Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Oct / 202024Saturday

ഇന്ത്യൻ ശതകോടീശ്വരന്മാരിൽ ഒന്നാംസ്ഥാനം നിലനിർത്തി മുകേഷ് അംബാനി; റിലയൻസ് ഇൻഡസ്ട്രീസ് ചെയർമാന്റെ ആസ്തി 51.4 ബില്യൺ ഡോളർ; പത്താം സ്ഥാനത്തു നിന്നും ഒറ്റയടിക്ക് രണ്ടാം സ്ഥാനത്തേക്കു കുതിച്ചു കയറി ഗൗതം അദാനി; മലയാളി കോടീശ്വരന്മാരിൽ ഒന്നാമൻ 4.3 ബില്യൺ ഡോളർ ആസ്തിയുള്ള എം എ യൂസഫലി തന്നെ; രണ്ടാം സ്ഥാനത്തായി 3.1 ബില്യൺ ഡോളർ ആസ്തിയുള്ള രവി പിള്ള; തൊഴിലാളികൾക്ക് ശമ്പളം കൊടുക്കാൻ മടിച്ച എം.ജി. ജോർജ് മുത്തൂറ്റ് മലയാളി ശതകോടീശ്വരന്മാരിൽ മൂന്നാമനും

ഇന്ത്യൻ ശതകോടീശ്വരന്മാരിൽ ഒന്നാംസ്ഥാനം നിലനിർത്തി മുകേഷ് അംബാനി; റിലയൻസ് ഇൻഡസ്ട്രീസ് ചെയർമാന്റെ ആസ്തി 51.4 ബില്യൺ ഡോളർ; പത്താം സ്ഥാനത്തു നിന്നും ഒറ്റയടിക്ക് രണ്ടാം സ്ഥാനത്തേക്കു കുതിച്ചു കയറി ഗൗതം അദാനി; മലയാളി കോടീശ്വരന്മാരിൽ ഒന്നാമൻ 4.3 ബില്യൺ ഡോളർ ആസ്തിയുള്ള എം എ യൂസഫലി തന്നെ; രണ്ടാം സ്ഥാനത്തായി 3.1 ബില്യൺ ഡോളർ ആസ്തിയുള്ള രവി പിള്ള; തൊഴിലാളികൾക്ക് ശമ്പളം കൊടുക്കാൻ മടിച്ച എം.ജി. ജോർജ് മുത്തൂറ്റ് മലയാളി ശതകോടീശ്വരന്മാരിൽ മൂന്നാമനും

മറുനാടൻ ഡെസ്‌ക്‌

ന്യൂഡൽഹി: ഫോർബ്‌സ് പ്രസിദ്ധീകരിച്ച ഇന്ത്യൻ കോടീശ്വരന്മാരുടെ ഏറ്റവും ഒടുവിൽ പുറത്തുവന്ന ലിസ്റ്റിലും ഒന്നാം സ്ഥാനം നിലനിർത്തി റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനി. ലോകത്തെ ശതകോടീശ്വരന്മാരുടെ കാര്യത്തിൽ അതിവേഗ കുതിപ്പു നടത്തുന്ന മുകേഷ് വീണ്ടും മുന്നേറ്റം തുടരുകയാണ്. നേരത്തെ പുറത്തുവന്ന ഹൂറൂൺ ലിസ്റ്റിലും മുകേഷ് തന്നെയായിരുന്നു ഒന്നാം സ്ഥാനത്ത്. അതേസമയം ഫോബ്‌സ് ലിസ്റ്റിൽ അപ്രതീക്ഷിത കുതിപ്പു നടത്തിയത് അദാനി ഗ്രൂപ്പ് ചെയർമാൻ ഗൗതം അദാനിയാണ്. അതിസമ്പന്ന പട്ടികയിൽ രണ്ടാം സ്ഥാനത്താണ് ഗൗതം അദാനി. കഴിഞ്ഞ തവണത്തെ ലിസ്റ്റിൽ പത്താം സ്ഥാനത്തുണ്ടായിരുന്ന അദാനി എട്ട് സ്ഥാനങ്ങൾ മറികടന്നാണ് ഇത്തവണ രണ്ടാമതെത്തിയത്. ഇത്തവണ എട്ട് മലയാളികളാണ് പട്ടികയിൽ ഫോബ്‌സ് ലിസ്റ്റിൽ ഇടംപിടിച്ചത് എന്ന പ്രത്യേകതയുമുണ്ട്.

ഇന്ത്യയിലെ അതിസമ്പന്നരായ 100 പേരുടെ പട്ടികയാണ് ഫോബ്‌സ് പുറത്തുവിട്ടത്. ലിസ്റ്റിൽ തുടർച്ചയായി 12ാം വർഷമാണ് മുകേഷ് അംബാനി ഒന്നാത്തെ കോടീശ്വരനാകുന്നത്. മുകേഷ് അംബാനിയുടെ ആസ്തി 51.4 ബില്യൺ ഡോളറാണ്. 4.1 ബില്യൺ ഡോളറാണ് അംബാനി ഇത്തവണ അധികമായി കൂട്ടിച്ചേർത്തത്. ബിസിനസിന്റെ കാര്യത്തിൽ മുകേഷ് തന്നെ വെല്ലാൻ ആരുമില്ലെന്ന് വ്യക്തമാക്കുകയാണ് വീണ്ടും ചെയ്യുന്നത്. അതേസമയം ഇന്ത്യൻ കോടീശ്വരന്മാരിൽ ആരും തന്നെ മുകേഷിന് വെല്ലുവിളിയല്ല. രണ്ടാം സ്ഥാനത്തുള്ള ഗൗതം അദാനിയുടെ ആസ്തി. 17.7 ബില്യൺ ഡോളറാണ് ഗൗതം അദാനിയുടെ ആസ്തി. 4.8 ബില്യൺ ഡോളറിന്റെ വർധനവാണ് ഒറ്റ വർഷം കൊണ്ട് അദാനിക്കുണ്ടായത്.

അതേസമയം അതിസമ്പന്നരുടെ പട്ടികയിൽ മൂന്നാം സ്ഥാനത്തുള്ള അശോക് ലെയ് ലൻഡ് ഉടമകളായ ഹിന്ദുജ ബ്രദേഴ്‌സിന്റെ ആസ്തി 15.6 ബില്യൺ ഡോളറിന്റേതാണ്. പല്ലോഞ്ഞി മിസ്ത്രി നാലാം സ്ഥാനത്തും കൊട്ടക് മഹീന്ദ്ര ബാങ്കിന്റെ ഉദയ് കൊട്ടക് അഞ്ചാം സ്ഥാനത്തുമെത്തി. ദേശീയ തലത്തിൽ മുകേഷ് അംബാനിയുടെ സ്ഥാനം എങ്ങനെയാണോ അതേ മാതൃകയിലാണ് മലയാളി കോടീശ്വരന്മാരുടെ കാര്യത്തിൽ എം എ യൂസഫലിയുടെ സ്ഥാനം. യൂസഫലിയെ വെല്ലാൻ പോന്ന ഒരു വ്യവസായിയും മലയാളക്കരയിൽ ഇല്ല. 4.3 ബില്യൺ ഡോളറിന്റെ ആസ്തിയുമായി ഫോബ്‌സ് പട്ടികയിൽ 26ാം സ്ഥാനത്തുള്ള ലുലു ഗ്രൂപ് ചെയർമാൻ എം.എ. യൂസുഫലിയാണ് മലയാളികളിൽ ഒന്നാമത്.

43ാം സ്ഥാനത്ത് ആർ.പി ഗ്രൂപ് ചെയർമാൻ രവി പിള്ളയുണ്ട്. 3.1 ബില്യൺ ഡോളറാണ് ആസ്തി. തൊട്ടുപിന്നിൽ മുത്തൂറ്റ് ഫിനാൻസിന്റെ എം.ജി. ജോർജ് മുത്തൂറ്റ് 3.05 ബില്യൺ ഡോളർ ആസ്തിയുമായുണ്ട്. ഇൻഫോസിസ് സ്ഥാപകരിലൊരാളായ ക്രിസ് ഗോപാലകൃഷ്ണൻ (55ാം സ്ഥാനം), ജെംസ് എജ്യുക്കേഷൻ ഉടമ സണ്ണി വർക്കി (67), ബൈജൂസ് ആപ് ഉടമ ബൈജു രവീന്ദ്രൻ (72), വി.പി.എസ് ഹെൽത്ത് കെയർ ഉടമ ഷംഷീർ വയലിൽ (99), ഇൻഫോസിസിന്റെ സ്ഥാപകരിലൊരാളായ എസ്.ഡി. ഷിബുലാൽ (100) എന്നിവരാണ് 100 അതിസമ്പന്നരുടെ പട്ടികയിൽ ഇടംനേടിയ മറ്റ് മലയാളികൾ.

തൊട്ടതെല്ലാം പൊന്നാക്കി കുതിക്കുന്ന അംബാനി

ലോകത്തെ തന്നെ ഏറ്റഴും വലിയ സമ്പന്നൻ ആകാനുള്ള കുതിപ്പിലാണ് മുകേഷ് അംബാനി. തൊട്ടതെല്ലാം പൊന്നാക്കി കുതിക്കുന്ന മുകേഷ് അംബാനിയെ വെല്ലാൻ പോന്ന മറ്റൊരു വ്യവസായി ഇന്ത്യയിൽ ഇല്ലെന്നത് വ്യക്തമാണ്. പിതാവ് ധീരുഭായി അംബാനി പടുത്തുയർത്തിയ വ്യവസായ സാമ്രാജ്യം മക്കളായ മുകേഷ് അംബാനിയും അനിൽ അംബാനിയും തമ്മിൽ പങ്കിട്ടെടുത്ത് സ്വത്തുക്കൾ ഭാഗം വെച്ച് പിരിയുമ്പോൾ ഒരു വൻ ബിസിനസ് സാമ്രാജ്യത്തിന്റെ സ്വത്തുക്കൾ ഒറ്റയടിക്ക് പകുതിയായി മാറിയിരുന്നു. അവിടെ നിന്നാണ് അനുജനെ നോക്കി നിർത്തി എല്ലാം വെട്ടിപ്പിടിച്ച് മുന്നേറുന്ന ജ്യേഷ്ഠന്റെ വ്യവസായ തന്ത്രങ്ങൾ തുടങ്ങഇയത്. അതേ മുകേഷ് അംബാനിയെന്ന വ്യവസായ ഭീമന് മുന്നിൽ ഇന്ന് ഇന്ത്യാ രാജ്യത്തിന്റെ വ്യവസായ നയങ്ങൾ പോലും വഴിമാറുന്ന അവസ്ഥയാണ്.

2017 ൽ ഫോബ്സിന്റെ പട്ടികയിൽ അംബാനി 33ാംസ്ഥാനത്തായിരുന്നു. അവിടെ നിന്നും തുടർച്ചയായി കുതിപ്പു നടത്തി അംബാനി ഇപ്പോൾ ആഗോള കോടീശ്വരന്മാരുട പട്ടികയിലും മുന്നിലേക്ക് വന്നിട്ടുണ്ട്. ലോകത്തെ അതിസമ്പന്നരുടെ ഒന്നും രണ്ടും സ്ഥാനത്തുള്ളത് രണ്ട് ഓൺലൈൻ വ്യവസായികളാണ്. ഈ രംഗത്തേക്കും മുകേഷ് അംബാനി ചുവടു വെച്ചിട്ടുണ്ട്. ഇന്ത്യ തന്നെയാകും ഏറ്റവും വലിയ മാർക്കറ്റും. അതുകൊണ്ടു തന്നെ ചുരുങ്ങിയ കാലം കൊണ്ടു തന്നെ അദ്ദേഹം അതിസമ്പന്നരുടെ പട്ടികയിൽ ഒന്നാമതെത്തുമെന്നാണ് പ്രതീക്ഷിക്കുന്നത്.

ഗുജറാത്തിലെ 12 ലക്ഷത്തോളം വരുന്ന ചെറുകിട വ്യാപാരികളെ ചേർത്തുകൊണ്ടായിരിക്കും റിലയൻസിന്റെ ഇ-കൊമേഴ്സ് ചുവടുവെപ്പ്. ടെലികോം സംരംഭമായ ജിയോ, റീട്ടെയിൽ സംരംഭമായ റിലയൻസ് റീട്ടെയിൽ എന്നിവയുടെ പിന്തുണയോടെയാവും ഇത്. ജിയോയ്ക്ക് രാജ്യത്തൊട്ടാകെ 28 കോടി വരിക്കാരുണ്ട്. റിലയൻസ് റീട്ടെയിലിനാകനട്ടെ 6,500 ഓളം പട്ടണങ്ങളിലായി ഏതാണ്ട് 10,000 സ്റ്റോറുകളുണ്ട്. ജിയോയുടെ ആപ്പിലൂടെയും ഡിവൈസിലൂടെയും ചെറുകിട വ്യാപാരികളെ ബന്ധിപ്പിച്ച് അവർക്ക് കൂടുതൽ വരുമാന സാധ്യത ഒരുക്കിയാവും ഇ-കൊമേഴ്സ് പ്ലാറ്റ്ഫോം അവതരിപ്പിക്കുക.

ഇന്ത്യയിലെ അതിസമ്പന്നൻ എന്നതിൽ ഉപരിയായി ജീവകാരുണ്യ രംഗത്തും മുന്നിലാണ് മുകേഷ് അംബാനി. 2017 ഒക്ടോബർ മുതൽ 2018 സെപ്റ്റംബർ വരെയുള്ള ഒരു വർഷക്കാലയളവിൽ 437 കോടി രൂപയാണ് അദ്ദേഹം ജീവകാരുണ്യ പ്രവർത്തനങ്ങൾക്കായി ചെലവിട്ടത്. വിദ്യാഭ്യാസ മേഖലയിലാണ് അദ്ദേഹം ഇതിൽ നല്ലൊരു പങ്കും ചെലവഴിച്ചത്. ഹുറുൺ റിസർച്ച് ഇൻസ്റ്റിറ്റ്യൂട്ട് പുറത്തുവിട്ട ഇന്ത്യക്കാരുടെ ജീവകാരുണ്യ പട്ടികയിലാണ് മുകേഷ് അംബാനി ഒന്നാമതെത്തിയത്. ഒരു വർഷം കൊണ്ട് 10 കോടിയിലേറെ രൂപ ജീവകാരുണ്യ പ്രവർത്തനങ്ങൾക്കായി ചെലവഴിച്ചവരാണ് പട്ടികയിൽ ഇടം പിടിച്ചത്.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP