'പ്രതികാരം എന്റെ അജണ്ടയിൽ ഇല്ല; പറയുന്ന ഒരു വാക്ക് തെറ്റിപ്പോയാൽ അസ്വസ്ഥനാവുന്ന വ്യക്തിയാണ് ഞാൻ; സോളാർ കേസിന് പിന്നിൽ ഗണേശ്കുമാറാണെന്ന് കരുതുന്നില്ല; ഞാൻ ഏറ്റവും കൂടുതൽ വിവാദങ്ങളിൽപെട്ടത് ഇത്തരം ചില സുഹൃത്തുക്കളെ രക്ഷിക്കാൻ നടത്തിയ ശ്രമത്തിലാണ്; പിണറായിയെ ജനം വിലയരുത്തട്ടെ'; സരിതയും ഗണേശും പിന്നെ വിവാദ ട്രെയിൻ യാത്രയും; താൻ നേരിട്ട അഗ്നിപരീക്ഷകൾ മറുനാടനോട് വിവരിച്ച് ഉമ്മൻ ചാണ്ടി; ഷൂട്ട് അറ്റ് സൈറ്റ് അവസാനഭാഗം
മറുനാടൻ ഡെസ്ക്
വൈരനിര്യാതനബുദ്ധി വെച്ചുപുലർത്തുകയും, വിമർശനത്തോട് അങ്ങേയറ്റം അസഹിഷ്ണുത കാട്ടുകയും, ചോദ്യങ്ങൾ ചോദിക്കുന്നത് തടസപ്പെടുത്തകയും ചെയ്യുന്ന ആധുനികകാല നേതാക്കൾക്കിടയിൽ ഒരു അത്ഭുതമാവുകയാണ് മുൻ മുഖ്യമന്ത്രി ഉമ്മൻ ചാണ്ടി. പ്രതികാരം എന്നൊന്ന് തന്റെ അജണ്ടയിൽ ഇല്ലെന്നും, പറയുന്നഒരു വാക്കുപോലും ഒരു വാക്ക് തെറ്റിപ്പോയാൽ അസ്വസ്ഥനാവുന്ന വ്യക്തിയാണ് താൻ എന്നും അദ്ദേഹം പറയുന്നു. സോളാർ കേസിൽ തന്നെ വേട്ടയാടിയവരോടുപോലും അദ്ദേഹം ക്ഷമിക്കയാണ്. അതുപോലെ സ്വപ്ന വിവാദത്തിൽ വ്യക്തിപരമായി ഭരണപക്ഷ നേതാക്കളെ ആക്രമിക്കാൻ തയ്യാറല്ലെന്ന് മറുനാടൻ മലയാളിക്ക് അനുവദിച്ച അഭിമുഖത്തിൽ ഈ മുതിർന്ന കോൺഗ്രസ് നേതാവ് വ്യക്തമാക്കുന്നു. സരിതയും ഗണേശും പിന്നെ വിവാദ ട്രെയിൻ യാത്രയുമൊക്കെയായി ജീവിതത്തിൽ താൻ നേരിട്ട അഗ്നിപരീക്ഷകളിലൂടെ സഞ്ചരിക്കയാണ് അദ്ദേഹം. ഈ വിവാദങ്ങളിൽ ഒന്നും തന്നെ ഒരു തരിപോലും സത്യമില്ലെന്ന് തന്റെ മനസാക്ഷിക്ക് ബോധ്യമുണ്ടായിരുന്നതുകൊണ്ടാണ് ഹീനമായ വ്യകതിഹത്യക്കാലത്തും തനിക്ക് പ്രശ്നം ഒന്നും ഇല്ലാതിരുന്നതെന്നും അദ്ദേഹം വ്യക്തമാക്കുന്നു.മറുനാടൻ മലയാളിയുടെ 'ഷൂട്ട് അറ്റ് സൈറ്റ്' പരിപാടിൽ പങ്കെടുത്ത് എഡിറ്റർ ഷാജൻ സ്കറിയയുമായി ഉമ്മൻ ചാണ്ടി നടത്തിയ അഭിമുഖത്തിന്റെ അവസാന ഭാഗം.
ചോദ്യം: മറ്റുള്ളവരുടെ വീക്ഷണം കൂടി കേട്ട് ചിന്തിക്കുന്നതുകൊണ്ടാണ് ശത്രുതയുണ്ടാവാത്തത് എന്ന് അങ്ങ് പറയുന്നു. ഗണേശ് കുമാറിനോട് ശത്രുതയില്ലേ. അത്രക്ക് വ്യക്തിപരമായ ആക്രമണമല്ലേ ഗണേശ് അഴിച്ചുവിട്ടത്. താങ്കളുടെ രാഷ്ട്രീയ ജീവിതത്തിൽ ഏറ്റവും അപമാനം ഉണ്ടാക്കിയ വിഷയമാണ് സോളാർ കേസ്. അതിന്റെ പിന്നിൽ ഗണേശായിരുന്നില്ലേ. എന്നിട്ടും ഗണേശിനോട് വിരോധമില്ലേ?
ഉമ്മൻ ചാണ്ടി: ഞാൻ ഏറ്റവും കൂടുതൽ വിവാദങ്ങൾ കേൾക്കേണ്ടി വന്നത് ഇങ്ങനെയുള്ള ചില സുഹൃത്തുക്കളെ രക്ഷിക്കാൻ വേണ്ടി നടത്തിയ ശ്രമത്തിന് ഇടയിലാണ്. പക്ഷേ എനിക്കതിൽ പരാതിയൊന്നുമില്ല. അദ്ദേഹം എനിക്ക് അറിയാവുന്നിടത്തോളം എനിക്കെതിരെ നേരിട്ട് ഒന്നും ചെയ്തിട്ടില്ല. ഞാനിപ്പോളും ആ ആരോപണങ്ങൾ വിശ്വസിക്കുന്നില്ല. ഗണേശ് അതിനകത്ത് ഇങ്ങനെ ഒരു റോൾ എടുത്തു എന്ന് വിശ്വസിക്കുന്നില്ല. വിശ്വസിച്ചാൽ എനിക്ക് പിന്നെ ടെൻഷൻ ആണ്.
ആ സമയത്ത് രാഷ്ട്രീയ പ്രവർത്തനം നിർത്തണമെന്ന് തോന്നിയിട്ടുണ്ടോ?
ഉമ്മൻ ചാണ്ടി: ഇല്ല. ഞാൻ ഒരു തെറ്റ് ചെയ്തിട്ടില്ലെങ്കിൽ അന്തിമമായി എനിക്ക് അനുകൂലമായിട്ടുവരും എന്ന് ഞാൻ പൂർണ്ണമായും വിശ്വസിക്കുന്നു. ഞാൻ ഒരു ചെറിയ തെറ്റ് ചെയ്തിട്ടുണ്ടെങ്കിൽ അതിനുള്ള ശിക്ഷ എനിക്ക് കിട്ടും. പറയുന്ന ഒരു വാക്ക് തെറ്റിപ്പോയാൽ അസ്വസ്ഥനാവുന്ന വ്യക്തിയാണ് ഞാൻ. ഇപ്പോൾ ഈ ഇന്റവ്യൂ വന്നു കഴിഞ്ഞാൽ ഉടനെ പലരും എന്നെ വിളിക്കും. ഓരോ ഇന്റർവ്യൂ കഴിയുമ്പോഴും അങ്ങനെയാണ്. പക്ഷേ ഒരാൾ വിളിച്ച് അതിൽ ഇന്നയാളെക്കുറിച്ച് പറഞ്ഞത് മോശമായിപ്പോയി എന്നു പറഞ്ഞാൽ എനിക്ക് ആകെ അസ്വസ്ഥതയാണ്. ആ ആളിന് വിഷമമുണ്ടാകില്ലേ അദ്ദേഹത്തിന്റെ കുടുംബത്തിന് വിഷമം ഉണ്ടാവില്ലേ, ഞാനാണല്ലോ അതിന് കാരണക്കാരൻ എന്ന ചിന്ത. അതേസമയത്ത് ഇത്ര വലിയ ഗുരുതരമായ ഏത് കാര്യം പറഞ്ഞാലും, എനിക്ക് മനസാക്ഷിക്കുത്തില്ലെങ്കിൽ ഒരു പ്രശ്നവും ഇല്ല. ഞാൻ തികഞ്ഞ ആത്മവിശ്വാസത്തോടു കൂടി തന്നെ മുന്നോട്ടുപോവും. എന്റെ ജീവിതത്തിൽ ഉണ്ടായിരുന്നിട്ടുള്ള മുഴുവൻ സാഹചര്യങ്ങളും എടുത്തുനോക്കിയാൽ ഇത് നൂറുശതമാനം ശരിയാണ്.
ഞാൻ ആദ്യത്തെ തവണ മുഖ്യമന്ത്രിയായപ്പോൾ അമൃത ട്രയിനിൽ യാത്രചെയ്തപ്പോൾ സമാനമായ ഒരു വിവാദം ഉണ്ടായിരുന്നു. എനിക്ക് ഒരു പ്രശ്നവും ഉണ്ടായിരുന്നില്ല. 43 കൊല്ലമായി ഞങ്ങളുടെ വിവാഹം കഴിഞ്ഞിട്ട്. ആ സമയത്തിനും മുമ്പും പിമ്പുമൊക്കെ എപ്പോഴൊക്കെ ഞാൻ ട്രെയിനിൽ യാത്ര ചെയ്തിട്ടുണ്ടോ, അപ്പോഴൊക്കെ എംഎൽഎ ആൻഡ് വൺ കമ്പാനിയൻ എന്ന് കാണാം. കമ്പാനിയൻ ആരും ആകാം. പക്ഷേ അന്നൊരു ദിവസം മാത്രം ഞാൻ മാത്രമേ യാത്ര ചെയ്തുള്ളൂ. മറ്റേത് പ്രത്യേക ടിക്കറ്റാണ്. എന്താണെന്ന് ചോദിച്ചാൽ കാനറ ബാങ്കിലെ ഉദ്യോഗസ്ഥയായിരുന്നു. അവരുടെ ഒരു ഔദ്യോഗിക ആവശ്യത്തിന് വേണ്ടിയാണ് പോയത്. ബാങ്ക് ടിക്കറ്റ് എടുത്ത് അവർ ടിഎ കൊടുത്ത് വിടുന്നതുകൊണ്ട് എന്റെ എംഎൽഎ കൂപ്പൺ ഉപയോഗിച്ചില്ല. വിമൺസ് ഡേ ആയിരുന്നു പിറ്റേദിവസം. അവിടുത്തെ ഫോട്ടോയും ജില്ലാ കലക്ടറും പുള്ളിക്കാരിയുമായി ഇരിക്കുന്ന ഫോട്ടോയുണ്ട്. വാർത്തയുണ്ട്. പിന്നെ പിസി ചാക്കോ, അന്നത്തെ ഐഎൻടിയുസി പ്രസിഡന്റ് സുരേഷ്ബാബു, പിന്നെ അന്ന് ധനകാര്യമന്ത്രിയായിരുന്നു ശങ്കരനാരായണന്റെ പ്രൈവറ്റ് സെക്രട്ടറിയും കുടുംബവും. ഇത്രയും പേർ നമ്മുടെ കൂടെയുണ്ടായിരുന്നു. പക്ഷേ എന്നിട്ടും ആരോപണം വന്നു. പക്ഷേ എനിക്കൊന്നും ഉണ്ടായില്ല.
അതൊക്കെ വെറും ശത്രു സർക്കിളിൽ മാത്രമായിരുന്നല്ലോ. പക്ഷേ പൊതുസമൂഹത്തിൽ വന്നത് സോളാർ ആയിരുന്നല്ലോ.
ഉമ്മൻ ചാണ്ടി: അതും എനിക്ക് യാതൊരു സംശയവും ഉണ്ടായിരുന്നില്ല. അതുകഴിഞ്ഞ് ഈ ഗവൺമെന്റ് വന്നില്ലേ. എന്തു ചെയ്തു.
സോളാർ കമ്മീഷനെ വെച്ചത് തെറ്റായിപ്പോയി എന്ന് പിന്നീട് തോന്നിയിട്ടുണ്ടോ? കമീഷന്റെ മുന്നിൽ പോയി രാത്രിയും പകലും ഇരിക്കേണ്ട കാര്യം ഉണ്ടായിരുന്നില്ലല്ലോ?
ഉമ്മൻ ചാണ്ടി: രാത്രിയും പകലും മാത്രമല്ല, എത്ര ദിവസം ഉണ്ടായിരുന്നു. ചീഫ് മിനിസ്റ്റർ ആയിരിക്കുമ്പോൾ ആണ് ഈ പതിനാല് മണിക്കൂർ. അതും കഴിഞ്ഞുമുണ്ടായി. നിയമസഭയിൽ ഒരു വിഷയത്തെക്കുറിച്ച് അടിയന്തര പ്രമേയം ഒരിക്കലേ പറ്റൂ. പക്ഷേ എട്ടു ദിവസം അടുപ്പിച്ചു വന്നു ഇത്. അപ്പോൾ എല്ലാ ദിവസവും സ്പീക്കർ വിളിച്ച് ചോദിക്കും, ഞാൻ ഇത് അനുമതി നിഷേധിക്കയാണെന്ന്. പക്ഷേ ഞാൻ പാടില്ല എന്നാണ് പറഞ്ഞത്. കാരണം അവർ പറയാനുള്ളത് പറയട്ടെ. തെളിവുകൾ കൊണ്ടുവരട്ടെ. ഈ പറയുന്നവർക്ക് ഇത് പറഞ്ഞു പറഞ്ഞ് മടുക്കുകയാണ്. കാരണം വേറെ ഒന്നും ഇല്ല. ഞാൻ മുഖ്യമന്ത്രി അല്ലാതായിട്ട് എഴുദിവസം എട്ടു ദിവസം മുഴുവനായി സോളാർ കമ്മീഷന് മുമ്പാകെ പോയി. അപ്പോൾ എനിക്ക് തിരിച്ച് ചോദിക്കാം. ഈ ആരോപണം ഉന്നയിച്ചവർ ഒക്കെ അവിടെ വന്നോ. ഒരു തെളിവ് ആരും കൊണ്ടുവന്നിട്ടില്ല. ഞാൻ ഈ എട്ടുദിവസവും ഇവരുടെ വക്കീലന്മാരുടെ ചോദ്യങ്ങൾക്ക് മറുപടി പറഞ്ഞു. ഒരാൾക്കും ഒരു ആക്ഷേപവും കൊണ്ടുവരാൻ സാധിച്ചില്ല. നിയമസഭയിൽ അവർക്ക് മുഴുവൻ സമയവും കൊടുത്തു. കമ്മീഷനുമുന്നിൽ എന്ത് ചോദ്യവും ചോദിക്കാനുള്ള അവസരവും കൊടുത്തു. ചില ചോദ്യങ്ങൾ എന്റെ അഡ്വക്കേറ്റ് എതിർക്കും. അപ്പോൾ ഞാൻ മറുപടി പറഞ്ഞോളാം എന്നാണ് ഞാൻ പറയാറുള്ളത്. അങ്ങനെ അല്ലായിരുന്നെങ്കിൽ വക്കീൽ തടഞ്ഞതുകൊണ്ട് എനിക്കെന്റെ ചോദ്യം ചോദിക്കാൻ കഴിഞ്ഞില്ല എന്ന ആക്ഷേപം വന്നേനെ.
ഇതിനേക്കാൾ എത്രയോ ഗുരുതരമായ വിഷയമാണ് സ്വപ്ന. കേന്ദ്ര അന്വേഷണ ഏജൻസി ദേശവിരുദ്ധ പ്രവർത്തനത്തിന് കേസ് എടുത്തിരിക്കുന്ന വ്യകതിയാണ്. എന്തുകൊണ്ടാണ് താങ്കൾ ഇത് അതിശക്തമായി ഉപയോഗിക്കാത്തത്. എന്താണ് തിരിച്ച് ആക്രമിക്കാത്തത്. ഇതുപോലെ ഒരു അവസരം ഇനിയെന്ന് കിട്ടും?
ഉമ്മൻ ചാണ്ടി: പ്രതികാരം എന്റെ അജണ്ടയിൽ ഇല്ല. അത് ഒരിക്കലും ചെയ്യില്ല. കാരണം ഞാൻ തെറ്റ് ചെയ്തിട്ടില്ലെങ്കിൽ എനിക്ക് ദോഷം ഉണ്ടാവില്ലെന്നത് ഞാൻ പൂർണ്ണമായും വിശ്വസിക്കുന്നു. അത് എന്റെ ജീവിതത്തിൽ എല്ലാക്കാലവും നടന്നിട്ടുള്ള കാര്യമാണ്. ഇത് ഞങ്ങൾ ആരും അറിഞ്ഞിട്ടുള്ളതാണോ. പക്ഷേ വന്നു. പബ്ലിക്ക് വിലയിരുത്തുന്നുണ്ട്. പലരും എന്നെ വിലയിരുത്തുന്നുണ്ട്. ഞാൻ ഫേസ്ബുക്കിൽ ഒരു പോസ്റ്റ് ഇട്ടു. എനിക്ക് ആരോടും വിരോധമില്ല എന്ന്. എന്നെ പലരും വിളിച്ചുപറഞ്ഞു. ഇത് അന്തസ്സായ നിലപാട് തന്നെയാണെന്ന്. അതൊക്കെ ജനങ്ങൾ മനസ്സിലാക്കും. തെറ്റുചെയ്തില്ലെങ്കിൽ, ഒരു പ്രശനവുമില്ല.
പ്രതികാരം എന്നല്ല ഉദ്ദേശിച്ചത്.സ്വപ്ന വിഷയത്തിലൊക്കെ സിപിഎമ്മിനെ അറ്റാക്ക് ചെയ്യേണ്ടതല്ലേ?
ഉമ്മൻ ചാണ്ടി: അത് പാർട്ടി നേതൃത്വം ചെയ്യുന്നുണ്ട്. പ്രതിപക്ഷ നേതാവും കെപിസിസി പ്രസിഡന്റും അത് സജീവമായി ചെയ്യുന്നുണ്ട്. പ്രതിപക്ഷ നേതാവ് ഉയർത്തിക്കൊണ്ടുവന്ന പല പ്രശ്നങ്ങളും ആദ്യം അവർ നിസ്സാരവത്ക്കരിക്കാൻ ശ്രമിച്ചു. പിന്നെ മറുപടി പറയാതെ അവഗണിക്കാൻ ശ്രമിച്ചു. പക്ഷേ പിന്നീടെന്തായി, പറയുന്നത് സത്യമാണെന്ന് ജനങ്ങൾക്ക് കൂടി ബോധ്യപ്പെട്ടു.
താങ്കൾ സോളാർ കമ്മീഷനിൽ ഇത്രയും ദിവസം പോയി മൊഴികൊടുക്കുന്നു. എന്നാൽ വിചാരണപോലുമില്ലാതെ ലാവലിൻ കേസിൽനിന്ന് തടിതപ്പാൻ പിണറായി ശ്രമിക്കുന്നു. ലാവലിൻ കേസിൽ വിചാരണ നേരിടണം എന്ന അഭിപ്രായമില്ലാ?
ഉമ്മൻ ചാണ്ടി: നിയമം നിയമത്തിന്റെ വഴിക്കും, കോടതി കോടതിയുടെ വഴിക്കും മുന്നോട്ട് നീങ്ങുകയാണ്. ഞാൻ എന്തെങ്കിലും പറഞ്ഞാൽ അതൊരു പ്രതികാരം ആയിട്ടേ കാണുള്ളൂ. പക്ഷേ എനിക്ക് അങ്ങനെയില്ല. സത്യം തെളിയട്ടേ. നിയമപരമായ നടപടികൾ അങ്ങനെ തന്നെ നടക്കട്ടേ.
മുഖ്യമന്ത്രി എന്ന നിലയിൽ പിണറായി വിജയനെക്കുറിച്ച് എന്താണ് അഭിപ്രായം?
ഉമ്മൻ ചാണ്ടി: ഞാനല്ല. ജനങ്ങളാണ് അത് വിലയിരുത്തേണ്ടത്. അത് വിലയിരുത്താൻ ഒട്ടും പറ്റിയ ആളല്ല ഞാൻ. കാരണം ഞാനും മുഖ്യമന്ത്രിയായിട്ട് ഇരുന്നയാളാണ്. ഓരോരുത്തർക്കും അവരവരുടേതായ ശൈലിയുണ്ട്. അവരവരുടേതായ പ്രവർത്തന രീതിയുണ്ട്. ഞാൻ ചെയ്യുന്നത് മാത്രമാണ് ശരിയെന്ന് ഞാൻ പറഞ്ഞാൽ മതിയോ. ഏതാണ് ശരി, ഏതാണ് നാടിന് പ്രയോജനം എന്നുള്ളത് ജനങ്ങൾ തീരുമാനിക്കട്ടെ.
മാധ്യമങ്ങൾക്കുനേരെയുള്ള പിണറായിയുടെ ധാർഷ്ട്യം വിമർശിക്കപ്പെടേണ്ടതല്ലേ. ഒരു മാധ്യമ പ്രവർത്തകൻ രണ്ടു ചോദ്യം ചോദിച്ചാൽ ഉത്തരം പറയില്ല എന്നൊക്കെയാണ് ഇപ്പോൾ പറയുന്നത്.
ഉമ്മൻ ചാണ്ടി: ചോദ്യങ്ങൾ നിയമസഭയിൽ ആയാലും, പത്രക്കാരുടേത് ആയാലും അതിന് മറുപടി പറയണം എന്ന അഭിപ്രായമാണ് എനിക്കുള്ളത്. മറുപടി പറയുന്നില്ലെങ്കിൽ മറുപടി ഇല്ലാത്തതുകൊണ്ടാവും എന്നാണ് ആളുകൾ കരുതുക. ഞാൻ അടിയന്തര പ്രമേയത്തിന് സാങ്കേതികത്വം പറഞ്ഞ് തടയരുത് എന്ന് പറയുന്നത് ഞങ്ങൾക്ക് പലതും പറയാനുണ്ടായിരുന്നു സമയം കിട്ടിയില്ല എന്ന് പറയാൻ പിന്നീട് ആർക്കും കഴിയരുത് എന്ന ബോധ്യത്തിൽ നിന്നാണ്. എന്തൊക്കെ നോട്ടീസ് കൊടുത്തോ, അതെല്ലാം സമ്മതിച്ചിട്ടുണ്ട്. കമ്മീഷൻ എത്ര ദിവസം പറഞ്ഞിട്ടുണ്ടോ, അത്രയും ദിവസം പോയിട്ടുണ്ട്.
പ്രതിപക്ഷത്തെ ഒരു പ്രമുഖ നേതാവ് എന്ന നിലയിൽ സർക്കാരിനേയും മുഖ്യമന്ത്രിയും എല്ലാം കടുത്ത രീതിയിൽ വിമർശിക്കണ്ടേ?
ഉമ്മൻ ചാണ്ടി: പ്രതിപക്ഷ നേതാവും, കെപിസിസി. സെക്രട്ടറിയുമെല്ലാം ആ ഉത്തരവാദിത്തം ഭംഗിയായി നിറവേറ്റുന്നുണ്ട്. മാത്രമല്ല രമേശ് ഉയർത്തിക്കൊണ്ടുവന്ന എല്ലാ കാര്യങ്ങളും തെളിവുകൾ സഹിതം ജനങ്ങളെ ബോധ്യപ്പെടുന്ന രീതിയിലേക്ക് എത്തിയിട്ടുണ്ട്.
പ്രതിപക്ഷ നേതാവ് നന്നായി വർക്ക് ചെയ്യുന്നുണ്ട് എന്നാണോ അങ്ങയുടെ അഭിപ്രായം?
ഉമ്മൻ ചാണ്ടി: അദ്ദേഹത്തിന്റെ പ്രവർത്തനത്തെ കുറിച്ച് യാതൊരു സംശയവുമില്ല. ജനങ്ങൾ വിലയിരുത്തുന്നത് മാർക്സിസ്റ്റ് പാർട്ടിയുടെ സമയത്തെ പ്രതിപക്ഷ പ്രവർത്തനങ്ങളുമായിട്ടാണ്. അത് കോൺഗ്രസിന് പറ്റില്ല, യു.ഡി.എഫിന് പറ്റില്ല. അവർ നിയമസഭ തല്ലിപ്പൊളിച്ചു. സ്പീക്കറുടെ കസേര മറിച്ചിട്ടു. എന്തൊക്കെയാണ് അവർ കാട്ടിയത്. അത് യു.ഡി.എഫ് കാണിച്ചാൽ ആരെങ്കിലും അംഗീകരിക്കുമോ?
അന്നും നിങ്ങൾ തമ്മിൽ നല്ല യോജിപ്പിൽ തന്നെ ആയിരുന്നല്ലോ?
ഉമ്മൻ ചാണ്ടി: ദീർഘകാലം ഞാൻ പാർലമെന്ററി പാർട്ടി ലീഡറായിരിക്കുമ്പോൾ അദ്ദേഹമായിരുന്നു കെപിസിസി പ്രസിഡന്റ് .നല്ല ബന്ധമാണ്. എന്റെ മന്ത്രിസഭയിലെ ഹോം മിനിസ്റ്റർ ആയിരിക്കുമ്പോഴും അത് അങ്ങനെ തന്നെയാണ്. ഇപ്പോഴും അങ്ങനെ തന്നെയാണ്.
കൊലപാതക രാഷ്ട്രീയത്തിൽ നിലപാട് എടുക്കുന്ന കോൺഗ്രസ് വെഞ്ഞാറമ്മൂട് കേസിൽ പെട്ട് പോയില്ലെ?
ഉമ്മൻ ചാണ്ടി: ഒരിക്കലുമില്ല അതിന്റെ സത്യം പുറത്ത് വരട്ടെ.. അക്രമണ രാഷ്ട്രീയത്തിൽ കോൺഗ്രസിന് ഒരു കോംമ്പ്രമൈസും ഉണ്ടാകില്ല. കൊലപതാക രാഷ്ടട്രീയത്തെ പിന്തുണയ്ക്കുന്ന സമീപനം കോൺഗ്രസിന് ഇല്ല. അത്തരക്കാർക്ക് കോൺഗ്രസിൽ സ്ഥാനമില്ല. ഇപ്പോൾ പിടിക്കുമെന്ന് പറയുന്നുണ്ടല്ലോ. കോൺഗ്രസ് അക്രമത്തിന് കൂട്ടുനിൽക്കില്ല. അത്തരക്കാരെ സംരക്ഷിക്കത്തുമില്ല.
കോൺഗ്രസിലെ പുതുതലമുറയെ കുറിച്ചുള്ള അഭിപ്രായം?
ഉമ്മൻ ചാണ്ടി: അവർ വളരെ സമർത്ഥരാണ്..അവർ നല്ല നിലയിൽ സംഘടനാ പ്രവർത്തനങ്ങൾ നടത്തുന്നു. ജനാധിപത്യത്തിൽ എപ്പോഴും സംവാദങ്ങൾ പതിവാണ്. അതിൽ മികച്ച കഴിവാണ് പുതിയ തലമുറയിൽപ്പെട്ടവർ നടത്തുന്നത്.
ശശി തരൂർ വിമത വേഷം കെട്ടുന്നെന്ന് തോന്നുന്നുണ്ടോ?
ഉമ്മൻ ചാണ്ടി: അദ്ദേഹം പറഞ്ഞ അല്ലെങ്കിൽ ഒപ്പിട്ടതിനെ ചൊല്ലിയാണ് വിവാദം പുകയുന്നത്. പരസ്യപ്പെടുത്തിയത് ശരിയായ നടപടിയല്ല. അത് പാർട്ടിയിലാണ് പറഞ്ഞിരുന്നതെങ്കിൽ ഓക്കെ.. പുറത്ത് പറഞ്ഞത് ഒട്ടും ശരിയല്ല. കോൺഗ്രസ് പാർട്ടിയിൽ ഒരു ലീഡർഷിപ്പ് ക്രൈസിസ് ഇല്ല. എല്ലാവർക്കും രാഹുൽഗാന്ധി വരണം എന്നാണ് ആഗ്രഹം. 23 പേർക്കിടയിലും അദ്ദേഹം വരുന്നില്ല എന്നത് മാത്രമാണ് പരാതി. അദ്ദേഹം വരും എന്നതാണ് വിശ്വാസം.
വന്നില്ലെങ്കിൽ കോൺഗ്രസ് എന്തുചെയ്യും, പ്രിയങ്കയ്ക്ക് സാധ്യത?
ഉമ്മൻ ചാണ്ടി: അദ്ദേഹം ലീഡർഷിപ്പ് ഏറ്റെടുക്കും ഏറ്റെടുത്തേ മതിയാകു. കോൺഗ്രസിന്റെ മാത്രം ആവശ്യം അല്ല.. രാജ്യത്തിന്റെ ആവശ്യമാണത്. നേതൃരംഗത്ത് തന്നെയാണ് പ്രിയങ്കയും.
രാജ്യം നേരിടുന്ന പ്രതിസന്ധിയിൽ കോൺഗ്രസ് പിന്നോട്ട് പോകുന്നില്ലേ?
ഉമ്മൻ ചാണ്ടി: ജനാധിപത്യത്തിൽ നല്ലകാലവും കാണും മോശം കാലവും കാണും. കോൺഗ്രസിന് ഒരു മോശം കാലമാണ്. പക്ഷേ ആ മോശം കാലത്താണ് കോൺഗ്രസിന്റെ പ്രാധാന്യം ആളുകൾ മനസിലാക്കുന്നത് ഇപ്പോഴാണ്. കോൺഗ്രസ് ആയിരുന്നെങ്കിൽ നോട്ട് നിരോധനം ഉണ്ടാകുമായിരുന്നോ. ജി.എസ്.ടി കൂടുമായിരുന്നു. കർഷക ബില്ല് തന്നെ ഒടുവിലത്തെ ഉദാഹരണമാണ് എന്തുകൊണ്ട് ഒരു ചർച്ച നടത്തിയില്ല..സംസ്ഥാനങ്ങളുമായി നടത്തിയില്ല, കൃഷി സ്റ്റേറ്റിന്റെ പരിതിയിൽ വരും. കേന്ദ്രം ഇടപെടുന്നതിന് ഒരു മര്യാദയില്ലേ. അവരുടെ അഭിപ്രായം ഉൾക്കൊള്ളണ്ടേ.
മറ്റ് രാഷ്ട്രീയ പാർട്ടികളുമായി ചർച്ച ചെയ്യെണ്ടേ. കോൺഗ്രസിന്റെ അസാന്നിധ്യവും കോൺഗ്രസ് ഇല്ലാത്തതിന്റെ പ്രശ്നങ്ങളും ജനങ്ങൾ ഇന്ന് മനസിലാക്കുകയാണ്. മോശമായ ഈ കാലഘട്ടത്തിൽ കോൺഗ്രസിന് അനുകൂലമായി ജനമനസുകളിൽ ഒരു സ്ഥാനമുണ്ടായികൊണ്ടിരിക്കുകയാണ്.
മോദിയും അമിത്ഷായും അവകാശപ്പെടുന്നത് വരുന്ന 25 വർഷം അവർ ഭരിക്കുമെന്നാണ്?
ഉമ്മൻ ചാണ്ടി: (ചിരിക്കുന്നു) ആദ്യം 2024 കഴിയട്ടെ പിന്നാലെയാകാം ബാക്കി കാര്യങ്ങൾ.
ആന്ധ്രയിലെ ഉത്തരവാദിത്തം ഏറ്റെടുത്തു. ജഗന്മോഹനെ തിരികെ കൊണ്ടുവരാൻ സാധിക്കുമോ?
ഉമ്മൻ ചാണ്ടി: അതിൽ കുറേ രാഷ്ട്രീയ പ്രശ്നങ്ങൾ ഉണ്ട്. ജഗമോഹന് എതിരായുള്ള കേസുകൾ ഉണ്ട്. ജഗന്മോഹൻ തിരിച്ച് വരാനുള്ള സാധ്യതകളെ കുറിച്ച് ഇപ്പോൾ ഒന്നും പറയാൻ കഴിയില്ല.. പക്ഷേ കോൺഗ്രസ് ശക്തിപ്പെട്ടെ മതിയാകു എന്ന വികാരം ഉണ്ടായിട്ടുണ്ട്.
ദേശീയ രാഷ്ട്രീയത്തിലും സംസ്ഥാന രാഷ്ട്രീയത്തിലും ഒരുപോലെ ശ്രദ്ധിക്കാനാണോ താൽപര്യം?
ഉമ്മൻ ചാണ്ടി: പാർട്ടി എന്താണോ പറയുന്നത്.അത് അനുസരിക്കാനാണ് തീരുമാനം.
താങ്കളുടെ ഭരണകാലം ശരിക്കും മാധ്യമ പ്രവർത്തകർക്കും പാഠമായിരുന്നു. അന്ന് ആ സർക്കാറിനെ രൂക്ഷമായി വിമർശിച്ച ഞങ്ങൾ അടക്കമുള്ളവർ ഇപ്പോഴത്തെ സർക്കാറിന്റെ പ്രവർത്തന രീതി കണ്ടപ്പോഴാണ്, ഉമ്മൻ ചാണ്ടി സർക്കാർ എത്രമാത്രം ജനാധിപത്യവാദികൾ ആയിരുന്നുവെന്ന് മനസ്സിലാക്കുന്നത്.
ഉമ്മൻ ചാണ്ടി: രാഷ്ട്രീയത്തിൽ ദുരഭിമാനം ഉണ്ടാകാൻ പാടില്ല. രാഷ്ട്രീയത്തിൽ അസഹിഷ്ണതയുണ്ടാകാൻ പാടില്ല..രാഷ്ട്രീയത്തിൽ വിമർശനം ഉണ്ടാകുന്നത് സ്വാഭാവികമാണ്. ആ വിമർശനത്തെ ഞാൻ സ്വാഗതം ചെയ്യുകയാണ്. വിമർശനം ഇല്ലെങ്കിൽ ഞാൻ പോലും ചിലപ്പോൾ വഴി തെറ്റിയെന്ന് ഇരിക്കും. ഞാൻ ചോദ്യം ചെയ്യപ്പെടാത്ത ആളാണ്, എന്നെ ആരും എതിർക്കാനില്ല എന്ന് കണ്ടാൽ എനിക്ക് എന്തും ചെയ്യാവുന്ന ഒരു തോന്നൽ വരും .. മാത്രമല്ല കൂടെ നിൽക്കുന്നവരും എന്റെ മേൽ സമ്മർദ്ദം ചെലുത്തും. ദുരഭിമാനവും വിമർശനത്തോടുള്ള അസഹിഷ്ണുതയും ഒരിക്കലും ഉണ്ടാകാൻ പാടില്ല. തെറ്റ് തിരുത്തുന്നതിൽ ഏറ്റവും വലിയ കാര്യമാണ്. മാധ്യമങ്ങളുടെ സ്ക്രൂട്ടണിയുള്ളതുകൊണ്ടാണ് ഞാൻ പോലും ഇങ്ങനെ നിലനിൽക്കുന്നത്. അല്ലെങ്കിൽ എന്റെ പുറത്തും സമ്മർദങ്ങൾ വരും, തെറ്റ് ചെയ്യിക്കാൻ. എപ്പോഴും ജനാധിപത്യത്തിന്റെ ശക്തിയെന്ന് പറയുന്നത് സംവാദങ്ങളും, സഹിഷ്ണുതയോട് കൂടി മറ്റുള്ളവരുടെ കാര്യങ്ങൾ കേൾക്കലുമാണ്.
( അവസാനിച്ചു)
Stories you may Like
- പുതുപ്പള്ളിയുടെ കുഞ്ഞൂഞ്ഞ് രാഷ്ട്രീയ അത്ഭുതം; ഉമ്മൻ ചാണ്ടി വിടവാങ്ങുമ്പോൾ
- ചരിത്രം കുറിച്ച വിലാപ യാത്ര; കേരളം ഉമ്മൻ ചാണ്ടിയോട് മാപ്പുപറയുമ്പോൾ!
- പിണറായിസത്തിന്റെ അന്ത്യം കുറിച്ച് പുതുപ്പള്ളി
- ഉമ്മൻ ചാണ്ടിയുടെ ഭൂരിപക്ഷം മറികടന്ന് ചാണ്ടി ഉമ്മൻ
- നേതാവിനെ അടുത്തറിഞ്ഞ ഷൂട്ട് അറ്റ് സൈറ്റ്; ആരായിരുന്നു ഉമ്മൻ ചാണ്ടി?
- TODAY
- LAST WEEK
- LAST MONTH
- സ്വർണ്ണ കടത്തിൽ ഇഡി എത്തിയത് ശിവശങ്കറിനെ പൊക്കാൻ സെക്രട്ടറിയേറ്റിലെ ഓഫീസിൽ; മാസപ്പടിയിൽ കേന്ദ്ര ഏജൻസി ലക്ഷ്യമിടുന്നത് മുഖ്യമന്ത്രിയുടെ മകളെ; ഈ സാഹചര്യം കേരളത്തിൽ ഒരു മുഖ്യമന്ത്രിയും അഭിമുഖീകരിച്ചിട്ടില്ല; സിപിഎം പലവിധ ആലോചനകളിൽ
- നാലു വർഷം മുമ്പ് ഭാര്യ കോവിഡ് ബാധിച്ച് മരിച്ചു; അച്ഛൻ ട്രെയിൻ തട്ടി മരിച്ച വിവരം അറിയിക്കാൻ എത്തിയപ്പോൾ വീട് പൂട്ടിയ നിലയിൽ; വാതിൽ തുറന്ന് പരിശോധിച്ചപ്പോൾ പതിനഞ്ചും പന്ത്രണ്ടും വയസുള്ള പെൺമക്കൾ മരിച്ച നിലയിൽ; പയ്യോളിയെ ദുഃഖത്തിലാഴ്ത്തി കുടുംബത്തിന്റെ വിയോഗം
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- ബൈക്ക് പണയം വച്ചത് 20000രൂപയ്ക്ക്; കൊടുത്തത് 10000വും; ബാക്കി ചോദിച്ചപ്പോൾ അടിപിടിയായി; എല്ലാം പറഞ്ഞു തീർക്കാമെന്ന് പറഞ്ഞ് ആദിത്യനെ വിളിച്ചു വരുത്തി വെട്ടിക്കൊന്നത് ജീവനും സംഘവും; കാറുടമയുടെ അച്ഛൻ ആത്മഹത്യ ചെയ്തു; പ്രതികൾ ഒളിവിൽ; നെയ്യാറ്റിൻകരയെ നടുക്കി നെല്ലിമൂട് മാഫിയ
- അസാധ്യം ഈ ആടുജീവിതം! ആദ്യപകുതി കഴിയുമ്പോഴേക്കും പ്രേക്ഷകരുടെ തൊണ്ട വരളും; നജീബിന്റെ അനുഭവങ്ങൾ ചുട്ടുപൊള്ളിക്കുന്നു; ബ്ലെസിയുടെ ചലച്ചിത്ര തപസ്സ് പാഴായിട്ടില്ല; എല്ലും തോലുമായുള്ള മേക്കോവറിൽ ഞെട്ടിച്ച് പൃഥിരാജ്; ഇതാ, മലയാളത്തിൽ നിന്ന് ഒരു ഇന്റർനാഷണൽ സിനിമ
- പൗരത്വ സംരക്ഷ സദയിൽ മുഖ്യമന്ത്രി ചർച്ചയാക്കിയത് കെജ്രിവാൾ അറസ്റ്റ്; മതപണ്ഡിതർ സംസാരിക്കും മുമ്പേ വേദി വിട്ട പിണറായി; പിന്നാലെ അണികളും പോയി; കൊല്ലത്തെ പൗരത്വ സംരക്ഷണ സദസ് ഒഴിഞ്ഞ കസേരകൾക്ക് മുന്നിൽ തീർന്നു; അതൃപ്തി തുറന്നു പറഞ്ഞ് കടയ്ക്കൽ അബ്ദുൾ അസീസ് മൗലവി
- പ്രണയിച്ചത് ചതിക്കാൻ; കബളിപ്പിക്കലിനെതിരെ കാമുകി കേസുകൊടുത്തപ്പോൾ കല്യാണത്തിന് തലയാട്ടി സമ്മതിച്ചു; വാഹനാപകടമുണ്ടാക്കി കൈയ്ക്ക് സ്വാധീന ശേഷി പോയെന്ന് കഥയുണ്ടാക്കിയതും ഒഴിവാക്കലിന്; എല്ലാം പൊളിച്ച കല്യാണം; അതിന് ശേഷം ഭാര്യയേയും കുട്ടിയേയും കണ്ടത് ശത്രുവിനെ പോലെ; കാളികാവിലേത് സമാനതകളില്ലാത്ത പ്രതികാരം
- യുകെ മലയാളികളുടെ നാട്ടിലെ മാതാപിതാക്കളെ തേടി കൊലയാളികൾ കത്തി രാകുകയാണോ? ഇരിഞ്ഞാലക്കുടയിലെ ആലീസും മൈലപ്രയിലെ ജോർജ് ഉണ്ണുണ്ണിയും കോതമംഗലത്തെ സാറാമ്മയും ഒറ്റപ്പെട്ട സംഭവങ്ങളാണോ കേരള പൊലീസിന്? ആശങ്ക ഉയരുമ്പോൾ
- 'മറ്റു രാജ്യങ്ങളുടെ ആഭ്യന്തര വിഷയങ്ങളിൽ ഇടപെടുന്നത് അംഗീകരിക്കാനാവില്ല; ഇന്ത്യയിലെ നിയമ നടപടി നിരീക്ഷിക്കുന്നത് സ്വതന്ത്ര ജുഡീഷ്യറി'; കെജ്രിവാളിന്റെ അറസ്റ്റിലെ യു എസ് പ്രസ്താവനയിൽ നയതന്ത്ര പ്രതിനിധിയെ വിളിച്ചുവരുത്തി മറുപടി നൽകി വിദേശകാര്യ മന്ത്രാലയം
- പകൽ രാഷ്ട്രീയക്കാർക്ക് വേണ്ടി വാദിക്കുകയും, രാത്രി മാധ്യമങ്ങൾ വഴി ജഡ്ജിമാരെ സ്വാധീനിക്കാൻ ശ്രമിക്കുകയും ചെയ്യുന്നു; തുടർച്ചയായി കള്ളങ്ങൾ പ്രചരിപ്പിച്ച് ജുഡീഷ്യറിയെ സമ്മർദ്ദത്തിലാക്കുന്നു; നിയമരംഗത്തെ പുഴുക്കുത്തുകളെ തുറന്നുകാട്ടി ചീഫ് ജസ്റ്റിസിന് കത്ത്
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- അരവിന്ദ് കേജ്രിവാൾ ഡൽഹി മദ്യനയ അഴിമതിയുടെ മുഖ്യസൂത്രധാരൻ; അനുകൂല നയം രൂപീകരിക്കാൻ കോടികൾ കൈക്കൂലി വാങ്ങി; കോഴപ്പണം കൈകകാര്യം ചെയ്യുന്നതിലും മുഖ്യമന്ത്രി ഇടപെട്ടു; കോഴപ്പണം എഎപി ഗോവ തിരഞ്ഞെടുപ്പിൽ ഉപയോഗിച്ചുവെന്നും ഇ.ഡി; പത്തു ദിവസത്തെ കസ്റ്റഡിയിൽ വിടണമെന്നും കോടതിയിൽ
- വൈകീട്ട് തിരക്കില്ലാതിരുന്നിട്ടും നിർത്താതെ പോയ കോട്ടയം ബസിന്റെ ഡ്രൈവർ ആരെന്നറിയാൻ യാത്രക്കാരൻ ഡിപ്പോയിലേക്കു വിളിച്ചു; ഇതോടെ വാളകത്തിന്റെ പ്രസക്തി ഡ്രൈവർക്ക് മനസ്സിലായി; ജോലി പോകാതിരിക്കാൻ ഇമ്പൊസിഷനും എഴുതി; ആനവണ്ടിക്ക് യജമാനൻ യാത്രക്കാരനാകുമ്പോൾ!
- 'എന്റെ മകൻ കെട്ടിയ താലി നീ ഇടേണ്ട'; മകന്റെ ഭാര്യയുടെ താലിമാല പൊട്ടിച്ച് കലി തുള്ളിയ 'മോഹിനി'! 35 പവനൊപ്പം 10 ലക്ഷം കൂടി വേണമെന്ന അത്യാഗ്രഹം; വീടും സ്ഥലവും മകന് എഴുതി കൊടുക്കാത്തിന് മരുമകളെ പുറത്താക്കിയ അമ്മായി അമ്മ; സത്യഭാമ വെറുമൊരു 'കലാമണ്ഡലം' അല്ല; സ്ത്രീപീഡന കേസും ചർച്ചകളിലേക്ക്
- പെരുന്നാളിന് നാട്ടിലെത്തുന്ന പ്രവാസികൾക്ക് സന്തോഷ വാർത്ത; മസ്കറ്റിൽനിന്നുള്ള വിമാന നിരക്ക് കുത്തനെ കുറച്ച് കമ്പനികൾ
- ഇന്നലെ ഉച്ചയ്ക്കും പുഞ്ചിരി തൂകിയ മുഖവുമായി ജീവനക്കാർക്കിടയിലൂടെ നടന്നു പോയ ഡോക്ടർ; എംബിബിഎസും എംഡിയും പഠിച്ചത് എൻട്രൻസിൽ ഉന്നത റാങ്കു നേടി തിരുവനന്തപുരത്ത്; വെള്ളനാട്ടെ അച്ഛനേയും അമ്മയേയും ആശ്വസിപ്പിക്കാൻ കഴിയാതെ അടുപ്പക്കാർ; രോഗികളോട് കരുണകാട്ടിയ ഡോ അഭിരാമിക്ക് സംഭവിച്ചത് എന്ത്?
- ഹമാസ് ബന്ദിയാക്കി തടവിൽ പാർപ്പിക്കുന്നതിനിടെ നടത്തിയ ക്രൂരമായ ലൈംഗികാക്രമണങ്ങൾ വിവരിച്ച് 40 കാരിയായ ഇസ്രയേൽ യുവതി; മുഹമ്മദ് എന്ന ഹമാസ് ഗാർഡ് തോക്ക് ചൂണ്ടി നടത്തിയ ഞെട്ടിക്കുന്ന ആക്രമണം വിവരിച്ച് യുവതി
- പിണറായി സർക്കാരിന്റെ വീഴ്ചകൾ ലോക്സഭാ തിരഞ്ഞെടുപ്പ് ഫലത്തെ ബാധിക്കുമെന്ന് ഭൂരിപക്ഷം പേരും; കേരളത്തിൽ ബിജെപി രണ്ടക്കം കടക്കുമെന്ന പ്രധാനമന്ത്രിയുടെ അവകാശവാദം തെറ്റ്; ഏഷ്യാനെറ്റ് ന്യൂസ് 'മൂഡ് ഓഫ് ദി നാഷൻ' അഭിപ്രായ സർവേ ഫലം
- മകന്റെ ഭാര്യയെ കഴുത്തറത്തുകൊന്ന് 67-കാരൻ ജീവനൊടുക്കി; സെബാസ്റ്റ്യൻ മരുമകളുടെ കഴുത്തറുത്തത് മുറിയിൽ വെച്ച്; രക്തം വാർന്ന് നിലവിളിച്ച് പുറത്തേക്കോടി യുവതി; അയൽവീട്ടിലെത്തി കുഴഞ്ഞു വീണ യുവതിയെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല; ഞെട്ടലോടെ നാട്
- ''മഹാരാജാസ് ഗ്രൗണ്ടിൽനിന്ന് സെക്സ് വർക്കേഴ്സിനെ കിട്ടിയാൽ ഹോസ്റ്റലിൽ എത്തിച്ച് ചോദ്യം ചെയ്യലാണ്; പുലരും വരെ ഓടിച്ചിട്ട് ഇടിയാണ്; നിലവിളി കേട്ട് രാത്രി മുഴുവൻ ഇരുന്ന് കരഞ്ഞിട്ടുണ്ട്''; എസ് എഫ് ഐയുടെ ക്രൂരമായ സദാചാര സംരക്ഷണം വെളിപ്പെടുത്തി സംവിധായകൻ പ്രതാപ് ജോസഫ്
- 26ാം വയസ്സിൽ സൂപ്പർസ്റ്റാറായ മോഹൻലാൽ; 21-ാം വയസ്സിൽ ഹിറ്റുണ്ടാക്കിയ കുഞ്ചാക്കോ ബോബൻ; 24-ാം വയസ്സിൽ സ്റ്റേറ്റ് അവാർഡ് വാങ്ങിയ പൃഥിരാജ്; ഈ നിരയിലേക്ക് 23-ാം വയസ്സിൽ 100 കോടി ക്ലബിലെത്തിയ സിനിമയുടെ നായകനും; നസ്ലൻ എന്ന ന്യൂജെൻ സൂപ്പർസ്റ്റാറിന്റെ ജീവിത കഥ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- വാതിലടച്ച് എസ് എഫ് ഐയുടെ വനിതാ പ്രസിഡന്റിനെ ആട്ടിയിറക്കിയ അമ്മ! ഒരക്ഷരം പോലും മിണ്ടാത്ത പ്രതിഷേധം; എല്ലാം എണ്ണി എണ്ണി പറഞ്ഞുള്ള അച്ഛന്റെ ചോദ്യങ്ങൾക്ക് മുന്നിൽ പതറിയ കുട്ടി സഖാക്കൾ; അനുശ്രീയ്ക്ക് നേരിടേണ്ടി വന്നത് കടുത്ത പ്രതിഷേധം; ഇനി എസ് എഫ് ഐ നേതാക്കൾ സിദ്ധാർത്ഥിന്റെ വീട്ടിൽ പോകില്ല
- നഗ്നപൂജയും പീഡനക്കേസും ജയിൽ ശിക്ഷയും വിവാദത്തിലാക്കിയ കട്ടപ്പനക്കാരൻ; പത്താംക്ലാസ് പഠന ശേഷം വീടു വിട്ടിറങ്ങി അലഞ്ഞു തിരിഞ്ഞ് സന്യാസിയായി; സ്വയം പ്രഖ്യാപിത ആൾദൈവത്തെ തകർത്തത് ശിഷ്യകളുടെ പരാതി; വിവാദ നായകൻ സന്തോഷ് മാധവൻ അന്തരിച്ചു
- ഹോസ്റ്റലിലെ 130 വിദ്യാർത്ഥികളുടെ മുന്നിൽ നഗ്നനാക്കി നിർത്തി; രണ്ട് ബെൽറ്റുകൾ മുറിയുന്നതു വരെ ക്രൂരമായ മർദ്ദനം; ഇരുമ്പുകമ്പിയും വയറുകളും ഉപയോഗിച്ചും മർദ്ദനം; കൊടും ക്രൂരതയ്ക്ക് സാക്ഷിയാകേണ്ടി വന്നവരോട് പറഞ്ഞത് 'പുറത്തുപറഞ്ഞാൽ തല കാണില്ല' എന്ന്; സിദ്ധാർഥന്റേത് ആൾകൂട്ട വിചാരണ നടത്തിയുള്ള 'കൊലപാതകം'
- അരവിന്ദ് കേജ്രിവാൾ ഡൽഹി മദ്യനയ അഴിമതിയുടെ മുഖ്യസൂത്രധാരൻ; അനുകൂല നയം രൂപീകരിക്കാൻ കോടികൾ കൈക്കൂലി വാങ്ങി; കോഴപ്പണം കൈകകാര്യം ചെയ്യുന്നതിലും മുഖ്യമന്ത്രി ഇടപെട്ടു; കോഴപ്പണം എഎപി ഗോവ തിരഞ്ഞെടുപ്പിൽ ഉപയോഗിച്ചുവെന്നും ഇ.ഡി; പത്തു ദിവസത്തെ കസ്റ്റഡിയിൽ വിടണമെന്നും കോടതിയിൽ
- 35 കോടിയോളം മുടക്കിയെടുത്ത ദിലീപ് ചിത്രം; ബാന്ദ്ര ഇറങ്ങിയ പാടേ നെഗറ്റീവ് റിവ്യു നൽകിയതോടെ ചിത്രം പരാജയപ്പെട്ടെന്ന് ആരോപണം; മോശം റിവ്യുവിന് അശ്വന്ത് കോക്കും ഉണ്ണി വ്ലോഗ്സും അടക്കം 7 വ്ലോഗർമാർക്കെതിരെ അന്വേഷണത്തിന് ഉത്തരവ്
- കുടിച്ചു കൂത്താടുന്നവനല്ല, സമ്പൂർണ്ണ മദ്യവിരോധിയും സസ്യഭുക്കും! ലോകത്തിലെ ആറാമത്തെ സമ്പന്നനിൽ നിന്ന് പാപ്പരിലേക്ക്; മുകേഷിന്റെ മകന്റെ വിവാഹത്തിനെത്തിയത് ലിനൻ ഷർട്ട് ധരിച്ച് സാധാരണക്കാരനെപ്പോലെ; ഇപ്പോഴും 5000 കോടിയുടെ ആസ്തി; അനിൽ അംബാനിയുടെ വിചിത്ര ജീവിതം
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്