Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

വിവാഹമോചനം സംബന്ധിച്ചുണ്ടായിരുന്നത് അത്ര നല്ല കാര്യങ്ങളല്ലായിരുന്നുവെന്നും മുൻഭർത്താവിനെ കുറിച്ച് നല്ല പ്രവൃത്തികളൊന്നും പറയാനില്ലെന്നും അമ്പിളീദേവി; ഒട്ടും താൽപര്യമില്ലാതെയാണ് തന്റെ ആദ്യ വിവാഹം നടന്നതെന്നും താരം; സീതയിൽ നിന്നും ഷാനവാസിനെ പുറത്താക്കിയതിന് പിന്നലെ സത്യം വെളിപ്പെടുത്തി ആദിത്യൻ; താരദമ്പതികൾ തുറന്ന് പറയുന്നു

വിവാഹമോചനം സംബന്ധിച്ചുണ്ടായിരുന്നത് അത്ര നല്ല കാര്യങ്ങളല്ലായിരുന്നുവെന്നും മുൻഭർത്താവിനെ കുറിച്ച് നല്ല പ്രവൃത്തികളൊന്നും പറയാനില്ലെന്നും അമ്പിളീദേവി; ഒട്ടും താൽപര്യമില്ലാതെയാണ് തന്റെ ആദ്യ വിവാഹം നടന്നതെന്നും താരം; സീതയിൽ നിന്നും ഷാനവാസിനെ പുറത്താക്കിയതിന് പിന്നലെ സത്യം വെളിപ്പെടുത്തി ആദിത്യൻ; താരദമ്പതികൾ തുറന്ന് പറയുന്നു

മറുനാടൻ ഡെസ്‌ക്‌

കഴിഞ്ഞ ദിവസങ്ങളിൽ ഏറെ ചർച്ച ചെയ്യപ്പെട്ട കാര്യമാണ് സീരിയൽ താരങ്ങളായ അമ്പിളീദേവിയുടേയും ആദിത്യന്റെയും വിവാഹം. രണ്ടാം വിവാഹതിരായ ഇരുവരുടേയും ആദ്യ ദാമ്പത്യ ജീവിതം തകർന്നതിനെ കുറിച്ചും പിന്നീട് സീത എന്ന സീരിയലിൽ നിന്നും ഷാനവാസിനെ നീക്കിയത് ആദിത്യനാണെന്ന വാർത്തയുമാണ് ഏറെ ചർച്ചകൾക്ക് വഴിവച്ചത്.

അമ്പിളിദേവിയുടെ വിവാഹം മുൻ ഭർത്താവ് കേക്ക് മുറിച്ച് ആഘോഷിച്ചു എന്ന തരത്തിലുള്ള വാർത്തകളും സമൂഹ മാധ്യമങ്ങളിലടക്കം നിറഞ്ഞിരുന്നു. എന്നാലിപ്പോൾ ഇതിൽ വിശദീകരണവുമായി രംഗത്തെത്തിയിരിക്കുകയാണ് താരദമ്പതികൾ. മലയാളി ലൈഫിന് നൽകിയ അഭിമുഖത്തിലാണ് താരങ്ങൾ ഇക്കാര്യം തുറന്ന് പറഞ്ഞത്.

അമ്പിളീ ദേവി പറയുന്നു...

വിവാഹ മോചനത്തെ പറ്റി അധികമാർക്കും അറിയില്ല.. എന്തുകൊണ്ടാണ് ഇത് പുറത്ത് വിടാഞ്ഞത് ?

അത് എന്നെ സംബന്ധിച്ച് ഒരിക്കലും നല്ല കാര്യങ്ങളല്ല പറയാൻ ഉണ്ടായിരുന്നത് അതുകൊണ്ടാണ് മറച്ചുവെക്കേണ്ടി വന്നത്. എന്റെ മുൻ ഭർത്താവിനെക്കുറിച്ച് അയാളുടെ പ്രവർത്തിയെക്കുറിച്ചും നല്ലതെന്നും പറയാനില്ലാ അത് തന്നെയാണ് ആരും അറിയണ്ടാ എന്റെ വിവാഹമോചനം എന്നു തീരുമാനിക്കുകയും അതിന്റെ അടിസ്ഥാനത്തിൽ തന്നെയാണ് ആരോടും പറയാതിരുന്നതും. പിന്നെ രണ്ട്പേരും ഒരോ മേഖലയിൽ ജോലി ചെയ്യുന്നവരാണ് എന്തിനാണ് വെറുതേ പോയി പ്രശ്നങ്ങൽ ഉണ്ടാക്കുന്നത് എന്നും കരുതി.. ഇതെല്ലാം കാരണമാണ് വിവാഹമോചനം ആരെയും അറിക്കാതെയിരുന്നത്.

ആദ്യം നടന്നത് പ്രണയ വിവാഹമാണോ ?

മുൻ ഭർത്താവുമായി ഒരു പൂർണ്ണ പ്രണയ വിവാഹം ആയിരുന്നില്ല. എനിക്ക് ഒട്ടും താൽപര്യമില്ലാതെയാണ് ആ കല്യാണം നടന്നത്. അദ്ദേഹം വീട്ടുക്കാരുമായി വന്ന് ആലോചിച്ചായിരുന്നു വിവാഹം. കേക്ക് മുറിച്ച് ആഘോഷിക്കേണ്ട തരത്തിൽ ഞാൻ ആ വ്യക്തിയോട് ഒരിക്കലും മോശമായി സംസാരിച്ചിരുന്നില്ല. അത്രക്ക് ഒന്നും ഉണ്ടായിരുന്നില്ല. വർഷങ്ങളോളം ഞാൻ ആണ് വേദനിച്ചത്. പിന്നീട് റീ യുണിയനു വേണ്ടി ശ്രമിച്ചെങ്കിലും ഞാൻ വേണ്ടാ എന്ന് വെക്കുകയായിരുന്നു. ഞങ്ങൾ മ്യുചൽ ഡിവോസാണ് നടത്തിയത്. അന്ന് കോടതിയിൽ നിന്നും ഇറങ്ങിയപ്പോൾ ഇനി പുതിയെരു കള്യാണം കഴിക്കണം ഇങ്ങനെ ജാവിച്ചാൽ പോരാ എന്നു പറഞ്ഞ വ്യക്തിയാണ് എന്റെ മുൻ ഭർത്താവ് പിന്നീട് എന്താണ് ഇങ്ങനെ സംഭവിച്ചത് എന്ന് തനിക്കറിയില്ല.

ആദിത്യനുമായുള്ള വിവാഹത്തിന് മുൻപ് ലോവൽ വിളിച്ചിരുന്നോ ?

സീത സീരിയൽ അഭിനയിച്ചു കൊണ്ടിരിക്കുമ്പോൾ ഞങ്ങളുടെ കല്യാണ വിവരം അറിഞ്ഞിട്ട് ലോവൽന്റെ അനിയൻ ആണ് മെസേജ് അയച്ചത്. ഒരുപാട് അതിരു കടന്നാണ് ആ മെസേജ് വന്നത്. അമ്പിളിനെ മോശമായി ചിത്രീകരിക്കുന്ന രീതിയിൽ. ആ സമയത്ത് ഞാൻ ആ ഫോണിൽ നിന്നും അയാളെ വിളിച്ചു സംസാരിച്ചു. പിന്നീട് ഇതേ വ്യക്തി അമ്പിളിയുടെ അചഛനെ വിളിച്ച് മോശമായി സംസാരിച്ചു. ഇതാണ് യാഥാർഥത്തിൽ സംഭവിച്ചത്.

മകനുമായി ലോവലിന് നല്ല ബന്ധമായിരുന്നോ ?

ലോവൽ കുഞ്ഞിനെ നോക്കാറില്ലെന്നും സ്‌നേഹിക്കാറില്ല. ഒരു രീതിയിലും പൊരുത്തപ്പെടാനാകാത്തതുകൊണ്ട് വിവാഹമോചനം നേടിയെന്നും അമ്പിളി പറയുന്നു.മകനു അചഛനെ കാണണം അങ്ങിനെ ഒന്നും ഒരിക്കലും പറഞ്ഞിട്ടില്ല.

വിവാഹ മോചനം എന്നായിരുന്നു ?

2014 ൽ മുതൽ ഞങ്ങൾ വേർപിരിഞ്ഞ് ജീവിക്കുന്നു. 2013ൽ മകൻ ജനിച്ചു. കോടതി നിയമ പ്രകാരം എല്ലാ കാര്യങ്ങളും ചെയ്യുന്നുണ്ട്. കുഞ്ഞിനെ കാണിക്കുന്നുണ്ട്. അവനു എല്ലാ മാസവും 2500 രൂപ ചെലവിനു കൊടുക്കുന്നുണ്ട്.

ആദിത്യന്റെയും അമ്പിളിയുടേയും വിവാഹത്തിന് പിന്നാലെയാണ് സീത എന്ന സീരിയലിൽ നിന്നും നടൻ ഷാനവാസിനെ പുറത്താക്കിയെന്ന വാർത്ത വരുന്നത്. ഇതിനു പിന്നിൽ ആദിത്യനാണെന്നത് വ്യാജ വാർത്തയെന്ന് ആദിത്യൻ പറയുന്നു

സീതയിൽ നിന്നും ഇന്ദ്രനെ പുറത്താക്കിയതിനെക്കുറിച്ച് നടൻ ആദിത്യന്റെ പ്രതികരണം..!

60 ഓളം ആളുകൾ ചേർന്ന് അത്രയധികം ഫേയ്ക്ക് ഐഡി ഉണ്ടാക്കി കളിച്ച ചില കളികളുടെ ഭാഗമായാണ് ഇന്ദ്രന്റെ വേഷം അഭിനയിക്കുന്ന ഷാനവാസ് സെറ്റിൽ നിന്നും പുറത്തു പോയത്. അല്ലാതെ മറ്റൊന്നുമല്ല. ഫ്ളവേഴ്സ് പോലൊരു വലിയ ചാനൽ ശ്രീകണ്ഠൻ നായർ പ്രൊഡ്യൂസർ റൈറ്റർ തുടങ്ങിയവരാണ് അതിലെ തീരുമാനങ്ങൾ എടുക്കുന്നത്. നാന്നൂറ് എപ്പിസോഡുകൾ കഴിഞ്ഞ ഇന്ദ്രൻ എന്ന കാഥാപത്രത്തെ നൂറ് എപ്പിസോഡുകൾ പോലും അഭിനയിക്കാത്ത താൻ എന്തു കാരണം പറഞ്ഞ് മാറ്റാൻ പറഞ്ഞാലും സീരിയൽ അണിയറ പ്രവർത്തകർ മാറ്റില്ല. സീരിയൽ മുന്നോട്ടു പോകണമെന്നതാണ് അവരുടെ ആവശ്യം. അവർക്കു മാനസികമായും പ്രോജക്ട് മുന്നോട്ടു കൊണ്ടു പോകാനും ബുദ്ധിമുട്ടുണ്ടാക്കിയതിന്റെ പേരിൽ മാത്രമാണ് ആ കഥാപാത്രത്തെ അവർ സീരിയലിൽ നിന്നും മാറ്റിയത്.

അതിന്റെ തെളിവും ആദിത്യൻ ഇന്റർവ്യൂവിൽ നൽകുന്നുണ്ട്. ഷാനവാസിനെ തിരിച്ചെടുക്കണമെന്ന് ആവശ്യപ്പെട്ട് സീരിയലിന്റെ പ്രധാനപ്പെട്ട രണ്ടു ആളുകൾക്ക് ഓഡിയോ അയച്ചുവെന്ന് പറയുന്ന ആദിത്യൻ ഓഡിയോ കേൾപ്പിക്കുകയും ചെയ്യുന്നുണ്ട്. താൻ സെറ്റിൽ വന്നിട്ട് കുറച്ചു നാളെ ആയുള്ളുവെന്നും.സീരിയലിലെ ഒരു നടനെയും നടിയെയും ഒരുപാട് മോശമായി ഫെയ്സ് ബുക്കിലും മറ്റും പോസ്റ്റുകളിട്ടെന്നും അത്തരത്തിൽ സംസാരിക്കരുതെന്നും ഈ പ്രോജക്ടിനെയോ ആ താരത്തെയോ സ്നേഹിക്കുന്നുണ്ടെങ്കിൽ അത്തരത്തിൽ വാക്കുകൾ പറയരുതെന്നും താൻ മാന്യമായി പറഞ്ഞെന്നും ആദിത്യൻ പറയുന്നു. ഷാനവാസിനെ പിന്തുണച്ചത് ആരാധകരാണെന്ന് പറയുന്നുണ്ടെന്നും എന്നാൽ അത് ആരാധകർ അല്ലെന്ന് ആ സെറ്റിൽ എല്ലാവർക്കും അറിയാമെന്നും താരം പറയുന്നു.

അതിനു ശേഷം ഒരു നടൻ സെറ്റിൽ വന്നു കാണിക്കാൻ പാടില്ലാത്ത തരത്തിൽ മോശമായ ഒരു കാര്യം കാണിച്ചെന്നും. താൻ പൊട്ടിത്തെറിക്കുമെന്ന് എല്ലാവരും കരുതിയെങ്കിലും താൻ ബഹളമുണ്ടാക്കുകയോ ഒന്നും ചെയ്തില്ല. ആ കഴിഞ്ഞ രണ്ടു വർഷമായി ഞാൻ ഒന്നിനോടും പ്രതികരിക്കാറില്ല. കാരണം എന്തുപറഞ്ഞാലും അവസാനം ഞാൻ പ്രതിയാകുമെന്ന് അറിയാം. എനിക്ക് സപ്പോർട്ടില്ല. ഒറ്റയ്ക്കാണ്. ആ വ്യക്തി സെറ്റിൽ എത്തി കാട്ടിക്കൂട്ടിയ ബഹളത്തിനു ശേഷം ആരോടും സംസാരിക്കാൻ താത്പര്യമില്ലെന്നാണ് ഞാൻ പ്രതികരിച്ചത്. എന്നെക്കാളും ജൂനിയറായ ഒരു നടൻ ആകെ മൂന്നോ നാലോ സീരിയൽ മാത്രമേ ചെയ്തിട്ടുള്ളു. വെറുതെ അയാളെക്കുറിച്ച് പറഞ്ഞ് അയാളെ വലുതാക്കാൻ താത്പര്യമില്ല. അയാൾ കാണിച്ചതിനുള്ള മറുപടി നിയമപരമായി നേരിടും.

എവിടെ നിന്നാണ് എങ്ങനെയാണ് ഇത്തരത്തിൽ വ്യാജ കഥകൾ ഇറങ്ങിയതെന്ന് എനിക്ക് മനസ്സിലായിട്ടുണ്ട്. അയാളെ തിരിച്ചു വിളിക്കണമെന്ന് പറഞ്ഞത് ഞാനാണ്.( ഓഡിയോ തെളിവായി ആദിത്യൻ ഇന്റർവ്യൂവിനിടെ കേൾപ്പിച്ചു.) ഷൂട്ടിങ് സെറ്റിലെത്തി ഷാനവാസ് സ്ത്രീകളുടെ മുമ്പിൽ വച്ച് ഒരു ആംഗ്യം കാണിക്കുകയും ആ വീടിന്റെ ഉടമസ്ഥൻ അത് പൊലീസിൽ പരാതിപ്പെടുകയും ചെയ്തു. വേണ്ടാന്നു പറഞ്ഞത് സംവിധായകനാണ്. ഇന്നു രാവിലെ സംവിധായകനെ വിളിച്ചു. ഇത്തരത്തിലൊരു സംഭവമുണ്ട് സത്യാവസ്ഥ പറയണമെന്ന് പറഞ്ഞു. സത്യം അറിയാവുന്നവർ പോലും അവരുടെ സുരക്ഷ നോക്കി ഒന്നും പുറത്തു പറയുന്നില്ല. ഞാൻ വിചാരിച്ചാൽ 400 എപ്പിസോഡു പിന്നിട്ട ഒരു നടനെ മാറ്റുമോ. 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP