Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202019Saturday

നരേന്ദ്ര മോദിയുടെ ഇഷ്ടക്കാരുടെ സമ്പാദ്യം കുമിഞ്ഞു കൂടുന്നു; മുകേഷ് അംബാനിയുടെ സ്വത്തിൽ 58 ശതമാനം വളർച്ച; പതഞ്ജലിയുടെ സി ഇ ഒ ആചാര്യ ബാലകൃഷ്ണ എട്ടാം സ്ഥാനത്ത്; ഇന്ത്യയിലെ ധനികരെ ഉൾപ്പെടുത്തിയ ഹരൂൺ ലിസ്റ്റിന്റെ വിശേഷങ്ങൾ ഇങ്ങനെ; വിദേശ ഇന്ത്യാക്കാരിൽ രണ്ടാം സ്ഥാനത്ത് മലയാളിയായ എം എ യൂസഫലി; യുഎഇയിലെ പ്രവാസികളിൽ ആദ്യ പന്ത്രണ്ടുപേരിൽ പകുതിപ്പേരും മലയാളികൾ

നരേന്ദ്ര മോദിയുടെ ഇഷ്ടക്കാരുടെ സമ്പാദ്യം കുമിഞ്ഞു കൂടുന്നു; മുകേഷ് അംബാനിയുടെ സ്വത്തിൽ 58 ശതമാനം വളർച്ച; പതഞ്ജലിയുടെ സി ഇ ഒ ആചാര്യ ബാലകൃഷ്ണ എട്ടാം സ്ഥാനത്ത്; ഇന്ത്യയിലെ ധനികരെ ഉൾപ്പെടുത്തിയ ഹരൂൺ ലിസ്റ്റിന്റെ വിശേഷങ്ങൾ ഇങ്ങനെ; വിദേശ ഇന്ത്യാക്കാരിൽ രണ്ടാം സ്ഥാനത്ത് മലയാളിയായ എം എ യൂസഫലി; യുഎഇയിലെ പ്രവാസികളിൽ ആദ്യ പന്ത്രണ്ടുപേരിൽ പകുതിപ്പേരും മലയാളികൾ

മറുനാടൻ മലയാളി ബ്യൂറോ

ന്യൂഡൽഹി: ആരോപണങ്ങൾ ശരിവയ്ക്കുകയാണ് പുതിയ കണക്കുകൾ. പ്രധാനമന്ത്രി നരേന്ദ്ര മോദിയുടെ ഇഷ്ടക്കാരുടെ സ്വത്തിൽ വൻ വർദ്ധനയുള്ളതായി രേഖകൾ തെളിയിക്കുന്നു. അന്താരാഷ്ട്ര മാർക്കറ്റ് റിസച്ച് ഏജൻസിയായ ഹരൂൺ ഇന്ത്യ നടത്തിയ പഠനത്തിൽ കോടീശ്വരന്മാരായ ഇന്ത്യാക്കാരുടെ പട്ടികയിലാണ് ഈ വെളിപ്പെടുത്തൽ. മോദിയുമായി അടുപ്പമുണ്ടെന്ന് ആരോപിക്കുന്ന മുകേഷ് അംബാനി, ഗൗതം അദാനി, ദമാനി , തുടങ്ങിയവരുടെ സ്വത്തിൽ വൻ വർദ്ധനവാണുണ്ടായിരിക്കുന്നത്. കൂടാതെ പതഞ്ജലി ഗ്രൂപ്പ് മേധാവിയും ഇന്ത്യയിലെ ധനികരിൽ ആദ്യ സ്ഥാനങ്ങളിൽ ഇടം നേടി.

റിലയൻസ് ഉടമ മുകേഷ് അംബാനിയുടെ സ്വത്തിൽ 58 ശതമാനവും ഗൗതം അദാനിയുടെ സമ്പത്തിൽ 66 ശതമാനവും, ഡി മാർട്ട് ഉടമ രാധാകൃഷ്ണൻ ധമാനി 320 ശതമാനവും സമ്പത്തു വർദ്ധിപ്പിച്ചു. പതഞ്ജലി സി ഇഒഒ ആചാര്യ ബാലകൃഷ്ണയാവട്ടെ 175 ശതമാനം സ്വത്തു വർദ്ധിപ്പിച്ചു. എൻഡിഎ ഭരണം ആർക്കുവേണ്ടി എന്ന ചോദ്യത്തിന് ഇനി ഉത്തരം തേടി അലയേണ്ട, അതു കോർപ്പറേറ്റുകൾക്കു വേണ്ടിയാണ്.

Stories you may Like

ഇന്ത്യയിലെ ധനികരുടെ പട്ടികയിൽ മുകേഷ് അംബാനി തന്നെ മുന്നിൽ റിലയൻസ് ഉടമയായ മുകേഷ് അംബാനിയുടെ സമ്പത്ത് 2, 57, 900 കോടി രൂപയാണ്. മുകേഷിന്റെ സ്വത്തിൽ 58 ശതമാനം വർദ്ധനവാണുണ്ടായിരിക്കുന്നതെന്നും റിപ്പോർട്ടു വെളിപ്പെടുത്തുന്നു. പതഞ്ജലിയുടെ സിഇഒ ആചാര്യ ബാലകൃഷ്ണയാണ് എട്ടാം സ്ഥാനത്തുള്ളത്. 70, 000 കോടി രൂപയാണ് ഇദ്ദേഹത്തിന്റെ സ്വത്ത്. 173 ശതമാനമാണ് അദ്ദേഹത്തിന്റെ സമ്പത്തിലുണ്ടായ വളർച്ച.

സൺഫാർമ ഉടമ ദിലീപ് സാംഗ്‌വിയാണ് രണ്ടാം സ്ഥാനത്തുള്ളത്. 89, 000 കോടിയാണ് അദ്ദേഹത്തിന്റെ സ്വത്ത്. ആഴ്‌സലർ മിത്തലിന്റെ ഉടമ ലക്ഷ്മി മിത്തൽ 88, 200 കോടിയുമായി മൂന്നാം സ്ഥാനത്തും എച്ച് സി എൽ ഉടമ ശിവ നാടാർ 85, 100 കോടിയുമായി നാലാം സ്്ഥാനത്തുമാണ്.

ആദ്യ പത്തു സ്ഥാനക്കാർ ഇങ്ങനെയാണ്
അസിം പ്രേംജി -വിപ്രോ , സൈറസ് പൂനംവാല- സെറം ഇൻസ്റ്റിട്യൂട്ട് ഓഫ് ഇന്ത്യ, ഗൗതം അദാനി, ആചാര്യ ബാലകൃഷ്ണ-പതഞ്ജലി ആയുർവേദ, ഉദയ് കൊട്ടാക് - കൊട്ടാക് മഹീന്ദ്ര, സുനിൽ മിത്തൽ- ഭാരതി എയർടെൽ

ഡി മാർട്ട് ഉടമ രാധാകൃഷ്ണൻ ധമാനിയാണ് കഴിഞ്ഞ വർഷം ഏറ്റവും അധികം നേട്ടമുണ്ടാക്കിയത്. 320 ശതമാനം വർദ്ധനവാണ് കഴിഞ്ഞ വർഷം രാധാകൃഷ്്ണന്റെ സ്വത്തിലുണ്ടായത്.

ഏറ്റവും ധനികരായ കുടുംബങ്ങളുടെ പട്ടികയും ഹരൂൺ പുറത്തു വിട്ടു. 1, 89, 135 കോടിയുടെ സ്വത്തുമായി ഗോദ് റെജ് ആണ് ലിസ്റ്റിലെ മുമ്പന്മാർ. ഹിന്ദുജ, അദാനി, ദമാനി, ബർമാൻ ഗ്രൂപ്പുകളാണ് ഈ പട്ടികയിൽ മുൻപിൽ എത്തിയവർ

ഇന്ത്യയിലെ ധനികരുടെ ലിസ്റ്റിൽ ആദ്യ പത്തിൽ പുതുമുഖമായി ആചാര്യ ബാലകൃഷ്ണ എത്തിയതാണ്് പുതുമ. ഇരുപത്തിയഞ്ചാം സ്ഥാനത്തു നി്ന്നാണ് ആചാര്യ ബാലകൃഷ്ണ എട്ടാം സ്ഥാനത്തേയ്ക്ക് കുതിച്ചെത്തിയത്. ബാബാ രാംദേവ് സ്ഥാപിച്ച പതഞ്ജലി ആയുർവേദയെ ഇന്ത്യയിലെ പ്രമുഖ സ്ഥാപനമായി വളർത്തിയത് ബാലകൃഷ്ണയുടെ ബുദ്ധിയായിരുന്നു. അന്താരാഷ്ട്ര ബ്രാൻഡുകളോടാണ് ഇന്ന് പതഞ്ജലി ഉത്പന്ന്ങ്ങൾ മത്സരിക്കുന്നതെന്നും റിപ്പോർട്ടു പറയുന്നു. എഫ്എംസിജി കന്്പനികളിൽ ഇന്ത്യയിൽ രണ്ടാം സ്ഥാനത്താണ് പതഞ്ജലി ഇപ്പോൾ.

വിദേശ ഇന്ത്യാക്കാരിൽ ഏറ്റവും ധനികൻ ലക്ഷ്മി മിത്തൽ തന്നെയാണ്. രണ്ടാം സ്ഥാനത്ത് മലയാളിയായ എം എ യൂസഫലിയുമെത്തി. 31, 900 കോടി രൂപയാണ് ഇദ്ദഹത്തിന്റ സമ്പത്ത്. കോടീശ്വരന്മാരായ വിദേശികളുടെ പട്ടികയിൽ ഏഴാം സ്ഥാനത്തും മറ്റൊരു മലയാളിയാണ്. അബുദാബി കേന്ദ്രമാക്കി പ്രവർത്തിക്കുന്ന ജെംസ് എഡ്യൂക്കേഷന്റെ ഉടമ സണ്ണി വർക്കി . ഇദ്ദേഹത്തിന്റെ സ്വത്ത് 17, 900 കോടി രൂപയാണ്. 

യു എഇയിലെ പ്രവാസികളിൽ കോടീശ്വരന്മാരുടെ ലിസ്റ്റിലും മുമ്പന്മാരിൽ ഏറെയും മലയാളികൾ തന്നെയാണ്. ആദ്യ പന്ത്രണ്ടുപേരിൽ പകുതിപ്പേരും മലയാളികൾ. 31, 000കോടി രൂപയുടെ സ്വത്തുമായി എംകെ ഗ്രൂപ്പ് ഉടമ എം എ. യൂസഫലിയാണ് മുമ്പന്തിയിലുള്ള മലയാളി. ജെംസ് എഡ്യൂക്കേഷൻ ഉടമ സണ്ണിവർക്കി- 17, 900 കോടിയുമായി രണ്ടാം സ്ഥാനത്തുണ്ട് ആർ പി ഗ്രൂപ്പ് ഉടമ രവി പിള്ള - 13, 600 കോടി , ഡോ. ഷംസീർ വയലിൽ, ആസാദ് മൂപ്പൻ എന്നിവരും ആദ്യ പന്ത്രണ്ടു പേരിലുണ്ട്.

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Loading...
Go to TOP