Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

പണരഹിത വിപണി സൃഷ്ടിക്കാൻ പൊതുജനത്തെ കഷ്ടത്തിലാക്കി കേന്ദ്ര സർക്കാർ; കറൻസിരഹിത ഇടപാടിന്റെ പരിധി നേരത്തേ പ്രഖ്യാപിച്ചിരുന്ന മൂന്നു ലക്ഷത്തിൽനിന്ന് രണ്ടാക്കി കുറയ്ക്കും; ധനകാര്യ ബില്ലിലെ ഭേദഗതിയോട് എതിർപ്പുമായി പ്രതിപക്ഷം

പണരഹിത വിപണി സൃഷ്ടിക്കാൻ പൊതുജനത്തെ കഷ്ടത്തിലാക്കി കേന്ദ്ര സർക്കാർ; കറൻസിരഹിത ഇടപാടിന്റെ പരിധി നേരത്തേ പ്രഖ്യാപിച്ചിരുന്ന മൂന്നു ലക്ഷത്തിൽനിന്ന് രണ്ടാക്കി കുറയ്ക്കും; ധനകാര്യ ബില്ലിലെ ഭേദഗതിയോട് എതിർപ്പുമായി പ്രതിപക്ഷം

ന്യൂഡൽഹി: പണരഹിത വിപണിയെന്ന ആശയം യാഥാർത്ഥ്യമാക്കാനായി കറൻസി ഇടപാട് പരിധി രണ്ടുലക്ഷമായി കുറയ്ക്കാൻ കേന്ദ്രസർക്കാർ നീക്കം. നേരത്തെ പ്രഖ്യാപിച്ചിരുന്ന മൂന്ന് ലക്ഷത്തിൽ നിന്ന് രണ്ട് ലക്ഷമായി കുറയ്ക്കാനാണ് നിർദ്ദേശം. ധനകാര്യബില്ലിൽ അവതരിപ്പിച്ച ഭേദഗതിയിലാണ് പുതിയ ശുപാർശ.

ഫെബ്രുവരിയിൽ ബജറ്റിലാണ് ധനമന്ത്രി അരുൺ ജെയ്റ്റ്ലി കറൻസി ഇടപാട് നടത്താനുള്ള പരിധി മൂന്ന് ലക്ഷമാക്കിക്കൊണ്ട് പ്രഖ്യാപനം നടത്തിയത്. ഏപ്രിൽ ഒന്നു മുതൽ ഇത് പ്രാബല്യത്തിൽ വരുമെന്നാണ് ബജറ്റിൽ പ്രഖ്യാപിച്ചിരുന്നത്.

മൂന്ന് ലക്ഷത്തിനുമേൽ പണം നേരിട്ട് കൈമാറി നടത്തുന്ന ഇടപാടുകൾ നിയമവിരുദ്ധമാക്കാനും ഇടപാടുകാർക്ക് ശിക്ഷ ലഭിക്കാനും തക്കവിധം നിയമനിർമ്മാണം നടത്തുമെന്നുമായിരുന്നു ബജറ്റ് പ്രസംഗത്തിൽ ധനമന്ത്രി അറിയിച്ചത്.

നോട്ടു നിരോധനത്തിന്റെ ഭാഗമായി ഡിജിറ്റൽ ഇടപാടുകൾ പ്രോത്സാഹിപ്പിക്കുന്നതിന്റെ ഭാഗമായും കള്ളപ്പണം തടയുന്നതിനുള്ള നീക്കത്തിന്റെ ഭാഗമായും ആയിരുന്നു അത്. ഇതാണിപ്പോൾ രണ്ട് ലക്ഷമാക്കി ഗവൺമെന്റ് പുനർ നിശ്ചയിച്ചിരിക്കുന്നത്. ഇതോടെ രണ്ട് ലക്ഷത്തിന് മുകളിൽ കറൻസി ഇടപാടുകൾ അനുവദിക്കില്ല.

ധനകാര്യ ബില്ലിൽ ഭേദഗതി വരുത്തിക്കൊണ്ടുള്ള സർക്കാർ നീക്കത്തെ ടിഎംസി, ബിജെഡി, ആർഎസ്‌പി തുടങ്ങിയ പ്രതിപക്ഷ പാർട്ടികൾ ശക്തമായി എതിർത്തു. പിൻവാതിലിലൂടെ സർക്കാർ നടപ്പിലാക്കാൻ ശ്രമിക്കുന്നുവെന്ന് പ്രതിപക്ഷ പാർട്ടികൾ ആരോപിച്ചു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP