Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Oct / 202029Thursday

ടെലിവിഷൻ മാർക്കറ്റിങ് രംഗത്ത് മുംബൈയിലെ രാജാവ്! ഏഷ്യാനെറ്റ് പ്രോഗ്രാം ചാനലിനെ വിപണിയിലെ നമ്പർ വൺ ആക്കിയ സൂപ്പർ സ്റ്റാർ; ഫ്‌ളവേഴ്‌സ് ടിവിക്ക് നഷ്ടമാകുന്നത് പകരം വയ്ക്കാനില്ലാത്ത വിപണന വിദഗ്ധനെ; കൊച്ചിയിൽ അപ്രതിക്ഷിതമായി വിടപറഞ്ഞത് സ്‌നേഹത്തിന്റേയും സൗഹൃദത്തിന്റേയും ആൾരൂപം; ശ്രീകണ്ഠൻ നായർക്ക് നഷ്ടമാകുന്നത് വലം കൈയെ; ഓർമ്മയാകുന്നത് മലയാള ടെലിവിഷൻ മുന്നേറ്റത്തെ മുമ്പിൽ നിന്ന് നയിച്ച തൃശൂരുകാരൻ; ആന്റോ പുത്തരിയുടെ വിയോഗത്തിൽ നടുങ്ങി മലയാള മാധ്യമ ലോകം

ടെലിവിഷൻ മാർക്കറ്റിങ് രംഗത്ത് മുംബൈയിലെ രാജാവ്! ഏഷ്യാനെറ്റ് പ്രോഗ്രാം ചാനലിനെ വിപണിയിലെ നമ്പർ വൺ ആക്കിയ സൂപ്പർ സ്റ്റാർ; ഫ്‌ളവേഴ്‌സ് ടിവിക്ക് നഷ്ടമാകുന്നത് പകരം വയ്ക്കാനില്ലാത്ത വിപണന വിദഗ്ധനെ; കൊച്ചിയിൽ അപ്രതിക്ഷിതമായി വിടപറഞ്ഞത് സ്‌നേഹത്തിന്റേയും സൗഹൃദത്തിന്റേയും ആൾരൂപം; ശ്രീകണ്ഠൻ നായർക്ക് നഷ്ടമാകുന്നത് വലം കൈയെ; ഓർമ്മയാകുന്നത് മലയാള ടെലിവിഷൻ മുന്നേറ്റത്തെ മുമ്പിൽ നിന്ന് നയിച്ച തൃശൂരുകാരൻ; ആന്റോ പുത്തരിയുടെ വിയോഗത്തിൽ നടുങ്ങി മലയാള മാധ്യമ ലോകം

എം മനോജ് കുമാർ

തിരുവനന്തപുരം: സ്‌നേഹത്തിന്റെയും സൗഹൃദത്തിന്റെയും ആൾരൂപമായ ആന്റോ പുത്തരിയുടെ മരണത്തിൽ നടുങ്ങി മലയാള ടെലിവിഷൻ ലോകം. ഒരിക്കൽ പരിചയപ്പെട്ടാൽ ഒരിക്കലും മറക്കാത്ത സ്‌നേഹവായ്പായി മാറാൻ ആന്റോയ്ക്കുള്ള കഴിവാണ് മലയാള ടെലിവിഷൻ രംഗത്ത് ആന്റൊയെ അവിസ്മരണീയമായ സാന്നിധ്യമായി മാറ്റിയത്. ഇത്ര ചെറുപ്രായത്തിൽ ആന്റോ വിടപറഞ്ഞു പോകും എന്ന് ഒരിക്കലും ചിന്തിക്കാത്തതുകൊണ്ട് തന്നെയാണ് ഈ അവിചാരിത വിടവാങ്ങൽ ടെലിവിഷൻ രംഗത്തെ അതികായരെ നടുക്കുന്നത്.

ചുറ്റും സൃഷ്ടിച്ച ആത്മബന്ധങ്ങളും സൗഹൃദങ്ങളുമാണ് ഫ്ളവേഴ്സ് ടിവിയുടെ എക്സിക്യുട്ടീവ് വൈസ് പ്രസിഡണ്ടും മാർക്കറ്റിങ് വിഭാഗം മേധാവിയുമായി തുടർന്നിരുന്ന ആന്റോയെ വ്യത്യസ്തനാക്കുന്നത്. രണ്ടു പതിറ്റാണ്ടോളം ഏഷ്യാനെറ്റ് പ്രോഗ്രാം ചാനലിൽ വൈസ് പ്രസിഡന്റ് ആയി ജോലി ചെയ്ത് വരവേ തന്നെയാണ്, ഫ്‌ളവേഴ്‌സിന്റെ ശ്രീകണ്ഠൻ നായരുമായുള്ള വ്യക്തിബന്ധത്തിന്റെ പേരിൽ ഏഷ്യനെറ്റ് വിട്ടു ഫ്‌ളവേഴ്‌സിന്റെ എക്സിക്യുട്ടീവ് വൈസ് പ്രസിഡണ്ടും മാർക്കറ്റിങ് വിഭാഗം മേധാവിയുമായി ആന്റോ മാറുന്നതും. ആന്റോയുടെ പോലുള്ള അതികായരുടെ വരവാണ് ഫ്‌ളവേഴ്‌സിനെ ഫ്‌ളവേഴ്‌സ് ആയി മാറ്റുന്നതും. ഇതുകൊണ്ട് തന്നെയാണ് മലയാള ടെലിവിഷൻ രംഗത്തെ അതികായനായി തുടരുന്ന ശ്രീകണ്ഠൻ നായരെപോലുള്ളവരെയും ഏഷ്യാനെറ്റ് മുതൽ വിവിധ ടെലിവിഷൻ ചാനലിന്റെ തലപ്പത്ത് ഉള്ളവരുടെയും ഉള്ളുലയ്ക്കുന്ന വിയോഗമായി ആന്റോയുടെ മരണം മാറുന്നതും. ഇ

ഏത് സമയത്തും ചുറ്റും നിലനിൽക്കുന്ന ടെൻഷൻ മാറ്റാൻ ആന്റോയുടെ ഒരു കമന്റിനു അല്ലെങ്കിൽ ഒരു തമാശയ്ക്ക് വെറും സംഭാഷണങ്ങൾക്ക് കഴിയും. അതുകൊണ്ട് തന്നെ ടെലിവിഷൻ രംഗത്തെ ടെൻഷനുകൾക്കിടയിൽ ആന്റൊയുടെ സാന്നിധ്യം സുഹൃത്തുക്കൾക്ക് വിലപ്പെട്ടതായിരുന്നു. ഏഷ്യാനെറ്റ് പ്രോഗ്രാം ചാനലിന്റെ മാർക്കറ്റിങ് വിഭാഗം വൈസ് പ്രസിഡന്റ് ആയിരുന്ന സമയത്ത് തന്നെ ഇത്തരം തമാശകളുടെയും ചെറു സംഭാഷണങ്ങളുടെയും പേരിലാണ് ആന്റോ അറിയപ്പെട്ടിരുന്നത്. അതുകൊണ്ട് അദ്ദേഹത്തിന്റെ സൗഹൃദവൃന്ദങ്ങളും വിപുലമായിരുന്നു. മുംബൈയിലെ രാജാവ് എന്നാണു ടെലിവിഷൻ മാർക്കറ്റിങ് രംഗത്ത് ആന്റോ അറിയപ്പെടുന്നത്. മുംബൈയിലെ മാർക്കറ്റിങ് കിങ് ആയിരുന്നു. മാർക്കറ്റിങ് രംഗത്ത് ആന്റോയ്ക്ക് പകരം വയ്ക്കാൻ ആരുമില്ലെന്നാണ് ടെലിവിഷൻ രംഗത്തുള്ളവർ പറയുന്നത്.

ആന്റോയ്ക്ക് ഒപ്പം തുടങ്ങിയവർ പിന്നീട് ചാനലുകളുടെയും മാർക്കറ്റിങ് എജൻസികളുടെയും തലപ്പത്ത് വന്നു. ഇത് ആന്റൊയ്ക്ക് ജോലി എളുപ്പമാക്കി. പതിറ്റാണ്ടുകൾ തന്നെ മുംബൈയിൽ ജോലി ചെയ്തതിനാൽ എല്ലാ മാർക്കറ്റിങ് എജൻസികളുമായും ആന്റോയ്ക്ക് അടുത്ത ബന്ധമുണ്ട്. ചാനൽ രംഗത്ത് പതിറ്റാണ്ടുകൾ തന്നെ ബന്ധമുള്ളതിനാൽ മിക്ക ചാനലുകളുടെയും തലപ്പത്ത് ആന്റോയ്ക്ക് അടുപ്പമുള്ളവരുമായിരുന്നു. ഒരിക്കൽ തേടിവരുന്ന ഒരു സൗഹൃദവും ആന്റോ ഒരിക്കലും ഒഴിവാക്കിയില്ല. അല്ലെങ്കിൽ ആന്റൊയെ അറിഞ്ഞവർ ആരും അദ്ദേഹത്തെ വിട്ടു പോയതുമില്ല.

1997ലാണ് ആന്റോ ഏഷ്യാനെറ്റിൽ എത്തുന്നത്. മാതൃഭൂമി പത്രത്തിൽ നിന്നുമാണ് ഏഷ്യാനെറ്റിൽ എത്തുന്നത്. അതിനു ശേഷം കർമ്മരംഗം ഏഷ്യാനെറ്റ് തന്നെയായിരുന്നു. സൗഹൃദങ്ങൾക്ക് എന്നും വിലകൽപ്പിച്ചതുകൊണ്ടാണ് ഏഷ്യാനെറ്റ് എന്ന ടെലിവിഷൻ രംഗത്തെ വമ്പനെ വിട്ട് ആന്റോ ശ്രീകണ്ഠൻ നായർക്ക് ഒപ്പം പോയത്. നാല് വർഷം മുൻപാണ് ആന്റോ ഏഷ്യാനെറ്റ് വിടുന്നത്. തൃശൂർ വേലൂർ സ്വദേശിയാണ് ആന്റോ. ബീനയാണ് ഭാര്യ. റോസ് ആണ് മോൾ. ഹൈസ്‌കൂൾ വിദ്യാർത്ഥിനിയാണ്.

ഏഷ്യാനെറ്റിൽ ഞങ്ങൾ രണ്ടു പതിറ്റാണ്ട് കാലം ഒരുമിച്ച് ജോലി ചെയ്തിരുന്നു. ഏഷ്യാനെറ്റ് മാർക്കറ്റിങ് വിഭാഗം വൈസ് പ്രസിഡന്റ് രഘു രാമചന്ദ്രൻ മറുനാടൻ മലയാളിയോട് പറഞ്ഞു. മുംബയിൽ ആണെങ്കിലും എപ്പോഴും കേരളത്തിൽ വരും. എല്ലാ മാസവും വരും. കൊച്ചിയിൽ വന്നാൽ ഞങ്ങൾക്ക് ഒപ്പം കൂടും. അത് ആന്റോ മറക്കാറില്ല-രഘു രാമചന്ദ്രൻ പറഞ്ഞു. ഏഷ്യാനെറ്റ് എംഡിമുതൽ താഴത്തെ തലം വരെയുള്ളവർ ആന്റോയുടെ സുഹൃത്തുക്കൾ ആയിരുന്നു. ഈ സൗഹൃദങ്ങൾ ഒന്നും ആന്റോ കളഞ്ഞതുമില്ല. സ്റ്റാർ ഏറ്റെടുത്തപ്പോൾ ഞങ്ങൾ രണ്ടുപേരുമാണ് സ്റ്റാറിന്റെ ഭാഗമായി ടർക്കിയിൽ പോയത്. ഞങ്ങൾ രണ്ടു പേർ ഏഷ്യാനെറ്റ് ആയതുകൊണ്ട് ഈ സ്റ്റാർ ഗ്രൂപ്പിൽ നിന്നും ഒറ്റപ്പെട്ടു നിൽക്കുകയായിരുന്നു. അതുകൊണ്ട് തന്നെ അന്നത്തെ മീറ്റിംഗിൽ ഞങ്ങൾ ഒപ്പമായിരുന്നു. അന്ന് ഇസ്താംബൂൾ ചുറ്റിക്കറങ്ങിയത് ഇന്നും ഞാൻ ഓർമ്മിപ്പിക്കുന്നു-രഘു രാമചന്ദ്രൻ ഓർക്കുന്നു.

ഈനാട് ദിനപ്പത്രത്തിന്റെ മാർക്കറ്റിങ് വിഭാഗത്തിലായിരുന്നു അദ്ദേഹത്തിന്റെ മാർക്കറ്റിങ് മേഖലയിലെ ഔദ്യോഗിക ജീവിതത്തിന്റെ തുടക്കം. പിന്നീട് മാതൃഭൂമി ദിനപത്രത്തിലും ഇതേ നിലയിൽ ജോലിചെയ്തു. ഇതിന് ശേഷമാണ് മലയാളത്തിലെ ആദ്യ സ്വകാര്യ ടെലിവിഷൻ ചാനലിലേക്ക് ആന്റോ എത്തുന്നത്. ഇത് മാധ്യമ രംഗത്തെ മാറ്റങ്ങളോടൊപ്പം സഞ്ചരിക്കുക എന്ന ലക്ഷ്യത്തോടെയായിരുന്നു. ഏഷ്യാനെറ്റിന്റെ തുടക്കകാലം മുതൽ തുടർച്ചയായി 20 വർഷം ആ ചാനലിന്റെ മാർക്കറ്റിങ് വിഭാഗത്തെ അദ്ദേഹം നയിച്ചു. അതുകൊണ്ട് തന്നെ ഏഷ്യാനെറ്റിന്റെ വളർച്ചയിൽ വലിയൊരു പങ്ക് വഹിച്ചയാളാണ് ആന്റോ എന്ന് നിസ്സംശയം പറയാം.

ബോബെ കേന്ദ്രീകരിച്ചായിരുന്നു ആന്റോയുടെ പ്രവർത്തനം. എഷ്യാനെറ്റിന്റെ വൈസ പ്രസിഡണ്ട് സ്ഥാനത്തിരിക്കുന്ന സമയത്തായിരുന്നു അദ്ദേഹം ഫ്ളവേഴ്സിലേക്കെത്തിയത്. ശ്രീകണ്ഡൻ നായരുമായുള്ള ബന്ധത്തിന്റെ പുറത്താണ് അദ്ദേഹം ഫ്ളവേഴ്സിലേക്കും 24 ന്യസിലേക്കുമെത്തുന്നത്. മലയാളത്തിലെ ടെലിവിഷൻ മാധ്യമപ്രവർത്തകരിൽ ഏറെക്കാലം പരിചയസമ്പത്തുള്ളയാണ് ശ്രീകണ്ഠൻ നായർ. ഏഷ്യാനെറ്റിന്റെയടക്കം വളർച്ചയിൽ ആന്റോ പുത്തരിയുടെ ഇടപെടലുകളെ കുറിച്ച് കൃത്യമായ ധാരണയുണ്ടായിരുന്ന ശ്രീകണ്ഠൻ നായർ പിന്നീട് താനൊരു ചാനൽ തുടങ്ങുന്ന സമയത്ത് ആന്റോയെയും കൂടെകൂട്ടുകയായിരുന്നു. ചുരുങ്ങിയ സമയത്തിനുള്ളിൽ ഫ്്ളവേഴ്സ് ടിവിക്കും, 24ന്യൂസിനും മലയാളത്തിലെ പ്രമുഖ ചാനലുകൾക്കിടയിൽ സ്ഥാനുമുണ്ടാക്കിക്കൊടുത്തതിൽ ആന്റോ പുത്തിരിയുടെ പങ്ക് വിസ്മരിക്കാനാവാത്തതാണ്.

കഴിഞ്ഞ 5 വർഷമായി ഫ്ളവേഴ്സിന്റെയും 24ന്യൂസിന്റെയും എക്സിക്യൂട്ടീവ് വൈസ്പ്രസിഡണ്ടായിരുന്നു ആന്റോ പുത്തരി. ഫ്ളവേഴ്സിന്റെ ഡൽഹി, ബോംബെ ഓഫീസുകളുടെ പ്രവർത്തനമാണ് അദ്ദേഹം കോർഡിനേറ്റ് ചെയ്തിരുന്നത്. അതുകൊണ്ട് തന്നെ മാസത്തിൽ രണ്ട് തവണ മാത്രമാണ് അദ്ദേഹം കൊച്ചിയിലെ ഓഫീസിലെത്തിയിരുന്നത്. മലയളായത്തിലെ സാറ്റലൈറ്റ് ടെലിവിഷൻ മാർക്കറ്റിങ് മേഖലയിൽ പുതിയ പരീക്ഷണങ്ങൾക്ക് നേതൃത്വം നൽകിയ ആൾ കൂടിയാണ് ആന്റോ. ഇതിന്റെ ഫലം അദ്ദേഹം പ്രവർത്തിച്ച രണ്ട് ചാനലുകളിലും പ്രകടമായിരുന്നു. ഏഷ്യാനെറ്റിലായപ്പോഴും പിന്നീട് ഫ്ളവേഴ്സിലേക്കെത്തിയപ്പോഴും ബോംബെ തന്നയായിരുന്നു അദ്ദേഹത്തിൻെ പ്രവർത്തന മേഖല.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP