Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
May / 202117Monday

റിലയൻസ് ജിയോ വന്നതോടെ തകർന്നത് ഒമ്പത് കമ്പനികൾ; രക്ഷപ്പെട്ടത് എയർടെൽ മാത്രമെന്ന് സുനിൽ മിത്തൽ

റിലയൻസ് ജിയോ വന്നതോടെ തകർന്നത് ഒമ്പത് കമ്പനികൾ; രക്ഷപ്പെട്ടത് എയർടെൽ മാത്രമെന്ന് സുനിൽ മിത്തൽ

സ്വന്തം ലേഖകൻ

രാജ്യത്തിന്റെ ടെലികോം മേഖലയെ തന്നെ മാറ്റി മറിച്ച് റിലയൻസ് ജിയോ വന്നതോടെ തകർന്നടിഞ്ഞത് നിരവധി കമ്പനികൾ. ജിയോ ഉയർത്തിയ പ്രതിസന്ധിയിൽ നിന്നും രക്ഷപ്പെട്ട കമ്പനികളിലൊന്ന് എയർടെൽ ആണെന്നും ചെയർമാൻ സുനിൽ മിത്തൽ പറഞ്ഞു. ജിയോയുടെ ഫ്രീ സൂനാമിയിൽ മിക്ക കമ്പനികളും തകർന്നു. എന്നാൽ, ആ പ്രതിസന്ധികളിൽ നിന്നെല്ലാം ഭാരതി എയർടെൽ കരകയറുകയും കൂടുതൽ ശക്തമായി തിരിച്ചുവരുകയും ചെയ്തു. ഇപ്പോൾ വയർലെസ് സേവനങ്ങളിലെ എതിരാളികളേക്കാൾ കൂടുതൽ ഉപയോക്താക്കളെ ചേർക്കാൻ എയർടെലിന് സാധിക്കുന്നുണ്ടെന്നും സുനിൽ മിത്തൽ പറഞ്ഞു.

കമ്പനി നേരിട്ട മൂന്നോ നാലോ വലിയ പ്രതിസന്ധികൾക്ക് ശേഷം ഞങ്ങൾ ഇന്ന് ആരോഗ്യകരമായ രൂപത്തിലേക്ക് എത്തിയിരിക്കുന്നുവെന്നും ആമസോൺ സ്ംഭവ് ഉച്ചകോടിയിൽ ( Amazon Smbhav Summit) മിത്തൽ പറഞ്ഞു. 2003-04 നു ശേഷം കമ്പനി തകർച്ചയുടെ വക്കിലെത്തി. 2008-10 ൽ സർക്കാർ 12 പുതിയ ലൈസൻസുകളാണ് നൽകിയത്. ഇത് കടുത്ത മത്സരത്തിന് കാരണമായപ്പോൾ എയർടെലും വൻ പ്രതിസന്ധിയെ നേരിട്ടു. എന്നാൽ, നാല് വർഷം മുൻപ് മുകേഷ് അംബാനിയുടെ ഉടമസ്ഥതയിലുള്ള റിലയൻസ് ജിയോ പ്രവർത്തനം തുടങ്ങിയതോടെയാണ് വൻ പ്രതിസന്ധി നേരിട്ടത്.

ഒരു വർഷത്തോളം സൗജ്യന്യമായും രണ്ടാമത്തെ വർഷം കൂടുതൽ ഇളവുകളോടെയും ജിയോ സേവനങ്ങൾ നൽകാൻ തുടങ്ങിയതോടെയാണ് എയർടെൽ ഉൾപ്പടെയുള്ള ടെലികോം കമ്പനികൾ പ്രതിസന്ധിയിലായത്.2016 ൽ, ഇന്ത്യയിലെ ടെലികോം മേഖലയിൽ ഏറ്റവും ശക്തരായ എതിരാളികളിൽ ഒരാളായാണ് ജിയോ അവതരിച്ചത്. തുടക്കത്തിൽ ഒരു വർഷത്തേക്ക് സൗജന്യം, മറ്റൊരു വർഷത്തേക്ക് സബ്‌സിഡി, കുറഞ്ഞ വിലനിർണയം, 4ജി ഫോണുകൾക്ക് സബ്‌സിഡി അങ്ങനെ എല്ലാം നൽകി ടെലികോം മേഖലയിൽ മറ്റു കമ്പനികൾക്ക് ജിയോ സമ്മാനിച്ചത് വൻ പ്രതിസന്ധിയാണെന്നും മിത്തൽ പറഞ്ഞു.

ജിയോയുടെ വരവോടെ 12 ടെലികോം സേവന ദാതാക്കളിൽ ഒമ്പത് പേരും പാപ്പരാകുകയോ എയർടെലുമായി ലയിപ്പിക്കുകയോ അല്ലെങ്കിൽ അവർക്കിടയിൽ ലയിക്കുകയോ ചെയ്തു. എയർടെലിന് ഇന്ന് ഏകദേശം 34.5 കോടി ഉപയോക്താക്കളുണ്ട്. ജിയോയ്ക്ക് 41.1 കോടി ഉപയോക്താക്കളുണ്ട്. ജനുവരിയിലെ ട്രായി ഡേറ്റ പ്രകാരം വോഡഫോൺ ഐഡിയക്ക് ഏകദേശം 28.2 കോടി ഉപയോക്താക്കളുണ്ട്. കഴിഞ്ഞ നാലഞ്ചു വർഷത്തിനിടയിലെ ഏറ്റവും ദുഷ്‌കരമായ സമയങ്ങളിൽ പോലും കമ്പനിക്ക് 1200 കോടി ഡോളർ സമാഹരിക്കാൻ കഴിഞ്ഞുവെന്നും മിത്തൽ കൂട്ടിച്ചേർത്തു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP