Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

മാർ ബസേലിയോസ് യൂത്ത് അസോസിയേഷനും, ബിഡികെ യും സംയുക്തമായി രക്തദാനക്യാമ്പ് സംഘടിപ്പിച്ചു

മാർ ബസേലിയോസ് യൂത്ത് അസോസിയേഷനും, ബിഡികെ യും സംയുക്തമായി രക്തദാനക്യാമ്പ് സംഘടിപ്പിച്ചു

സ്വന്തം ലേഖകൻ

കുവൈറ്റ് സിറ്റി: സെന്റ് ജോർജ് യൂണിവേഴ്‌സൽ സിറിയൻ ഓർത്തഡോക്‌സ് റീഷ് ചർച്ചിന്റെ യുവജന വിഭാഗമായ മാർ ബസേലിയോസ് യൂത്ത് അസോസിയേഷനും, ബിഡികെ കുവൈറ്റ് ചാപ്റ്ററും സംയുക്തമായി സെൻട്രൽ ബ്ലഡ് ബാങ്കിന്റെ സഹകരണത്തോടെ രക്തദാനക്യാമ്പ് സംഘടിപ്പിച്ചു. ഇന്ത്യ-കുവൈറ്റ് നയതന്ത്ര ബന്ധത്തിന്റെ അറുപതാം വാർഷികാഘോഷങ്ങളുടെയും, ഇന്ത്യയുടെ സ്വാതന്ത്ര്യ ദിനാഘോഷങ്ങളുടെ എഴുപത്തിഞ്ചാമത് വാർഷികാഘോഷങ്ങളുടേയും ഭാഗമായാണ് ക്യാമ്പ് സംഘടിപ്പിച്ചത്.

അദാൻ ബ്ലഡ് ബാങ്കിൽ വച്ച് ജൂലൈ 02, വെള്ളിയാഴ്ച രാവിലെ 9 മുതൽ ഉച്ചക്ക് 1 വരെ സംഘടിപ്പിച്ച ക്യാമ്പിൽ; 50 ൽ പരം പേർ രക്തദാനം നിർവ്വഹിച്ചു.

ക്യാമ്പിന്റെ ഔപചാരിക ഉദ്ഘാടനകർമ്മം ചർച്ച് വികാരി റവ: ഫാദർ ജിബു ചെറിയാൻ രക്തം നൽകി നിർവ്വഹിച്ചു. കോവിഡ് മഹാമാരിയുടെ കാലഘട്ടത്തിലും പള്ളിയുടെ യുവജന വിഭാഗം നടത്തിവരുന്ന സാമൂഹ്യജീവകാരുണ്യ പ്രവർത്തനങ്ങളെ അദ്ദേഹം അഭിനന്ദിച്ചു. മനോജ് മാവേലിക്കര ബിഡി കെ, ജയിൻ കുര്യൻ, ബാബു ഏബ്രഹാം ജോൺ , അജീഷ് പോൾ തുടങ്ങിയവർ രക്തദാതാക്കളെ അഭിനന്ദിച്ചു കൊണ്ട് സംസാരിച്ചു. ക്യാമ്പ് വിജയകരമായി സംഘടിപ്പിച്ചതിന് മാർ ബസേലിയോസ് യൂത്ത് അസോസിയേഷനുള്ള പ്രശംസാ ഫലകം രാജൻ തോട്ടത്തിൽ ബി ഡി കെ കൈമാറി.

ജിതിൻ ബിഡികെ സ്വാഗതവും, എം.ബി.വൈ.എ. സെക്രട്ടറി എമിൽ മോൻ മാത്യു നന്ദിയും രേഖപ്പെടുത്തി.
ബിഡികെ കോ ഓർഡിനേറ്റർമാരായ ബിജി മുരളി, ദീപു ചന്ദ്രൻ എന്നിവർ പരിപാടികൾ ഏകോപിപ്പിച്ചു.

കുവൈത്ത് ആരോഗ്യ മന്ത്രാലയത്തിന്റെ കർശ്ശന നിബന്ധനകൾക്ക് വിധേയമാണ് ക്യാമ്പ് സംഘടിപ്പിച്ചത്. ക്യാമ്പിൽ പങ്കെടുത്ത എല്ലാവർക്കും സർട്ടിഫിക്കറ്റുകൾ വിതരണം ചെയ്തു.

ബിഡികെ പ്രവർത്തകരായ മുനീർ പിസി, ജോബി ബേബി, നളിനാക്ഷൻ, ശരത് കാട്ടൂർ, ശ്രീകുമാർ പുന്നൂർ, വിനോദ് കുമാർ, ബീന, ജോളി, ജിതിൻ പൊന്താസ് എന്നിവർ ക്യാമ്പിന് നേതൃത്വം നൽകി.

കുവൈത്തിൽ രക്തദാനക്യാമ്പുകളും, ബോധവൽക്കരണ പരിപാടികളും സംഘടിപ്പിക്കുവാൻ താല്പര്യമുള്ള സംഘടനകളും, സ്ഥാപനങ്ങളും,കൂടാതെ രക്തം ആവശ്യമായി വരുന്ന അടിയന്തിര സാഹചര്യങ്ങളിലും 6999 7588 / 5151 0076 എന്നീ നമ്പറുകളിൽ ബന്ധപ്പെടാവുന്നതാണ്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP