Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jan / 202116Saturday

ഇടത് സർക്കാർ സംവരണ നയം സാമൂഹിക നീതിയുടെ അട്ടിമറി: വെൽഫെയർ കേരള പ്രതിഷേധ സംഗമം

ഇടത് സർക്കാർ സംവരണ നയം സാമൂഹിക നീതിയുടെ അട്ടിമറി: വെൽഫെയർ കേരള പ്രതിഷേധ സംഗമം

സ്വന്തം ലേഖകൻ

ഇടതു സർക്കാർ നടപ് വിലാക്കിയ മുന്നോക്ക സംവരണം പിൻവലിക്കണമെന്ന് ആവശ്യപ്പെട്ടുകൊണ്ട് വെൽഫെയർ കേരള കുവൈത്ത് പ്രതിഷേധ സംഗമം സംഘടിപ്പിച്ചു. സംഗമം ഫ്രറ്റേണിറ്റി മൂവ്‌മെന്റ് കേരള പ്രസിഡന്റ് ഷംസീർ ഇബ്രാഹിം ഉദ്ഘാടനം ചെയ്തു.

ജാതിവ്യവസ്ഥയെ അരക്കിട്ടുറപ്പിക്കുന്ന സവർണ സംവരണവുമായി മുന്നോട്ടുപോകാനുള്ള സർക്കാർ നീക്കത്തിനെതിരെ നിയമപരമായും രാഷ്ട്രീയമായും ശക്തമായ പ്രക്ഷോഭം ആളിപ്പടരുമെന്ന് അദ്ദേഹം പറഞ്ഞു. ജനങ്ങളോട് സർക്കാർ വിവേകത്തോടെ പെരുമാറണം. ചരിത്രപരമായ വിവേചനത്തിന് വിധേയരായവർക്കാണ് സംവരണത്തിലൂടെ പ്രാതിനിധ്യം ഉറപ്പാക്കുന്നത്. ജാതി മേധാവിത്വത്തിന്റെ ബാലൻസ് തകരാതെ സംരക്ഷിക്കാനാണ് ഇടതു സർക്കാർ ശ്രമിക്കുന്നത്. സംഘ്പരിവാർ നിലപാടണിത്. ജാതിമേധാവിത്വത്തിന്റെ കടുത്ത പ്രഹരങ്ങളെ അതിജീവിച്ച് നിവർന്ന് നിൽക്കാൻ തുടങ്ങിയ പിന്നാക്ക വിഭാഗങ്ങളെ ചവിട്ടിയൊതുക്കലാണ് ഇപ്പോൾ മുന്നോക്ക സംവരണത്തിലൂടെ സംഭവിച്ചിരിക്കുന്നത്.

ജാതി വ്യവസ്ഥയുടെ ഇരുട്ടിലേക്ക് കൂട്ടികൊണ്ട് പോകുന്നതിന്റെ കാർമ്മികത്വമാണ് സർക്കാർ നിർവഹിക്കുന്നതെന്ന് മുഖ്യപ്രഭാഷണം നിർവ്വഹിച്ച പിന്നോക്ക വിഭാഗ വികസന വകുപ്പ് മുൻ ഡയറക്ടർ ശ്രീ.വി.ആർ ജോഷി അഭിപ്രായപ്പെട്ടു. സാമൂഹ്യ നീതിയല്ല, സാമാന്യ നീതി പോലും നിഷേധിച്ചാണ് സർക്കാർ മുന്നോട്ട് പോകുന്നത്.സർക്കാർ എത്രയും വേഗം തിരുത്തലുകൾക്ക് തയ്യാറാകണം.

പരിപാടിയിൽ വെൽഫെയർ കേരള കുവൈത്ത് പ്രസിഡന്റ് റസീന മുഹിയുദ്ദീൻ അധ്യക്ഷത വഹിച്ചു. കേന്ദ്ര സെക്രട്ടറി റഫീഖ് ബാബു അവതാരകനായി. ജനറൽ സെക്രട്ടറി അൻവർ ഷാജി സ്വാഗതവും അൻവർ സാദത്ത് എഴുവന്തല നന്ദിയും പറഞ്ഞു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP