ഇനി കുഞ്ഞിനൊപ്പം ഒരു വർഷം മാതാപിതാക്കൾക്ക് കഴിയാം; പുതിയ പെയ്ഡ് പേരന്റൽ ലീവ് സംവിധാനം...

ഇനി കുഞ്ഞിനൊപ്പം ഒരു വർഷം മാതാപിതാക്കൾക്ക് കഴിയാം; പുതിയ പെയ്ഡ് പേരന്റൽ ലീവ് സംവിധാനം ഏർപ്പെടുത്താൻ ആലോചന

April 06, 201510:59 AM IST Permalink

ഡബ്ലിൻ: ആദ്യത്തെ ഒരു വർഷം മാതാപിതാക്കൾക്ക് കുഞ്ഞിന്റെ കൂടെ കഴിയാൻ സംവിധാനമൊരുക്കിക്കൊണ്ട് മിനിസ്റ്റർ ഫോർ ചിൽഡ്രൻ ജയിംസ് റീലി പുതിയ പദ്ധതി തയാറാക്കുന്നു. പുതുതായി നടപ്പാക്കാൻ ഉദ്ദേശിക്കുന്ന പെയ്ഡ് പേരന്റൽ ലീവിൽ ഒരു വർഷമാണ് മാതാപിതാക്കൾക്ക് ശമ്പളത്തോടു കൂടി അവധി അനുവദിക്കുന്നത്. മാതാപിതാക്കൾക്ക് ഇരുവർക്കുമായാണ് ഒരു വർഷത്തെ അവധി അനുവദിക്കുന്നത്. ഒരു വർഷത്തെ അവധി എങ്ങനെ ഭാഗിച്ചെടുക്കണമെന്നുള്ളത് മാതാപിതാക്കളുടെ ഇഷ്ടത്തിനനുസരിച്ചാണ്.

അയർലണ്ടിലെ ചൈൽഡ് കെയർ സംവിധാനത്തിലെ പാളിച്ചകൾ ചൂണ്ടിക്കാട്ടി യൂറോപ്യൻ യൂണിയനിൽ സ്ഥിരമായി പരാതികൾ ഉയരാൻ തുടങ്ങിയതിന്റെ സാഹചര്യത്തിലാണ് രാജ്യത്ത് പുതിയ പെയ്ഡ് പേരന്റൽ ലീവ് സമ്പ്രദായം നടപ്പാക്കാൻ ഒരുങ്ങുന്നത്. ഇവിടെ ചൈൽഡ് കെയർ ചെലവേറിയ കാര്യമാണെന്നും അതുകൊണ്ടു തന്നെ ചൈൽഡ് കെയറിൽ അയർലണ്ടിൽ വേണ്ടത്ര ശ്രദ്ധപതിപ്പിക്കുന്നില്ലെന്നും ആരോപണമുയർന്നിരുന്നു. ജോലിയുള്ള മാതാപിതാക്കൾക്ക് കുട്ടികളുടെ സംരക്ഷണത്തിന് വേണ്ടത്ര സമയം ചെലവഴിക്കാൻ സാധിക്കാറില്ലെന്നും ചൈൽഡ് കെയർ ചെലവേറിയതിനാൽ ജോലി കണ്ടെത്താൻ മാതാപിതാക്കൾ ബുദ്ധിമുട്ടാറുണ്ടെന്നും യൂറോപ്യൻ യൂണിയനിൽ പരക്കെ ആക്ഷേപമുയർന്നിരുന്നു.

ഈ ആരോപണങ്ങളുടെ അടിസ്ഥാനത്തിൽ ഡോ. റീലി ഇതിനെക്കുറിച്ച് പഠിക്കാൻ ഒരു കമ്മിറ്റിയെ തന്നെ നിയോഗിച്ചിട്ടുണ്ട്. ചൈൽഡ് കെയർ സാധാരണക്കാർക്ക് താങ്ങാവുന്നത്രയാക്കാനും ജോലിയുള്ള അമ്മമാർക്ക് കുട്ടികളുടെ സംരക്ഷണവും ജോലിയുമായി ഒത്തുപോകാനുള്ള സാഹചര്യമൊരുക്കാനും ഈ കമ്മിറ്റി പഠനങ്ങൾ നടത്തും. ഒക്ടോബറിൽ അവതരിപ്പിക്കുന്ന ബജറ്റിൽ ചൈൽഡ് കെയറിന് ആവശ്യമായ ഫണ്ട് നീക്കിവയ്ക്കാനും തീരുമാനമായിട്ടുണ്ട്. ഇതിന്റെ ആദ്യഘട്ടമെന്ന നിലയിൽ സ്‌കൂൾ സമയം കഴിഞ്ഞുള്ള കെയറിന് പ്രാധാന്യം നൽകിക്കൊണ്ടുള്ള പദ്ധതിയാണ് തയാറാക്കുന്നത്. പിന്നീട് പ്രീസ്‌കൂൾ രണ്ടാം വർഷവും സൗജന്യ വിദ്യാഭ്യാസം നൽകാൻ കൂട്ടുകക്ഷി മന്ത്രി സഭ തത്വത്തിൽ ധാരണയായിട്ടുണ്ട്.

പെയ്ഡ് പേരന്റൽ ലീവിന്റെ കാര്യത്തിൽ അന്തിമ തീരുമാനമായിട്ടില്ലെന്നും സർക്കാർ തലത്തിൽ വൈകാതെ തന്നെ തീരുമാനമാകുമെന്നുമാണ് പറയപ്പെടുന്നത്.

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

ഇനി കുഞ്ഞിനൊപ്പം ഒരു വർഷം മാതാപിതാക്കൾക്ക് കഴിയാം; പുതിയ പെയ്ഡ് പേരന്റൽ ലീവ് സംവിധാനം ഏർപ്പെടുത്താൻ ആലോചന

Readers Comments+

More News in this category+

പുതുവർഷത്തിൽ വൈദ്യുതിവൈദ്യുതി ചാർജ് വീണ്ടും വർദ്ധിപ്പിക്കാനൊരുങ്ങി പിനേർജി; ജനുവരി 9 മുതൽ 14 ശതമാനം വർദ്ധനവ്

അടുത്ത ജനുവരി മുതൽ രാജ്യത്ത് ടോൾ നിരക്കുകൾ ഉയരും; നിരക്കിൽ 60 സെന്റ് വരെ വർദ്ധനവ്

സർക്കാർ പ്രഖ്യാപിച്ചിരുന്ന എനർജി ക്രെഡിറ്റ് നാളെ മുതൽ ലഭിച്ചു തുടങ്ങും; ആദ്യ ഘട്ടമായി ലഭിക്കുക 200 യൂറോ

അടുത്ത മാസം മുതൽ 400 യൂറോ ഫ്യുവൽ അലവൻസ് ലഭിച്ച് തുടങ്ങും; നവംബർ 14 മുതൽ വിതരണം ചെയ്യുമെന്ന് അറിയിച്ച് സർക്കാർ

MNM Recommends +

ഫിറ്റ്‌നസ് ടെസ്റ്റ് പാസായി; തൃശൂർ പൂരത്തിന് തെച്ചിക്കോട്ടുകാവ് രാമചന്ദ്രനെ എഴുന്നള്ളിപ്പിക്കാം

എറണാകുളത്ത് കോവിഡ് കേസുകൾ കൂടുന്നു; വർദ്ധന മൂന്നുമാസത്തെ ഇടവേളയ്ക്ക് ശേഷം; ജാഗ്രത പുലർത്തണമെന്ന് ഐഎംഎ