Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202020Sunday

സേവനത്തിന് പുതിയ മാനം നൽകി സദ്ഗമയ സത്സംഗവേദി കൂട്ടായ്മ: കുട്ടികൾക്കായി ഏകദിനപഠന ശിബിരം; വടക്കൻ പറവൂരിൽ അരങ്ങേറിയ ചടങ്ങിൽ പ്രോൽസാഹനമായി വിദ്യാഭ്യാസ പുരസ്‌കാരദാനവും

സേവനത്തിന് പുതിയ മാനം നൽകി സദ്ഗമയ സത്സംഗവേദി കൂട്ടായ്മ: കുട്ടികൾക്കായി ഏകദിനപഠന ശിബിരം; വടക്കൻ പറവൂരിൽ അരങ്ങേറിയ ചടങ്ങിൽ പ്രോൽസാഹനമായി വിദ്യാഭ്യാസ പുരസ്‌കാരദാനവും

മറുനാടൻ മലയാളി ബ്യൂറോ

ഗുരുവായൂർ: ഗുരുവായൂർ ആസ്ഥാനമായി കേരളത്തിലുടനീളം പ്രവർത്തിക്കുന്ന സദ്ഗമയ സത്സംഗവേദി എഡ്യൂക്കേഷണൽ ചാരിറ്റബിൾ ട്രസ്റ്റിന്റെ ( SSVECT ) മൂന്നാമത് പ്രോഗ്രാം ആയ കുട്ടികൾക്ക് വേണ്ടിയുള്ള ഏകദിന പഠനശിബിരവും വിദ്യാഭ്യാസ അവാർഡ് വിതരണവും സമ്മാനദാനവും 2018 മെയ് 27 ഞായറാഴ്ച നോർത്ത് പറവൂരിൽ കൈതാരം ഹോളി ഇന്ത്യ ഫൗണ്ടേഷൻ സ്‌കൂളിൽ വച്ച് നടന്നു.

രാവിലെ 10.25 ന് പ്രശസ്ത സപ്താഹാചാര്യനും വാഗ്മിയുമായ അഡ്വ. ടി. ആർ. രാമനാഥൻ ഭദ്രദീപം കൊളുത്തി. കുമാരി കൃഷ്ണപ്രിയ യുടെ ഈശ്വര പ്രാർത്ഥനയ്ക്ക് ശേഷം കുഞ്ഞുങ്ങൾക്ക് ഒരുപാട് അറിവു പകർന്നു നൽകിയ അഡ്വ.ടി. ആർ രാമനാഥന്റെവ്യക്തിത്വ വികസന ക്ലാസ്സ് വളരെ പ്രാധാന്യം അർഹിക്കുന്ന ഒന്നായി മാറി. പ്രാർത്ഥനയിലൂടെയും അനുഷ്ഠാനങ്ങളിലൂടെയും ജീവിക്കണമെന്ന് അദ്ദേഹം പറഞ്ഞു. ഗുരുക്കന്മാരുടെ അനുഗ്രഹം വിദ്യാഭ്യാസ കാലഘട്ടത്തിലും അതിനു ശേഷവും ഉണ്ടാവണമെന്നും അദ്ദേഹം പറഞ്ഞു.

Stories you may Like

നിപ്പാ വൈറസ്, മറ്റു മഴക്കാലജന്യരോഗങ്ങൾ എന്നിവയെ കുറിച്ചുള്ള നോർത്ത് പറവൂർ താലൂക്ക് ആശുപത്രിയിലെ സീനിയർ കൺസൾട്ടന്റ് ഫിസിഷ്യൻ ആയ ഡോ. കെ. ജി. ജയൻ ( MBBS, MD ) ബോധവത്കരണ ക്ലാസ്സ് നടത്തി. ശുചിത്വം ഉറപ്പു വരുത്തേണ്ടതിന്റെ ആവശ്യകതയും സ്വയം ചികിത്സയുടെ ദോഷങ്ങളും അദ്ദേഹം വിവരിച്ചു . അതിന് ശേഷം സംശയനിവാരണിയിൽ ഉള്ള സംശയങ്ങൾക്ക് അദ്ദേഹം മറുപടി നൽകി. ഏകദേശം ഒന്നര മണിക്കൂർ ക്ലാസ്സിനും സംശയ നിവാരണത്തിനുമായി അദ്ദേഹം ചിലവഴിച്ചു. ഭക്ഷണത്തിനു ശേഷം ജൂനിയർസ് സീനിയർസ് വിഭാഗത്തിലുള്ള കുഞ്ഞുങ്ങൾക്കുള്ള ക്വിസ് പ്രോഗ്രാം നടന്നു. സീനിയർസ് ക്വിസിൽ നോട്ടീസിൽ പറഞ്ഞതിന് പുറമെ അമ്മമാരെയും ക്വിസിൽ പങ്കെടുപ്പിച്ചത് അപൂർവ്വ കാഴ്ചയായി മാറി. ശ്രീ. കെ. എസ്. ഉണ്ണിക്കൃഷ്ണനും വിഷ്ണു വി ശ്രീലകവും ആയിരുന്നു ക്വിസ് മാസ്റ്റേഴ്‌സ്. ക്വിസിന് ശേഷം കുഞ്ഞുങ്ങൾ വിവിധ കലാ പരിപാടികൾ അവതരിപ്പിച്ചു. അതിനു ശേഷം വിഷ്ണു. വി. ശ്രീലകത്തിന്റെ വേണ്ടിയുള്ള ഗുണപാഠ കഥകൾ വളരെ ഉയർന്ന നിലവാരം പുലർത്തി.

സമാപന സമ്മേളനം ട്രസ്റ്റ് ചെയർമാൻ ശ്രീ. രാജേഷ് സിയുടെ അദ്ധ്യക്ഷതയിലായിരുന്നു.
 ട്രസ്റ്റ് മെമ്പർ വിഷ്ണു വിജയൻ സ്വാഗത പ്രസംഗവും ചെയർമാൻ സി രാജേഷ് അദ്ധ്യക്ഷ പ്രസംഗവും നടത്തി. പ്രശസ്ത ചലച്ചിത്ര ഗാനരചയിതാവ് ശ്രീ. ചിറ്റൂർ ഗോപി സമാപന സമ്മേളനം ഉദ്ഘാടനം ചെയ്തു, തദവസരത്തിൽ SSLC ക്ക് മുഴുവൻ വിഷയത്തിനും A+ നേടിയ വിദ്യാർത്ഥികൾക്ക് സർട്ടിഫിക്കറ്റ് & മൊമെന്റോ നൽകി അനുമോദിച്ചു. കൈതാരം ഗവണ്മെന്റ് സ്‌കൂളിലെ വിദ്യാർത്ഥികളായ കുമാരി അഫ്‌നിത , കുമാരി ഫെബിന ഫാത്തിമ , കുമാരി ആര്യ, ശ്രീ രതുൽ കെ. ആർ , ശ്രീ കെ.ആർ അക്ഷയ് , അവിനിശേരി സെന്റ് ജോസഫ്സ് HS ലെ ശ്രീ ആകാശ് എന്നിവരാണ് അവാർഡിനർഹരായവർ. ക്വിസ് ജൂനിയർസ് സീനിയർസ് വിദ്യാർത്ഥികൾക്കുള്ള സമ്മാനദാനം മൊമെന്റോ, സർട്ടിഫിക്കറ്റ്, ബുക്കുകൾ എന്നിവ നൽകി അഖിലകേരള ബാലജനസഖ്യം , രക്ഷാധികാരി ശ്രീ. എം. പി. വേണു നിർവ്വഹിച്ചു. സീനിയർ വിഭാഗത്തിൽ ശ്രീ അഭിജയ് , രഥുൽ , ശ്രീലക്ഷ്മി എന്നിവരും ജൂനിയർ വിഭാഗത്തിൻ വിഷ്ണു ശങ്കർ , ചൈത്ര , അമൽ ലാൽ എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി . വിവിധ പരിപാടികളിൽ പങ്കെടുത്തവർക്കുള്ള സർട്ടിഫിക്കറ്റും പ്രോത്സാഹന സമ്മാനങ്ങളും ശ്രീ. ചിറ്റൂർ ഗോപി, ട്രസ്റ്റ് ഭാരവാഹികൾ എന്നിവർ ചേർന്ന് നൽകി. ശ്രീലക്ഷ്മി , അനന്തകൃഷ്ണൻ , കൃഷ്ണപ്രിയ , ഗായത്രി , സനുഷ , ദേവമിത്ര , സാൻവിക , സുപ്രിയ , സന്തോഷ് എന്നിവരാണ് ഇതിന് അർഹരായത് . പങ്കെടുത്തവർക്കെല്ലാം മഹദ് വ്യക്തികളുടെ അറിവുകൾ പ്രധാനം ചെയ്യുന്ന ബുക്കുകളും നൽകി. വ്യക്തിത്വ വികസന ക്ലാസ്സ് എടുത്ത അഡ്വ. ടി. ആർ. രാമനാഥൻ, നിപ്പാ വൈറസ് ബോധവത്കരണ ക്ലാസ്സ് എടുത്ത ഡോ. കെ. ജി. ജയൻ സമാപന സമ്മേളനം ഉദ്ഘാടനം ചെയ്ത ശ്രീ. ചിറ്റൂർ ഗോപി, ശ്രീ. എം. പി. വേണു എന്നിവരെ ചടങ്ങിൽ പൊന്നാട അണിയിച്ചു ആദരിച്ചു. ട്രസ്റ്റ് സെക്രട്ടറി ശ്രീ. ഗിരി. എസ്. നായർ കൃതജ്ഞത അർപ്പിച്ചു. ദേശീയ ഗാനാലാപനത്തിനു ശേഷം പരിപാടി അവസാനിച്ചു. പരിപാടികൾ ട്രസ്റ്റ് സെക്രട്ടറി യും ട്രസ്റ്റി ശ്രീ രഘു കൈതാരവും നിയന്ത്രിച്ചു .

മെയ് 20 ഞായറാഴ്ച പത്തനംതിട്ട മണികണ്ഠ ഗുരുകുലത്തിലെ വിദ്യാർത്ഥികൾക്ക് പഠന കായിക സാമഗ്രികൾ വിതരണം ചെയ്തിരുന്നു . പഠിക്കാനും ആഹാരത്തിനും വകയില്ലാത്ത ശബരിമലയിലെ കാനനവാസികളായ കുഞ്ഞുങ്ങളെ പഠിപ്പിച്ചും ആഹാരം, വസ്ത്രം ഇവ നൽകിയും ഈ ഗുരുകുലം സംരക്ഷിക്കുന്നു.

സേവന പ്രവർത്തനങ്ങൾക്കായി, ഗുരുവായൂർ ആസ്ഥാനമായി രൂപം കൊണ്ട സദ്ഗമയ സത്സംഗവേദി ചാരിറ്റബിൾ ട്രസ്റ്റിന്റെ രണ്ടാമത്തെ സേവന പരിപാടിയാണ് പത്തനംതിട്ടയിൽ സംഘടിപ്പിച്ചത്.

20 ന് രാവിലെ 11.30 ന് , ആശ്രമം പ്രസിഡന്റ് ശ്രീ വി. കെ. വിശ്വനാഥനും ട്രസ്റ്റ് ചെയർമാൻ രാജേഷ്. സിയും സെക്രട്ടറി ഗിരി. എസ്. നായരും മറ്റു ട്രസ്റ്റ് സാരഥികളും ചേർന്ന് നിലവിളക്ക് കൊളുത്തി സേവന പരിപാടി ഉദ്ഘാടനം ചെയ്തു. ഈ അദ്ധ്യയന വർഷത്തിലേക്കാവശ്യമായ മുഴുവൻ നോട്ട് ബുക്കുകളും, പേന, പെൻസിൽ, ബാഗ്, കുട, കളർ പെൻസിൽ, ജ്യോമട്രി ബോക്‌സ്, വാട്ടർ ബോട്ടിൽ, ടിഫിൻ ബോക്‌സ് തുടങ്ങിയ പഠന സാമഗ്രികളും ഫുട്‌ബോൾ, ഷട്ടിൽ ബാറ്റ്, കോർക്ക്, ക്രിക്കറ്റ് ബാറ്റ്, സ്റ്റമ്പ്, ടെന്നീസ് ബോൾ തുടങ്ങിയ കായിക സാമഗ്രികളും വിതരണം ചെയ്തു. ട്രസ്റ്റിന്റെ ഭാരവാഹികളും അംഗങ്ങളും ഉൾപ്പെടെ ഏകദേശം ഇരുപതോളം പേർ ചടങ്ങിൽ പങ്കെടുത്തു.

സോഷ്യൽ മീഡിയ വഴി പരിചയപ്പെട്ട ഒരു സംഘം സേവന സന്നദ്ധരുടെ കൂട്ടായ്മയാണ് ഗുരുവായൂരിൽ വെച്ച് രൂപം കൊണ്ട സദ്ഗമയ സത്സംഗവേദി എഡ്യൂക്കേഷണൽ ചാരിറ്റബിൾ ട്രസ്റ്റ്.ഗുരുവായൂർ ആസ്ഥാനമായി 2018 ജനുവരി 12 ന് രജിസ്റ്റർ ആയ ഈ ട്രസ്റ്റ് 2018 ഏപ്രിൽ 8 ഞായറാഴ്ച ഗുരുവായൂർ ബ്രാഹ്മണ സമൂഹം തെക്കേമഠം ഹാളിൽ വച്ച് പ്രശസ്ത ചിന്തകനും മുൻ പി എസ് സി ചെയർമാനും കാലടി ശ്രീശങ്കരാചാര്യ സംസ്‌കൃത സർവ്വകലാശാല വൈസ് ചാൻസിലറുമായിരുന്ന ഡോ. കെ. എസ്. രാധാകൃഷ്ണൻ നിർവ്വഹിക്കുകയുണ്ടായി. 

എറണാകുളം AMVI ശ്രീ ദിലീപ് കുമാർ ട്രാഫിക് ബോധവത്കരണ ക്ലാസും ഗുരുതരമായ വൃക്കരോഗ ബാധിതനായ തൃശ്ശൂർ പൂങ്കുന്നം സ്വദേശി സുധീറിന് ട്രസ്റ്റിന്റെ പ്രഥമ ചികിത്സാ സഹായവും വാഹനാപകടത്തിൽ പരുക്കേറ്റ് ചികിത്സയിൽ കഴിയുന്ന നിർദ്ധന കുടുംബാംഗമായ ജയകൃഷ്ണന്റ ചികിത്സയ്ക്കുള്ള സഹായവും അന്നേ ദിവസം കൈമാറി ട്രസ്റ്റ് മാനവസേവയിലേക്കു കടന്നു.

കേരളത്തിലെ ജില്ലകളെ സൗത്ത് സോൺ ( തിരുവനന്തപുരം, കൊല്ലം, പത്തനംതിട്ട, ആലപ്പുഴ ) സെന്റർ സോൺ ( കോട്ടയം, ഇടുക്കി, എറണാകുളം, തൃശ്ശൂർ ) നോർത്ത് സോൺ ( പാലക്കാട്, കോഴിക്കോട്, മലപ്പുറം, വയനാട്, കണ്ണൂർ, കാസറഗോഡ് ) എന്നിങ്ങനെ 3 സോൺ ആക്കി ഓരോ മാസം വ്യത്യസ്ത പ്രവർത്തങ്ങളുമായി ഓരോ ജില്ലയിലേക്ക് കടന്നു വരത്തക്ക വിധമാണ് ട്രസ്റ്റ് പ്രവർത്തിക്കുന്നത്. കൂട്ടായ്മടേതായ രക്തദാന ടീമിന്റെ സ്റ്റേറ്റ് കോ ഓർഡിനേറ്റർ ഡോ.ജയകൃഷ്ണൻ ആണ്.

തിരുവനന്തപുരത്തു നിന്നും രാജേഷ്, കോട്ടയത്തു നിന്നും പ്രശാന്ത്, ഇടുക്കിയിൽ നിന്നും വിഷ്ണു, എറണാകുളത്ത് നിന്നും ഗിരി എസ് നായർ, രഘു കൈതാരം, ഉണ്ണിക്കൃഷ്ണൻ കീശ്ശേരിൽ, തൃശ്ശൂർ നിന്നും സഞ്ജയ്, പാലക്കാട് നിന്നും ഗിരി വാര്യർ, കണ്ണൂർ നിന്നും വിജയകുമാർ എന്നിങ്ങനെ 9 പേരാണ് സദ്ഗമയ സത്സംഗവേദി എഡ്യൂക്കേഷണൽ ചാരിറ്റബിൾ ട്രസ്റ്റിന്റെ സാരഥികൾ. ഒപ്പം കേരളത്തിലെ എല്ലാ ജില്ലകളിൽ നിന്നുമായി 100 നടുത്തു ട്രസ്റ്റ് അംഗങ്ങളും. ഒരേ മനസുള്ള സജ്ജനങ്ങളുടെ കൂട്ടായ്മ ആണിത്. മതിയായ വിദ്യാഭ്യാസം, ശരിയായ ആരോഗ്യം ഇവ നൽകിയാൽ അതൊരു കുടുംബത്തിന്റെ വെളിച്ചമാകും എന്ന വിശ്വാസമുള്ളതിനാൽ ഈ ട്രസ്റ്റ് ആരോഗ്യം, വിദ്യാഭ്യാസം ഇവയ്ക്കും ഒപ്പം പരിസ്ഥിതി സംരക്ഷണത്തിനും ഏറ്റവുമധികം പ്രാധാന്യം നല്കുന്നു.

മാനവസേവയെക്കാൾ വലിയൊരു ഈശ്വരസേവ വേറെയില്ലെന്നു വിശ്വസിക്കുന്ന
സജ്ജനങ്ങളുടെ സഹായങ്ങളും പരിപൂർണ്ണ പിന്തുണയുമാണ് ഈ ട്രസ്റ്റിനെ മുന്നോട്ടു നയിക്കുന്നത്. ഒരുമിച്ച് നിന്നാൽ നമുക്ക് സമൂഹത്തിനു വഴികാട്ടിയായി മാറാം. ഒരുപാട് കുടുംബങ്ങൾക്ക് പുതു ജീവൻ പകരാം. സോഷ്യൽ മീഡിയ സേവനത്തിന്റെ മുഖമെന്നു നമുക്ക് ലോകത്തോട് ഉറക്കെ വിളിച്ചു പറയാം.

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Loading...
Go to TOP